大滿喜日本料理 (已結業)

今天和幾位好友一同去到觀塘shopping，行到咁上下見有d餓就去左附近的大滿喜到食個放題！（原來觀塘都有），岩哂我d將軍澳人一入到去就有個靚景望，因為呢度既位置比較高，室內光猛環境好乾淨。坐底無耐我地就即刻叫野食！有成七八款唔同的紙俾你去揀野食，炸物卷物刺身甜品乜野都有。平時食開放題都係習慣有四個人就叫八份野食，因為知道佢一定會黎唔齊，但係呢度黎既分量同你order的一模一樣，好彩一開始都係叫寫番人頭數目，試一試邊樣好味。首先上左既刺身一望已經流晒口水，除左用冰黎保鮮外旁邊仲有個出煙的乾冰裝飾，賣相已經加晒分。但最重要的是，刺身的質素。因為我比較怕食到一些唔新鮮的食材，尤其係刺身，但盤上每一塊都係色澤飽滿，好似岩岩撈上黎咁（唔係誇張）三文魚腩更加係肥美之極！一流！仲有鮑魚之類，非常新鮮花之戀亦非常不俗，我個人比較鐘意食海膽配的花之戀，個味道比我想像中夾。呢度的食物有個好好好好的地方，就係壽司飯唔會大舊。即係表示你可以食更加多款唔同的食物，唔會專登用好大舊飯黎塞飽你卷物叫左鰻魚，牛肉同芒果，個人比較鐘意鰻魚卷物個味道食得太多刺身想食番d熟同熱既野？呢度都做得好出色羊架燒得十分正，jui

好耐冇食放題，上網見到先知，原來最近大滿喜推出左有得燒海鮮，提早book左位決定同男朋友大策一餐一上到去已經見到好多人排緊隊，門口有大大個牌清楚列明收費，見到個牌d海鮮已經好想食喇餐廳環境都幾闊落，而且就算兩個人都有卡位或者係四人台坐，唔會好迫坐低冇幾耐，店員已經拎左一盤海鮮上黎，每張台都會送一份，望落都幾新鮮架開始燒喇，扇貝同生蠔都好大隻，店員有好細心咁教我地要點燒，而且仲會幫我地剪開d生蠔同扇貝可以任食既海鮮同要收費既都係order紙度列明，雖然有d要收費，但價錢都算合理另外我地再叫左冬菇、菠蘿、番薯仔，都好好味除左燒烤，放題又點少得刺身，刺身種類都算多，而且好新鮮其他熟食都好正，樣樣都好好味牛柳粒好嫩，羊架係孜然味，魷魚鬚好爽脆，好好味炒雜菜係用黑松露醬炒，牛舌爽口，牛油粟米香甜，仲有個新派士多啤梨壽司，幾特別天婦羅既粉唔會太多，芝士蟹棒enco左兩次，香芋波波同榴槤炸彈都好好味，泰式生蝦夠辣甜品既牛奶布甸好好味仲有雪條今次既放題真係幾有驚喜，估唔到除左燒海鮮夠新鮮之外，其他既食物都好味。員工有禮貌而且好細心，真係物有所值

我一直超鐘意食日本野，但因為成日都夾唔到時間，好耐都無機會同朋友去食放題，今次有機會就試左觀塘大滿喜。要試一間放題店食材靚唔靚，先點刺身睇下就知道，今次呢間既刺身唔單止選料上乘，刺身厚切肥美，味道鮮甜，冇腥臭味。而且仲以賣相精美既拼盤形式上檯，相機食先。除左刺身之外，各樣壽司如和風牛肉壽司、鵝肝壽司、花之戀等等都係飯少餡多，毫不吝嗇，用料新鮮。至於燒物方面都非常值得推介，烤三文魚及烤羊架時間剛剛好，將肉汁完全地鎖在裡面，而油脂就已經揮發出來，食既時候絲毫不覺油膩，又不會熟過頭，或者有大陣騷味。

好耐之前都食過大滿喜，不過果時係旺角果間，覺得都OK。最近聽同事講起先知原來觀塘都有一間，屋企附近又多左個地方放題喇。見係假期，我地提前兩日Book左位，一去到門口見到好多人排緊隊，等左一陣門口既哥哥已經好有禮貌咁招呼我地入座。一行到入去真係心心眼，我地只係兩個人，竟然安排左張四人台比我地，食放題咁多次，真係第一次可以坐得咁舒服。而且，事前我地都唔知原來有得燒海鮮，見到個燒烤爐即刻好興奮Orde紙擺放整齊，而且好多選擇，肚餓到打鼓，梗係要即刻叫野食首先黎左一大盤刺身，每樣都有d，刺身好新鮮，最重要係唔會專登擺多d大件夾飽既刺身比你，真係叫幾多比幾多燒海鮮黎喇，每台都會送一份，要再追加可以再落單，海鮮大大件好新鮮，餐廳員工好有耐心咁幫我地剪開鮑魚同蝦鬚，仲教我地點燒。有時我地燒得耐左，佢地經過見到都會提醒我地，而且會幫我地夾起d海鮮，好貼心芝士扇貝，芝士皇帝蟹棒，牛舌，一口牛柳，黃金蝦，全部都好好味，呢d都係個人認為必點既最後係甜品，馬卡龍同牛奶布甸食完仲想食今次食大滿喜真係好滿足，完全超出預期，除左食物新鮮好味之外，尤其提提員工真係有禮貌同好貼心，會時不時問我地有冇漏單有冇野食未黎，真

新年放假，諗住同幾個好友食返餐飽既盡興，聽聞呢間大滿喜質素唔錯，一於試一試，果然無失望！呢間店鋪環境光線充足，整潔舒適，軟墊座都坐得好舒服。店員態店好友善同helpful，執左張闊落Ｄ既枱俾我地。魚生係食放題既重點，魚生色澤都好新鮮，鮮味十足，無雪藏味，作為放題既頭盤果然無令人失望。呢度既卷物都好讚，唔使點豉油都食得津津有味，當中香芒軟殼蟹卷既芒果配落炸蟹味道好夾！壽司質素都唔錯，當中我最鍾意火焰太子貝壽司，太子貝燒得好香，又唔會乾，肉質亦都好彈牙。呢個黃金蝦真係好正！裏外都有好香蛋皇味，食過返尋味！天婦羅炸粉比例恰到好處，唔會太多或太膩，蝦肉都好彈力好食。扇貝芝士味好濃，加左沙律醬焗得好香口。下次黎要試埋佢新出既磯燒先得！

年初二要返公司，成班同事午飯本來想去八樓，點知無開所以就嚟咗呢度，環境幾乾淨成班人仲可以圍住坐真好當然各自各叫了份午餐好奇怪第一份餐可以五分鐘鐘就到我唸魚生飯是一早預備好其餘都逐一而上，而不同時間給我地而朋友的雞蛋牛肉粒飯足足等了二十分最離普就是同事的一個豬軟骨拉麵我地已經超過二十分鐘先追問有人回應有單，可能很忙同你追於是乎每過十分八分鐘又追這時候男經理已經不停說對不起他看到電腦知道有半小時明白到無法解釋，已經想辦法跟進雖然經理多番話對不起，我們也無奈我地一共追了三次之後也沒有而最不滿的事就是之後居然有位女侍應來同我地講因為我地食物是即叫即做架老實說雖然她面帶笑容溫柔地說即叫即做吓！已經四十分鐘了是否過份嗎給我們感覺只是敷衍而毫無歉意的十分鐘內佢同我地解釋第二次都係如此甚至乎又有另一女待應埋來説同一番話（因為是即叫即做所以要等）唉我地知道當時已經超過四十多分鐘再次問問男經理到底拉麵餐有甚麼東西需要即叫即做這麼久我們十個餐已經九個都食完了男經理回應，知道我們的投訴首先幫兩位女職員道歉解釋正常每個餐都是即叫即製倘若遲得太過份，如果又沒有漏單歸根究底就是因為人手不足他明白亦説因個別餐等太久而

年近歲晚，同朋友食放題團年，發現係除咗「去酒樓同人逼」之外另一個唔錯嘅選擇因為好多家庭嚟張枱又夠大，大人細路都啱食，真係要認真諗下自己屋企下年仲去唔去茶樓一坐低都係叫刺身先，咩都叫啲咁，佢艘刺身船上檯嘅時候同正常一樣有勁多煙，食緊都仲有，啲乾冰真係有落本嚟放題緊係食日本嘢食返夠本，個人認為佢啲壽司真係值得一讚黑松露三文魚同油甘魚香得嚟又唔油膩，火炙壽司燒得啱啱好，泰式虎蝦好辣，原條穴之係正常壽司長度嘅三倍，勁誇張不得不提海膽赤蝦壽司啲海膽仲大舊過海膽手卷個啲LOL然後佢三件特色壽司都好精緻，三文魚子花之戀嘅三文魚子卜卜脆，魚就好新鮮，好食就憑佢做呢啲門面做得咁好，我就已經想再嚟食臨走埋單經理夾咗張傳單，話下個月開始有磯燒，諗起啲海鮮都好開心

同朋友去apm行新新哋嘅under armor 行到攰攰地又好肚餓 食餐好既緊係揀放題 就行左去就近既亞太中心 食左呢間大滿喜係門口見到海報寫有磯燒 就毫不猶豫咁入左去 點知下個月先出sosad入到去 環境好光猛 座位都好寬鬆正題黎啦，咩都叫d試下，食物種類唔多，每張紙都係得10款左右。飲品選擇都幾多元化，唔同種類既都有，有忌廉溝鮮奶，錫蘭檸檬茶，等等刺身黎到，三文魚夠哂新鮮，油份好足，咬落去入口即溶，可以同出面非放題既三文魚相比。最有驚喜係帶子，爽口得黎又有帶子味，一d雪藏味都無。壽司種類好有特色，我最鐘意牛肉卷，有大大片牛肉係上面，入面再包住牛肉碎，口感豐富。熟食方面，我就覺得芝麻雞翼好香，隔住幾條街都聞到陣香味。不過汁燒雞肉就同想像中一模一樣，係各大坊間店舖都賣緊既和風雞肉串😅😅最後，甜品方面，種類繁多，我每樣都試哂，特別推介拿破崙，外脆內軟，兩層餅底夾住中間既cream，非常好食，同場加映melona雪條同牛奶樂，不過melona得士多啤梨味。Ps.仲見到有大枱 啱哂一家大細 一班班友咁去食傻 唔洗左邊聽唔到右邊講野

Book左530去食 原因係應該少人啲 同埋食飽啲都唔怕 咁夜食會肥 嘻嘻一黎就有驚喜，原本諗住都係食個啲放題刺身無特別。一入到去侍應就話有個爐比我地燒野食 好似野食愈黎愈多 留意番 佢會送海鮮 蠔 鮑魚⋯想再食要比多少少錢除左海鮮都有其他任叫 例如蕃薯仔 菠蘿 最特別係有個泡湯飯 味道岩岩好 倒出黎會有一大碗 所以幾個人食少少岩岩刺身方面 雖然款無話特別多，但無論係味、鮮度、色澤都好比其他放題店吸引 我地仲叫左鵝肝 雖然細細舊 賣相唔吸引 但一食暖既 一小口咁可以比我試食其他款飲品有好多 我就飲左樽狀解茶（消滯）同埋楊枝金露 尼款好少見 見好多人上 我都唔執輸

大滿喜 原身係大滿屋 之前就未試過呢間野既 趁新年同裝修左就決定放縱下自己果然係新裝修 個環境好堂皇乾淨 我已經食最早個輪 都要排隊 就知有幾多人慕名前來入到去 如常即刻攞曬d order紙 狂點野食真係估你唔到 呢到竟然出埋磯燒海鮮 點同你挽 第一輪已經每枱送一盤海鮮 呢d追加要比錢 不過價錢合理 而且真係新鮮無腥味 最衰無得放片 隻蝦d觸鬚仲係郁緊 隻鮑魚都係到扭下扭下 聽個經理講 佢話今日係第一日做呢個promotion 好細心 有曬指引教你點燒仲要場內不停有員工行過同埋會好細心咁教你燒真係好抵食架 扇貝同青口大大隻 十分足料刺身方面 水準真係唔差 仲要用d乾冰做出煙熏既感覺 食得又睇得 我平時唔中意食希靈魚 但呢到既刺身唔會有陣苦澀既味道 100分d壽司靚仔到 真係好有心思 肉同配料同飯個種夾既程度 真係唔係一時三刻研究到 刺身做得好 壽司做得好 連熟食都係質素至上 呢個酥皮焗蠔做得唔錯 d酥皮唔會硬骨骨 咬唔爛 熱燙燙個陣食就岩曬而黑色果個係麻吉 一開始我都唔知咩黎 原來係芝麻天婦羅 煙煙韌韌 好得意既一個嘗試榴蓮炸彈 唔洗我多講 呢到既炸彈真係好熱 咬落去差d辣親 我認係我

觀塘以前就叫工業區，而家就叫商業區，宜家既工廠真係碩果僅存，過年就有本地製作既史密夫糖，記得一定要支持下，好唔好食係其次，made in Hong Kong 個名已經值千金。觀塘發展亦都係好典型既港式發展，起座地標再逼走小店，好似朗豪坊同觀塘apm，好唔好唔敢講，只係知小社區冇晒香港特色。觀塘食肆愈開愈多，亞太中心就係其中一度搵食好地方，樓下就食肆，樓上就商業，個到仲有gym room。個日收日，book左間大滿喜放題，因為食過旺角分店，個品質都幾好，所以想去觀塘新開試下。去到個度，淨係排電梯都排左成五分鐘，上到去又係人頭湧湧，好彩有訂位，唔係都有排等，因為lunch放題真係好抵食178蚊可以食足三個鐘，慢慢食都得，最怕90分鐘放題，點就點得快，上就上得慢，搞到都食唔飽仲要一肚火。飲品櫃其實間間都大同小異，有d飲晒就唔refil，但是呢到畀我搵到樣放題少見飲品-有汽利寶納，仲有熱飲供應，天氣凍就最岩，仲有酒飲，不過lunch就唔好飲酒。第一輪既刺身係佢地安排，咩都有d咁但係份量又唔會太多，始終一多又食唔到其他野。刺身勁新鮮，佢既三文魚係真厚切，同埋有個其他放題冇既白海螺，都好鮮甜。芝麻

​ 朋友想食晚市放題， 經他們介紹下嘗試了這間大滿喜。 呢間食店喺觀塘apm隔離， 因為我唔喺附近返工所以覺得很方便， 一上到去覺得裝修幾豪華而且新淨，光線充足。 因為我比較遲來，朋友已經到咗， 從遠處已經見到一隻很大的刺身船， 看上去非常新鮮，已經很吸引我了。 一開始食刺身船， 顏色鮮豔看上去已覺得新鮮， 三文魚厚身大件，蝦很鮮甜，希靈魚及油甘魚都有鮮美，正! 一坐低很口渴， 但我本人不喜歡凍飲， 所以當我看見有熱飲的選擇是令我非常意外。 除了熱飲的選擇，還有凍飲，室温而且種類繁多， 我朋友就選擇了忌廉加汽， 烏龍茶及楊枝甘露(果汁先生)。 最值得一讚的是工作人員的態度很好， 非常友善， 我跟一位女士說我想要一杯暖水， 他笑著說好還很快拿給我，很窩心呢～ 試了海膽手卷及鵝肝手卷， 非常喜歡手卷的尺寸， 我稱之為一口壽司，對於細食的我， 當然希望試多啲不同款式之餘又不用浪費食物，味道不錯。 朋友話一定要試食日式蟹粥， 一鍋粥有一隻大的蟹， 非常足料，粥底很“綿 ”很有口感， 味道 除了有蟹味之外還加有粟米，整體來說非常鮮甜，必試👍 車打芝士醬燒蟹棒，必食，非常好食， 芝士

農曆新年之前，同女朋友食反個放題先^^同事介紹呢間係觀塘亞太中心既大滿喜,一於今日試下。入到店內,環境幾靚,坐既都幾舒服太肚餓.一坐低即Order野食, 唔夠五分鍾野食就到啦。刺身：刺身係夠新鮮嘅，三文魚夠味，北寄貝，劍魚等等都好新鮮，色澤鮮艷。但值得一提嘅係呢度嘅象拔蚌好鮮甜，必試！！好可惜嘅係，呢度嘅刺身選擇唔夠多，但係整體而言係好食嘅。扇貝,雖然呢個扇貝油份比較多, 但芝士味好重, 加上沙律醬再烤焗, 面層芝士更為香口...芝士混上青椒碎, 滿足豐富既口感....芝麻雞翼,我真心鍾意食,炸得非常香脆, 表面有芝麻更加香口....炸過後, 雞翼依然keep到juicy...不錯!!海膽手卷真係好正，睇圖就見到海膽份量比得好足入面都塞滿左海膽架、無呃人串燒中我就order左 雞軟骨, 水準還可以~冷盤,汽水,熱飲,甜品,雪糕, 更有少量炸物都係自助形式係出面拎, 等緊order既時候可以出去拎野食,食住等...總括呢度既放題價錢一般比出面既價錢低少少, 食物款式大致上都齊, 質素亦都有咁上下水準, 值得一試!!!

之前一齊工作的G小姐與S先生一齊食餐飯，順便聚一聚舊，但大家喜好不同，所以最尾決定選擇放題，又放題啦！因為觀塘比較近大家嘅住所，所以選擇觀塘，原來有好多唔同嘅放題，最尾就揀咗一間好似比較有名氣嘅大滿喜。首先食個刺身拼盤，咩都有啲，我覺得最正就係佢超級體貼，每一個嘅份量都係我哋人數嘅倍數，但係又唔會太多，唔會質爆人。希靈魚同埋甜蝦都幾好味，好有鮮味，不過三文魚就普通。其他冇咩特別留意，不過質感都唔錯。飲品種類都算多，有熱飲，常溫飲品同埋冷飲，至少20款⋯最體貼係朋友要熱水亦有！蟹粥基本上係必食，因為放題嘅粥通常都唔會好杰So不會太飽！大約係三至四碗嘅份量，只蟹都幾甜。有啲粟米添⋯成日比人話笨嘅粟米我都有點，牛油味唔係濃不過好彩夠甜。竟然得我一個人食菠蘿，其實甜甜地幾好味！另外燒蟹柳勁特別，味道Ok～酥皮蠔又係得我食，唔好講笑都真係幾濟，勝在隻蠔有鮮味💁🏻雖然甜品選擇多好多不過已經食到勁飽，食條雪條就算～店員同我地講二月新年之後好似有燒海鮮任食，有張傳單，詳細內容就唔清楚。

亞太中心多嘢食就成個觀塘都知，真係估唔到附近打工仔咁鍾意喺呢幢嘢食lunch! 屋企人次次生日都會揀間放題嚟食，呢間就從來未嚟過，諗住試個lunch放題，好味先帶佢哋嚟!手卷同壽司都係貴價嘢喎，又鵝肝又黑松露又龍蝦咁! 呢個環境冇得彈啦! 平時會坐得逼啲，裝修又冇咁新咁華麗。呢度大把卡位，真係望住成個觀塘咁食㗎!抵讚位! 有熱飲唔使淨係飲熱茶熱水，啱晒d媽咪。staff派嘅! OMG!!有磯燒海鮮，唔使俾屋企人日哦夜哦話我食刺身壽司生冷嘢，呢個價淨係食磯燒海鮮都吸引啦!放題嘢食太花多眼亂，集中介紹吓我最鍾意嘅3款啦...放題食黃金蝦係第一次，出乎意料有小炒酒家水準，夠熱夠鹹香!! 做放題個廚房咁忙，呢啲都花d時間㗎喎，諗唔明點解會做呢味，不過超級鍾意，total嗌咗幾碟!足料魚翅燉湯係必試! 材料細細粒就預咗啦，但估唔到碗碗都有冬菇、翅、嚮螺同鮑魚仔，湯嘅味拍得住酒樓，超清無油! 仲辣口添!好開胃嘅海蜇加魚翅，好爽脆，少量麻油調味已經好吸引! 放題食呢d先識食，食得多都唔怕滯!總括嚟講: 上菜算慢，但食物質素幾高，lunch都係$178加一，幾合理，下次屋企人生日可以再嚟。