大滿喜日本料理 (已結業)

近排忙到好冇心機，一於食餐勁嘅黎慰勞下自己！約埋朋友去大滿喜日式放題放肆吓首先揀嘢飲，好多選擇啊，有大路嘅汽水同茶，仲有冷門嘅椰子水都有！最驚喜嘅係仲有紅酒梅酒清酒任飲跟住就開始重點嘅魚生啦。上枱已經擺得好靚，放晒乾冰有曬煙咁。魚生都好新鮮，三文魚紋理分明，蝦都好大隻鮮甜！熱食方面叫咗燒鰻魚、燒牛舌、芝麻雞翼、炸榴槤丸，好好食呀！全部上枱都熱辣辣，明顯係新鮮整，正！甜品都好多選擇，有frozen yogurt同雪糕雪條，有我最愛嘅榴槤雪條啊！ 總括嚟講呢間放題絕對物有所值，一定要試！

食物種類多選擇, 味道好, 落單及上食品時間快, STAFF服務好, 坐住寛敞舒適! 適合大顆人聚餐, 各可選取喜歡食物! 尤其芝蔴雞翼, 炸榴槤波, 炸香芋波非常出色好味!

聽人地講大滿喜既放題好正，今日收工終於可以試一試。由於七點幾的時段太多人等，我同朋友就食五點半到七點半。一入到去 ，已經見到好多食物同飲品選擇，成幾個高到上頂既雪櫃，好吸引。食放題當然先點刺身，聽人講一間放題既刺身質素好，熟食都唔會差得去邊！由於我好鐘意食蝦既關係，點左好多隻。俄羅斯甜蝦真係正到暈，蝦肉完全係勁鮮甜，好爽口既！而且keep住好夠凍。三文魚色澤好鮮豔，而且每片都好肥美。熟食方面都相當出色，鐵板一口牛，有d黑椒味襯托住，牛肉煎到岩岩好，入口滑溜，味道都好惹味！芝士焗帶子一杯杯咁上，岩岩焗起熱辣辣，入面既帶子都好新鮮，勁多芝士係上面好惹味。個羊架好得，餐廳將羊架燒得恰到好處，而且咬落好肉質好鬆軟，又無羊既蘇味。連唔鐘意羊蘇味既我都接受到。甜品選擇極多，有幾個櫃，我就食左豆腐花同乳酪雪糕，都好好食，下次仲想試埋其他既甜品。

好彩有預先訂位 上到去見到人山人海好少會見到放題排哂長龍呢間啲野食又多又高質外面仲有個自助區比客人拎甜品 冷盤 雪糕而且款式都好多原化芝麻八爪魚 中華沙律 大蝦 ～～仲有幾種湯～～甜品亦好多有水晶紅色 朱古力慕絲 豆腐花布丁 鮮奶凍～～雪糕方面 有多款雪條甜筒選擇都可以自己裝乳酪雪糕！食物頭盤當然係刺身呢間真係你寫件幾多俾幾多件你啲甜蝦仲大大條好鮮甜美味仲有玻璃蝦勁爽口 而且一啲都唔腥三文魚厚切又肥美炸物整得皮薄餡靚天婦羅炸蝦外層炸得黃金 仲入面都仲好夠水份仲有當然唔少得叫小甜薯 甜度都好夠壽司方面都有唔少創新款式芝士芒果鰻魚卷撞出個味道好特別酸酸甜甜好開胃其他仲有黑松露海老壽司 海膽魷魚壽司等等～有新搞作又好食小吃方面不得不讚 啲鰻魚塊好入味而且仲入口即溶仲有清酒煮蜆唔好得殻冇肉 仲要係大大隻 啲肉仲好肥tim!喺度食到日本野外仲可以食到好多甜品令兩個胃都大滿足！！

同朋友難得見面，我地又好耐冇食過放題，就揀咗就腳嘅旺角大滿喜放題。一坐低見到咁多款order紙已經好心動。基本上每個種類都包羅哂，有d食物都幾特別。第一輪就所有種類都叫d, 值得讚嘅係上菜速度都幾快，而且冇漏單。首先點嘅有刺身。雖然種類未必係最多，但好開心佢有齊我鍾意嘅油甘魚，劍魚腩同帶子。依三樣野都幾鮮甜肥美，之後有再翻叫。壽司手捲類方面，都有d特別嘅選擇，其中鹽燒左口魚邊、柚子胡椒油甘魚同汁燒香蒜和中都幾好食。左口魚邊微微炙燒，加上葱花岩鹽入口即溶。肥美嘅油甘魚加上咸辣嘅柚子胡椒令油甘魚壽司味道出眾。和牛壽司每件都有蒜粒同葱花，頗有心思。手捲原來都幾細件，應該係唔想有人浪費d飯。 另外我哋叫咗個野菜同雪花牛肉鍋，都幾大煲，野菜種類多，其中嘅豆腐都幾嫩滑；牛肉鍋除咗牛肉多之外仲有少少野菜。小菜類方面，我哋叫咗推介嘅一口牛，調味ok，d肉唔會太硬，羊鞍都一樣，有羊肉羶味但我鍾意食羊所以覺得還好。清酒煮蜆啲蜆都幾大隻。天婦羅都炸得幾好，唔會太多粉漿，而且每次上都會有天婦羅汁送上。燒牛舌都係我最愛，燒到啱啱好，仲有鎖住啲肉汁，唔會太乾。嘢飲方面，有清酒梅酒同紅酒揀，凍櫃亦都有好多款唔同嘅嘢

第二次黎食，今晚預早同媽咪慶祝母親節，準時到達已經好多人排隊啦，安頓好後帶媽咪出去拎前茶，原本好期待食葡撻，心太軟，炸薯角同小丸子，點知發覺冇左喎，一問之下原來轉左冇再整啦，好失望唯有食其他補數啦，今晚熱盤有豆苗(不過好老似冇摘菜)，炒雜菜，金錢肚(第二次出去見冇哂，直到走都冇refill所以試唔到)，湯有椰子湯(媽咪飲左兩碗話好甜)，碗仔翅，螺肉(不過第二轉拎出黎係未解凍好嘅，中間痴埋一舊好硬及冇乜味)，沙律有菠蘿水蜜桃粟米粒車厘茄各款菜等等，飲品有好多選擇都熱有凍又有酒，食物味道都幾好，尤其芝麻雞翼，家人食左8隻，一口牛好軟身入味。值得一讚係冇乜漏單，數量寫幾多會黎幾多，收碟速度都快嘅，最緊要媽咪食得開心呀

今次第3次黎大滿喜食野，質素依然very good！決定寫番編食評！日式食物種類算多，基本上都好齊，飲品上既選擇都會比其他放題多。食放題第一件事就係叫魚生！自己最鍾意食既虎蝦，甜蝦，三文魚，帶子都好正！好鮮甜，淨係食魚生都已經回本。另外自己非常喜歡芝麻雞翼同埋一口芝士，超級好食，炸得岩岩好唔會燶，雞翼可能因為有芝麻所以好香，而且肉質飽滿，咬落少少juicy；一口芝士就芝士迷必食！芝士好濃的！我自己一個每樣都食左起碼8件，諗番起都好想再食haha天婦羅亦都一樣，炸皮厚度very good，唔會好粉，最鍾意食蝦，因為好爽，而女朋友食左蕃薯佢都話好好食，不過我就冇試自己其實麻麻地牛舌，因為之前係第2到食過幾次，口感好lum好怪，但呢到牛舌竟然令我覺得牛舌係會好食，牛舌係燒到好香，口感上佢唔會過lum，軟軟地又有d煙un其實我食過唔係好多間放題，但一般出名既我都去過，但呢間可以話係價錢合理，食物質素好既一間，心目中top 3

香港越開越多放題，林林總總，有d仲有磯燒海鮮同邊爐，一係就好貴，仲試過某d餐廳貴得黎唔好食。所以我最中意都係傳統放題，今次又係食大滿喜✌多數放題都揀佢，貪佢地點方便，野食選擇多，刺身又新鮮仲有梅酒任飲! 預先book左檯，所以一去就有位，唔洗等。一坐低梗係即刻睇刺身餐牌，三文魚，帶子，甜蝦同珍寶蝦係必點!!珍寶蝦腸挑得好乾淨，食落好放心，而且大大隻，滿足到我食慾。而三文魚都好鮮甜，脂肪分佈好平均，係三文魚腩位置，無得頂甜蝦同帶子都好新鮮，我食左好多，哈哈哈哈。平時我好少食燒魚，今次見到有比目魚我就試試，點知係超級無敵好味!! 我encore左4次，每次都係叫1條，食完覺得好味唔夠喉再order魚肉嫩滑，加上甜甜既調味，好開胃!! 估唔到咁有驚喜未食曬熱食，已經比乳酪雪糕吸引住，即刻走去試。識食梗係揀cone非常脆口配埋酸甜yogurt其實全部野食都好好味!! 仲想讚下個炸榴槤球，真係有榴槤肉絲，食完停唔到!! 睇得出所有野食都係用心製作

成日都覺得放題雖然係多野食，多就好多不過樣樣質量都唔太好，最討厭係想食多一兩件畫多啲實會扣數既，有啲過份到見你人少少寫10件扣到得4件，扣住數咁任食囉，不過朋友就約左一間放題叫-大滿喜，令我對放題完全改觀！首先一到場出面個自助bar好搶眼，食物嘅選擇亦都唔敷衍，冷青口同蝦呢啲食材任攞，攞完極快又人落盤新既呢啲先係任食囉，甜品又多選擇量又準備充足，唔怕你大食最怕你唔食！佢啲刺身先至係重中之重，你寫幾多到幾多完全足數，件件三文魚厚一厚仲有一個重點-佢地完全溶雪唔會食落硬硬地，咁樣先有三文魚肥美既口感，心思就係呢啲地方囉，玻璃蝦同甜蝦都好大條，甜蝦新鮮甜味！之後要講講就係呢度既壽司，佢地唔會交行貨，選擇上有好多別出心裁嘅配搭創作，我個人極力推薦佢地既黑松露醬蝦壽司，蝦既甜味會因為黑松露醬係口中揮發，口感味道一百分！熱食係好多放題嘅致命傷，不過睇黎就難唔到大滿喜啦，佢地有個牛肉壽喜燒個質數超班，牛肉有油花夠肥美湯汁夠晒香甜！燒雞腿肉支支脆口又多肉汁！大滿喜比我感覺係每一樣食物都有認真去做，唔會因爲任食兩個字就對品質有所妥協，真真正正做到任你食，最緊要食到飽又滿足嘅感覺，完全令我對放題餐廳改觀！

放題係香港飲食界中既勝地，係一大班酒肉朋友飲飲食食聚會既時間令到大家都可以食到唔同類型嘅嘢食，唔使擔心有人唔食生野令到大家苦惱諗餐廳，特別係壯觀嘅刺身船同大量林林種種唔同類型嘅壽司，令到放題餐廳喺香港越開越多！今日同朋有食既大滿喜都算係放題界既老前輩，發展方向偏向高水準絕對敷衍，食物主題都有定期轉換，相格幾個月既今日再光臨都別有一番新景象！首先講講佢哋食物假嘅新鋪排，冷盤上面既凍蝦同青口，各色唔同嘅沙律同唔同種類嘅日式小食都擺出黎自助餐形式任攞，雪糕同雪條方面嘅選擇都大大增加，甜品方面都轉咗做自助餐既形式方便大家！放題嘅第一個大特色就係誇張嘅刺身船，大滿喜嘅刺身真係非常之高水準，三文魚新鮮肥美而且厚切，保持住非常之好嘅口感同油脂既味道，甜蝦玻璃蝦大大條，仲有一個非常之欣賞嘅就係你落單寫幾多佢一定上足數量，唔會因為你人數嘅關係將你嘢食嘅數量加多減少，當然大家都要衡量返自己嘅肚皮，不過大胃王嘅我寫咗50條甜蝦真係會上足50，大滿喜真係大胃王你恩物！壽司方面擺滿起都係走高級路線，黑松露海路壽司蝦味同黑松露醬好夾，芒果大蝦壽司酸酸甜甜，我個人重點推介佢哋嘅海膽魷魚壽司，彈牙之餘海膽齒頰留香。之

早兩日夜晚同朋友幫襯咗一間日式放題，地點係旺角，又方便，野食質素亦好高，好值得推介！首先，個自助沙律吧好多冷盤嘢食。份量足夠又補充得幾快。海鮮有半殼青口、大蝦......甜品中我最愛係北海道3.6牛乳！好滑好濃鮮奶味😋仲有芒果布丁、豆腐花、藍莓乳酪......糕點款式好豐富，包括：牛奶慕絲、葉香糯米糕、紅豆糕、焦糖燉蛋......「炒一口牛」好香口，size係一口一啖，味道甜甜地，好惹味！天婦羅種類都好多：炸大蝦、蟹柳、南瓜等等......炸物仲正：炸蠔、榴蓮球、芝士波、香芋波、雞翼等......味道好好，又唔會炸到太乾無晒肉汁，火候控制得好好！燒比目魚扒，肉質好彈牙，味道好過癮，好似正式日本人食便當既味道。燒羊架，呢個認真好食！火候剛剛好，好嫩好多肉汁，又唔算酥！正總結番，呢間放題種類算好多，味道大多數都好高水平，上菜速度又幾快，真係市民上比較少有！

雖然物資價格上升引致來貨越來越貴，食過無數次日式放題店的我不陌生，今次再度登場因任食放題性質比極高，優點任食零負擔保持人氣同生意競爭能力，依舊長長人龍亦會有一班食客一直鍾情朋友都話正而且傳統日式刺身壽司質素或調味食辣方面都俱備，實不相瞞出品有條理有水準口味一次過滿足你幾個願望、實屬另一抵食之選，餐廳要突出不外乎兩樣嘢同口碑同綽頭優惠，是一間貼近飲食餐廳無限追加任點任飲任食2小時價錢為$220連加一相番划算，有超過各款式食物選擇而且位置相當方面逢星期六日或公眾假期亦設午市光顧時段，想叫幾多就幾多就叫幾多唔經唔覺就叫到滿滿一枱同埋建議多人黎一起用膳吃會好點可以品嚐多一點但記得一切既首要條件唔好把食物浪費！整體黎說環境乾淨燈光柔和舒適沒有人同枱與枱之間密麻的狀態亦有很多梳化座位按人數所定，全場一眼無際服務良好叫餐手腳快即叫即到速度佳，個人建議食前先預先訂座！新鮮厚切鮮甜多款刺身可供選擇同時有手卷及壽司即叫即做，剔剔紙單點選擇款式亦不會令大家失望而且即叫即做尤如食緊多國菜似的令人食慾大增，放題當然少不得香口炸物等酥點小食慕求有韌度性，部份炸物即叫即製每份一兩件保持飽足感，香而不膩無窮新鮮程度 

Passed by Mong Kok at 5.45 pm and felt exhausted after window-shopping.  Attracted by a poster of a Japanese-style restaurant , I decided to dine here.  Greeted by nice staffs once I enter the shop, and I got a seat right away.  Not long after I started my dinner, the restaurant was stuffed with people.A self-help bar with varieties of soup, appetizer and drinks,...  You could even find some famous local snack such as ‘ fake fin soup’.  The taste was quite good. Other than this bar,  you could o

位處旺角閙市的大滿喜,逛完街醫肚好就腳。訂了位，抵達就可入座。環境算不錯，二人座之間也留有空間可使用,抵讚!運作跟坊間的放題大同小異，不難適應，質素令人有驚喜，例如飲品方面除了一般選擇外還有梅酒、清酒及紅酒…。刺身上枱時在乾冰做成的買相令人食指大動，各種刺身沒有雪味，入口鮮美清甜的味道，令我仿如身在日本著名的食肆之中。壽司有多款選擇，大小適中，最重要非常美味，不知不覺間巳吃了很多。芝麻雞翼，外酥內脆，調味都好好。最最最推薦的燒羊架，一向怕羶不太愛吃羊肉的我也給它俘虜了。調味很好,肉質嫩滑。這兩樣跟啤酒一起享用真的巳值回票價。天婦羅上台時熱辣辣的，應該是即叫即炸，亦炸到恰到好處。不知不覺間巳很飽，巳沒有空間去處理心頭好 : 小吃、雪糕及甜品，這裡其實亦有很多選擇，只可下次小心些留留肚了。服務方面態度不錯，無漏單，效率高，上菜速度快，空盤會迅速收走，兩人枱須小也不大問題。整體而言，這裡性價比很高，下次要吃放題時定必再訪大滿喜。

今日收工，友人推薦去旺角食晚飯位置好方便。係創興上面我同友人被安排二人枱坐位舒適，唔會好逼一黎嗌左盆刺身選擇多多。有三文魚，蝦，帶子，油甘魚。劍魚腩📍三文魚。好肥美。脂肪分布平均。好香滑📍蝦。好大隻，好甜📍帶子。好爽口油甘魚。劍魚楠好新鮮。食到停唔到口海饅壽司。饅魚好大條好長😃甜甜地好食左口魚，好鮮甜，好滑，口感好好香桃吉列大蝦卷香桃好甜，大蝦炸得好香口卷物細細件，唔會好飽肚椰子煲雞湯好清甜，熱辣辣夠哂健康牛舌我本人好中意食，牛味重幾爽口，配上檸檬酸酸地海鮮粥粥底好甜，有少少雞蛋仲有蟹！青檸蝦味道剛剛好，少少酸蝦好新鮮，爽口彈牙萵荀炒鮮菇以為清炒。呢個比較濃味食下蔬菜健康啲有好多前菜。沙律自助連酒都有梅酒好開胃