大滿喜日本料理 (已結業)

亞太中心多嘢食就成個觀塘都知，真係估唔到附近打工仔咁鍾意喺呢幢嘢食lunch! 屋企人次次生日都會揀間放題嚟食，呢間就從來未嚟過，諗住試個lunch放題，好味先帶佢哋嚟!手卷同壽司都係貴價嘢喎，又鵝肝又黑松露又龍蝦咁! 呢個環境冇得彈啦! 平時會坐得逼啲，裝修又冇咁新咁華麗。呢度大把卡位，真係望住成個觀塘咁食㗎!抵讚位! 有熱飲唔使淨係飲熱茶熱水，啱晒d媽咪。staff派嘅! OMG!!有磯燒海鮮，唔使俾屋企人日哦夜哦話我食刺身壽司生冷嘢，呢個價淨係食磯燒海鮮都吸引啦!放題嘢食太花多眼亂，集中介紹吓我最鍾意嘅3款啦...放題食黃金蝦係第一次，出乎意料有小炒酒家水準，夠熱夠鹹香!! 做放題個廚房咁忙，呢啲都花d時間㗎喎，諗唔明點解會做呢味，不過超級鍾意，total嗌咗幾碟!足料魚翅燉湯係必試! 材料細細粒就預咗啦，但估唔到碗碗都有冬菇、翅、嚮螺同鮑魚仔，湯嘅味拍得住酒樓，超清無油! 仲辣口添!好開胃嘅海蜇加魚翅，好爽脆，少量麻油調味已經好吸引! 放題食呢d先識食，食得多都唔怕滯!總括嚟講: 上菜算慢，但食物質素幾高，lunch都係$178加一，幾合理，下次屋企人生日可以再嚟。