大滿喜日本料理 (已結業)

放題當然是大伙兒一同去！今次到觀塘大滿喜，一共7個朋友一齊去，係開心嘅。一入去環境都幾好，好多魚魚裝飾，加上藍色主調，都幾舒服。咁海洋感覺，當然係食刺身先啦！三文魚都幾厚，亦都新鮮，推薦！甜蝦都好味，大隻厚肉。不過帆立貝就細咗少少，鮮味搭救！值得一提，呢度壽司係幾好！因為夠細！叫咗少少手卷同壽司，始終放題唔會想咁快食飽，不過就有驚喜，因為個壽司細細件好的式，連個手卷都係迷你版！海膽手卷同埋鵝肝手卷都好味，又唔會太飽！所以都可以食到好多款，讚！其他熟食都有質素，天婦羅做得幾好，無油膱味之餘，亦唔會好多油，乾身得嚟脆口，正！安哥咗幾隻炸蝦，真係好味！至於焗蠔、一口牛、燒番薯仔之類放題常見食物，都有中上質素。比較特別係佢有樣食物叫炸湯圓，一開始心諗，「唔通明將嚟嘅？？」一試之下，又幾鬼得意！同樣都係乾身唔肥膩，而粒湯圓本身個餡幾好味，啲芝麻餡好香口，又唔太甜，咬落去似似哋糖不甩不過又炸過有啲口感，好搞笑！記得試下！(呢粒就係炸湯圓)最後當然係食甜品啦！細細件堤拉米蘇有好香好濃嘅芝士味！正！縱合而言，228蚊有呢個質素真係出色！

今日係一月一次嘅中同聚會，為咗方便遲收工嘅朋友，又想放肆一下，所以最終決定試吓呢間放題。呢間地點都算方便，啱啱起APM隔離，個裝修好有氣派，等5分鐘到就可以坐低！食放題一定係先食魚生啦！嘩好大盆嘅魚生啊！最欣賞嘅係三文魚同埋帶子都好甜好有鮮味！我哋大部份都係食肉獸，羊架，牛肉壽喜煱，和牛壽司，不斷風狂encore！而天婦羅選擇都算多，炸到外脆內軟，食落都唔算好熱氣，但如果有蘿蔔蓉會更好！另一必食之選就係焗帶子，個sauce好好味！但係個炸蠔味道就一般喇！另外就係啲手卷好迷你，仲有d海膽一啲機油味都冇，好味道！甜品方面最出色係芒果糯米糍，必食！馬卡龍對我黎講就太甜喇！

同朋友行行吓APM，突然覺得勁肚餓，於是就決定食放題之前有朋友介紹一間叫大滿喜日本料理話好抵食，又唔貴又諗起呢間餐廳好近APM ，就諗都唔使諗，衝左入去試吓整體來講，食物質素非常平均，坐得舒服，食物上得都幾快同埋落左勁多單，都完全冇漏單，勁！員工服務態度仲好好添，就算你係咁煩住佢哋，佢哋都仲會笑笑口對住你特別要提嘅係個羊架，淹製好夠味，新鮮又大件，我食左好多件，真係估唔到放題都可以有呢種質素嘅羊架可以食到！另外仲有天婦羅，每一件都即叫即炸，外脆內軟，加埋天婦羅醬汁，溫度啱啱好，食完又唔會太熱氣！ 正！甜品都有好多款式，全部細細件，就算覺得飽都可以試晒全部甜品，當中芒果糯米糍最好味~總括來講，如果你想揾一間價錢唔算貴但係又坐得舒服又可以食到好飽嘅餐廳，大滿喜係非常好嘅選擇！

據說大滿喜比市面大部份同類放題稍為便宜一點，於是約定與幾位朋友放工後來到這裡試試。店面簡單乾淨企理，入座率約8成，不用排隊也不用預訂，適合一些即興人士。 食物方面，我自己最喜歡他們的天婦羅。上桌的時候，仍然非常熱，當中的蝦、蟹柳和爽爽魚都不錯，唯一比較可惜的是蔬菜的款式不夠多。壽司來說，有一款於同類放題中較少見，就是兩塊玉子夾着鰻魚在其中，賣相ok之餘，這個配搭的味道也很不錯。魚生種類不算少，不過沒有吞拿魚倒是令我有點失望，但其他魚生都ok好吃，除了吞拿魚愛好者之外，其他人應不會失望。最後值得一提是牛肉窩 (下圖右)，頗有日式味道，這是order前沒想到的事，純粹只因朋友之中有人愛吃，結果我們encore了兩次。

同一班大食積中同食飯，狂食放題幾時都係首選。但等得大家收工，兼要即興响觀塘呢種旺區搵食，都咪話唔高難度，因為通常稍有名嘅放題都超級難book嘅…面對大家blue monday都好想狂飲狂食嘅需求，好在同行有人好建議，話可以嚟呢間大滿喜，貪呢度新開無耐，仲未有好多人知，而且價錢仲唔貴…於是我地一行七人walk in都食到放題，真係so happy我對呢度第一印象係效率快，因為我地櫈都未坐暖，侍應就好快手咁放低咗超大盤預設刺食，叫我地唔使劃！連劃都唔使，我地就有得食，而且真係塊塊都好肥厚，食落，仲每款質素都ok添！當然，幾大盤嘅刺食都難唔到我地呢班大隻積嘅，食食下，我地已經好有系統咁分工合作，一啲負責ko埋啲刺身，跟手又劃多盤，一啲就劃其他點菜紙，我就同另一個朋友去拎嘢飲俾大家。非常讚嘆呢度個飲品區，不止有兩面大雪櫃放滿晒唔同飲品，中間有雪糕雪條櫃，最驚喜係仲有個暖櫃，裡入有暖嘅維他奶,菊花茶！！食咁多次放題第一次見種類真係幾多，我地揀得嚟，拎得返埋位，其他嘢食已經嚟到！手卷係mini版，款不多，但用料都係貴嘢，海膽鵝肝，飯同料嘅比例好好，唔會話大大舊飯得小小料，紫菜唔會林，重點係啲飯係啡

前身大滿屋已經食過1次，今次8點半入座，228@，6人1枱一坐底就職員說會安排1盤刺身併盤，一上枱大家都會嘩，因為太靚了，魚魚還會噴煙，推介油甘魚，甜蝦，帶子，劍魚腩，非常肥美，帶子很甜呀！正，不停安哥!食左好多生冷野，出去攞野飲先，見到有好暖心既選擇，係暖暖既維他奶同菊花茶，是暖胃之選，還有果汁先生，汽水，milkis，無糖茶，支裝楊枝甘露。壽司時間精選黑松露油甘魚，一上枱已經飄黎濃濃既黑松露香味，吃得很香呢，朋友喜愛辣味吞拿魚，帶子壽司都好厚肉，火炙和牛都非常讚，上面有脆蒜同醬油，燒過更加香! 手卷有海膽，鵝肝，龍蝦沙律揀，海膽鮮甜，手指公咁上下大，一淡剛剛好，壽司飯水準亦不錯。熱食推介牛肉壽喜燒，牛肉味香，配甜醬油湯底，連蔬菜都吃光光!炸物推介芝麻雞翼，榴槤波波，熱辣辣夠脆，榴槤肉好多，味道很濃烈，正! 天婦羅水準亦不錯，南瓜香甜，大蝦厚肉爽口。燒物一定要叫燒菠蘿啦，我食2塊都是很甜，可惜朋友說不是每塊都甜呢，睇彩數。最後依然是水蟹粥作結，很綿很鮮，非常滿足。雪糕雪條吃不下了。總結，刺身水準不俗，海膽，天婦羅同壽喜燒特別出色，服務效率快，無漏單，228一位物有所值。

一堆人想食放題，但又唔想食太貴，有fd就推介呢間晌觀塘亞太中心嘅大滿喜我地一早book咗8:30，一嚟到都有位，大約8成滿，平日嚟講都算ok 食放題當然第一件事就係食刺身喇，刺身款式都多，有劍魚腩，油甘魚，蝦...我地叫幾多件佢都好足咁畀齊，同埋嚟到都算新鮮，有鮮味另外壽司都可以同大家推介一下，晌食放題嚟講，大家應該都好怕個飯好大舊，之後食唔到其他嘢，之不過大滿喜壽司差唔多全部都係一口食，就連手卷都係迷你版，大家唔洗怕好飽，同埋佢地嘅壽司飯喺有味，唔係白飯，有啲誠意，推介大家食牛肉、海膽手卷壽司同刺身之外，仲有啲熱食，我地差唔多皮樣樣都有叫啲，牛肉鍋啲牛肉好嫰，味道都唔差，鍋入面嘅菜同粉絲都好入味，忍唔住encore ，而蟹粥都唔錯呀至於天婦羅都唔差，炸蝦炸得好好，粉漿好薄身，嚟到時都好熱，啱啱炸好，趁熱食so gd, 同埋一口蕃薯都好好味，而朋友仔佢地就好鐘意食燒菠蘿，叫咗好多，但由於我唔食就無試.....飲品同甜品方面都有好多選擇，有韓國啤酒，又有韓國嘅忌廉溝鮮奶等，另外仲有熱飲菊花茶，蜂蜜雪梨等，配合唔同人嘅需要，另外自助bar 仲有雪米糍同埋雪條，感覺總有一樣會啱唔同人需要如果

#20170114 之同2位同事食 #放題#亞太中心 成棟樓簡直係食肆集中地19:00 即興打去book位20:30 開始計起食兩粒鐘刺身：剌身，全部都係刺身！壽司：同事問：「花の戀最緊要係咩？」係個沙律醬！希望下次會有呱🙊前菜小食：醉雞翼/泰式生蝦/鳳爪/螺肉/大蝦沙律後期熟食：燒帆立貝/雞軟骨💙/羊架/芝麻雞翼/炒什菇/牛油粟米/魷魚鬚P.S.: 3條電恥佬馬不停蹄食左1個鐘後左右，其實都飽飽地了，可能出單快，少少漏單，但都枕著有野落肚！

呢間放題係我同朋友行街時，有人派宣傳單張發掘到，見價錢相宜，又有我地鍾意既日式燒物，就上去食下。入到去餐廳已經坐滿晒人，我地等左大概15分鐘先有位。雖然有好多客人坐滿，但位置都好寬闊，唔會好逼夾，枱面放住一疊落單紙，當然，我地先向高級食物埋手先啦！我食完覺得火灸柚子和牛壽司好值得推介，和牛表面燒到小小焦香，入口濃厚和牛味道，保留到點點生肉既嫩滑。 而珍寶帶子同赤蝦刺身絕不欺場，帶子大隻新鮮又夠甜，蝦刺身又係好大隻，我分幾次先食得晒一隻蝦，如果食多兩三隻，我諗好快就飽，所以我都忍忍口。汁燒豚小排，炭燒羊架同椒鹽炸蟹仔都同樣出色，豚小排同羊架都燒得十分香，肉汁又夠多，而蟹仔又夠脆口，炸粉適量，唔會食完成口炸粉。 另外，日式蒸蛋都好有蛋香又夠滑，細細碗夠精緻！芝麻雞翼好好食，香口十足，係就係有啲熱氣我地食左好多次燒雞翼，翠玉瓜，多春魚，呢幾樣我覺得燒得最好味，烤得夠香，朋友傾偈當小食最適合不過！雞軟骨就正常水準啦，不過不失刺身我地都有點三文魚，鮑片，虎蝦同吞拿魚，味道都係新鮮，真係食刺身都夠飽，我地採取食刺身為主，少食壽司，可以留番更多位置食其他野！重有，炸天婦羅都好香脆，尤其南瓜同蕃薯天婦

今日同fd去左觀塘，因為佢難得從澳洲翻黎，話想食日本野，咁係要陪佢啦，我都幾鍾意架我地搵緊食邊一間放題既時候，有人派廣告，我地就諗住去試下，10樓，好似尼一間新裝修，我都1715去到 入座，店員話1730開始，所以宜家開始可以睇下食d咩品種都算多，我地叫左魚生，甜蝦都幾大件，品種都算正常，但係第二次我地叫左玉子，但廚師漏左燒烤我地都叫得多，特別係海鮮，但係叫做貝立帆同蠔，但貝立帆係用芝士焗，所以原來貝立帆既鮮味係食唔到，蠔擺係一個酥餅裡，酥餅好油，所以我只選擇吃蠔，酥餅唔要了蟹粥很清淡，不錯，炒海鮮也不錯，烤菠蘿很好吃！唔單止幫助消化，因為有酵素，而且菠蘿雖然被烤熟，但汁水飽滿，好滿足尼度每一個餸都細細份，因為有d我地只想試下味道，同埋可以試多幾款，食放題既意義，就係可以一次性試多幾種餸，特別係人小的時候，而唔係食番成本服務都算唔錯，成日行過來問我地有無野漏？宜家又無野落單？等等總體唔錯，因為我地去得早，加一後200蚊左右

食過好多次Lu 之前叫大滿屋宜家吾知點解叫大滿喜呢大概兩月前的某日一家五口一坐下來當然例牌動作入紙等食食物方面：刺身多選擇多，水凖頗高擺設亦頗有心思，上枱噴哂煙就算吾食得都睇得吓,亦刺激食慾有時聽到格離刺身上枱嘩嘩聲三文魚叫正常，脂肪位不多不厚亦不會薄，尚算新鮮，亦啖啖肉甜蝦大隻不過間中有啲吾新鮮油甘魚肉啲魚油好甘香帶子刺身無鮮味，吾叫好過叫壽司火炙三文魚，只是輕微灼熱表面迫出魚的油份亦有香溢蒜蓉香味簡單做法而真係好香好好味道細細件，食十件都吾夠燒物羊架賣相吾錯，肉紋均衡十分肥美，不過係有少少羶燒菠蘿除了酸，好難好差蒜片牛粒入口係夠合味只係質感未有想像中軟熟但加埋蒜片幾香口惹味燒蝦肉質彈牙爽口，略嫌水準不穩定湯物牛肉壽喜鍋，鍋仔上夠保溫剛剛熟溥切肥牛，配上少少鮮甜熱湯牛肉嫩滑入味，真的令人再來一個服務方面，服務員大多很好特別一堤這裡云云服務員中呢度有位服務員嚟親佢都係自稱靚仔我地都認為是最好的一個見佢招呼多枱人客十分忙碌情況下也完全沒有面露不悅及急嘈，反而面露笑容跟單方面睇得出吾似出面方題敷衍了事非常supportive本來無想到寫這篇食評一月一號成家人在銅鑼灣地鐵站見到這位服務員他一

滿心歡喜2016年最後一日一家人黎食個放題，因為今日係12月31號所以都唔平，每人都要268再加一，差唔多3百蚊咁上下啦咁既日子出黎食野就預左唔平，價錢都算正常既，如果好食既話🙄重點黎啦，一黎到見到環境都好似幾好，起碼清潔先啦跟住就緊係要即刻叫野食架啦，落單起計都唔算耐既，不過d野食真心差，燒海蝦唔係燒既，隻蝦濕濕地既，落左去游水呀？之後叫刺身啦，第一次叫已經叫7-8樣黎得個3-4樣，重要樣樣得個3-4粒，無錯係「粒」，你叫我食條毛呀，大佬，食放題食到咁真係一絕🙄🙄🙄🙄再黎，好啦咁食壽司啦，d飯啡色既，佢聲稱話用黑醋，咁好啦外表唔緊要，最緊要好食架姐，但係一食落口，嘩，大佬你個舊飯爛既，到底烹左幾耐呀⋯⋯講真要求唔好話太好，但一般2百幾蚊既放題都唔會咁差啦，最少平時食開既都好佢多多聲所以講，食一次都嫌多，唔推薦大家食😑😑