大滿喜日本料理 (已結業)

我身為不吃刺身的食客去吃放題，心想一定會吃少好多東西，不過幸好我來到這放題店，竟然也有很東西可以供我吃，首先我去到外面，有好多東西可供我們去夾，例如新鮮凍蝦、青口等等，凍蝦吃下去十分彈牙，青口也不錯的。還有是日例湯可以喝，而且還有沙律可以吃，配料有雜果、生菜、中華沙律等等，吃下都十分新鮮的，亦見到甜品也有很多選擇，有布丁、雪榚、乳酪，我有吃到牛奶布丁，吃下去好重鮮奶味，甜度適中。我最推薦燒菠蘿，當吃完炸物會感覺到有點油膩，而菠蘿的酸酸甜甜就可能解膩，最後我都一共吃了十幾塊燒菠蘿，燒得剛剛好，咬下去會有菠蘿汁。在炸物方面，最推薦炸芋圓，裏面的芋香好重，甜度也適中，可惜不夠熱，牛柳粒也不錯的，很重牛味，肉質彈牙。鳥冬和蟹粥都值得一試！

我發覺我真係好鍾意食放題😂尤其係呢種半自助形式既日式放題餐廳因為由前菜頭盤到甜品飲品種類既選擇好多同埋半自助形式既好處就係份量可以自己控制到好似前菜區咁，有時唔肯定岩唔岩自己口味可以夾少少試下先咁樣避免左好多浪費～呢個火炙三文魚卷超好味，細細粒，一啖擺落口，入口即溶。火炙系列既左口魚同三文魚都是我推介的芝士控必order炸芝士非常出色，炸粉唔算厚芝士滿滿的又是一啖一粒、雖然好邪惡但真係好好味、停唔到口。肥牛窩都是我食放題必點的食完咁多炸物，係要食番d菜既菜、金菇、肥牛索晒個甜醬油湯底時味道正呀最後就係甜品有雪糕雪條⋯啫喱⋯豆腐花布甸⋯乳酪⋯ 慕絲蛋糕同埋芝士蛋糕等等但我都係最鍾意乳酪雪糕仲可以加好多配料添呢間放題都幾得意一出電梯竟然見到幾部夾公仔機等入去時都可以夾下/睇人夾下消磨時間

今次食大滿喜真係好驚喜 因為呢間放題真係性價比好高 而且會再返黎食呀肯定！點菜之前我地已經急不及待去睇佢嘅小食bar 有生果 有凍蝦 青口都好新鮮呀！點菜之前又肚餓就一定要黎攞野食啦！咁放題一定叫刺身先啦！呢到嘅刺身好新鮮同厚切，款式都好多呀 淨係刺身都叫咗好幾轉🤤🤤🤤之後我地叫咗壽司 有我最鐘意食嘅火炙三文魚同黃金魷魚 火炙三文魚好有入口即溶嘅感覺 好正呀！好罕見地有左口魚群邊添！佢嘅色好適中好香呀 😍😍😍另外主食方面，牛肉鍋好香 個湯都好鮮甜，連裏面嘅豆腐都好有牛肉湯嘅味 如果你鐘意金菇、生菜嘅話咁你會覺得連埋個湯 真係好正好正之後介紹下個飲品區，有好多款飲品，款式多過普通方題😍 我就飲咗好多去解綠茶 最後 亦都係最特別就係有Frozen Yogurt!! 可以自己整 想食幾多就整幾多😍😍😍

尋晚約咗個friend 食飯傾偈， 由於我好鍾意食放題， 揀咗呢間餐廳。 其實我之前都黎過，感覺幾好 ，今次再去試下。我 through OpenRice book左位， 去到即刻有得入去坐低。餐廳已經放咗一本好厚嘅簿， 裏面夾咗好多款 唔同嘅點食物紙。最吸引嘅當然係刺身， 有一盆冰墊底，面頭有個杯仔載咗少少乾冰冒著煙咁，餐廳都花在啲心思去做點綴。啲刺身非常新鮮。 我哋點咗 三文魚、 帶子、 希靈魚、 甜蝦 、油甘魚 、象拔蚌。 刺身方面大家不妨數量點多啲， 因為全部都係好薄切 ，帶子四片等於平常一粒。另外我哋有叫咗海膽手捲， 都係一口可以食完嘅size，大家都可以叫多啲。其他食物我覺得牛舌、羊架同埋燒菠蘿係值得推介嘅呢間餐廳食物飲品選擇都算多、價錢適中、地點方便， 食物都上得幾快 ，都幾好。唯一唔係咁好嘅就係坐得比較迫同埋都幾嘈。

看見食評，個個都讚不絕口，於是我亦去試一試，睇下👀係咪咁好食。之前去過某幾間放題，對比之下，這間店的服務效率非常高、送食物速度很快🏃🏻‍♂️，食物質素很有高度水準😋🍣🍤，而且亦很精美，有基本刺身、天婦羅等等⋯⋯推介海膽手卷，一個一口剛好食哂，完全唔腥。飲品選擇很多汽水啤酒清酒梅酒🍺🍶，仲有椰子雞湯飲🥥🐔🍵和碗仔翅選擇，熟食方面，有泰式鳳爪等等。總括而言，大家可以值得一食👍🏻👍🏻👍🏻

食過咁多次放題，都係鐘意黎番呢一系，因為食左都有一排，d水準都無咩大變。今次去到旺角呢間，大間得黎d位都唔算迫。先講刺身類，有十幾款，都係主流會叫到的款式，魚果幾款切得算厚。壽司款式唔多，都係自家調製的口味，個人覺得柚子胡椒油甘魚呢個推介，食落偏酸同咸，食唔慣，其他食落鮮甜d, 較易入口，係size細左d.熱食方面主力叫左鐵板蒜香一口牛，當然唔會用鐵板上，叫一份都有5,6片牛，送到上黎果時唔算好熱，但係牛唔會好鞋好韌，又唔會只係得汁的味，平衡到汁同牛的味，叫的皇牌有佢道理。除左日式放題常見的，仲有日常中式野食都有。 鮑汁燴花膠果個唔錯。花膠唔算大條但係夠多，食落夠黏，食得出有燴到咁上下時間。椰子煲烏雞湯 飲落好重椰子香，但係到我果時剩番唔多，試唔真。人雖然多，但係整體上菜時間算快，水準都保持到。

好耐冇食放題 因為平時出街嘅機會都比較少，一直以來我都鍾意食刺身，可惜冇咩朋友陪我食，難得今日朋友生日所以我請咗佢呢度食嘢，同時事可以滿足埋自己嘅食慾呢間放題有一個自助吧，有一啲冷盤，自製沙，有甜品，湯，軟雪糕可以自己整黎食，飲品嘅選擇非常之多。而係食物方面，我哋叫咗唔同嘅壽司，因為我嘅朋友淨係鍾意食壽司🍣，無論係邊間放題都好😅我比較鍾意食三文魚同埋帶子刺身，佢嘅刺身感覺上好新鮮，帶子食個落好鮮甜。另外我哋都有叫咗羊架食，水準不錯，我認為去食放題必要食嘅嘢係刺身，壽司同埋羊架呢三樣都滿足到我就已經足夠，不過可能我始終年紀大食量細咗🙁是次晚餐每位268加一

近排周圍飛，難得有兩日在香港，於是立即約朋友食餐勁既！ 一點完單，我立即離座去自助區拿沙律和飲品。這店的好處在除了魚生燒物，自助區都有很多熱食、甜品和前菜選擇。適合草食男女🤣沙津除了生菜都有些罐頭菠蘿、粟米和桃。腸胃不太健康的我二話不說就夾了一堆😂都係一般沙律咁嘅味，甜甜地。不過至少肯定不是放置了很久👍🏻好耐沒叫過刺身，單裡的魚生幾乎都是我叫的😂幾乎是一個人的魚生份量。不過我最愛的三文魚超肥，白色的肥肉比例超過三份一！網上說三片三文魚等於一碗飯，我估這裡一片等於一碗了😂所以我食了五片已經覺得滯。帶子都鮮甜，之後我有再encore 一片😂結果端出來的盛盤和上一盤一樣，好似浪費了很多冰，害我覺得不好意思🙈鰻魚叫了一片但給了我兩塊。鰻魚醬的味道適中👌，肉則少許偏乾。有好幾條幼幼的魚骨，雖然實屬正常，但是我剛剛兩星期前嗑魚骨入急症，所以不敢食埋第二塊🙈燒菠蘿燒得不夠完全，而且超難嚼。味道是甜，可是我點努力都咬不下。（圖為咬不到的結局）😂羊鞍意外地大份又好食。香料調效得洽度好處。肉質也軟熟易入口。讚！ 另外要讚的是熱蟹粥😍有半份蟹在內，超滑，連米粒都又有蟹味。我們還挑機試了件雜錦海鮮班戟。原來班

同好朋友好耐冇見，又想係旺角食好耐冇食既放題，唔想同人逼既我地於是簡左5:30 黎大滿喜食野~幾喜出望外啊~食物種類好多, 刺身種類多啊, 起碼有齊我地鍾意食既三文魚,劍魚腩, 象拔蚌, 北寄貝, 好新鮮好鮮甜。因為貪心想食多D其他野, 所以魚生都唔敢叫太多~ 出面有自助既沙律同小食BAR~ 種類唔少啊~仲有我既至愛中華沙律同桃啊> <!!好難得有我既最愛—鹽燒左口魚邊啊!!! 呢間整得好好食>///<飯又唔大舊~叫左個海鮮班戟試下~似係呢間店獨有WO, 係其他食放題既地方未見過，班戟入面有魚生粒, 幾得意~似甜品又唔係甜品~必點的還有芝麻雞翼~紫心香芋丸~榴槤炸彈~!! 上桌時還是熱的~香芋丸跟榴槤炸彈一D都唔油, 可以一次過食幾粒!!好香! 燒牛舌, 唔會有燒到太乾既問題! 仲KEEP到有肉汁係入面!好食!羊鞍! 食過咁多間放題, 我覺得呢間真係整得好好食~!!夠多肉, 又JUICY! 唔會煮得過火變得好鞋! 瑤柱海鮮粥, 熱騰騰上桌，個粥好綿好香~!果然是需要食D熱野暖下胃~座位舒服, 店員有禮, 換碟收碟動作超快, 並唔覺得有漏單情況, 會再EN

帶子甜蝦油甘魚三文魚鮑片應有盡有,而且塊塊都幾厚仲幾新鮮,比起一般放題質素高,壽司仲有和牛(當然只係比一般牛好食少少既牛黎),海鰻簡,等位就由於係星期五所以都預左要半個鐘度,甜品方面就只有頹既豆腐化雀巢雪糕,當然食完壽司刺身都無肚食甜品了

朋友生日諗左好耐都唔知同佢食乜好，日本野又想食甜品又想食但又唔想走幾轉，行過創興把心一橫走咗去同佢食大滿喜放題。諗返起都差唔多半年冇黎食過，一入嚟見到吧枱範圍大左，好多唔同嘅小食變咗做自助餐形式俾你任攞，立即攞咗八爪魚同中華沙律試吓，都保持到平日唔錯嘅水準。叫嘢食第一round一定係要叫刺身食，大滿喜放題係刺身呢一方面水準一向都非常之好，第一點一定係要讚嘅係你點幾多食物你嘅數量都係充足嘅，如果你唔係寫得太誇張嘅數量通常都係上得好足數三文魚刺身厚切保持住口感肥美亦都好新鮮，甜蝦大大條甜度同埋新鮮度都保持到，玻璃蝦同埋帶子我重點推介，玻璃蝦食落好爽口彈牙帶子鮮甜唔會有一點腥味，順帶一提佢哋嘅刺身真係完全溶晒雪，你會完全感受到刺身新鮮口感同埋味道。之後就係試吓佢哋嘅壽司海膽魷魚壽司海膽味好濃襯托返本身冇味嘅魷魚口感上兩者配合得好好，海老壽司佢哋就會配合黑松露醬，用黑松露將將味道揮發嘅特點令到海路本身嘅鮮甜味昇華，海路壽司佢哋另一個配搭就係芒果芝士食落去味都幾得意嘅酸酸甜甜嘅感覺其實幾清新嘅仲有好多唔同嘅組合例如芒果炸蝦卷，黑松露炸蝦蛋卷，同埋入口即溶嘅鰻魚卷，佢哋係壽司嘅配搭方面睇得出係花咗

今日去旺角擦餐勁既，揀左大滿喜，之前食過觀塘果間都唔錯。旺角分店分左AB區，中間就係自助區。座位較為迫，唔係人坐唔到，係野食太多的話就會好快放滿台。咁自助區有D咩呢？有熱食如碗仔翅、椰子雞湯(呢個我超鐘意，飲左兩碗)，仲有沙律吧，甜品雪糕飲品等。黎食放題就緊係少不了叫SASHIMI 啦我鐘意食油甘魚，好香口，三文魚都算鮮美，帶子就較簿身。相比起帶子刺身，右下呢個SUSHI 既帶子會厚身D，不過TOPPING 太搶味了海鮮PANCAKE，好唔好食就見仁見智啦，我就麻麻地個口感，個PANCAKE其實得三文魚同蛋皮，內裡連SAUCE都冇咩另外都有D特色少少既壽司，味道都唔錯炸物都整得幾好，尤其係芝麻雞翼，香口又嫩滑串燒方面，番薯仔係必叫架，呢個牛舌都唔差，唔會好咸好UN。至於甜品，推介朱古力MOUSSE 杯，好濃郁。軟芝士餅都埋單每人2百幾，價錢中等吧星期日同母親大人係呢度慶祝都唔錯

好小放題會有自助區，而且自助區既食物都好豐富，有冷盤，熟食，有沙律，有湯，又有甜品飲品，極為豐富，而且環境座位都舒服，待應仲主動幫我地換左幾隻碟。 通常放題都得面鼓湯同人參雞湯飲，好小會有中湯飲。而呢到竟然有，我最中意飲自助區個是日中湯，個日係椰子湯，好香椰子味，煲得好濃好好飲，我飲左三碗，真係太好飲。 刺身都好湯，三文魚夠肥美，肥厚適中，食落係有三文魚味，因為有d放題三文魚會好淡味。甜蝦係有豆個種，都幾大隻有肉，肉質爽口既！同味道好新鮮。 牛油粟米係我最愛，所以去到邊都要點，呢到既牛油粟米好香牛油味！應該落左好多，粟米粒粒都鮮黃色而且咬落好爽又大粒。 羊架都烤得好靚，唔會鞋而且仲有肉汁😋炸蠔大大粒，脆卜卜。 海鮮班戟都好好食！賣相也不錯。 好中意食燒菠蘿，因為可以食到飽食下生果會開胃一點，菠蘿唔酸，仲好juicy。 清酒煮蜆，入面既蜆每一粒都好香酒味，而且蜆肉都唔細粒，都脹卜卜。 甜品都好豐富，食左芒果布甸加淡奶，完全係兒時最愛，勁好食！😋連慕絲都分左好多隻味，我今次食左朱古力咖啡味，都幾好食，唔中意咖啡味既亦可選朱古力味或牛乳味。 外面仲有清酒同紅酒任飲。食完七點半

豪華外觀耀眼裝潢五花百門，環境清雅餐廳位於旺角交通方便極高，適合與朋友談天說笑的好地方近年放題店勢不可擋在餐飲業界大受歡迎，本店食物種類頗多，比一般日本店放題有水準，綜合來說人均消費相約120分鐘無限供給，勝在夠多元化及便宜是亮點之一，按來貨供應希望超越慕求以新鮮海鮮取勝保持新鮮細味度，話明直送你手任食放題當然預備充裕時間配合和大量引入一連串日系和食可供你選擇等代你挑戰，至於不同各款的日式甜品陣甚誇張，讓大家大吃前醫醫肚件件蛋糕亦有不同吸引之處如:前菜、沙律和熱湯和飲料及軟雪糕自由斟也花多眼亂盡情大吃大喝喪食，在自助區的小冰櫃吃一口透心涼降降温度真舒暢。對於晚市一眾大胃王及男女生們來說可說是個不俗的選擇！三文魚、油甘魚、劍魚腩北寄貝等…………款式也應有盡有，味道質地鮮甜肥美刀力絕不馬虎一大盤，利用冰碗奉上乾冰飄散煙霧奉上不負其名富有多年經驗飽滿的魚油入口柔軟食客可借著剔紙任點，入口即化值得再推！而炸物串亦是我深受歡喜的店舖，功夫深厚廚師精心製作，烤得剛好 熱辣辣香噴亦沒有縮水，脆身炸皮不會太厚沒有半點渣滓卻不油膩，絕不會有漏單作風refill速度快有效率，員工態度認真下次生日記得訂好位

昨天朋友生日, 幾條友去食旺角大滿喜, 其實同類型既放題已經開到成行成市, 咁我睇OPENRICE 其他人D相, 見到佢有清酒,梅酒任飲, 正~ BOOK佢~ BOOK咗8點鐘, 平日都都爆咁~ 坐底見到一本5吋咁厚既ORDER紙嚇一嚇~ ORDER哩D粗重野一定由我黎啦~ 刺身種類係多既, 熱食串燒也非常之多~ 係咁二第1 ROUND 剔少少先~ 點知每一張剔少少都剔咗8-9張~ 首先一來就係刺身大併盤~ 材料非常新鮮, 油甘魚好爽口, 三文魚香份好多, 件件都閃閃令~ 甜蝦, 俄羅斯紅蝦都好爽口好甜, 最棧鬼係一上有少少乾冰, 成盤野仙景咁~ 打卡一流~熟食我全打鐵板燒同串燒類, 羊架好林好香, 好勁羊羶味~ 仲意食羊羶味一定要叫,燒牛脷, 鹽燒雞翼都ORDER咗兩次~ 當你食到七七八八既時候, 飲返杯梅酒, 食返舊燒菠蘿開一開胃~ 又可以重新黎過~最後甜品有韓國蜜瓜雪條~ 又有軟雪糕, (蜂蜜味好好味) 北海道牛奶布丁, 今次我又飽到碌出去~~~