大煲皇小廚 (已搬遷) 新店位置

我今日book左位8點黎食飯 我仲早左右15分鐘到 之後個丫姐話啲人未走叫我地等 咁ok好合理 於是我地就企係門口等 等到8點半 但最嬲係我見佢比d walk in入 於是問佢啦 佢話8點後要等位 咁要等位又點解比我地book位 服務態度超超超超差 最後挨近9點先入到去 啲野食一般啦 不過有d唔係好衛生

每次去到大煲皇必點牛胸爽心（必食）不過分量次次都不同，霜降牛頸脊入口肥味，牛肉脂肪好靚，每一塊切法都起雙飛，味道很好，蝦滑拼墨魚滑特別彈牙，豬骨煲柢食，煲內配料十足！

要食大煲皇一定要訂枱，一般8點開始多人，就要企門口等位。今晚我地兩個人叫左隻象拔蚌刺身($488)、三文魚刺身($68)、霜降手切頸脊肥牛($238/大)、鮮鵝腸($68)、鮮魚卜($48)、雲吞併水餃($55)、即炸嚮鈴($38)配個清清地的魚翅花膠雞湯鍋($168)象拔蚌十分鮮甜，刀工一流，每片都切得一樣厚薄，象拔蚌身還介花👍🏻三文魚刺身冇乜特別驚喜，但好新鮮，厚切，當前菜唔錯👌🏻魚翅花膠雞鍋足料，魚翅花膠是分開上的，可先享受一下雞焞湯，飲完再加湯打邊爐👍🏻霜降手切頸脊肥牛，脂肪分佈均勻，輕輕灼幾秒，入口嫩滑冇根，好重牛味，仲有油脂餘香👍🏻鮮鵝腸應該叫肥腸，新鮮才有的肥羔，一般雪藏貨沒有的。香脆即炸嚮鈴，配酸甜醬，掛住趁熱食，忘記影相，香味應該係因為用左花生油，一般食肆為減成本，好少用靚油，值得一讚👍🏻點鮮魚卜係因為平時喺街市好難買到，要留貨的。雲吞併水餃唔錯，大大粒、新鮮👌🏻每次黎的食物質素水準保持得好好，應該係廚房出身的老闆對食物的熱誠吧👍🏻

開心瘋狂家庭一年一度聚會，今年揀左大煲王，一解成班邊邊人既慾望，一早訂左位，我地成班都嘈嘈地，要求左日式房，有最抵收費$2500. 冇限時由於一年一次聚會，我地都會叫得豪少少既，今次我地特別叫左加拿大象拔丰，兩磅三文魚腩，手切牛頸脊..仲有其他配料...湯底就叫左花膠魚翅雞湯同芫茜皮蛋湯，上野都好快，2個湯底一齊到，我就最鍾意先飲頭啖湯，試真個味道，花膠魚翅湯底好得呀！唔咸，夠晒清，味道剛剛好，落單亞姐冇介紹錯再黎就上主菜，象拔丰同三文魚腩，一上枱就心心眼，不過都要相機食先，哈哈！我地叫左條$688既份量，影完相，即刻起動，勁鮮甜，夠晒新鮮，無得頂！之後再試埋三文魚腩，夠肥美另外手切牛頸脊都好鬼正，好有牛味其他配料都好新鮮，份量都大大碟，炸響錢，炸魚片頭必食之選！就連雲吞水餃都好有質素！整睇黎講，成餐都好超值又好味，食完之後都仲好想再食多次，哈哈！

朋友指定要黎呢度食，特登揸車過黎呢度食。一黎叫個花膠雞湯底，果然無失望，極足料，大大煲，老婆食花膠食得好開心。再叫其他火煱料，碟碟都好足料，好新鮮。圢邊爐，最緊要都係新鮮足料。最推介手切肥牛，百零蚊，已經大碟到你唔信。坦白講，呢度無咩特色野令我印象好深刻，但我淨係記得大大碟同抵食，都好夠了

半夜二點幾突然想食野，甘岩經過深水埗見到呢間大煲皇仲開緊，有打邊爐同雞煲，可以試下wor。一入去大約7成滿座，全店都系“男人”！一推門入去個下真係全店既人都望住我地......坐底阿姐好有禮貌，隔離檯個男人仲比張凳我地擺袋。因為已經甘夜，費事打邊爐啦，簡簡單單食個雞煲過下癮算啦。揀左一隻中辣既深圳香辣雞煲！隻雞好大隻啊！深水埗果然物價系平d架wor。雞煲好香，中辣吾算辣，我地仲自製左個辣source點。雞煮得岩岩好，嫩！雞煲入面真係有曬成隻雞既野架，除左雞肉，有雞腎，雞肝，雞腸，仲有秀珍菇。最後......我地食吾曬煲野，真係好大煲，埋單HKD340，好抵啊！

新年過左一大半 十個小伙子終於人齊食開年飯lu🙌🏼一年一次 食豪少少啦 㨂左大煲皇有刺身 打邊爐 同雞煲 一次過滿足三個願望😋十下十下夠晒熱鬧 湯底㨂左鱆魚節瓜鍋外邊好似比較少呢個湯底😏果然名不虛傳 好大鍋 而且湯底好足料除左鱆魚同節瓜外 重有冬菇同秀珍菇添👍🏼正當湯底加熱之時 我地叫左清酒煮大蜆醫下肚先呢鍋煮大蜆份量一啲都唔少 每人起碼分到2-3隻酒精好快揮發酒 清酒轉眼變成奶白色精華大蜆隻隻都肥大肉厚 乾淨無沙 肉質鮮甜配埋奶白色嘅精華一齊食 味道更加濃郁😋 大煲皇刺身都好出名 先講象拔蚌刺身象拔蚌本身唔算好大隻 所以我地叫左兩隻師父將佢切得薄薄的 再冰陣上枱保持新鮮象拔蚌入口鮮甜到極 爽口彈牙 有嚼口 加少許豉油同芥辣 味道更加上色👍🏼至於腸方面 放湯滾兩下就食得 同樣入口鮮甜彈牙重叫左池魚刺身 小妹都係第一次食😙😙師父將魚皮同魚骨都處理得非常乾淨魚肉晶瑩剔透 原以為同三文魚口感一樣軟林結果完全相反 入口鮮甜有魚味 嫩滑彈牙 而且無筋有𡁻頭 同樣加以豉油同芥辣可令鮮味更突出👍🏼👍🏼食完一大輪刺身 緊係要食返啲火鍋配料啦除左基本嘅芋件 粟米 生菜等等之外牛當然唔少得啦 店家介紹嘅極

大煲皇是屋企附近一間較為大眾化的打邊爐餐廳。特別在於集雞煲，邊爐同刺身於一身。身處平民地區，但用料絕不兒戲。新年圍埋一齊打邊爐，叫左個半隻雞小辣雞煲, 開左半條鯛魚，點了一個駌鴦湯底。鯛魚即叫即劏, 份量充足, 每人能分至少4-5片, 比象拔丰來得划算, 而且鮮味無窮, 沒有多餘的魚筋。雞煲麻而不辣，適合唔食辣既朋友，而且配有不同雞雜，連近年少有的雞心，雞忘記都有.... 配菜如雞脾菇, 洋蔥和大蔥都吸收了蔴辣湯汁和雞肉的鮮味. 食得七七八八還會加入高湯作麻辣邊爐, 一煲兩食, 滋味不已.此處打邊爐既配料眾多。駝鳥兒珊瑚蚌, 應有盡有. 較特別的火煱菜料有: 冰菜 (清脆) 和皇帝菜 (高級唐蒿)。本地手切肥牛, 肉和脂肪均衡, 富有牛肉鮮味. 牛內臟種類繁多, 新鮮而特別.潮州魚旦亦是一絕, 鮮味彈牙。唯獨魚皮整條上碟，分起來比較麻煩。響鈴是普通物, 沒有太值點評.

某日忽然想打邊爐，但又唔知去邊間好？結果嚟到長沙灣大煲皇！幾年前試過，記憶中還不錯！所以決定再光顧！店內裝修依然冇變，唔使等位，但依然滿座。湯底要左一個普通嘅豬骨煲味道當然都係比較普通啦，配料有蘿蔔、粟米、菇。主材料當然係豬骨啦！但豬骨肉質偏瘦，偏乾，骨膠原位不多⋯總有啲失望。手切肥牛都ok,但算唔上好好食。脆鯇片幾新鮮，肉質爽口，而且切到大大片，唔錯！墨魚丸打至起膠，口感軟滑彈牙！又不失墨魚味！整體嚟講都算唔錯，不過不失，如果冇心儀嘅邊爐地方，其實可以到此一試。

唔嚟開唔覺，長沙灣一帶原來有很多雞煲火鍋食肆。今次幫襯的大煲皇，樓面一般ok啦，但剛巧看見鄰桌一豪邁男子脫了鞋把一雙乾得龜裂的腳放在另一椅子上，當堂印象分大扣、胃口大減。倒胃的還是不要提，講番啲美食。炸魚皮不錯，都幾香脆:其餘食物的質素不算突出，但又不差，豬腰呀、豬肺呀、桶蠔呀都是我的至愛，但欠了一款令人印象深刻的招牌菜式，最後一提是我記錯了"春菜"為"春菊"，本應是想點類似皇帝菜的春菊，點知點了類似芥蘭的春菜，但這全是自己的錯，與人無尤，不關大煲皇的事。如果打邊邊, 我還是比較喜歡新鮮的食材配以清甜的湯底(即係芫茜皮蛋呀, 沙嗲呀, 蕃茄豬骨呀那些)多點, 始終雞煲的濃味不太能凸出打邊爐應有的鮮味喔!

公司同事今日LAST DAY，全公司一早就卜左檯同佢食呢個最後晚餐，聽到係食牛，對於我呢個牛魔王嚟講梗係一口應承，一去到即刻叫左個手切手頸脊，湯底就叫左麻辣加豬骨，麻辣真係比佢FAKE左，開頭以為唔算太辣，點知食落之後辣左非常多，搞到大家都叫左好多啤酒解辣！手頸脊到嘅時候大家都興奮左一陣，開頭以為份量OK，點知個底好多菜墊底，有少少失望，不過肉質的確係幾好嘅，同行嘅同事就叫左響鈴，聽講係新鮮炸出嚟，不過我本身唔食響鈴就無福消受啦！海鮮就叫左聖子，逐隻逐隻叫，不過真係一分錢一分貨，真係幾爽，幾甜，不過冇左海水味，可能係因為淥左麻辣湯嘅關係，其他野食都係一般大路野，叫叫下，個侍應同我哋講BOOK房會收MINIMUM CHARGE $4500，個時仲未夠，就叫多幾個牛，點知原來未計茶價，搞到我地叫多左錢！總括嚟講食物係幾有質素，但呢個價錢可以有更好嘅選擇！

點解咁少人寫食評? 咁陰公豬, 等我寫一篇啦最近開始轉涼, 梗係去打個邊邊啦!! 前一晚先決定去打邊邊, 本來想去高X灣, 由於此店比較出名, 加上我即日先call去book位, 咁就食左個檸檬!!檸檬一日食兩次真係唔掂啦, 所以朋友介紹, 我地一行3人轉戰長沙灣區大煲皇! 7點去到, 唔使等位!叫左個海鮮蟹湯底, 個湯底都幾足料: 入面有大約1.5隻蟹, 花甲, 冬瓜等, 湯底味道不錯, 加上有冬瓜, 好易入晒湯底, 正!而配料就點左以下幾款:手切本地肥牛 (必食, 點可以少左肥牛? 肉質有點爽口, 不錯)蟹子墨魚滑併蝦滑 (兩者比較, 蝦滑比較出色, 爽口彈牙)手打蝦丸, 牛筋丸 (兩者都不錯, 爽口彈牙, 蝦丸有鮮味)魚片頭, 推介! (好鬼彈, 仲有小小胡椒粉味)即炸響鈴, 勁推介!! (不是盒裝或樹X貨式, 係即炸響鈴, 上檯時仲係微暖, 脆口, 即食又得, 放湯又得, 好正! 由於一上檯時, 大家已經好快手咁食淨3舊, 所以無影相, 哈哈)炸魚皮 (嗯…個人唔鐘意食, 不便評論)P.S. 呢度仲有生蝦刺身供應, 又多一種款式選擇, 很新解爽口!!總結: 質素同價錢都合理,

今日同兩個朋友諗住去食飯即興就諗起d間打邊爐有人話”正”，就梗係試下啦首先，嚟個$68魚生刺身唔錯＿厚度適中😚跟住就上個湯＜魚翅雞煲＞嘩…又好味喎，未食野已經每人飲兩碗，D 群翅煲耐咗又食得返到其他配料都好新鮮下次會再試下食埋其他配料😏

看完蘋果日報介紹深水埗四大天王的報導後，好想試晒呢四間食店，頭炮就試食火鍋代表，大煲皇。我們點了最普通，但考功夫的豬骨湯底，味道非常正，特別係豬骨，佢與其他食店唔同，佢用了豬軟骨，好有咬口。推介生料係午餐用，推介原因係佢選用了灌頭裝午餐肉，質素當然興其他食店的平價午餐肉好啦。另一推介生料食豬紅，質感很Q, 有彈性，唔會一夾就散。最後想推介係三文魚腩剌身，非常甜美。我還有點了以下的火鍋生料，都不錯的:1) 美國肥牛2) 豬皮3) 魚肚4) 豬腰5) 潮州魚蛋6) 西洋菜7) 芝士獅子狗總括來說，非常捧的火鍋店，絕對可以翻兜，冇介紹錯，但由於火鍋都算熱氣，又不能夠成日食，所以我的翻指指數係4分(本想比5分)。翻兜指數: 4分(滿分為5分)

到現在都很奇怪...何解大煲皇那麼少食評? 就等我寫一篇啦!屋企人跟我預祝生日, 問我想吃什麼, 其實都是一餐便飯...左諗右諗, 諗起一家四口好似無一齊食過雞煲, 一於食雞煲!坊間都有不少做得不錯的雞煲, 但食過好幾間都覺得大煲皇略勝一籌!因為我已經訂了檯, 所以去到不用等, 平時walk in都幾多人架!叫了大的雞煲, 少辣! 如沒有記得大的HK$198, 小的HK$138。一上檯超香, 那個汁真的無得彈, 除了雞, 連配角的秀珍菇及薑蔥都入味得很!食到大半, 就加湯打邊爐!還記得初初幫襯時, 只是打邊爐, 沒有吃雞煲的!而打邊爐亦有很多不同湯底選擇, 如花甲湯底等等...有些還是滋潤的湯底, 可以先飲湯, 後打邊爐!當時已經知道這裡用料不會很差, 伙計說差的話不會入貨!食雞煲都已經半飽, 只叫了手切肥牛, 響鈴, 豬頸肉, 芝心牛丸, 墨魚滑及菜!用料新鮮, 味道好, 自然就不會浪費, 最後全部都吃光光! 大家都好滿意這一餐, 生日莫過於見到屋企人開心呢!