大滿喜日本料理 (已結業)

今次又去觀塘放題，又係亞太中心，果度的確選擇夠多。呢間大滿喜比我既感覺好光猛，好闊落。坐既卡位都好舒適，格黎仲有長檯，多D人黎都唔怕。一般放題都係差唔遠，呢度既刺身夠凍，款式有12款，話少又唔算少三文魚肥美，好厚身。帶子好鮮甜，之後都KEEP住ENCORE 象拔蚌、甜蝦、北寄貝等。紙仔有好多款，有串燒、壽司、小食、卷物等。奈何我點左3款新式壽司都沒有送到，唔知係冇定漏單…鮑魚湯冇咩味精，真係有細細粒鮑魚紫薯天婦羅，炸粉夠簿，熱辣辣好好食串燒叫左兩三樣試下，有翠玉瓜、雞腎同豬仔骨。翠玉瓜略為鹹左D，雞腎爽爽地唔錯，但冇清酒味，豬仔骨OK。手卷唔似平時街買果D SIZE，佢係迷你版，可以比你試多D唔同款唔錯。飲品種類都多，有茶類、汽水、果汁等等，有室溫有雪左既。午市都幾抵食，仲可以慢慢食，食足三個鐘。

lunch 食放題係一件好奢侈的事，不過唔係放假的話都無咩可能咁做，雖然係咁，午市都有唔少放題的選擇的，今次就去到觀塘區呢一間。本身呢棟野都有幾間食日本野，要d時間先可以試哂。上到去地方尚算闊落，同埋因為係午市的關係，仲有唔少位可以坐。刺身都係大路野為主，不過無tuna同其他冷門野。壽司賣相唔錯，牛肉同蟹棒果個食落唔錯。叫左個海膽手卷，不過真係迷你得制，一啖都食得哂。仲有試左佢兩款創意壽司，都係花之戀果類，望落都算新鮮，食落隻味都夾。熱食方面叫左一窩牛肉煲，牛肉算多，湯夠熱可以整到d牛肉啱啱好熟唔駛太韌，係個湯甜得制。不過有少少唔好就係落單之後黎到的野食會少左一兩款，要問一問先知賣哂。

​ 同其他放題差唔多 都有烏龍茶 忌廉溝鮮奶等等嘅嘢飲揀 鵝肝手捲油甘味濃，滑順綿密,食落去有好濃郁嘅香味，質地粗肥，既鮮美又新鮮，鵝肝份量適中。 蟹籽沙律嘅沙律醬非常好味，青瓜絲夠幼夠多，又爽口，好新鮮。加埋蟹籽的點綴， 使口感有更多層次，味道鮮美無比。仲有粟米嘅配襯，食完好有胃口。 咬落去燒菠蘿又甜又多汁，唔會話好硬，燒嘅程度啱啱好，好好味。 牛油粟米既粟米好甜好爽口，牛油亦非常香濃可口，搞到我食唔停口，再嗌多幾碟！ 炸蠔層皮好鬆脆，蠔味好鮮, 口感嫩滑飽滿，蠔嘅肉質豐滿而結實，想起都流曬口水，香口濃味，入口嘅時候有淡淡麥香。 雞翼好香口，唔算細隻，十分惹味，有孜然嘅味道，賣相都唔差，冇雪藏味，熟得啱啱好，肉質細嫩，味道鮮美。 甜品有牛乳果凍真係好有牛奶味，甜甜地都幾大杯，食完好滿足。 整體嚟講價格都算抵

呢間放題已經食左幾次但係咁多次佢d刺身同壽司依然好新鮮唔似其他放題咁收得貴仲要交行貨三文魚，帶子，油甘魚都好新鮮另外魚不得不提如果唔新鮮既魚會有陣泥味但佢呢間無泥味不單止d肉都好彈，仲有白肉螺超級爽趣（必點）至於壽司我食左幾樣咋鵝肝手卷，海膽手卷，同三文魚子海膽花之戀全部都係即叫即整仲細細件唔會則飽晒你至於和食人參雞湯同芝麻雞亦都好好食但個和牛粒就麻麻可以的話就唔好叫喇嘢食差唔多講完到飲品超多種類啤酒，清酒，梅酒氣水（連zero coke）都有，果汁乜都有總括黎講263蚊連加1既放題有咁既質素真係好好架喇

17/7全家都去食放題，食左啲海膽都覺得唔新鮮，回家點知就係咁痾，痾到差啲暈底，入左聯合醫院，因為食物中毒，勸大家千萬唔好黎，比咁貴價錢但換黎成晚無覺好訓，送都唔想食

一入到間餐廳，見到地方咁闊落同埋環境好光猛，印象已經唔錯，因為大多數嘅放題餐廳啲枱又迫又細張，坐都坐得唔舒服，但呢間就絕對唔會無呢個情況出現食物選擇有好多，有成十幾張而飲品同埋雪條呢兩樣就係自助嘅放題必食嘅當然就係刺身啦呢度嘅刺身好新鮮，我地食左三round 呢男朋友最鍾意食甜蝦同北寄貝，而我就最鍾意食帶子，油甘魚同埋三文魚呢度都有唔少特色壽司，例如呢一個海膽親子花之戀，幾有趣嘅組合壽司嘅size比較細，唔會咁易飽肚辣酒煮花螺同鐵板辛味魷魚鬚好有驚喜，特別係個魷魚啊超級香，小小辣，煮得剛剛好，好有口感。花螺都唔錯，幾入味呢兩款都有encore啊墨魚餅有啲特別，有一粒粒嘅口感不過味道普通，可skip。吉列炸蠔就不過不失啦。建議餐廳放張吸油紙係底牛油粟米就好香牛油味，冇乜特別。個泰式鳳爪好好味呢份量比較少所以我encore左兩份。比較辣，食唔到辣嘅人就唔好試呀。每次食放題如果個Menu有燒菠蘿我都會叫清新嘅菠蘿可以減低個油膩感，然後再戰燒帆立貝好香，個醬汁超正唯一缺點就係粒帆立貝有啲細粒服務方面，冇漏單，上菜同埋收碟服務都好快整體黎講呢間放題值得推薦而我發現仲有好多嘢食未試過呀，有機會一定

今日黎到觀塘行apm睇live show，心血來潮想試下係晏晝食放題， 就去咗隔離嘅亞太中心度食大滿喜，真係食到充滿歡喜因為我本身唔好食生冷嘢，所以今次冇特別叫到刺身， 但係就叫咗好多好多嘅壽司。呢度嘅特色壽司款式都幾多下，特別推薦火炙果幾樣，真心正同埋值得一讚既係呢到無論係手卷定壽司既飯都好細舊，唔會食得太飽濟，叫多多都唔怕仲有樣值得推介既就係個蟹粥，個粥落左好多蟹肉絲去整，堅食得出蟹既鮮味，同埋食完個粥仲可以慢慢拆蟹件食，好滿足~

食放題是一個不錯的選擇，特別是一大班人各人有各人喜好的時候，又想一起吃飯，吃得飽飽的。今次訂了位於觀塘區的大滿喜，其實旺角都有分店，不過朋友住在觀塘區就遷就一下吧。一開始就收到了一大盤刺身，真的很驚喜，每一款都有幾件，但是不會太多質飽你。當中最高質素的我覺得是帶子吧，清新之餘又有點爽口。八爪魚、甜蝦等等都非常出色，吃得到的新鮮。我們也點了一些前菜小食，好像魚翅的粉絲和蜆肉經過調味後味道不錯，幾開胃。炸蠔，芝麻雞翼和年糕也非常高質素，芝麻雞翼剛剛好沒有油益味，而且裏面亦能鎖住水份。炸蠔裏面爆多汁，吃起來熱辣辣有海水味。芝士年糕當然不用說，不過吃完很飽的。帆立貝個汁是類似忌廉汁，好想全吃不過會有點飽，調味是不錯的哈哈！飲品我們就喝茶，比較健康！

又食放題啦🤤今次去觀塘大滿喜 裝修都幾豪華🤣首先食既梗係刺身啦🤤🤤見到呢啲刺身都好厚👍🏻👍🏻咬落啖啖肉 好正☺️☺️❣️跟住叫左啲小食 去放題必食既芝麻雞翼同炸彈🤤 好食 炸得岩岩好 好脆 咬落去又熱辣辣❣️❣️ 牛柳粒就肉質好嫩滑😋😋汁就整得好好 好有味😋仲有壽司同手卷 手卷細細舊 岩晒放題想食盡既你😂😂👍🏻但細舊得黎料又足 咬落係食到佢既料❣️❣️正❣️❣️最後當然要食下甜品 牛乳布丁推薦❣️❣️奶味重 好好食☺️☺️☺️

同屋企人搜羅好味嘅放題，旺角呢一區有好多唔同嘅放題餐廳，各有各特色，今次就訂咗大滿喜，唔好以為咁多間放題就可以唔使等位，其實一樣爆滿！蟹棒壽司，味道唔錯，嚿飯暖暖地size啱啱好，好鬆軟。手卷方面就有好特別嘅海膽手卷同埋鵝肝手卷，海膽比想像中質素高，小清新；鵝肝香滑，估唔到配埋手卷都幾match。刺身種類繁多，一開始佢就會比一盤你，唔使諗，不過壞處就係有啲魚如果唔食嘅話就會浪費啦！全部刺身都幾新鮮，最鍾意就係食甜蝦同埋帶子。蟹子沙律涼浸浸，大熱天時就最啱食。野飲同甜品都好多選擇! 仲有MELON~ 超正!!!

同屋企人去咗觀塘嘅大滿喜食放題，選擇都幾多下，星期日超多人，放題多人才是熱鬧嘛。比較深刻嘅係佢有海膽手捲，唔係咁多地方可以食到。一嚟我哋就嗌咗一碟刺身拼盤，包括有油甘魚、三文魚、希靈魚、象拔蚌、甜蝦和北寄貝等，旁邊附有乾冰，能夠製造煙霧嘅效果，非常之悅目。刺身大致上都好新鮮，不過象拔蚌就爭啲啲。特別鍾意爽口的八爪魚，唔會話口感太un。另外，甜蝦係原隻上，連埋蝦頭，非常之鮮甜，肉質仲夠飽滿添。然之後嗌咗一個蟹籽青瓜沙律，沙律醬非常之好食，青瓜好夠水分，所以食落去爽爽地，夠哂爽脆。蟹籽飽滿，粒粒晶瑩剔透。係最期待嘅部分，分別就是係鵝肝手捲同埋海膽手捲。我們能夠從圖片看到，它們的分量是很小的，飯唔會太多，咁就可以試多啲其他嘢，唔會食飯食飽。海膽係韓國海膽(味道+外觀似) 幾好食，唔錯。而鵝肝手捲亦燒得甘香，即使唔點豉油，味道都唔錯，特別推介呢兩款手捲，我哋亦嗌咗素翅海蜇，味道有少少辣，但係調味唔錯，非常之濃郁。海蜇非常之爽口，但同時唔會太鹹，正。燒菠蘿，鮮甜多汁。多春魚的外皮燒得甘香，火喉拿捏得啱啱好，魚肉唔鞋。仲叫咗燒海蝦，口感仲好濕潤，味道鹹鹹地蝦味非常之重，帶一點點的海水味。朋友點了芝

朋友生日，一大班人梗係食放題最好啦....聽講呢到有磯燒放題，心郁郁想試下.....一黎就點左啲刺身，雖然呢到既刺身種類好多，但係感覺冇之前咁好味道，味道冇咁鮮味，但勝在肥美....至於壽司既水準都可以keep 到，細細件好易入口，而且壽司上面既刺身好大件同肥美；海膽赤蝦鮮甜美味，兩者好夾，火炙芝士蟹棒超正，啖啖肉好好味，帆立貝超肥美新鮮，值得一試！炸物都好好味，芝麻雞翼炸得岩岩好，芝士年糕熱辣辣，相比之下，吉列蠔就比較細隻冇咩肉，比較失色。到左磯燒海鮮啦....佢有好多唔同種類既海鮮揀，有蠔蜆扇貝螺蝦鮑魚，我地就諗都唔諗就揀左蠔燒先啦....所有既海鮮都好新鮮，蠔燒完都冇咩點縮水，肥美多汁，其他海鮮都好好味，蜆雖然唔大隻但係食落冇沙，扇貝食落都好清甜，特別推介係蝦，大大隻既虎蝦食落超級爽口彈牙，仲要多汁鮮甜，正！

現時日式放題餐廳在香港可謂選擇眾多花多眼亂，但有質素的放題餐廳不多。有朋友極力推薦觀塘大滿喜。環境設計簡約有別於傳統日本食裝修，枱面寬闊容量較多食物。服務員態度友善上菜速度快，更值一讚既係没有漏單情況放題方面有刺身、壽司、手卷、天婦羅、燒物、炸物、串燒及鍋物等。可隨心所欲揀自己喜歡既食物刺身上係乾冰上散發着煙霧，極為夢幻。刺身厚切新鮮没有腥味。象拔蚌爽脆鮮甜、三文魚及蝦刺身質感軟滑、劍魚腩油脂豐富爽口，油甘魚柔滑結實，甜蝦大隻鮮甜，帶子爽口清甜美味，八爪魚咬起來非常彈牙，口感嫩中帶脆，極富口感

約好朋友飯聚，她於觀塘返工。便在附近搵野食。而因為我地兩個女仔對食都無咩主見， 所以就上網搵下有咩放題好介紹。(食放題的好處就是最適合有困難選擇性的女生)經過一輪後宮佳麗挑選，最終揀左大滿喜放題料理。因為上網睇到餐廳環境還蠻舒服的， 好適合傾計。喪食頭盤刺身是常識吧, 2個人先來一大盤雜棉刺身, 一睇重量級呢盤刺身出場, 如果係係出面D日本餐廳不會肆無忌憚咁食，家下望到都己經好興奮，刺身好有水準，當晚食既刺身好新鮮同大件。油甘魚刺身、珍寶帶子刺身、赤蝦刺身、而帆立貝真的很大粒同鮮味。  而order的甜蝦更是一樣大隻巨型.太誇張啦壽司好特別，有名貴食材黑松露三文魚壽司，黑松露油甘魚壽司，海膽赤蝦，帶子，蝦，魚子剌身都好新鮮，完全無雪味，好厚身。其他三文魚、八爪魚、榮螺片等等都好好食。而另一推介是蒜片炒牛柳粒，牛肉味濃香口我最鐘意牛肉卷，有大大片牛肉係上面，入面再包住牛肉碎，口感豐富。菠蘿能夠保持裏面嘅水份，好香菠蘿味一口芝士外脆內軟，芝士味香濃泰式山下甜酸惹味，肉質鮮嫩各式汽水、紙包飲品無限暢飲

日式放題「大件夾抵食」與及食物種類眾多選擇，長期排隊的放題繼續排長龍，是有其過人之處，今日去到最具人氣的大滿喜抵食放題！裝潢新淨整齊，加上食物質素高、賣相好，味道同服務都唔錯，值得再黎這裏食物選擇包括各式刺身、天婦羅、鍋物、甜品都一應俱全。厚切刺身三文魚、帶子、甜蝦、花螺、北寄貝應有盡有，甜蝦不太爽不過都鮮甜 螺片都好食，推介必食回本貨：芝士焗蠔、燒原隻帆立貝皇、赤貝刺身、原隻甜蝦刺身和北海道帶子刺身，帆立貝壽司粒粒又大又厚 十分有口感刺身新鮮、炸物出色，炸芝士波波同燒菠蘿係必選。炸物全部都熱辣辣即叫即炸，而且一啲都唔油膩。最鐘意就係佢既炸芝士波波，又香又甜，炸得外脆內軟其他好味既仲有：牛油粟米，黃金蝦，蕃薯仔天婦羅，牛舌，火炙左口魚壽司，火炙蟹棒壽司，最後甜品都有好多選擇，除左甜品仲有雪糕雪條