大瀛喜日本料理 (已結業)

今日勞動節，晚上與好友往大瀛喜食放題慶祝兩位朋友生日，我們點了很多美食，分享如下翅身有貝柱，鮑片、玻璃蝦和甜蝦，鮮甜好味 炸軟殼蟹手卷，花之戀、帶子壽司和三文魚壽司，炸軟殼蟹手卷炸得香脆熱辣辣,花之戀、帶子壽司和三文魚壽司新鮮鮮甜 沙爹雞肉串(好食!沙爹味道好有兒時的流動小販味道) 雞軟骨串，炸得乾身，好香 炒什菜，炸青椒天婦羅，芋頭天婦羅、蕃薯，什菜新鮮，炸青椒，芋頭炸得香脆爽口，蕃薯味道鮮甜 冷烏冬，個汁好夠味 鰻魚芝士卷，火炙三文魚壽司、火炙蟹柳壽司、火炙鰻魚壽司，鰻魚芝士卷炸得夠香，火炙三文魚，蟹柳和鰻魚夠熱，而且味道香口，值得推介細細件，好好味。 炸薯餅，炸得香脆 鰻魚炒飯炒得乾身，好食 豆腐湯略嫌咸了一點 燉蛋好味，好香甜，最後有Haagen Dazs咖啡雪糕作結，食得飽飽。

今日難得考完試，就要大吃一頓吧！一行九人，選擇左去較就腳既旺角放題，見到其他人都比晒既評咁，於是大家都試試呢間姓“大”既放題 book 左６：３０，準時去到，唔洗等 一坐低，大家都急速落單，因為真係好肚餓，第一樣到既當然係刺身，越期待越失望，其本的三文魚及蝦刺身唔係好新鮮，食左幾塊謝晒皮 然後就係天婦羅，好多炸物，主食，燒物！！天婦羅蝦既皮確實厚少少，燒雞肉同一口牛柳粒算係值得食既，重有值得一讚係mini size 手卷，食完都唔太飽 好快食完１round,已經冇咩想encore 服務都算周道，經常會執檯

生日當然要大肆慶祝 我地一家人去旺角食放題餐廳環境有啲黑 而且都幾嘈下 個人唔太鐘意食物大部份都一家般 魚生仲ok無話擺得耐腥左小食串燒就唔係特別好食 而且一碗份量勁少炸蝦炸蠔就好多粉漿 雞翼又全翼食得好麻煩但炸物要特別推介 一口芝士 同 紫心香芋丸芝士雖然唔係拉得出長長芝士嗰種 但芝士味夠香芋丸就好有香濃既芋頭味 甜甜地圓碌碌好得意而且呢兩款炸物唔厚粉 炸得鬆脆可口超好味我地叫左勁多粒喪食 但食得多都真係幾濟下另外值得一提佢個甜品 意式奶凍 同 冰花燉蛋奶凍雖然唔係無好濃奶香味但都有清新既牛奶味口感棉滑 唔會真係好啫哩咁既口感既奶凍 唔錯燉蛋有陣陣甜味 而且十分軟滑無整到老都幾好整體環境同食物水準都一般 只有特別幾款較可取

Cyn人生裡面真的嘗試過很多放題因為Cyn媽媽很喜歡食放題旺角的放題 很多都嘗試過說真 真的是普首通通唯獨這間大瀛喜是想一吃再吃無論是刺身 壽司 熟食 甜品甚至服務都是一流!大Fit!完全不是放題的水準!是壽司店的水準!200元能夠吃到這樣的放題實在是太抵了吧!刺身來說 甜蝦的必定這裡的甜蝦必起任何一間的放題都是好很多的!另外 凡立貝也是必點又新鮮 又厚身 又大舊(Cyn是指那粒凡立貝)平常Cyn去吃放題就一定不會點手卷但這間的手卷是不點不能的!充滿鮮味的海膽手卷不過太大 是迷你版

朋友生日，說好的日式放題終於可以實現。佢個位係有啲啲奇怪，我喺旺角站E1出口出，行到去GAP上電梯再搭𨋢到5A樓先到由於事先打電話去book定所以等都唔洗等就入得，服務員好有禮物咁帶咗我哋去中間位置嘅枱，啲位唔算好闊，但係都ok放題喎，梗係一坐低就唔好哂時間啦，立即喪點嘢食呢度都有唔少嘢食，而且好多都啱我口味（我好「掩尖」都啱食lol）一嗌就每款壽司兩件先啦！呢度有嘅分別係京䓤煙三文魚壽司、黑松露三文魚腩壽司、北海道帆立貝壽司、蒜香三文魚腩壽司 同埋 惹味蟹棒壽司唔係講笑，啲壽司真係好正！！！特別係黑松露同煙三文魚呢兩款！！！！黑松露鹹鹹地，竟然同個三文魚夾到絕！！！而煙三文魚你係真係食到果陣煙味，但係唔會太濃，都係鹹但係同樣好好食，無得頂！！！日式放題唔係刺身等如無食過，一於叫番一大盤！我地寫咗要25片三文魚，諗住佢會好似其他某啲放題咁，分開10片一碟然後「借啲椅」唔上，點知佢25片一片都無少咁擺上枱！！！啲三文魚刺身好正，有啲啲肥肉但比例唔錯，入口都有融化嘅感覺！加埋佢啲有味但係唔「攻鼻」嘅高級Wasabi，認真一流除咗壽司同刺身，佢哋啲炸嘢都好好食我哋叫咗兩款雞翼，而蒜蓉醬汁燒雞

假期的最後一天，認真無咩心機，唯有食翻心機出黎，朋友們就一起約出黎旺角吃飯，真係r爆頭之下決定食放題！我們去左大瀛喜，等位都等左超過15分鐘，終於有位啦，旺角吃飯等位是常識！人有小貓三四隻，傾計又食野，所以點得算多，其中必讚的是他們的蝦！選擇夠多，新鮮又大隻，放題付出的價錢，出面都吃不到那麼多甜蝦。。。這是令我對放題瘋狂的原因！加上本身蝦夠鮮味，䖝蝦頭的膏又香，又新鮮可口。除此之外，油甘魚也是必吃之一，鮮甜肥美，點埋日本豉油更加錦上添花。還有他們的燒菠蘿也很受歡迎，多汁而又鮮甜，是朋友推薦的，應該是枱枱必吃的。服務不錯，收碟勤力也沒有漏單。

好耐冇食日式放題啦！今次朋友介紹位於旺角既大瀛喜，我地進場時間係7:00，限時2個鐘，即係食到9:00，每位冇記錯應該係$218 + 10%，一入到店，好多人好嘈，枱與枱之間好密，冇乜空間，4人卡位亦坐得好迫，感覺其實好唔舒服。朋友計過數，如果我地4個人食，叫到6 round咁大既魚生就歸本，不過最後我地只能叫4 round (大爆)。講返d魚生先，基本既三文魚，吞拿魚，甜蝦，象拔蚌，北寄貝，帶子，希靈魚都有，而且都幾新鮮添。仲有mini手卷都唔錯，不過冇影相，我地叫左幾次海膽 ＆ 軟殼蟹手卷，當中梗系海膽比較好味啦 (笑)前菜如蟹子沙律，胡麻沙律都好味，其他就一般啦真係。仲有飲品係自助形式出去雪櫃拎，有可樂，烏龍茶，綠茶，芒果汁等等，選擇都算多。熟食方面，燒雞軟骨，燒菠蘿都係必食，特別係燒菠蘿，燒到好甜好多汁，甜中帶dd酸更開胃啊！另外必食既係炸雞翼，熱辣辣，個皮脆到呢，肉汁多雞肉又嫩，正啊！我好蠢啊，一路都冇睇落單紙，食到最尾先睇，俾我發現有黃金蝦囉，拿拿林叫啦，真係不得了，咸蛋黃既油香，令我想再食多幾隻，雖然d蝦唔係大隻，又唔係特別新鮮，但志在食d咸蛋黃咋 hahaha講真，放題

朋友約食飯，本身太攰都唔想去，但俾「神級放題」一詞吸引到，真係可以去到神級？試一試先講早到早享受，啱啱入到walk in最後一張檯，遲少少都要等 慣性由朋友落單，我去拎飲品，都係以韓式飲料為主，今次就試先番石榴汁，微甜，但有助清一清喉嚨準備開餐！刺身一上檯我地都嚇親，開頭怕放題會俾少，所以分量嗌多咗，點知呢度真係俾到足，好彩我地都食得晒種類好多，我地只係叫咗一部分，有三文魚、有頭甜蝦、無頭甜蝦、吞拿魚、北寄貝、象拔蚌同貝柱！三文魚同吞拿魚都係俾腩位我地！夠晒肥美！有頭甜蝦大大隻，我一口氣掃咗唔少！北寄貝同象拔蚌都好爽口！貝柱更加大食特食！同檯嘅朋友都不斷 encore刺身，多到真係嚇親人壽司方面，我食得唔多，試過火灸蟹棒、黑松露甜蝦同什錦海鮮米紙卷！什錦海鮮米紙卷個樣好似啲越南粉卷，好得意，食落去其實有小小生菜、三文魚碎同三文魚子，配合得好好，無飯又唔 heavy，三文魚子又俾得多，呢個卷物真係幾有創意火灸蟹棒，微熱嘅蟹棒加上微焦嘅沙律醬，絕配，我仲偷偷地食埋朋友 order個舊添黑松露甜蝦，最好嘅係未食就已經聞到個香，真係打破打我食放題要少食壽司嘅定論呀！呢度都有海膽，但就係手卷嚟嘅

之前朋友介紹話呢間放題唔錯。所以決定同朋友試下黎gathering。 我地食208 既時段。價錢都acceptable好彩一早book 定左位ja. 一黎到見到超級full, 環境同座位有點擠迫，但都算整齊同乾淨，而且飲品種類也不小。最方便係自助形式。唔理三七二十一，係時候瘋狂叫野食!!! 款式也算很多，最重要係刺身種類也很多，而且分門別類夠整齊。食放題打頭陣既一定係刺身啦!! 刺身好新鮮同肥美，尤其係三文魚夠肥美，生蝦同貝柱都非常不錯，完全突破左放題既水準。但呢間放題最令我滿意不是刺身，而係卷物同壽司，推介大家要試花之戀同埋火燒蟹棒壽司，整體壽司同卷物既水準仲高過出面食壽司，亦都係我食放題以來最好食。炸物種類都唔小，炸得都夠熱夠脆，而比較特別係炸魷魚圈天婦羅，其實似炸鮮魷，但非常唔錯。呢個叫粟一燒。姐係燒粟米，好好味。非常適合粟米愛好者。蒜香牛柳都好正，都值得推介大家試下。最後甜品方面。大家記住必定要試下呢個 冰花燉蛋，冰冰凍凍而且超級滑都好有蛋味。。我自己食左3杯!!整體黎講，呢間放題質素係算超高，一定會encore。

次次放題任食都要排到癲，好彩今次我一早book晒位，只要準時到達就可以馬上開餐，站於旺角鬧市的大瀛喜坐無虛席，坐位稍嫌擠逼，不過還算整潔乾淨。一坐下馬上就開始點菜，款式算多，分門別類容易選擇，卡紙上有進場時間，還有一些注意事項客人需要留意。先來刺身拼盤打頭陣，大大隻連頭甜蝦非常鮮味，生蝦也不錯，由其是三文魚厚切肥美，可以與高級餐廳相比，完全打破任食無好既概念！還有特選燉湯，每天限量，非常足料夠火喉，必點之選！黑松露玻璃蝦壽司，蝦方面沒有什麼特別，但加了黑松露味道濃厚許多。三文魚加洲卷加上薄荷葉後味道變得清新了～壽司飯軟硬適中，絕唔會有隔夜既感覺。肥牛鍋的湯底是甜濃湯，加上肥牛煮出來的肉汁後更鮮味，湯底有粉絲，把精華味道都吸收了，非常入味～正！串燒類不過不失，雞串和蝦特別好味，一人都可以吃掉幾串。炸物方便有分天婦羅和吉列２種，天婦羅的粉漿比較厚一點，個人比較喜歡吉列，外層鬆鬆脆脆的，香口得來保留食物肉汁。蟹棒是我的最愛，外脆內嫩口感不錯。還有吉列炸蠔和炸香蕉，特別要提一下炸香蕉，不是新鮮香蕉拿去炸，而是一種有香蕉味的糯米小吃，口感煙煙韌韌，很香的香蕉味，很棒！另外還點了燉蛋和紅豆沙，紅豆

同朋友大顆兒即興想食放題，想起之前食過旺角這間大瀛喜覺得不錯，不過適逢星期日，想book枱即晚食似乎有點難度。幸好我們抱即管一試的心態又成功喎，六點book七點半，得咗！我們早了一點到，也不過是等了五分鐘多就被安排入座！其實我頗為不悅這裡黑沉沉的格局，以及滿有壓迫感的樓底，不過見價錢合理，食物又幾好，所以算啦！第一round當然以刺身為主，刺身都算很新鮮，墊底的冰塊沒有開始溶化，感覺都很衛生。可惜款式並不算多，而且沒有大粒帶子，只有細細粒的元貝，要吃帶子就點壽司才有，令人失望，不竟大粒帶子是很基本的刺身類別嘛！壽司款式都算不少，細細件、飯又少，不會吃幾件就飽，值得讚！個人就最欣賞鰻魚壽司，鰻魚大大件的撻在白飯上，汁多味美！其他炸類、熟食都很好，整體上都沒有那一款是特別難食。若然喜歡芋頭，可以一試芋頭波，很好味的。至於蕃薯粒就太油了，一啖一口油的感覺。芝士波也可一試，但是不能太多。甜品就充滿驚喜，想不到士多啤梨酥竟是超好味，細細粒一啖一口，食得方便又不覺膩，會不自覺地令人吃多。飲品選擇也算多，有果汁、凉茶以及啤酒等等。整體來說，食物、飲品都很好，只是最令人回本的刺身類別選擇不算很多，心態

呢間店都新開了一段日子，每次去都要排隊一段時間，今次有朋友提早去拎位還是要排 不過只排了十分鐘多就有得食喇。我本人很少吃生的食物都是捨命陪朋友，當去聯誼一去也不錯門口一堆人在排隊，每次去都是這樣，利害利害飲品自取，唔使急飲晒先拎因為佢地有幾間飲品櫃，絕對拎唔晒款款食物都有，生熟各有岩晒我呢D唔食生野既怪人肥牛鍋-肥牛好份味加埋個湯，不消幾十秒已被我清袋，雜菜也很入味可能吸收了牛肉的味道花之戀壽司搭魚生壽司及蝦壽司，本人不吃不能給評價。唯一一樣吃的甜蝦，味道好鮮甜爽口最緊要不"聲"再加點椒油，味道一絕炸蟹棒外皮夠鬆脆，咬落蟹棒還熱有口感燒過既粟米甜甜地不過唔夠普通栗米甜，普通栗子加了牛油落去，吃落夠晒甜紅豆沙又整得唔錯，無馬虎因為好食既紅豆沙最緊要起沙又夠熱。朱古力雪糕任食，味道不解釋香港人基本上都食過。

放工後約了好久不見的同學到{大瀛喜}食放題! 升降機門一打開, 隨即看見五光十色的{大瀛喜}門面, 感覺有點像日本大型遊戲機舖。七時多的晚飯時間, 大約等了十五分鐘入座。店內環境略為擠迫, 不過大致乾淨整潔, 燈光充足。這裡的放題分為多個範圍, 包括沙律(四款)、小食(六款)、刺身(十二款)、卷物(十款)、壽司(十三款)、天婦羅(六款)、炸物(六款)、串燒(六款)、燒物(七款)、一品料理(八款)、煮物(八款)和甜品(九款)。去自助飲品區選飲品前, 當然要先把已填好的點菜紙交給店員! 店內有幾個這樣的大雪櫃供客人自助選取飲品。飲品除了一般可樂、橙汁、七喜外, 還有冰紅茶、芒果汁、石榴汁、蘆薈汁、提子汁、忌廉牛奶、啤酒等等。回到座位後大約等了十分鐘, 刺身到: 用花枝作裝飾的刺身盤大方又漂亮。我們選了三文魚、有頭甜蝦、無頭甜蝦、原粒貝柱和真鯛。各款刺身都很新鮮, 尤其喜歡鮮甜蝦和煙韌貝柱。接著卷物也上枱: 鰻魚芝士卷、香蔥火炙和牛卷、香芒吉列大蝦卷、什錦海鮮米紙卷, 看到都覺得很惹味! 卷物上滿滿的醬汁不但令卷物更美觀, 還有效地增加客人食慾! 這四

香港有很多日式放題，同朋友常常都會嘗試不同放題店，看哪一間值得推薦。單是旺角都有很多，今次選擇了這間大瀛喜，位置有點不方便，不過沿途有很多廣告指示，尚算容易找。門面仿日式而又充滿彩燈，非常吸引，但一打開升降機門卻有點太「耀眼」。 環境也很乾淨，他們的餐牌放置的位置是靠檯腳和menu的磁石吸在檯腳，這省了桌上的位置，而且也很方便拿。至於飲品，選擇不算太多，唯有選擇樂天牌。 刺身方面，尚算新鮮，不過沒有太大的驚喜不過很欣賞灸燒壽司，以放題來說也不錯！芝麻雞翼的確不錯，皮炸得很脆，肉的口感也都剛剛好羊架也煮得不會太老。小食方面，魷魚的辣汁很吸引，令人回味！天婦羅的炸粉不太厚，很滿意 服務方面一般，有時候服務員會裝作看不到又或者忘記客人的要求這點需要改進。其他方面都做得很好！

為咗慶祝學校份project成功係做完，今晚同班同學要餐好既慰勞下自己, 去到mk見到大瀛喜就貢上去睇下入到去唔洗等, 因為閒日, 睇menu見到食物款式都算幾多我地6個人一黎就叫咗個刺身拼盤，賣相好得，排得好有心思，未食落肚眼睛都享受咗先～ 唔洗好快我地就清哂成碟! 再散叫下其他魚生~ (個人覺得吞拿魚唔太新鮮~)熟食方面我個人就推介芝麻炸雞翼~真係炸得啱啱好，又香又脆。好食到停唔到口!仲有另一樣覺得好正的係炸香蕉，咬落去外脆內軟，仲有好濃烈的香蕉味，但又唔會太甜～飲品方面都係任飲的，款式唔算好特別。甜品我見到除左雪糕外都仲有其他, 桂花糕呀日本牛乳布丁, 不過我地唔係太好甜品, 主攻刺身XD