大煲皇小廚 (已搬遷) 新店位置

上星期都凍凍地~因為BB豬想食火煱，最後搵到呢間食評幾好嘅老牌火煱店。我地未夠6點就到左啦～店員好熱情問我地要唔要坐卡位，最後俾左張4人枱我地。我地一開始選左個大蜆蕃茄湯底，小小辣，勁好味~之後點左三色丸、極上牛、山根都唔錯。最後點左駝鳥肉……煮左之後口感有D老……失望。兩個人食最後埋單700幾，少少貴，但都值嘅。熱情嘅服務加分~

呢排天氣真係凍左好多啊～日日收工都唔知食咩好～趁有時間就約左男朋友一齊打邊爐暖下胃先！呢間野就係公司附近，見係好傳統的打邊爐餐館，應該唔差～價錢屬於中等，唔知食物質素如何呢～一黎就叫支啤酒飲下先！夠凍正啊！呢度d醬料都好齊全～醬料真係最重要啊！好少食到好食又新鮮的脆魚皖～呢度d好鮮好夠味～芝士腸都好好食，而且分量起碼有4人分量～食極都仲有啊～響鈴係即炸啊好正好正！繼續追加先～首先試一試美國肥牛～哇好肥美，而且入口就融，呢個價錢都幾抵食～日本黑豚肉-切得好薄好靚～豬肉黎講一d都唔鞋，入口即融～今餐打邊爐好滿足～食到好飽～下次再試下其他火鍋料～

天氣終於轉涼左少少，係時候可以開始打邊爐啦！朋友介紹呢間打邊爐話好傳統又夠高質，一於試試先！一去到就送一個炸三文魚骨做開胃小菜，食落又幾好食打邊爐最重要係醬油，呢度既醬油都好齊全，我通常落好多蒜蓉，咁先夠滋味啊！話咁快就黎啦！份量全部好大，叫左烏冬竟然有兩個呀！手打鯪魚球都好彈牙爽口。響鈴是即炸的，夠新鮮！我地叫了一半沙爹一半豆腐元西湯，都係沙爹夠曬美味打邊爐點少得午餐肉呀！睇到色水已經覺得唔係平嘢，食落口更加唔錯！珊瑚蚌又係好大一盤！果然夠料！而且鮮味脆口，一d都唔馬虎！最後叫左招牌既牛脊肉，聽講一定要試既！果然係好得好有牛味，而且彈牙得黎又夠軟滑，好想繼續追加啊好耐無食過高質素打邊爐啦！

呢排天氣涷了，就好想打邊爐了。於是同屋企人來左大煲皇打邊爐啦！呢度都有刺身食，但屋企人唔食生野所無點。我地點左個鮮茄豆腐三文魚頭鍋三文魚頭是煎過的而且又大，所以個湯很鮮。打邊爐一定少不了牛肉我地點了小的手切頸脊肥牛，這個肥牛肥瘦均勻還有點了份駝鳥肉，肉質鮮嫩！另外這個黑豚肉，肉質都好爽脆肉鯇魚片，好爽脆！手打三寶丸真系真材實料，真是鮮蝦肉，墨魚滑打成的，好彈牙！我幾中意佢的炸三文魚粒的小食，好香，食左一粒就會停不了的。我地4個人埋單800幾都可以，食物的質素幾好，這間會再encore 的。

氣溫突然凍左，最好就相約好友們一起打邊爐取取暖，而且亦是一個聚舊的好機會！今晚就來到朋友大力推薦的火鍋店一試啦！很少到長沙灣區搵食的我，最初還擔心搵唔到路！其實在長沙灣站A2 出口步行五分鐘就到啦！一坐低就立刻準備點菜啦！食物選擇繁多，湯底也有多種選擇呢！鱆魚節瓜鍋～只是湯底已經材料十足，真的有老火湯的級數！大讚！美國肥牛～與一般火鍋店不一樣，切得比較厚身！牛色鮮豔，可見新鮮程度！牛味也十分香濃！日本黑豚肉～同樣切得有點厚度，增加口感！肥廋也適中！招牌三寶丸～分別有墨魚、蝦及牛丸！十分大粒而且爽口彈牙！蝦滑拼墨魚滑～手打墨魚及蝦滑十分有彈性！用料十足！只看光澤已知新鮮程度！炸芋頭～芋頭新鮮炸起，香脆內粉！不多火鍋店能搵到！芋頭味勁香濃！食完一件又一件！冰豆腐～食火鍋必點的選擇，有別於一般豆腐，更能吸收所有湯底精華！炸響鈴～同樣即叫即炸，大小剛好！不會太厚粉醬，亦沒有吸到過多的油！好味大於罪惡感！炸魚皮～同樣新鮮炸起，十分香脆及有咸香！灼數秒就食得啦！食物新鮮有質素，份量十足，服務態度良好，價錢親民，平日也坐到滿客，可見是區內首屈一指的火鍋之寶！

傍晚時分，去了長沙灣天悅廣場的「大煲皇」吃火煱。我們四人叫了一個「鱆魚節瓜鍋」做湯底，很足料，亦夠鮮甜。先放下薄薄片「美國肥牛」和「日本黑豚肉」，兩者肉味皆不錯，同時喚醒了腸胃作戰。「白鱔片」一灼即起，爽脆腍滑；再試「潮州三寶丸」、「潮州魚旦」和「魚皮餃」，爽口彈牙；至於「蟹柳」和「蟹子蝦滑」亦蟹味豐富。而「炸芋件」和「冰豆腐」這兩份極端孖寶看上已覺得特別，吃起來更是結實與軟化各施。「即炸響鈴卷」真的即炸，外脆而熱，「炸魚皮」不會過油膩，也是一灼即起，入口鬆化，以「唐生菜」間開，妙絕！嘩，「棉花魚肚」已經是非同小可，最滋味的還有「花膠」，膠質豐潤，秋涼之際可養顏潤肺。吃火煱，我配上冰凍的Kronenbourg1664生啤，一口熱、一啖涼，一流感覺。熱料過後，我們以「烏冬」完結，真的 「飽住個肚」離開。大煲皇位處長沙灣鬧區，地點暢旺，交通便利，加上食物有水準，值得推薦。

同事Farewell，揀返係公司附近來一個邊爐夜，乾一杯，吹吹水最愛既邊爐，清清地既蕃茄牛湯底，感覺無甘肥膩每次邊爐必點既脆肉脘魚片，上碟見到d 魚好新鮮，好爽口魷魚吊筒細細隻，滾兩滾就食得，方便過食大隻魷魚🦑，又有咬口！再黎就食牛啦，牛展份量好足，大大碟，食落唔硬，牛味十足峰巢豆腐真係好吸水，吸晒蕃茄味，又唔會豆卜甘多油，正！竹笙好大條，又一吸湯之選又爽口最後梗係黎個烏冬，屋企吸左牛肉蕃茄味，好正，又彈牙

天氣涼涼地，梗係食火鍋咯... 朋友家附近就有呢間刺身火鍋店～火鍋料款式又多，仲有魚生刺身食，一次過滿足哂兩個願望～✌🏻先嚟個鹽炸三文魚小食... 唔好以為小食一定麻麻，呢個三文魚外面香口得嚟，裡面肉質依然鬆軟，俾我係清晒成碟… 😋其中有個唔食肥牛嘅朋友，但又想食火鍋可以點，就點個三文魚刺身先啦～魚生夠凍夠新鮮，色澤鮮明，68蚊份量有一磅，好抵食～湯底叫左鱆魚節瓜鍋，好多料啊～駝鳥肉色澤鮮紅，感覺新鮮，食落爽口彈性夠，筋少無肉渣...牛丸好香牛味，食落彈牙～鱔片都非常新鮮呀～😍😋

今日屋企唔煮飯，就出去打個邊爐啦。屋企人話呢間大煲皇煮廚好食，就入去試下。呢度好特別，除左打邊爐，仲有海鮮刺身食。仲有好多火鍋料任君選擇。落下調味料先。一家都鍾意食牛，叫個肥牛同手切滑牛先。肥牛雪花平均，食落軟身亦唔會成口脂肪，牛味雖然唔特出，但都可以。滑牛食得出有手打果種彈性，鬆軟有口感，牛味重，肉汁多。仲叫左個牛筋丸，裡面有粗粒，粒丸層次豐富，但不粘牙。有稻庭烏冬可選，烏冬都算挺身。仲有滑滑既手打墨魚丸，爽口既脆鯇片，新鮮翠綠既油麥菜。

天氣漸凍，打邊爐最適合。這晚跟寶寶都放很得晚，所以決定到屋企附近的大煲皇打邊爐。晚上9時左右食客還是很多，幾乎滿座，熱鬧得很。火鍋湯底和配料的選擇都非常多，單是牛肉種類都有10多個種類，全部配料加埋應該多過100種選擇。湯底選擇了一個比較滋補的南北杏菜膽豬肺湯($98)，用足材料煲成的一個湯。不止豬肺很多，還有大大件的豬骨﹑白菜等，飲落十分清甜滋潤。本地特級手切肥牛(小)($168)因為我不太食牛，所以小碟份量對我們來說已經很多。單看脂肪的分佈便知道這個牛肉口感應譹不錯，脂肪平均地分佈在牛肉中，而且不會有很大片的，很漂亮的雪花紋。稍為淥一下便已經熟了可以食，咬落肉質很軟，而且味道很香很鮮牛肉的香味。招牌三寶丸($68)分別是蝦丸﹑墨魚丸及牛丸。一開始還以為灰色的是鯪魚丸，淥熟後才知道是蝦丸。個人十分喜歡這個蝦丸，淡橙色的很好看，而且裡面還真有鮮蝦，所以食落好香蝦味，而且手工打的打到很彈牙。墨魚丸跟牛丸都同樣鮮味彈牙。蘿蔔($28)的份量都蠻多，清甜爽口，打邊爐不能少的配料。唐生菜($28)十分新鮮，稍為淥一下便可以進食，爽口清新。鮮冬菇($28)每塊冬菇都十分大及厚身，吸收了湯汁和配料

打邊爐除了湯底要好飲，個人很著重配料選擇要夠多。大煲皇就有很多配料選擇，連新鮮的海鮮﹑刺身都有提供，所以很多時侯朋友們提議打邊爐，我都會推介去大煲皇。點菜之後待應送上一個小食，食落似是炸三文魚吧。不過味道不怎麼樣，因為已經是變涼了變淋了的炸三文魚，可以不食。今次點了南北杏菜膽豬肺湯($98)用豬肺﹑豬骨﹑白菜﹑大量的薑煲成，天氣冷飲一口這個湯整個人都暖起上來，而且豬肺湯很滋補呢。流心芝士獅子狗($68)比一般獅子狗稍為大一點，咬第一件時不為意一口咬落去，還不小心被裡面流心的芝士燙到，所以食的時候要小心一點。味道是很好的，而且裡面有流心芝士真的比較少見。脆脘腩($58)每件都好大塊，十分多肉，不過帶點細骨，所以食的時候同樣要小心一點。食落肉質結實爽口，鮮甜的脘腩香味。鮮枝竹($28)很少食得到這樣香甜的枝竹，味道很濃帶有豆的甜味。花膠筒($68)起初見到花膠筒不算大塊，怕很快就會溶化掉。但原來每塊都好厚身，所以不易溶化。食落很鮮甜很軟，口感一流。桂花蚌($98)桂花蚌每塊都很厚身很大條，食落軟綿帶點爽口，十分好食。甜粟米($28)粒粒粟米都十分飽滿，鮮甜。豆苗($45)打邊爐又怎能沒有豆

等左咁耐呢幾日終於轉涼喇！即刻約齊朋友一去打邊爐暖下先！打邊爐可以揀嘅湯底好多由最基本既港式湯底、雞煲、豬骨煲等到呢排好hit既花膠雞湯都有!鐘意食辣既友人揀左大辣雞煲一上枱香噴噴!好辣好夠味！雞肉都好多!食完雞加湯之後就食其他配料高度推薦炸響鈴!必食!新鮮炸起可以即食!好脆口食既時候入面真係仲有聲佢地既芝士牛丸都非常出色！外面牛肉味好重亦夠爽口！入面既芝士香濃 可以拉到好長既絲！亦值得推介 多層似豆卜中間有魚肉口感好特別臨走見隔離枱個象拔蚌刺身好新鮮下次一定要試試！

而家先冬天開始已經食親飯都係打邊爐真係大鑊。 誓要不斷試曬D 邊爐佢今次去呢間大煲皇算係同我平時去開嘅好唔同, 佢好街坊feel,伙計又好friendly 嗰種。先講講呢個前菜, 椒鹽三文魚-唔係好喊, 但唔熱嘅。湯底未到已經食曬lu.今次試左一個叫_湛江花甲水蟹鍋-湯底黎到D 餸基本上煲好曬,粟米都已經食得, 個湯鮮甜到不得了。花甲大大隻好好肉又超鮮甜, 應該有4-5隻。蟹係肉蟹,非常多膏,蟹蓋嘅膏係頂曬角, 蟹身多膏多肉。呢個蟹係經油爆過佢先放落湯,所以好香但湯入面就多左少少油。但係唔知點解加左隻咸蛋落去。脫脘骨腩_新鮮, 夠爽口 但薄左DD.最好就係冇比好多骨我。- 霜降手切頸脊肥牛_算好出色,比起好多火鍋店牌頭話乜乜牛都更有牛味, 有溶化嘅感覺,最好就係有大小size 分別選,2個人 可選細碟份量夠曬咖。呢度個嚮玲係即炸, 配埋甜酸醬比你, 但稍為鬆化左d 添呀即食仲好過浸湯。豆苗_嫩口,正棉花魚肚_係比較挺身嘅魚肚,有咬口但就唔似吸左好多囉

趁住天氣凍一凍，係時候要食火鍋擦餐勁，今晚一於出動， 來到這間長沙灣天悅廣場的大煲皇煮廚，店內人頭湧湧。好在這間火鍋店 相連的舖位也是他們的，我們被安排在自成一角的舖位內坐，沒有咁多人咁嘈，實在太正啦。火鍋湯底點了個鴛鴦湯底，分別有沙嗲和清湯。而配料離不開豬、牛和菜。最後先後點了日本黑豚肉、本地手切滑肥牛、 白鱔片、即炸響鈴卷、稻庭烏冬和野菌雜菜盤。火鍋有魚有肉又有菜，都算食得健康。日本黑豚肉整碟片數也不少，肉味夠濃，味道靠得住。好少食本地手切滑肥牛，果然夠滑，牛味香，色澤靚。白鱔片夠哂肥美鮮甜，厚薄適中。爽！即炸響鈴卷新鮮熱辣，就咁食都正。稻庭烏冬是日本货，好滑口。最後野菌雜菜盤砌得賣相正，而且非常新鮮。

上星期與一班舊同事吃飯, 因為想傾耐D, 選了打邊爐. 同事在長沙灣上班, 說這家店真好吃, 所以就來了啊 ^^長沙灣這地方我不太熟, 幸好有同事帶路. 我們剛到時, 餐廳都已坐滿客人了.看到餐牌有很多選擇, 湯底差不多有廿多款. 看到魚翅花膠雞湯鍋有特價, 就選這個吧!! 先來一個即炸曫鈴卷, 熱辣辣, 香脆可口, 實在好味到不行 ^^鮮蝦雲吞裡面有好大隻蝦, 而且很新鮮彈牙蝦滑拼墨魚全是新鮮手打, 口感非常彈牙珊瑚蚌灼的時間不要太長，灼至轉色就可以食，非常爽口, 很好味冰豆腐雖然外表實左少少，但都有點豆腐味道，大大件，好抵食魚皮非常脆口，打邊爐必備冬瓜片很大碟呀，平常食開果啲一碟都係得幾舊，見到呢碟咁多，真係嘩左一聲，仲要片片都是厚切蟹柳我的最愛很多餐廳都不會用日本蟹柳（因為貴）見到呢碟蟹柳真係勁開心，條條都很粗壯