大滿喜日本料理 (已結業)

今日去觀塘泳池游水，男朋友話想試下"大滿喜"，話朋友食過覺得好食，所以book左17:30-19:30。一入到去，地方都幾大，幾光猛，且乾淨企理。座位係sofa質地，兩個人都有卡位坐，好闊落，坐得好舒服。游完水，好肚餓，決定乜都叫啲試下先黎一隻刺身船，乜刺身都有啲，樣樣都好食。特別係三文魚同帶子，新鮮，肥美。值得一讚，佢竟然有乾冰效果，睇到我嘩嘩聲，好呢度特別之處係提供磯燒，每枱會有一個類似燒烤既爐仔，再自己點唔同既磯燒海鮮，有蠔，扇貝，大蜆，青口，大約都有十幾種選擇。一路食住放題，一路燒。有時服務員行過會幫我地反下，提我地幾時食時，服務親切呢度壽司卷物款色都幾多，而且每款都好食，雖然飯好飽肚，但真係忍唔住特別係海膽三文魚卷，我自己一個人唔經唔覺食左五件，好彩每粒都係細細件，飯唔算多，但海膽份量就多沙律方面，泰式甜蝦好食，好似喺泰國菜館食咁，所以叫左3次海蜇撈爽口彈牙，都好好食燒羊架送上枱仲係熱，啱啱燒好，有羊味天婦羅全部都試晒，啲炸漿有酒店buffet既質素喎~所以連芋頭都試埋，芋頭夠粉。不過食左真係即刻飽左湯品都試左，細細杯，用白色陶瓷杯裝住。人參雞湯真係見到有一條條人參同雞件，真

呢間放題已經食過好多次，食極唔厭，皆因價錢唔貴，用料正。次次食放題都必叫，對一口牛情有獨鍾，見到係推介小食就更加要叫來試吓。上枱時間有少少耐，不過一上枱就聞到好香，一睇到就覺得好香口惹味。熱辣辣上枱，食落唔會好老或者好生，對我來講岩岩好。醬汁亦都好惹味，但又唔會有好油膩既感覺，真心推介！芝麻雞翼亦係每次食放題都必叫，炸得岩岩好，唔會炸到燶晒，事關之前食過一間放題，雞翼炸到黑黑地，見到都唔想食！尼間既芝麻雞翼，食落口仲要出緊煙，即叫即炸，正！天婦羅蝦食落唔會好大舊粉，薄薄一層岩岩好。炸得岩岩好，裏面舊蝦唔會有唔熟既感覺，熱辣辣上枱，都幾好味！平時食放題好少見到有天婦羅蟹棒，見到尼間有就梗係要試下。真係要讚一讚，炸粉冇包得太厚，有啲鋪頭既天婦羅真係食唔落。而尼間既蟹棒都真係幾好食，口感好好，好食到之後再叫多兩件！平時好少係放題見到有湯，而我地見尼間d湯既材料咁豐富，就一於叫尼試下！出乎意料，我地叫左三客鮑魚花膠湯，每一客都有半隻鮑魚仔，又有d花膠，真係幾正！而且啖湯夠甜，又唔會有味精既感覺！見到有得磯燒海鮮，絕對會再黎食過。

喺觀塘返開工都知亞太中心多嘢食，難得同朋友仔都係觀塘放工，一於夜晚一齊去食個放題先。之前做過research見呢間大滿喜除咗放題之外，仲有得燒海鮮。還掂價錢差唔多，試吓先！磯燒海鮮選擇都算多，有蠔呀、蜆、扇貝、海螺、青口、蝦等等，我哋就叫咗頭三樣試吓先。見好多台都有加到燒海鮮，一枱一部Gas爐慢慢燒。蠔上枱都算大隻，燒左差唔多10分鐘，我哋就落啲豉油同埋清酒，起肉再燒多陣就食得啦。蠔肉唔係縮得好勁，味道鮮甜，唔錯唔錯。扇貝又係另一至愛，好surprise竟然會咁大隻同埋新鮮，平時放題食嗰啲完全唔會係呢種質素！又係燒左差唔多10分鐘加清酒起肉再燒，時間控制啱啱好，一啲都唔韌。我哋其後不停encore呢兩款，因為比較容易燒同埋啖啖肉，哈哈！我哋另外再點左一個蟹皇膏海膽泡飯，呢個要啲時間製作，首先將一兜仔嘅湯底滾熟佢，之後再將白飯倒入再滾熟，最後就係主角黎啦，將蟹膏、海膽、蟹肉等等全部到晒落去，滾起之後，再加隻雞蛋攪勻就食得啦！個樣望落普普通通，但食落認真唔錯喎。泡飯加左蟹膏，淡淡蟹香傳出，食落一D都唔濟，仲感覺好開胃添！鮑魚翅燉湯估唔到放題都有燉湯飲，平時好少返屋企飲湯，喺呢度飲番夠本先。

平時好少去觀塘，一直覺得佢係工廠區，今次同事話帶我去食好野，先至再有機會踏足一下。好彩同事醒目一早book咗位，我哋八點半去到，門口全部都係人，好誇張。我問同事點解要揀呢間放題，佢話因為有磯燒海鮮食，咁正！去完日本一直念念不忘，不過係香港食磯燒海鮮好貴所以暫時都未有機會再食，今晚一定食返夠本呀！雖然係放題，但係食物一啲都唔失禮。有原隻大蠔、海螺、珍珠八爪魚、大蜆、海蝦、扇貝等等，款式繁多，仲要任食，抵啊!除咗磯燒海鮮之外，另外刺身啊、熱食啊等等都做得唔錯。除咗三文魚、甜蝦、劍魚腩呢啲必有之外，竟然有鮮帶子。而且size都幾大下架，平時食放題通常都冇帶子，就算有都係薄切，唔似得呢度啖啖肉，一啲都唔孤寒。另外鮑魚片同埋大甜蝦都好得我歡心，大甜蝦夠鮮，我一個人食咗一打！壽司都做得唔錯，叫咗兩款花之戀都幾好食，其中海膽親子花之戀啱哂我口味。Size細細粒，一啖一粒，啱晒口形。另外仲叫咗泰式生蝦同埋泰式鳳爪，辣野亦都係我另一至愛。生蝦同喺泰國餐廳食嘅冇乜分別，平時泰國舖幾十蚊先得幾隻，呢度可以食返夠本啦。泰式鳳爪都唔錯，夠晒入味，辣度啱啱好。仲叫咗個黃金燒帆立貝，帆立貝細細粒，上面鋪左大量芝士拎

又黎到lunch 飯堂之一嘅大滿喜😛～呢度座位闊落～同朋友黎吹水係最岩嘅～不過lunch 多人少少，接近兩點啲時間就好好多🙈----------------------角切魚生丼🐟（$68）平時食粒粒魚生丼最怕就係用埋晒啲頭頭尾尾好似食垃圾咁，但呢間魚生丼卻非常新鮮～🤤🤤唔會有霉蝦剩魚，魚生料粉量更唔少，仲有大帶子添😬～精選壽司盛🍣（$78）雖然只有8件壽司，肚餓嘅話絕對唔夠食🙊但係件件精心製作，唔係平時齋一塊魚生喺面嘅款式～有燕窩三文魚腩（銀箔同燕窩鋪面，賣相已夠矜貴，三文魚腩夠肥美🙆🏻）、黑松露帶子（帶子好大粒～黑松露好香，兩者夾埋係非常惹味的😋）、海膽花の戀（海膽同三文魚本身就是無敵，加埋三文魚子，放入口已經有好滿足嘅感覺😍😍如果有多幾件就好啦！）好味指數😋：8.5/10翻啅指數🙆🏻：8.5/10人均消費💰：10-99服務態度👨🏼‍🍳：8/10乾淨指數🌝：8.5/10------------------------------

最鍾意嘅煮物就係鮑魚翅燉湯, 佢個鮑魚翅燉湯非常足料, 每一啖都食到有魚翅, 就好似去食酒樓飲宴嘅魚翅一樣, 咁好味!手捲細細件, 的的骰骰, 唔怕好快食飽, 最好味都係海膽手捲, 海膽非常creamy, 紫菜又夠脆刺身船非常之大隻, 有DRY ICE做效果, 靚! 刺身非常之新鮮, 仲有八爪魚食, 非常Q彈串燒方面, 我最鍾意食海蝦, 有海鹽曬上蝦既表面, 鹹鹹哋, 幾好食, 海蝦嘅肉質非常之結實, 口感唔錯壽司方面我最鍾意佢哋嘅手工壽司, 就好似黑松露油甘魚, 醬油蒜香三文魚腩, 有創意得黎幾好味!

我個同事話請我食飯，諗左好耐都唔知食咩好，佢最後決定話想食放題🤗乜都有得食唔洗煩😂之後去觀塘到搵下，最後簡左間有得磯燒嘅放題😋去到餐廳，員工都好有禮貌咁帶我地入去同介紹一下d食物👍🏻飲品亦都好多選擇，有成兩個雪櫃同一位暖櫃！食物方面：首先就緊係要食返個刺身拼盤先啦！刺身好新鮮呀北海道帶子都好大隻超正👍🏻三文魚都幾厚切架，另外梗係叫我最鍾意食甜蝦刺身啦😋磯燒都好多海鮮選擇😋最正就緊係燒生蠔同帆立貝啦！創作壽司都ok架！我地試左海膽壽司花之戀，壽司份量就唔係好大件，細細件啱啱好，海膽同三文魚真係好夾👍🏻之後我哋叫咗燒翠玉瓜同燒菠蘿，燒得都幾入味，菠蘿好甜仲有我最鍾意食嘅炸年糕，年糕一啲都唔硬，仲炸得好香脆另外，仲有我最鍾意食嘅牛油粟米啦，好香牛油味跟住我哋仲叫咗啲甜品，芒果糯米糍好甜，北海道牛乳布甸好香好滑總括而言，呢間放題都唔錯，食物選擇多，坐得都幾舒適架！

新式的爐端燒海鮮 等朋友下班関係 訂了晚一個時節 2045 等電梯時都幾多人 因為整棟都變了餐廳 但勝在多電梯所以都快出入 。七個人一坐下長型三大張併雲石桌比我們 其實是有十人的桌 所以都算鬆動 有兩個爐飲品是自助的 道地新出的無油綠茶都有 還有一些日本飲品 但有熱麥精好貼心 方便好熱飲的我之後就端上一大大盤的海鮮 有生蠔 鮑魚 海螺 蟹蓋 大大隻虎蝦 扇貝 花甲還有專人幫您燒同看火 也有一系列的刺身 炸物有小蕃薯南瓜芋頭 都幾特別壽司有黑松露生蝦 串燒的雞軟骨燒得點點好也有調味，同芝麻雞翼自助燒有冬菇翠肉瓜同小蕃薯 也點了海曕泡飯也是自助燒的 也試點蟹粥 都不錯👍總結報告 種類都多同特別 但自助爐此終是頗慢同沒特別的醬同調味粉蒜泥比我們 只有鹽巴同壽司醬油 令燒完也覺得有點沒味道 有點小火 但廚房端出來的煮好的就非常好加油

第二位客人收半價，兩個人都係$422。自助餐嚟計算好低食。食物水準不算有驚喜，但大眾化價錢，可以接受。樣樣嘢細細碟，啱晒鍾意乜都想試的朋友。員工好有心！常問住我哋有冇漏單，提示我哋要在截單前好叫齊食物。略嫌供應的包裝wasabi味道太假！好化學味的味道，破壞咗食物原有的味道。唔點好過點！

今日同男朋友一齊放假，就去咗APM度行街睇戲，睇完戲之後超肚餓，係網上介紹之下我哋就決定去APM隔離果棟大廈，食放題啦！揀咗咁多間，最後決定左去10樓嘅大滿喜，原因好簡單，因為佢有磯燒放題😋一入到去就梗係要拎曬d紙出黎畫野食啦！介紹下啲嘢食先：首先就梗係要有個刺身拼盤啦，刺身都幾新鮮架尤其是三文魚同埋北海道帶子，甜蝦都好大隻！架船咁靚😍淨係影相呃like都要啦😂跟住就試吓個磯燒啦！啲海鮮都好新鮮同好多選擇，我哋就試咗生蠔、扇貝同蝦！燒出嚟都幾美味架！呢度啲壽司都唔錯架，刺身太大件飯就細細件，冇咁容易飽😊我哋仲食埋個蟹粥，都幾鮮甜同入味，好香蟹味又唔腥👍🏻👍🏻我要推介大家飲燉湯！因為真係好足料同埋好鮮甜，我已經飲咗兩碗啦最後就梗係要食甜品啦，我哋叫咗北海道奶凍！超好食呀，奶凍好滑好香牛奶味，呢個我真係無限encore！竟然有我最鍾意食嘅韓國雪條👍🏻總括來講，間放題食物真係幾多選擇架，仲要多埋磯燒放題都唔錯，下次我都帶埋屋企人去試吓先！

黎食放題一定叫咗個刺身食先啦！！ 我哋四個人一黎就叫咗兩大盤刺身， 秒速回本😀 好多選擇， 除咗基本嘢之外仲有劍魚，油甘魚，鮑魚同象拔蚌添，厚切又新鮮：） 壽司亦都有多款選擇，例如芒果軟殼蟹， 鰻魚cream cheese, 魚子海膽壽司, etc. 正！熟食同甜品好多花款， quality 亦好高，全部即叫即整！特別推介炒青口, 泰式蝦刺身, 蒜片炒牛柳粒，炸蠔，烤帆立貝。好少見有咁多飲品揀呀，同埋一啲都唔頹，楊枝甘露，韓國飲品，日本清酒等都有得飲， 又熱有凍。我地professional 食放題既，當然唔飲太膩既降脂茶啦！呢道星期一至日lunch都只係$178加一, 仲可以食足3個鐘，好抵~ 下次再黎！

為慶祝阿媽生日，又好耐冇食放題，決定帶全家去試下呢間放題😍星期一至日lunch都只係$178加一, 我地weekend食足3個鐘，好抵~12點鐘準時嚟到, 即刻叫咗個刺身食先😊 好多選擇，超大份量，個盤大過我哋四塊面加埋，plating浮誇到有埋絲花乾冰煙😎 家人特別鍾意食劍魚，油甘魚，鮑魚，象拔蚌同帶子，厚切又新鮮：） 另外魚子海膽花之卷好好食又靚！阿媽試咗一件鵝肝手捲話苦苦地，我個人就因為animal welfare唔prefer食鵝肝。熟食同甜品亦都有好多種唔同嘅選擇，好多花款。 特別推介嘅係炸日式芝士年糕， 炸榴槤球， 烤芝士帶子帆立貝， 烤菠蘿，牛乳布甸😍飲品有超級多款選擇同埋一啲都唔頹，就連最新劉德華賣廣告既解•茶，楊枝甘露，韓國飲品，日本清酒等都有得飲， 有熱又有凍飲。之前訂檯嗰時同咗佢哋講我哋有一個人生日。原來佢哋會安排喺食到中途播生日歌，同每個生日嘅人送上生日蛋糕。 雖然個蛋糕就唔係超級好食，但係可以貼心慶祝生日，btw我同阿妹都覺得個熊仔公仔幾靚。 值得一提嘅係serve我哋張枱嘅店員(經理?)好正，食飯食到臨尾好似睇咗場黃子華棟篤笑咁, 搞到我屋企人勁開心! 佢話

第一次到大滿喜食放題~我地食最尾個時段！！超驚喜！！第二位有半價優惠~超抵！但就無左自己燒海鮮~但性價比都非常高！！食物種類都有好多供應~刺身船賣相好靚仔，刺身充滿光澤感~食落每樣都好鮮味~甜蝦有鮮甜味~自創壽司更為出色~醬油香蒜三文魚腩壽司超肥美！！質感軟滑綿綿~好好食！黑松露三文魚亦係超得~黑松露味好香濃~配上三文魚感覺好夾！！壽司飯唔會好大份量~所以食多幾樣都唔怕~!!串燒方面有隻叫虎椒~燒得好好食又唔乾身，香香地帶點微辣好開胃！燒翠玉瓜好爽口。燒海蝦又係唔乾身好好味！雪條有款香蕉味幾特別又唔會太甜！！正呀！

1.不得不讚，侍應服務非常貼心，週不時過黎教點燒D海鮮點燒最快食得最多！2.重點食燒蠔，隻隻都超大隻，成隻手掌咁大好肥味，有招秘技燒蠔快靚正，就係先拆肉再放上扇貝款上要燒，就唔怕隻蠔碌來碌去…3.其它海鮮都好新鮮第一轉每人一份食完就無，得任食類海鮮都好多選擇，係D蜆差少少有沙4.落單上菜非常快，又無漏單仲經常問客人有無野食未到，太貼心了…5.其它刺身果D都唔會失望，都好鮮味種類又多6.今次2人去，星期日 $298另加一，物有所值

雖然係foodie但形象都好重要架嘛～🙈🙈所以一路食一路減係常識吧～今期要食多啲蛋白質嘅嘢，禾呢個海鮮迷🦐🐠🦀🦑🐙簡直開心死---------------------------火灸の三色盛丼🍱 （$78）呢個三色盛其實係有火灸三文魚腩、海膽同埋拖羅蓉嘅～🐟🐟嚴格黎講應該係叫4色丼因爲係有埋三文魚子架🤣～ 三文魚腩超級厚切😋，由於只係火灸左外層，所以既食到火灸後嘅魚香同魚油味，亦食到內層新鮮滑嘟嘟三文嘅滿足感😛～ 拖羅蓉一如既往的滑，雖然會有少少筋，但仍無阻佢嘅口感😌，加左少許蔥花可以令魚蓉更香😋～配埋新鮮嘅海膽同粒粒橙金飽滿嘅三文魚子係無得輸嘅😻😻～好味指數😋：8.5/10翻啅指數🙆🏻：8.5/10人均消費💰：10-99服務態度👨🏼‍🍳：8/10乾淨指數🌝：8.5/10------------------------------