大滿喜日本料理 (已結業)

今次去觀塘大滿喜, 之前有同事食過都話正。成棟大廈都係食肆。餐廳環境都大, 原來仲有做磯燒海鮮呢, 可惜遲到, 唯下次有機會再試試先!!!另外,值得一提係侍應反應好快, 收碟速度快, 唔會一枱都係碟。觀塘呢間大満喜值得再嚟！坐低畫完一輪之後, 就出去自助區度拎嘢飲同睇下有咩熟食。飲品方面有好多選擇有冷盤好似中華沙律同螺肉等, 又可以自己撈沙律食添刺身方面都唔錯, 新鮮有多款選擇有其他小食有好多，只能舉例我哋食過的，例如泰式生蝦，蟹柳蟹子粟米.....火灸壽司款式唔少, 輕輕燒一燒, 油脂味更濃郁

同朋友行開ＡＰＭ見到附近有放題就去食放題！見到ＭＥＮＵ都發現有好多野食可以叫我地一開始緊係叫左魚生先啦～三文魚，帶子，甜蝦，蚌等等都切到好厚身，仲要夠晒新鮮：Ｄ- 海膽花之戀夠晒足料，一淡食落去個口都充滿海膽口感層次不錯～- 海膽和鵝肝手卷係ｍｉｎｉ ｓｉｚｅ既，夾埋飯先都ｏｋ既唔會好飽～鵝肝入口即溶都幾正，可以叫黎試下- 炸物方面夠晒香脆，最要講既係榴槤炸彈榴槤肉夠晒多，食落十分香甜芝麻雞翼熟度亦都炸到岩岩好Ｄ肉完全唔老～- 人蔘雞湯估唔到放題都有得食，隻雞有Ｄ苦苦地好入味，味精唔會話太多最重要係真係有人蔘係入面嫁大家都可以叫黎試下～

咁岩去開觀塘,見周圍都無咩野食,所以就去食放題平日8點半去到都已經無晒位啦,要等到9點半,大家記住book好位先去店面格局都幾大幾舒服,雖然好多人但感覺都唔會好逼而且食物都好多款嫁刺身有海螺,八爪魚,蛋,生蝦等等我就比較鍾意食熟野,所以就叫左好多最想推介係呢個芝士扇貝,芝士味好濃,同扇貝好夾呀我叫左幾round啦呢2個沙律都唔差嫁,酸酸地夠晒開胃,加上食落好有口感好爽口,絕對岩晒開胃再食餐勁既!呢個雞肉 串都不得不讚,個汁好照燒feel好甜,D雞肉亦好入味食落完全唔老大家可以試下燒野菜都唔錯,食落唔會好老,D菜都好新鮮放題都可以唔只食肉既甜品方面有3.6牛奶奶凍,馬卡龍,曲奇cake,生果等等,而且呢間大滿喜仲貼心到有暖野飲,黎M既女仔都唔洗驚無得食放題啦

一入去坐低佢就即刻送盆磯燒嘅食物過嚟， 跟住就有員工過黎講解啲海鮮要點樣燒， 途中亦會過嚟幫手燒， 有唔明點燒嘅地方問佢哋，佢哋都好樂意回答， 而且笑容可恭！嘢食同飲品種類都好多， 手捲就係迷你版嚟嘅， 細細嚿可以畀你試多啲唔同嘅口味，非常細心， 好適合想試多幾款嘅朋友！lee 道亦都唔似其他日式放題店咁，會催你走，到差唔多夠鐘嘅時候，先至有服務員好有禮貌咁過來提醒你差唔多夠鐘仲有冇其他想食嘅野要落單同埋有冇食物流單☺

辛苦揾來，至在吃，一點也沒錯。難得老公仔都放假，齊齊食放題，慢慢嘆，足三小時任叫任食。不過二点半待應提你最後落Order，總括而言，捧着肚離開，食品選擇很多。值得推介，榴槤炸彈和刺身。蟹粥和湯就麻麻，不試也不可惜。

十幾年後。小學同學聚會。一行人有8個人~原先自己比較少食放題,因為身邊既朋友都食得唔多每次放題都200幾蚊起一個人就算俾幾個鐘我食我都係一個鐘左右就食飽左甘今次個磯燒,對我黎講幾新鮮多海鮮款式,愈多人會抵D因為有送海鮮盤有鮑魚,大蝦,大生蠔當然唔少得一般放題既主角,刺身,壽司,串燒,熟食...甜品有驚喜~有MELON雪條,牛奶樂,雪米糍~海鮮盤 ,每盤係4人份依個好香,但容易爆Quota~記得適可而止啦有好多食物都未影到相,所以無得HAPPY SHARE另外,有個姨姨好好人,教我地點可以快D燒多D海鮮(可能睇唔過眼,我地慢,HAHA)主要得2個爐,唔大既人就有8個,燒海鮮用左勁多時間食物又多到放唔晒,帶子,蠔有殼,更晒位總括黎講,一個人300蚊唔洗既放題,值得推介,如果你中意食蠔就更加唔好錯過~

超級難得嘅機會, 一大班同事一齊去觀塘上Training Course, 所以我地預先幾日已經打定電話去觀塘大滿喜訂位lunch食放題😋大滿喜個位置都幾近地鐵站, 不過lunch時間排隊上去食野嘅人都真係好多, 由於lunch時間唔多, 我地一去到就狂點刺身, 壽司, 炸物等等點到成枱都係😂Lunch放題價錢比夜晚平, 野食款式都差唔多, 有機會一定要再去😆羊架唔錯, 唔太油膩和牛壽司幾香口好味壽司唔錯刺身正常海膽手卷d海膽唔太新鮮燒菠蘿好d乾泰式生蝦幾爽口天婦羅普通, 唔算好好食鍋物食一個夠啦刺身encore再encore甜品普普通通海膽親子卷, 海膽太少😌

之前同媽媽慶祝生日就全家嚟食放題， 我哋都係第一次嚟呢間食。 其實我哋都唔多食放題 ，不過今次食完覺得都唔錯， 就等我推介下啦！食放題一嚟到就叫一大盤刺身是常識吧！(佢又真係超大盤！仲要有埋乾冰，好有舞台效果😂絕對岩相機食先！) 刺身都幾新鮮特別係甜蝦、油甘魚、鮑魚片同劍魚都好正， 所以刺身就叫咗2 rounds 😍😍(2 rounds都好夠)。除咗刺身，佢啲卷物都幾好味又特別。個鰻魚卷入面有芝士㗎！ 啱曬啲芝士控！ 兩者原來都幾夾，好好味~ 仲有個芒果軟殼蟹卷食落幾清新唔會好膩。 (啲卷卷既賣相都唔錯♡)另外仲有好多其他小食，例如芝士焗扇貝、 泰式生蝦、汁煮青口、烤羊架、牛柳粒、天婦羅等等。我幾欣賞個烤羊架，因為佢嘅羊味出得黎又唔騷，啲香料都幾夾唔會遮左啲羊味。而個焗扇貝雖然味道唔錯，但太多醬太滯會令戰鬥力大大減低，食一隻就好夠。 而碟泰式生蝦都幾新鮮啲蝦幾爽口彈牙， 醬汁都幾惹味 (好似係一啲生蒜加泰式辣醬之類) 。 美中不足既係醬汁有少少唔夠，得面頭嗰層有汁。食完咁多嘢，梗係要得閒食下蔬菜/沙律/生果黎消滯啦~ 佢嘅烤菠蘿同燒翠玉瓜都好juicy。 絕對可以中和一下膩嘅感覺然後繼

一早book左同朋友黎放題聚聚舊，多款又好食飲品一向如是，都係咁多款！而佢今次多左綠茶解茶 完全消滯好選擇雪條亦唔會求求其！韓國雪條 脆皮 大腳板⋯⋯我最愛既饅魚芝士壽司😍😍😍🤣🤣🤣 叫左幾轉 都唔夠刺身 擺得吸引又新鮮，三文魚極肥美熟食亦唔差！雞肉 牛柳粒好林 好咬口熱辣辣炸彈 脆卜卜甜品多 牛乳奶凍最滑口好好味最後係甜甜的燒菠蘿總體尼個質素不錯 唔會漏單 就算人多都唔會撈亂 叫幾多黎幾多 員工效率快 環境寬敞讚

油甘魚好厚身！勁甜！又夠香同肥！個蝦都好正喔！雖然唔係大隻個種！不過一樣夠甜！又夠新鮮！仲有劍魚腩都好正啊！入口即溶！海膽同鵝肝手卷都好好食！手卷細細件！但有勁多鵝肝！好正啊！海膽甜啊！唔會腥！壽司都有好多款！個海膽蝦壽司好好食！蝦勁甜夠彈牙！個海膽又勁濃！好夾！芝士蟹棒都好食！夠哂大件！串燒既雞軟骨卜卜脆！雞腎夠味又夠爽！個香草腸都好正！啖啖都有汁爆出黎！個小食好特別！係海蜇撈翅啊！少少辣！兩樣都好彈牙！幾好食啊！最後食個雪條！

一行四人，中午12點到用膳，一坐底已入單，每款食物也點一些來試，由於開初人流不多，所有食物也來得很快，以為不用擔心可以食到差不多完，才點下一回，誰知到了一點時，差不多全場滿坐，第二次入纸點的刺身單不翼而飛，等了差不多30分鐘仍末見，於是再點第三回刺身，再等多15分鐘後才再有刺身吃，幸好中午市段可由12:00-3:00，故時間充裕。講返食物：Wasabi 味濃。泰式蝦~爽。黃金蝦~大大隻，味道正。刺身三文魚、赤貝、帶子、北寄貝~大大塊。湯的份量好及味道濃。牛柳~淋。燒菠蘿~甜。自家制甜品~味道一般，可以不吃。飲品、雪糕、雪條及雪米磁~味道選擇多。

早一排先食完佢嘅旺角分店，因為感覺良好，所以決定今次同另外一班朋友再戰大滿喜嘅觀塘分店。原本以為應該同旺角分店無咩分別，誰知竟然喜出望外。係觀塘mtr apm 出口，行過去一幢大廈就到。去到店長就問我地燒唔燒。心諗：唔係每間放題都有燒物㗎咩，有咩好問…… 隨口答咗：燒囉。跟著店長就帶咗我哋去一張有燒爐嘅枱。原來係自己燒自己食。店長：你點住刺身先，我轉頭上鮑魚俾你哋燒。鮑魚!？!？ 仲有蠔，青口，大蜆，八爪魚可以燒。蠔，係大大隻美國桶蠔，爽口為主，不會太creamy，非常適合磯燒。扇貝嘅殼可以用嚟燒鮑魚，八爪魚，唔使怕會痴。初時嘗試、或想做大爺的可以叫店員幫手教導。刺身選擇的部位夠肥，魚味重且新鮮。師傅會好俾心機砌靚隻船，唔會馬虎堆砌，食嘅感覺又會高多一級。是日正菜：海膽蟹膏泡飯。燒到尾聲時，可以開始滾熱上湯，之後將白飯和配料加入，想食糊些嘅就滾耐啲。啖湯有著濃郁的蟹味，份量足夠三人分。這可算係是日精品。

當放題開到成行成市，想保持競爭力就要各出奇謀。大滿喜的水準高而且穩定，兩家分店我都食過。今次先寫觀塘店！刺身款式多、新鮮已經是基本了，這裹連擺盤都做得非常精緻！三文魚尤其肥美，砌成花形很好看。本人頗喜歡三文魚，所以花之戀壽司是必點的。兩款花之戀都做得不錯，食材更有矜貴的燕窩和海膽。各款握壽司賣相討好，完全不似食放題。尾三的北海道帶子壽司厚肉得很。三款手卷我都有食，反正是迷你 size，不會浪費胃納。除了海膽和鵝肝較為「貴」氣，龍蝦沙律都好食。女朋友最期待磯燒海鮮這 part。先有一盤海鮮頭盤，之後再劃紙任點。店員上海鮮時有幫忙講解磯燒的技巧，第一輪幫了我們放海鮮上爐。她手勢太快所以難拍照，哈哈。後來我就交給女朋友打理，謝謝妳！生蠔比碟子更大！女朋友的成果～建議大家必試這泡飯，鮮味得很！熱葷同樣出色，連黃金蝦都有，真是服了。黃金蝦蝦肉彈牙，外面香脆惹味。右下還見到一團邪惡的蛋黃，哈哈！炸物很香口，榴槤炸彈是我必食之一。好此道者記得點。甜品選擇多，水果都好清甜。飽食一頓後有水果食，真是不錯！還有啤酒任飲，相當盡興的一晚。

今日下晝游完水好肚餓，醒起觀塘apm隔離開左間日式放題，於是決定同女朋友去試下。5點半就去到，唔使等即刻入得去到先知，原來唔係普通日式放題，佢仲包埋磯燒任食，每張枱都已經放左個燒爐係度。首先，每枱都會上個刺身船，乜都有，唔駛自己order，坐低一陣已經即刻有得食全部新鮮肥美，個人最鐘意帶子同海螺，基本上我地兩個食完個刺身船已經唔需要再另外order刺身，份量十足。同好多放題一樣，飲品都係任飲自助，但佢地嘅飲品款式多到嚇左我一跳！連清酒都有一邊食刺身，其他order嘅野都好快上枱，基本上全程所有野由order到上枱都唔超過15分鐘，總之張枱都無吉過。任食磯燒有扇貝，生蠔，大蜆等等海鮮，全部大大隻！有說明教你點燒，又有鹽同清酒俾你自己加。仲有佢地d壽司都唔錯，賣相精美，材料新鮮，飯又唔會死實，雖然人地話放題食壽司唔抵，不過我地都食左唔少另外仲有好多唔同品種嘅野食，樣樣質素都唔差，全部新鮮熱辣，唔會好似其他放題咁只係某幾樣好食，個人特別鐘意嘅仲有泰式生蝦，羊架最後仲有我鐘意嘅雪糕環節！這間又係以款式多取勝，唔同款式嘅雪糕雪條都有！總括來說，絕對係性價比高的一間放題，而且坐得舒服，係旺角的放題

又係一年幾次既放題。最鍾意食呢啲好少少既放題。好過兆萬中心既放題。刺身新鮮而且厚切，呢點已經冇得輸。鮮甜有口感。刺身唔會軟淋淋。扇貝夠大，芝士同忌廉整得好，新鮮扇貝既味道依然食到。一串串既雞軟骨走曬籤之後，留返一塊塊爽脆彈牙既雞軟骨。仲有少少熱，雞軟骨既調味粉令食物更好滋味！嘗試唔同既卷物。原來壽司類既野食都好好味，飯既份量唔算太多，同材料比例整得啱啱好。好過兆萬中心果啲成塊飯糰一齊上。高質就係高質，全部野食都維持到高水準。