大滿喜日本料理 (已結業)

得閒就要去食呀下放題似乎已經成為香港人嘅習慣， 今次嚟咗觀塘呢一間放題鋪， 除咗平時有得食嘅嘢之外，仲有得食磯燒海鮮！ 一嚟到待應就先上咗呢一個海鮮盤， 未開始食已經流曬口水喇！ 完全感受到佢食材新鮮嘅程度！個爐係細細個咁擺喺枱面，自助形式嘅。只要將的海鮮放上去燒，側邊有幅圖教你要放幾耐，其實好快都食得！除咗燒海鮮，當然要燒下其他蔬果類嘅嘢！燒菠蘿當然係唔少得啦！ 仲有重點係佢啲蠔真係好大隻！所以我哋encore咗好多round！不過食磯燒海有一個少少唔好處，就係返到屋企嘅時候都感覺得到自己頭髮有陣燒烤味。其實又唔係好濃既，第一次黎講都覺得幾好玩，有新意！選擇都有唔少，圖文並茂係基本既餐單要求。刺身都係高質嘢！食放題就緊係唔只刺身啦！仲有壽司，同埋燒物等。佢個羊架燒得好香！ 天婦羅紫薯係我每一次必叫嘅項目！壽司細細啖唔會食到好飽，呢個火炙三文魚仲有樣嘢要讚既係佢飲品同埋甜品既種類都好多好多！完全可以滿足曬我第二個胃！我平時真係好鍾意食糯米糍㗎！哩個芒果糯米糍卷做得一流！就咁叫我買走我都制！ 至於個 brownie 都有好豐富嘅朱古力味！唔會做得太甜，同埋唔係個種cheap cheap朱

喺香港做放題都唔容易！香港人鍾意新鮮，要時刻保持新鮮，梗係得閒就要有啲新搞作啦！ 今天嚟觀塘大滿喜，主要目的就係想試佢個磯燒海鮮！ 講真因為未去過日本，所以真係未見過。每枱都有一個爐，上面放咗個鐵絲網，咁樣燒住啲海鮮，好快就可以食得 啲海鮮燒起上黎真係別有一番風味！仲可以自己控制佢既生熟程度，個人覺得好正呀！fresh fresh! 其中最鍾意嘅係呢個蟹蓋！啲蟹膏同埋啲蟹肉mix埋一齊，仲要唔使我自己剝殼取肉，真係覺得好貼心！侍應仲提醒我哋要燒之前撈匀咗先。 食嘅時候真係啖啖都有蟹膏嘅香味！ 蟹肉仲好嫩滑！真係勁想encore！因為第一次食磯燒海鮮，侍應提我哋燒蝦嘅時候最好就剪咗啲鬚鬚咁樣冇咁容易燶，我覺得呢個服務真係勁貼心！除咗磯燒海鮮，一般嘅放題有既野佢都有！ 刺身好新鮮種類亦好多！ 而且排得好靚！啱曬相機食先嘅我壽司都有好多唔同款，下面呢款就係三文魚再加士多啤梨加蒟蒻，幾有新意，而且都幾好食！細細件，感覺唔會太飽！炸物亦都精彩。有食榴槤嘅人啱曬嘅榴槤炸彈，仲有我最愛嘅紫芋波波！ 熱辣辣，脆卜卜，真係好正呀！朋友話呢個羊架生熟程度啱啱好！燒得好香，外皮仲有小小脆。放題另一個重點就係

今日約了放假的媽媽吃放題午餐說好的減肥計劃要暫停一天刺身船有乾冰好靚呀刺身都新鮮，無雪味最值得推介嘅係1. 羊架，燒得啱啱好好淋，好juicy! 2. 蒜香牛柳粒，炒得啱啱好，好香口，好juicy! 3. 牛奶布甸，可以媲美銅鑼灣MR. XXXXX 啊！其次係刺身，蝦串燒，燒菠蘿。服務員態度好好， 無黑面。收碟速度好快。但當然會有平時漏單既情況出現啦。咁如果漏咗嘅話就再叫過⋯⋯甜品方面就比較少雪糕揀，飲品其實都好多選擇，沙律就唔推介，比較普通唔好食，海膽手卷得少少海膽。下次有機會再試吓午市套餐，見1點左右好爆場！

刺身(有乾冰造煙霧效果)📸📸📸📸魚生,帶子厚切(新鮮鮮甜)，蝦失色(唔夠爽口)壽司種類多選擇黑松露壽司(多款式)每件壽司的松露好多刺身夠大件(白飯细细，可以多食幾款)手卷(迷你版)海膽好鲜甜多春魚细條左d(味道煎得香口)羊架(好厚肉，無蘇味)燒菠蘿(即燒，熱熱上枱)壽司外觀100分牛舌燒得香口(肉質嫩)燒蝦好惹味燒翠肉瓜(用調味粉燒，好香口)芝麻雞翼好惹味炸蠔(大大粒)年糕.(外脆內軟的年糕)So sweet焗得好靚!甜品(好多款)蛋糕.款式(鲜造，唔乾身)馬卡龍用果醬代替朱古力芯(好清新)蛋白香脆整體食物款式多和壽司外觀吸引，味道不錯(新鲜)，中午放题(不用200位，這價錢

同屋企人去食餐晚飯，我們前後入了兩次單，但炸物黎了三次，為免浪費食物，我們有善的同待應講，這碟不是我們的，因之前已經黎左兩碟齊晒了，待應取走了這碟⋯但確實我們入了手卷張單等了很久都沒有來，於是我們有人提議再入過，點知就在這的確有個職員走黎超冇禮貌同我地講，冇野就同我地講，又再入單黎左又話多左，未就係你地以為冇單再入黎嫁law⋯嘩我即時嬲爆，乜野服務態度，我最爭俾人屈，我地明明入左2次單，你黎左3碟野，擺明唔係我地問題，叫佢攞返d單黎睇又唔肯，算點呀⋯佢地送錯唔得既，一定係d客錯既⋯一定唔會再去

如果說，同類之間不應互相殘殺，那麼小女子一定係一隻不合格的蟹子🦀lol因為實在太鍾意食蟹蟹蝦蝦啦🤣🤣🤣！有海鮮吃的話，沒有一天不是好的😌～於是今日就嚟到極尚大滿喜呢度為大家試下佢地嘅新menu—極尚五品丼🍣～---------------------極尚五品丼🍱（$78）呢個喺中環賣到３百幾蚊嘅刺身丼到底有咩呢🌝？原來就係鱈場蟹蟹肉🦀﹑松葉蟹蟹味噌﹑拖羅蓉🦈﹑海膽同埋三文魚籽。雖然呢度賣緊$78/set lunch，仲有味噌湯﹑日式蒸蛋同飲品附送，但個飯仍然十分大碗🍚～魚生料同配菜更不在話下（即使小女子會飛走酸薑﹑黃蘿蔔等等～）先講講主角鱈場蟹蟹肉🦀，一絲絲蟹肉碎不折不扣堆係面前個視覺效果真係好好😍～原本以為除左蟹鮮味會無咩味，但意想不到，可能因為加左少少QP醬，蟹肉鮮味除左更加突出，蟹肉嘅口感亦更加滑溜🤤～與旁邊的松葉蟹蟹味噌混和着吃更是不能盡錄的滿足👻～送飯一流！至於拖羅蓉，由於係自家製作的關係，不像平日會食到＂死氣淋淋＂嘅口感🙈，反而多了一點點的嚼感同甘香的味道，雖然有一兩小粒魚腩碎未完全打勻，但亦無礙拖羅的精采👍🏻👍🏻～好味指數😋：8.5/10翻啅指數🙆🏻：8.5/10人均消費

同男朋友去完disney玩，佢book左呢間大滿喜同我食放題佢話呢間同之前我地食開ge唔同先黎刺身拼盤三文魚好新鮮好好味，夠曬肥美～我個人覺得劍魚腩都唔錯！好滑好新鮮帶子都好好味啊 夠大又靚之後黎到今日最精彩的環節原來呢度係可以自己燒海鮮帶子好大隻啊！燒緊個陣要自己加d清酒落海鮮到咁佢先易甩出黎多謝店員咁細心咁教我地帶子大隻得黎有鮮味，正啊！之後我最鍾意就係蠔，同樣大大隻～有海水味無殼碎無沙架！海蝦同樣爽口大隻不過我地都有照叫吓其他熟食例如雞軟骨，好大粒好爽口！正啊呢度仲有飲食雪糕同飲品真心好幸福呢個放題男朋友真係無帶我黎錯真係食得勁開心

朋友介紹，觀塘亞太中心>>>大滿喜日本料理<<<相當不錯，於是下班後去大快朵頤。 收費不是以超級無敵勁抵價作招來，看來就如朋友所言，以食材質素為賣點吧。 當晚是星期一，人頭湧湧，似乎預約是必須的了，以免撲空噢。甫坐下，還在看點餐紙時，侍應已迅即送上刺身頭盤。造型十分吸睛，款式豐富，從三文魚、甜蝦到希靈魚，總有合心意的選擇；鮮甜可口，溫度剛好不太冷，沒有雪藏味，上乘之選。 磯燒海鮮並非隨處可見的選項，當然不能錯過啊。其實還有磯燒蔬菜，不好海鮮的話亦能享磯燒之樂。 海鮮鮮味銳不可擋，無需額外添加太多調味，方能細意品嘗。 若想味道更加立體，冰喜歡在上碟前加些稀釋清酒，再燒一會。 貝殼類海鮮的磯燒時間控制非常巧妙，幸好侍應主動協助，為冰解困。要是餐廳可在餐桌上提供海鮮磯燒時間建議及磯燒技巧小提示，用餐體驗定當更順暢，也間接減輕侍應工作量和浪費食材的機會。 此外，冰也選一些由大廚主理的食物。燒雞翼肥美非常，吃後的滿足感不能言喻；紫芋波波油份不會過多，減少了罪疚感。 雞軟骨不過不失，與多春魚一樣，油是略多了。 甜品就選了三款，這個模樣上菜未免有點狼狽

話說新年果時，同朋友試過呢間嘅午市放題唔錯。見到原來夜晚有燒海鮮，就梗係要帶女朋友試吓啦！（成日自私食會比佢話🙈）呢間晚市比較特別，第一輪刺身係由餐廳預備。刺身砌到成架船咁，仲噴哂煙，女朋友好開心！三文魚擺設得好靚。大讚係刺身質素平均地高，三文魚、劍魚腩肥美唔使講，帶子係大粒帶子，唔係貝柱，味道鮮甜。油甘魚、象拔蚌爽口。令我最驚喜嘅竟然係希靈魚😳平時覺得好難食，呢間既然送到，就儘管一試，點知好好食好爽甜！鮑片則覺得稍鹹。食完刺身，侍應好快手就上海鮮拼盤。海鮮有聖子、鮑魚、元貝、大蝦、生蠔、蜆肉、蟹蓋！全部色澤都好新鮮。侍應好耐心講解點樣燒海鮮，又話可以加稀釋左嘅清酒增加鮮味。海鮮嘅新鮮程度，從一燒啲蜆殻就開，就可以睇得出！👍🏻👍🏻👍🏻貝殼類海鮮清洗得乾淨，沒有沙粒，可以放心食。鵪春蛋炒蟹膏好特別！因為我哋唔識煮，侍應經過見到我哋，都會行過嚟幫手煮，要一路攪拌一路加熱架，好考功夫！蟹膏嘅海水鹹香配上鵪春蛋既濃味，好夾！大蝦好大隻，口感彈牙有爽勁！配上自家製嘅海鮮粥，鮮味又美味！（自己煮係特別好食😂）其他熱食推介燒壽司，即叫即燒，入口即溶。甜品推介牛奶凍，好滑又充滿奶香。芒果糯米卷都唔錯，

近排返工真係好辛苦，今日放工決定去觀塘食D好嘢奬勵下自己！大滿喜放題位於APM旁，地理位置極佳，唔使下下咁攰走去工廈搵食。閑日夜晚七點半去到，估唔到已經差唔多滿座，好彩有同朋友book定位，仲有窗口位添！一坐低冇耐，侍應就會遞上刺身拼盤。種類好多，有差不多10款。三文魚肥美厚身、甜蝦沒有腥味，口感結實新鮮。甜蛋沒有霉味，八爪魚、象拔蚌爽甜。最欣賞係刺身已經全部融雪，唔會太凍或者太硬！然後侍應又會遞上燒海鮮拼盤，有生蠔，元貝、海蝦等，全部都好新鮮，而且又大又肥美。d蜆一燒就開，極為清甜，配上稀釋的清酒，更為惹味。生蠔又甜又肥美，可以食到海水味，仲要啖啖肉！正！基本上食刺身同海鮮已經足以回本！我哋encore左幾次，質素一樣好好，值得一讚。所以我哋都比較少食其他熟食。最鍾意食鵪春蛋炒蟹膏！鵪春蛋同蟹膏的濃味好夾！味道帶甜，質感較雞蛋實，邪惡又美味😏熱食推介鰻魚芝士卷！係即燒鰻魚黎架！芝士厚身濃味，配上有照燒汁的鰻魚，鹹甜的味道交錯着，令人滿足。雪糕主要係雀巢雪糕，所以就冇食到，太飽了！$240可以食到咁多新鮮海鮮，加上舒適的環境，物超所值。

老闆生日，我們約埋去觀塘亞太中心10樓食磯燒日式放題，因為老闆之前食過話好食，去到都有不少人等位，我們訂左枱也要等10分鐘才能入座。店名叫大滿喜日本料理刺身有很多款選擇，我們首先order 了三文魚、大甜蝦、象拔蚌、北海道鮮帶子，刺身非常新鮮又鮮甜，食多2轉已回本😜燒羊架：羊架好入味，不羶不靭，美味可口！天婦羅、壽司和炸物都是即叫即做！泰式生蝦：新鮮彈牙！記得之前在泰國菜館食，82蚊才有6隻，這裡任食，又是回本必食！除了日式放題，還有磯燒，每個成人收費贈送季節性海鮮頭盤一份，今天送上有：聖子皇、特級虎蝦皇、鮑魚、特大扇貝、原隻大蠔，這些不是任食，追加要加錢的！留意！還有多款磯燒新鮮材料任食。多款甜品中，我推介3.6牛乳奶凍，好重牛乳味，滑滑的，甜度適中，令人食不停口👍還有自助式的飲品和雪糕任飲任食！

觀塘日式食肆星羅棋布，但一班同事要係緊湊的1小時內由落單，食飽至返到工作崗位，先訂枱食飯是不可或缺。奇怪的是就算在一星期前訂枱，整座觀塘OPC只得呢間日式餐廳接受6人訂位。到達後發現仍有很多吉枱，心感不妙，當然是中伏了，水準比之前退步了。無論點選邊款午市套餐，都會係主菜前奉上味噌湯和日式蒸蛋，但蒸蛋顏色帶點啡（當然唔滑，似番叮再番叮），而且偏凍。我跟另一位同事點了個$98 嘅雜錦拼盤，過佰元，當然有期望啦…，但魚生唔新鮮，仲要魚生下是濕濕的（似魚生在盒內溶雪後嘅雪水），沙律醬極多，寧可去買「爭x」壽司吃。另外兩位同事就叫咗牛肉粒石鍋飯，雖然牛肉粒多過飯，但同事話一點牛肉味都沒有，而且飯只是微暖（鍚鍋唔熱）。又其中一位同事叫了成佰元嘅「魚生極上」，買相尚可，不過個盤超大，魚生質素平平。我明白現在百物騰貴，但市場競爭大，如水準繼續退步，好難貼市場一席位囉。。。。祝好運！

今日食嘅放題同平時個啲好唔同，就係呢間放題嘅舖頭可以係食刺身之外，仲可以有燒烤食。一入到舖頭，已經問到好勁嘅燒烤味。咁一坐底就叫左個刺身食，刺身嘅種類非常多，而且每舊刺身都厚，仲要好新鮮。重點係佢個燒烤可以燒海鮮！講緊唔係普通嘅細細隻蝦，而係有帶子呀，鮑魚呀同埋聖子咁樣，味道非常唔錯，而且係燒緊嘅時候，店舖嘅職員仲會幫你睇下燒成點，好細心！不過，花之戀嘅表現就差少少，因為我覺得沙律醬唔太夠，但味道都唔錯嘅。而且，壽司本身係我放題唔會食太多嘅野，但呢到嘅壽司都係好好味，我尤其鐘意食蟹棒壽司！再加上佢有啲串燒食，唔錯的仲有一個好出色嘅魚刺湯，入面有好多料，呢個真係要飲多2次！呢餐都好唔錯，食到飽飽走人lu！

食物質素高既放題真係唔易搵,今次同朋友去呢間大滿喜大家都一路食一路讚要同大家好好分享首先呢到既環境坐得好舒服,第一眼覺得D燈同裝修似酒樓,全部都係梳化凳, 而且由於要擺埋燒烤既爐,所以2個人都會坐4個人既位,完全唔似平時食開既放題咁,同格離個枱淨係得少少空位首先送上既當然係剌身啦!見到個擺位都覺得好有誠意,而且可以揀既種類真係好多下,有頭甜蝦,帶子,希靈魚,象拔蚌,三文魚腩....呢D其他放題唔一定有既呢到全部都齊晒!而且仲好新鮮好鮮甜而話說餐廳本身漏左上玉子,同佢地講左之後,佢就即刻補返俾我地服務態度值得一讚呢間放題另一樣好特別既野係包埋任燒海鮮!而且係擺個燒烤爐係你格離俾你自己慢慢燒之前都無試過其他放題有呢樣野,而且海鮮好豐富,蝦,螺,聖子,扇貝,鮑魚都有!!!第一round都會俾齊呢幾樣唔同既野你試,而之後既話想叫D比較貴既海鮮例如鮑孫就要加錢,不過就算免費既都有唔少選擇!順帶一提餐廳仲有俾埋清酒同鹽你,好專業呀哈哈雖然呢到真係有好多野食,但大家一定要留肚食佢啲壽司!例如見到穴子壽司有幾長就知真係好正特別推介呢到所以既火炙壽司!而且佢啲飯好細,咬落去更加juicy, encore

午餐每日有一個特價，比平時平$20左右，星期五嚟到，午餐精選係刺身定食，$78。都幾多野食，麵豉湯，唔太咸，多昆布前菜，今日係兩隻泰式辣雞腳，味道幾好，又夠辣飲品，可選平時放題飲到的任何罐裝飲品。我選了烏龍茶，無糖嘛刺身都可選飯或拉麵，可惜拉麵好細碗，而且快凍，建議下次叫飯。刺身方面，有6款，比我想像中豐富，三文魚4片、油甘魚3片、吞拿魚3片、帶子3粒、北寄貝3片，蝦3隻，都好夠喉。*注意，佢地會比一包wasabi, 初時沒有為意，一次過落兩包配日本豉油，點知，辣到流眼淚，大家小心，唔可以平時點wasabi的份量作準。最後，推介$8可加海膽手卷或軍艦，都足料，又係平時既size, 好抵