大滿喜日本料理 (已結業)

今個月係生日月，好多飯局，唔少得又要去食放題😂第一次食呢間，大滿喜，聽個名希望唔會太差。-刺身厚身新鮮，叫左2分鐘都冇就上枱啦幾鐘意食佢既鮑片同甜蝦，甜蝦好黏身，鮑片亦相當有咬口-牛柳粒味道雖然唔錯，但牛柳粒略嫌有d韌，食左兩舊就冇食lu-焗帶子呢個係我覺得最好味既‼️佢有芝士同沙律醬，一齊焗出黎好香，有少少酸酸地，但又好開胃搞到我忍唔住encore叫多左兩隻-佢既壽司不過不失，味道唔會真係好出色，但勝在唔會好大舊飯，每款淺嚐一舊都未嘗不可。-燒牛舌牛舌向來都係放題必點既菜式，呢間既牛舌又唔錯啵燒到岩岩好，肉質仲係好林，食多兩串都唔會嫌多-炸牛奶我朋友話有d油，但我覺得ok好食喎，炸得香脆，裡面既牛奶幾香，熱辣辣食仲正-炸物，我欣賞佢既炸蠔唔會好多水，咬落去唔會有好重既腥味。我朋友就鐘意佢既炸芝士，好濃郁既芝士味，份量十足-埋單每人213再+1，放題黎講唔算貴，野食相對叫做中上，可以再幫襯

今日和朋友旺角行街街，大豐收之後就去醫肚。經過有很多食店的創興廣場，我同朋友都很餓， 所以就選擇了食大滿喜放題。我們5：30入座， 限時兩個鐘。食物種類選擇豐富，有壽司,刺身,天婦羅,燒物,炸物等等。出面有自助飲品，甜品，雪糕雪條等等。食放題首先當然要叫刺身，三文魚夠厚，馬刀貝咸咸的很爽口，甜蝦鮮甜大小適中，帶子雖然比較細粒，但很鮮味， 象拔蚌爽口，整體來講，刺身夠凍夠新鮮。汁燒香蒜和牛壽司， 蒜蓉香口與和牛很夾。原條海鰻，海鰻大大條。 鵝肝帶子壽司燒過很香口，估唔到兩者配撘起上黎可以咁好食，金沙蟹皇壽司鮮甜。很喜歡這裏的壽司細細件，飯的份量不會太多，可以食多幾件榴槤炸彈大大粒熱辣辣，流心，不知不覺吃了幾粒。燒有機菠蘿，菠蘿無渣甜甜的燒得剛好。粟米好香牛油味。

今個週末同家姐喺旺角食放題，呢間大滿喜之前都聽朋友讚話平靚正，今次可以試吓啦！上到去門外裝飾與別不同，入面已有很多客人。 有好多自助飲品、冷盤、甜品、乳酪、雪糕同雪條放在外面，可隨意自選同自斟。阿媽曾經講過食魚生前要先打好個底，所以嚟個海鮮粥滾熱辣，夠曬足料，稀調又適中。辛味豬肋骨,只係少許辣,肉質嫩滑，越食越惹味。黃金焗帶子香噴噴，帶子肉質好鮮甜。一口牛入口鬆化，肉質淋滑，醃得好夠味。珊瑚蚌夠大只又爽脆。墨魚仔一啲都唔靭，兩樣都不相伯仲咁好食。鮑魚片好鮮甜，越𡁻越有口感。排第一位最健康嘅蔬菜係蕃薯，日本蕃薯仔煙煙靱靭又超甜。炸物之中芝麻雞翼我最欣賞，唔單止皮脆肉滑，重有好多芝麻沾喺面。甜品中我最鍾意係呢款牛奶布甸，非常滑溜，我足足食咗幾杯。我發現有好名貴而養顏滋陰嘅花膠,啱晒貪靚嘅我兩,廚師手勢一流，炆煮得好好味，所以食完又encore，今餐真係番本👍👏🏻

一年有十二個月份，但總在某些月份是特別多人生日的~ 近期身邊就有數位同事先後生日，正好讓我們一次過為他們慶生(笑）有壽星提議到大滿喜食放題，大家都沒有異議。我們準時七時到達目的地。剛踏出𨋢門，金龍頭水池就吸引了我的視線(笑）入場後，環境較想像的寬敞，座位之間有足夠位置讓人出入。食物方面，刺身是放題的必食之選。這裡的款式不少，除了常見的帶子和三文魚外，還有馬刀貝、劍魚腩和鮑片等。上述款式都很新鮮肥美，沒有一點腥味。甜蝦更是爽口鮮甜，實屬重點推介之選。x此外，炙燒左口魚邊壽司也不能錯過。壽司份量一口剛好，左口魚邊肉不但口即溶，還略帶焦香，讓人十分驚豔。熟食方面，這裡竟然有鮑汁燴花膠！鮑汁味雖然較淡，但花膠份量頗足，入口軟滑彈牙。以放題的水平而言，質量已算不錯。燒雞軟骨也十分香口，某位壽星獨自食了十串有餘。收費屬中等價錢，雖然漏了一次單，但整體服務不俗，收盤速度也很快。大滿喜，我們會再來的！

同朋友好耐無見, 相約ㄧ齊去食放題。去到大滿喜, 裝修都唔錯, 最特別係連夾公仔都有得玩, 等位都唔會覺得悶。刺身係必食嘅, 肥美嘅三文魚入口新鮮, 帶子夠嫩滑, 完全沒有渣滓, 蜜汁鮑片非常之鮮甜, 全部都係我食晒, 仲要 encore 㖭。鹽燒雞軟骨非常之惹味, 加上檸檬汁更加可以帶出味道, 而且雞軟骨唔會好硬, 很有口感, 絕對唔會令你咬崩牙。蒲燒鰻魚好正, 鰻魚唔肥, 沒有魚腥味, 食落感覺唔漏又沒有骨, 配埋 d 燒汁, 味道ㄧ流, 而且鰻魚比起其實食物算係貴價, 所以係必食之選。芝麻雞翼炸得香口又熱辣辣, 皮脆肉滑有雞味又 juicy, 加上芝麻嘅香味, 又係必食之選。食到差不多飽肚, 輪到甜品時間。甜品款式夠多, 雪糕,雪條,乳酪,奶凍, 啫喱, 芝士餅, 慕絲蛋糕, 薑汁撞奶, 法式燉蛋等任君選擇, 最爽就係自助形式, 想食乜自己随時去攞就得。種類繁多, 不能盡錄, 最好就係自己嚟感受下~~~

最近呢兩個月為食家非常忙碌，忙到無咩時間見朋友仔。趁住六月頭唔太忙，馬上call班friends出黎食放題先～今次係為食家第一次去大滿喜食放題，咦～唔錯喎～首先講下個「自助吧」先，有沙律冷盤，飲品（種類好多，有涼粉爽同馬蹄爽，仲有白色個隻可樂），有各式甜品，雪糕，雪條（有melona～正），仲有是日例湯，真係未見過放題會提供中湯，飲完碗湯就馬上開餐。全部自取！任拎唔嬲！（當然大家食得到先拎，唔好浪費，而且食物紙上面更多正野！）刺身壽司係正常水準，手卷就係迷你版，食幾舊都唔怕。大滿喜仲有就咁一舊舊燒鰻魚咁叫，唔洗食多舊飯，好貼心羊架燒到剛剛粉紅色，唔會唔熟亦唔會過老～～炸物好香口，芝麻雞翼好惹味，榴蓮炸彈好勁榴蓮味～甜品都可以自取，竟然有迷你豆腐花同藍莓乳酪，好好味～～有部雪糕可以自己撳雪糕，仲有多款配料，有軟糖，爆爆珠，朱古力碎，棉花糖同曲奇～～為食家好鐘意食燒菠蘿，因為夠鮮甜，又可以解一解食左咁多野嘅油膩感覺～～臨尾都要encore幾次～～

好耐無食放題，今次約埋朋友去，撞著打風落大雨，以為會少D人，6點幾去到，已經見到門口有人等緊入去，入面D臺有大半已經有食客，真係估佢唔到咁旺。選擇都好多，門口有冷盤，生蠔、凍蝦大大盤，見佢換得又幾快。豬皮牛栢葉八爪魚仔沙律等等，總之港式小食、前菜都有，幾爽口。得兩個人，唔可以點大大盤食物，所來樣樣都係食一兩件，先食個燒帶子，味道OK。天婦羅係放題必食，蝦有蝦既鮮味，自己最鍾意個南瓜，幾甜，粉漿唔厚。再試個蝦刺身，一樣好鮮，完全無腥味，真係唔錯。壽司整體可以，一定要推介係個海膽壽司，海膽真係食得出鮮甜，呢個真係點完再點。個燒鰻魚都好正，一件一啖，甜既油份滲出黎，平時唔食鰻魚既朋友都話幾好。有魚有蝦點可以唔食肉，食個少少辣既豬肋骨，肉厚而軟；再加隻鹽燒雞中翼，已經有七成飽。甜品叫左個炸牛奶，出面唔係好多地方可以食到，唔加鼓油， 甜度適中， 脆脆地有奶味，食左兩粒，再加杯扭娛雪糕，滿足晒。另外要讚吓餐廳既上菜速度，點完一陣食物就熱辣辣送到，兩個鐘既放題，有充足既時間任點任食，好滿足!

與朋友今年第一次一起吃晚餐，吃放題是個不錯選擇，食物可以是一人份量，又可以多人份量，任我們填寫。這次選擇旺角的大滿喜，對於住不同地區的我倆，交通都很方便。一坐下，就立即去「巡視業務」，見到甜品櫃，正! 取了三件甜品作為前菜，朱古力撻最好吃，朱古力味濃又不太甜。還有多款雪條、雪糕、雪米磁，最興奮是另外有軟雪糕任你扭完再扭，吃完再吃。整晚吃了雪米磁、哈密瓜味的雪條，在其他地方很少提供這款口味，真的要吃、最後又吃了軟雪糕，似乎主菜是甜品放題多於日式放題。其他食物都不錯，見餐單上竟然有花膠，即管一試，想不到很大碗，很軟身容易食。點了兩隻芝麻雞翼，打算跟朋友一人一隻試試，皮薄而脆，肉厚，表面的油份很少，芝麻份量剛好，咸味剛剛好，超好食，結果自己把兩隻都吃了，真是必試之選!嘩嘩嘩! 有炸榴槤，好在朋友不介意那香味，馬上要試，跟乒乓球差不多大，咬下去，榴槤蓉流出來，口感香味甜味都超正。齒頰留香。

今日成班同事約左打算食放題，大喜屋full晒，打算是但搵間，點知呢間平得黎，又正喎！平時食都要接近300，呢次自選2小時連加一都只係237，抵到爛！佢地有自助沙律吧，又有凍海鮮食，亦有清酒紅酒任飲，呢個價錢真係無得輸！首先刺身刺身新鮮好味，無雪味，十分新鮮，必食帶子，赤貝，如果三文魚再厚切多少少就fit晒！海膽手卷也是必點！細細卷，兩啖食晒，不會太多飯，重點是新鮮，完全不苦！花之戀夠多蟹籽，三文魚肥美又細舊，不會太飽肚！燒雞翼就比較遜色，燒得比較乾身。最愛既雞軟骨！爽脆可口，現在大喜屋集團都無晒，要食就只有去大灜喜或這裡！我食左15串😍芝麻雞翼比燒雞翼更好食！不油膩，而且肉質亦後juicy！芝士焗蠔，好香濃芝士味，食哂重feel到有d海水既鹹味添！入面有mega同韓國牌子果支雪條，食2-3條都夠數，其他放題都好似無咁多！重有布丁同奶凍，特別一鑽奶凍，奶味真的超重！飲品都有好多好多，重有白色可樂！夠晒潮！夠晒誠意！200蚊頭，有咁多野食，質素又唔差，絶對抵食！

假期一早約左friend食午市放題後行朗豪坊shopping,可以幫助消化，午市放題又可以平啲,真係一舉兩得。哩間大滿喜日本放題就位於地鐵站E1出口,行約10分鐘就到創興廣場8樓,一出𨋢見到好大盞水晶燈，連門口佈置都很特別。有兩個載滿各種唔同品牌汽水、啤酒、雪條同甜品，另一閣有梅酒、清酒同紅酒任飲。仲有多款冷盤同多款小食可隨意選擇。魚生每款都嗌些試試，我最鐘意係娜威三文魚厚切，新鮮又肥美、象拔蚌同北寄貝爽脆鮮甜。燒物之中我至愛嘅香草紐西蘭羊鞍熱辣辣，醃得好入味, 一啲都唔羶, 肉質嫩滑唔會靱，我哋每人都食咗好幾件。燒有機菠蘿，酸酸甜甜夠晒醒胃。 炸物之中我哋叫咗一口芝士同榴槤炸彈，平時都鍾意食榴槤嘅我,正呀👏🏻，外皮炸到脆bo bo ,裏面塞滿好多榴槤餡,食到我好滿足😋👍，朋友就鍾意食芝士，佢話一口芝士夠曬濃味又滑溜，食到佢又encore。今次廚師推介係冬瓜杞子湯，真係啱晒啲排天氣咁炎熱飲，冬瓜可消暑，杞子又可益眼，湯好夠濃，真係落足材料夠晒份量。我同朋友食到抱住個肚，好彩等一陣去shopping幫助消化。我哋兩個埋單都唔使＄400元真係好抵食!

除咗重視生日之外，母親節和父親節都是十分重要的日子。上個月的母親節就食咗中菜慶祝，今個月父親節就揀咗位於旺角創興廣場＂大滿喜日本料理＂食日式放題。一家人安排入坐，坐位都座得舒適。食放題當然要點主角刺身，一大盤的刺身有厚切的三文魚及肥美的臉魚腩，鮮甜的帶子及新鮮甜蝦，十分美味。壽司點了鹽燒左口魚邊、原條海鳗、花之戀，飯量少材料豐富。芝蔴雞翼炸得香脆，味道適中。炸榴槤外脆內軟，陣陣的榴槤香味，媽媽超讚。燒鰻魚及一串串的雞軟骨，燒得香口，叫了兩次。最特別食放題都有鮑汁炆花膠，花膠炆得夠淋，女仕最愛。此店設有一個自助吧，有冷盤（凍蝦及青口）、小食、湯、冷熱飲品，還放滿了各式各樣的甜品有雪糕、雪條、豆腐花、乳酪等等，任君選擇。

好耐無食放題了，今晚同朋友行完街，雙腳唔係屬於自己，又攰又肚餓。唔洗諗，放題方便，多選擇，又飽肚，就揀呢間我地7點入場，門口已經坐滿哂人，好彩等左15分鐘左右就入得場。快d點野食，好肚餓點完野食就即刻出去自助區睇下有咩食r呢個自助沙律吧有超多種類既沙律菜，岩哂女孩子們食沙律頂肚先炸蝦天婦羅，炸炒薄，蝦甜多肉，好香口刺身拼盆最好味既係榮螺叫左3 round 咁！！甜蝦都好好味，又新鮮蜜糖粟米牛油味濃，蜜糖香甜，好味烤蕃薯，呢個普通吧。以為佢會好甜，不過蕃薯味唔重。枝豆口感一流，咸咸地，好好既佐酒小食芝士軟殼蟹卷，味道不錯呢個炆花膠好嫩滑，個汁都好好味

首先在電梯一岀門口，已經有數部夾公仔機，這樣可以讓食客在等待的時候去娛樂一下，十分滿意，而且價錢也不貴，值得一玩。而且外面有個櫃位裝滿著這店舖所得獎的獎狀，代表有實力的！然後帶我們入座的服務員也十分有禮貌，值得一讚。當日我7點入座，但入面已十分多人，應該也證明味道也不錯吧！第一部分當然要吃刺身先，最愛就是帶子、甜蝦和三文魚，這三種刺身都十分新鮮，吃下去都鮮甜，也沒有雪藏味，我都叫了3轉，都一定有叫這三種刺身。然後我有叫海膽手卷和花之戀，海膽手卷中的海膽不會吃下去有苦味又有臭味，海膽吃下去都甜甜的，代表是新鮮的！花之戀上有十分多的蟹籽，三文魚肉質十分飽滿，口感吃下去十分豐富。另外飲料都十分多選擇，有解茶可提供，可以吃刺身吃到相當油膩可以飲解茶，食客便可以繼續吃下去。

今晚約咗朋友食飯吹水， 有人提議去呢間餐廳食放題 ，貪佢交通方便 、又平、又任食 ，大家當然冇意見啦。去到樓下 ，見到有條等𨋢嘅人龍排到出街外面轉彎， 個心驚一驚 。好彩睇真啲 8樓唔係排嗰條隊， 如果唔係就遲大到。間餐廳都幾大 ，有好多枱 ，甜品同飲品區都好多選擇 。由於限時 ，我地 一坐低就用極速畫點餸紙交咗先 。魚生 、刺身都好新鮮， 選擇都幾多。我好鍾意食炸嘢， 叫咗啲炸榴槤球、 炸牛奶球 、炸蠔 、炸蝦 ，都幾好食。限時太短， 我哋又顧住食又顧住傾 ，其實都食唔到好多嘢。 不過呢個價錢始終都抵食嘅。 下次都會再去。

今日放工去到旺角行街, 行完街好鬼餓, 諗起自己好似好耐無食過放題啦, 咁就是但揾間放題食啦, 咁今次就揀左去食大滿喜, 依間質素都吾錯, 之前都有食過, 上到黎發覺佢裝修過, 中間多左個自助小食區, 可以自己出黎下沙津哥D咁第一樣食放題緊係要食刺身拼盤啦, 食落都好新鮮鮮甜, 解凍得岩岩好, 有時有D放題店解凍吾夠食落會仲有冰粒影響口感叫左幾樣小食都吾錯, 鱈魚, 鰻魚, 牛舌, 都燒都岩岩好, 非常惹味, 好juicy另外仲叫左牛肉鍋, 湯底非常甜, 勁正, 牛肉又多, 之後仲叫左個煮蜆, 估吾到食題題D煮蜆都會咁多隻, 勁鮮甜最後當然小不了我最愛既炸物啦, 我最愛的紫薯波波, 超正呀, 雖然都係買快黎炸, 但係要炸得靚都吾係咁易, 勁滿足, 整體都吾錯, 下次可以再黎食過