大滿喜日本料理 (已結業)

屋企人壽宴，點都應該要豪一餐，大家又唔想食中菜，又想多選擇，想到嘅就只有自助餐或者放題，之不過平日大家放得工嚟自助餐又蝕，最終揀咗放題，仲要喺揀任選2小時，咁就彈性好多其實旺角有好多放題，個人都成日都朋友吃😂，所以晌未食過嘅選擇下揀咗大滿喜，價錢不太貴，快睇有好多年青人嚟食，頓時感覺自己young咗講番正題喇，嘢食選擇上都算多種類，壽司、刺身，炸物、天婦羅、手卷呢啲一定有呀喇, 咁整體上覺得嘢食喺水準以上，刺身新鮮，壽司mini-size，就算叫好多都唔怕好快食飽，當然有自己最like嘅左口魚壽司已經加咗分值得一提出面有乳酪雪糕，好好食，再加埋脆皮雪條，攪到自己淨係食雪糕都食咗好多，好滿足

環境幾好，飲品。。。很多款，食物種類都多，刺身是很新鮮，一班朋友去都幾okay , 不過多過8個都係長桌，難傾計，雪糕和雪條種類都很多，總體是幾好，價錢普通啦，如果可以平一些會較好

同朋友慶祝生日, 因為佢好想食星鰻壽司, 所以擇左呢間可惜去到先知轉左MENU, 無左星鰻壽司 & 馬刀貝刺身 & 海鮮班cake 創作壽司不過整體上食物同種類好豐富, 刺身: 三文魚肥美厚切, 帶子/甜蝦/虎蝦/海蝦都好鮮甜壽司: 好多自創款式, 飯量迷你, 食多幾件都唔怕咁快飽!仲有一口海膽手卷自己少食熟食比較推介雞軟骨, 燒翠肉瓜,燒菠蘿,清酒煮大蜆,豬肋骨牛類熟食有時食落比較UN, 唔夠嫩滑去到自助區, 飲品同甜品琳琅滿目,有解茶(紅/綠茶), 忌奶, 椰青水, 維他包裝飲品...仲有熱湯飲 (不過每次去都不同, 今次係麵豉湯, 之前有碗仔翅/冬瓜湯幾好飲) 整體上, 食物質素對比之前黎食過兩次差左DD可能星期五比較多人啦女侍應服務態度都好好, 食物無乜漏單計埋加一 $256 任食二小時算係幾抵既~

完咗Intern就緊係要食返餐好嘅嚟慰勞吓自己，今次就同朋友去咗旺角創興嘅大滿喜日本料理。嚟到日式放題，刺身就緊係走唔甩喇。佢哋嘅帶子真係好鮮甜，每round必點重點推介!! 另一款要推薦嘅係甜蝦刺身，同樣都好鮮甜爽口!! 講完刺身，就講吓呢到嘅天婦羅。我自己食天婦羅就最怕厚粉，而大滿喜天婦羅嘅粉唔算話厚。南瓜天婦羅都幾甜，炸鮮奶天婦羅算係比較少見，比到我好大嘅新鮮感，食一兩粒都無妨，不過我就覺得有少少膩。除咗以上嗰啲必食之外，我哋仲叫咗其他嘢食。 雪花牛肉鍋嘅湯底睇落好似好咸，但食落不但只唔咸，仲好濃牛肉味!! 叫咗個蟹柳手卷，非常滴骰，最啱想食手卷又怕太多壽司飯嘅朋友。 花膠又係一樣日式放題比較少見嘅嘢食，食落好爽口又厚身!!仲有其他美食，等緊大家去發掘!!

琴日妹妹生日，帶佢去食呢間放題，因為有沙律區好岩妹妹食 除左沙律區 ，呢度仲有軟雪糕、甜品櫃 自己任拎， 半自助咁妹妹唔多好刺身，所以淨係叫左少少俾自己食，冇影相。最好食係劍魚同埋甜蝦好新鮮創作壽司我就試左雜錦海鮮班戟同花之戀，班戟個皮幾薄，同刺生又幾夾。 黃金焗帶子呢個真心推薦！！ d醬唔會好漏，帶子夠肉地又唔乾燒鰻魚細細件 但入味，次次都叫幾碟牛舌呢間有時都處理得唔錯，燒得剛好辛味豬肋骨其實辣就唔係好食到，肉質不過不失蟹粥幾綿滑， 真係有蟹的幾好味海膽手卷 細細件，唔驚會飽肚榴槤炸彈熱辣辣，好香脆軟雪糕有兩隻味，口感似雪葩多d, 但幾清新， 有得係咁加椰果 仲有其他配料放晒係隔離。甜品櫃d甜品款式都幾多，我比較鐘意cheese cake同埋朱古力撻，夠濃味又滑。奶凍就還好，唔夠奶香味。

暑假想約朋友出嚟聚下舊 見朋友幾想食放題 就同佢地去咗大滿喜食返餐豪嘅大滿喜自助區有好多選擇 拎咗啲沙律做前菜開胃啲一來就叫咗刺身食🤤帶子好鮮甜入味 值得推介 同朋友佢地都翻叫咗好多次❤️三文魚都新鮮 同樣翻兜咗幾次蝦刺身不論係海蝦 甜蝦同虎蝦都好食 甜得嚟仲幾新鮮 係好食嘅蝦刺身其實螺肉同象蛂蚌都好食 幾爽 仲好新鮮😋壽司見到有拖羅壽司 忍唔住叫咗個嚟試 食落又唔錯 可以一試另外仲試咗和牛卷同炙燒左口魚 兩款都好有味 配埋微微燒過嘅味道 好吸引當然仲私心叫咗蜜桃炸蝦食🤤可以一試再試今次熟食除咗傳統叫咗嘅天婦羅 （天婦羅都好吸引 尤其天婦羅蝦 炸粉唔多👍🏼）我地仲試咗個雪花牛肉鍋 起初都驚太大鍋我地會食唔哂 但其實好易清到 因為呢一個鍋其實好好食🤤佢嘅湯好入味 好濃 帶點牛肉味 多人嘅時候大家都要試下😋一口牛都必叫 煎得好香好軟熟見到出面有個乳酪雪糕機 就食咗一杯 好好食😋係有水準嘅乳酪雪糕 不過可惜冇醬料揀

今日難得放假，同friend 去旺角行街，行到5點幾覺得肚餓，我地又好耐冇食過日式放題，咁就去食啦。我地5點幾去，d位都坐得幾full, 我地好快有位，佢比梳化位我地坐，都坐得幾舒服。我地睇menu, 嘩，都有好多選擇，有刺身、壽司、炸物etc........ 成本menu好厚，樣樣睇落都好吸引咁，我地想試多d野食，所以每樣都畫左d。畫野食可以因住自己食得幾多而去畫，唔驚食唔夠/食唔晒!!!我地叫左挪威三文魚刺身..嘩!!!好大塊呀!!!好厚!!! 好抵食咁!!!! 壽司方面呢，我地都叫左好多款壽司，d壽司整到「的的色色」，靚靚咁!!! 我最鐘意花之戀!!!! 成舊一啖擺落口，唔驚食到好論盡!!!👍👍我地叫左個燒菠蘿，燒完之後仲係好多汁，好有鮮味呀!!! 至於飲品同甜品，呢度有好多選擇!! 仲有沙律可以自己裝!!

訂了8:30的枱，很準時的就讓我們進去了👍🏻 可是位置太迫了，枱與枱之間的位置太擠迫了看到隔離張枱7個人，但坐6人坐位先點了一些刺身和熟食，刺身很快就到而且份量和我們所點的都一樣，可是熟食就等了好久才有..還有很多是漏單了 這裡的熱食味道一般，清酒蜆、雞翼、雞軟骨...這些都不好吃蟹粥算是比較好吃的甜品就有點驚喜，啫喱、奶凍、蛋糕仔都是好吃的餐廳的中心有一些自助吧食物的味道不錯餐廳也很貼心的提供了熱茶、水，還有常溫的飲品櫃，讓不喜歡凍飲的人提供了一些選擇有清酒和梅酒飲 但不太好飲可是當天看到一些大媽夾完食物又放番入去還不停係到用啲泰式汁洗啲鳳爪.....(如果一份份咁拎 可能好點）放題來說這間不算吸引

女朋友幫我安排下, 跟她一同試試這個餐廳最出名的鮮蝦以及，三文魚刺身。首先我是從來不吃鮮蝦刺身的，但當我第一口品嚐時，它本身的鮮味，令到我改變以往對它的看法。入口鮮，然後甜，仿佛舌尖上每個味蕾都給喚醒起來，配上他們獨有的豉油及芥辣，簡直每個舌尖都在度假一樣。非常難抵擋。夏日動感fiesta!😊另外我是是他們出名的澳洲羊鞍。非常滿足,因為這個餐廳的羊肉沒有騷味, 而且非常鮮口嫩滑,跟其他的日本餐廳有所不同。內裏裝修比較堂皇及整潔 最適合一家大小來享用日本放題。而且所有的飲品都具有, 包括，鮮奶忌廉汽水, 綠茶梅酒及紅酒。its a fantastic evening!😘😘😘

每次阿媽生日佢都會指定要去大滿喜食一餐，一來地點就腳，二來想食嘅野都有，而且有自助區！等待刺身時 ，去自助區拿左d沙律菜， 幾新鮮，款多自助區有雪糕櫃、甜品櫃、幾款熟食最鐘意係呢個自助雪糕機呀，有toppings可以加，又可以用cone裝雪糕有日本酒同紅酒飲，我就未試過了，媽話梅酒幾好飲，唔會太甜第一輪刺身 唔記得影，掛住食呢張係encore的：媽媽最鐘意帶子、甜蝦、仲有劍魚腩！！唔係間間都有劍魚腩，呢間處理得好好，冇雪藏味，肉質好肥美。清酒煮蜆 D蜆都算大粒，加左清酒令味道好清甜，不斷encore燒菠蘿好甜牛舌有少少韌，但牛味夠，同埋黑椒幾香總括黎講呢間d食物種類都幾多下， 甜品有幾款高質的（朱古力味果d都唔錯）座位唔會覺得逼

每逢星期六都係同男朋友拍拖既日子, 一星期忙足五日~星期六當然要食返好D獎勵自己啦<3 今日就同男朋友兩個去食佢最鐘意既放題, 一般我自己都好少同朋友食, 因為女仔食唔多感覺好浪費XD 但有男朋友就抵返哂。大滿喜未到五點已經有好多人係到等緊位啦,因為五點至七點喱個時段有優惠!!一入到去就已經見到有個自助水吧, 可以拎前菜, 野飲同埋甜品等。總類都唔少, 淨係野飲都有十幾種J 場內有好多座位, 不過因為今次係五點黎, 仲未滿座。一坐低就叫左好多野食,首先黎既係男朋友最鐘意既魚生刺身。因為HUI唔食魚架, 淨係食帶子,象拔邦,八爪魚, 每一樣都好有鮮味,唔似係急凍貨呢。而且叫幾多就黎足幾多, 一D都冇偷工減料!!值得一讚~ REFILL左兩次上菜都好快熟食方面都有超級多選擇, 叫左牛柳粒﹑燒蝦﹑鰻魚﹑壽司等好多樣野食。HUI最喜歡既係牛柳粒!!好有蒜香味, 而且冇煮得太耐,肉質岩岩好J 以前試過係第二到叫過,韌到咬唔開呢~另外雞翼﹑燒蝦都好好食,雖然唔知係咪炭燒,但係有現燒既香味,雖然平時放題都食唔多,但今日我都同男朋友由頭食到落尾呢XDDD

熟我嘅人都知道我勁鍾意食日本野，所以食放題就啱曬我，可以想點咩就食咩！今次趁媽咪得閒，就同佢一齊去食~話說呢間大滿喜好似都開咗一段時間，媽咪都曾經同同事去食過，對佢都幾好評價！因為去嘅時間都尚早，大概六點半左右，都仲未坐滿人，好彩！去到就會見到一本勁厚嘅menu，想食咩就寫低個數量，我一見到呢頁，完全雙眼發光，估唔到佢刺身選擇咁多！可以話係我幫襯過咁多間，提供最多選擇嘅一間！刺身我同媽咪都係勁鍾意食刺身，我地兩個都讚，佢嘅刺身都係新鮮，而且唔會食到好大陣雪藏嘅味道鹽燒海蝦食蝦其中一樣最驚嘅係，蝦肉因為唔新鮮，而會變得好霉，但呢個海蝦完全無呢個問題，蝦肉仲好爽脆，證明佢係幾新鮮咖！配埋少少用作吊味嘅鹽，可以將鮮味帶出黑松露蟹肉卷、炙燒芝士軟殼蟹卷我媽咪好鍾意嘅兩樣卷物，外貌已經幾精緻，前者食落係有好明顯嘅黑松露味，有料到咖😂後者因為有包住軟殼蟹，所以食落好有口感，脆脆地~鹽燒鯖花魚我去食日本料理必點嘅菜式！因為自己好鍾意食😂因為佢細細舊，所以我好快一啖食曬xd 作為一間放題，佢算整得幾好原條海鰻、醬燒珍寶蟹棒幾驚喜呢間放題用料都係大大份，炙燒嘅情況都啱啱好，唔會過火總括而言啦，佢地有嘅食

最近工作壓力太大，約幾位朋友放工後放題，揀左旺角創興中心八樓大滿喜。最初侍應安排入座一張4人卡位，但由於我們個人物品太多，坐得有點迫，之後換左張較大的給我們，服務態度良好。放題食物的選擇一定多不勝數...刺身，炸物，串燒，手卷，甜品......飲品都有好多種類，除左一般既果汁，汽水同啤酒之外，還有清酒同梅酒任飲刺身新鮮，特別是珍寶赤海蝦-大大隻肉質鮮美又彈牙，食完encore 再encore鹽燒牛舌：厚薄適中，又唔會太韌香草羊架：7成熟，岩岩好仲有比較特別的鰻魚，甜蕃薯，壽司及炸物都好好味甜品有多款雪條同自家製雪糕，我試了3.6牛乳布丁，奶味濃又香滑總結，食物質素非常好，侍應執檯速度快，食完之後心情總算好了一點，大大滿喜。

朋友約食放題，初初好擔心要排創興條長龍電梯，排咗一陣先知原來8樓係另一條隊，唔洗排直上大滿喜。因為我哋4個人都揹背囊，店員好貼心咁安排較闊落嘅位置入座，未食已經加分！坐低見到餐牌真係呆咗！勁多種類選擇，為食嘅我哋就乜都叫啲。畫完點餐紙就出去揀飲品，估唔到連Coke Plus都有！落單冇耐食物就到，對限時放題嚟講，快上菜滿意度up!食物種類真係多到影相都影到手軟，除咗刺身厚切外，其他壽司都係細細件，最適合我呢啲眼闊肚窄，但又乜都想試嘅人！最驚喜嘅係連鮑汁花膠都有，一碗仲要有成五、六件，花膠煮得軟身得嚟爽爽地，真心推介大家叫呢個補補骨膠原！食飽飽就去甜品區，再次傻眼！點解甜品都有咁多款式㗎！早知唔好食咁飽啦！連榴槤雪條都有，大滿足！

朋友們臨時臨急約食飯，由於大家都收得比較夜既關係就揀左旺角創興廣場8樓既大滿喜放題，book左9點半，準時去到好快就被安排入座，俾左張4人卡位，迫到呢...食物款式大致上都係果D,刺身，燒物，串燒，天婦羅...野飲都叫多選擇，一般果汁汽水啤酒之外仲有清酒同梅酒，但唔明點解要用膠杯唔用玻璃杯，D膠杯一陣味咁...講番食物，珍寶赤海蝦有驚喜，好大隻好彈牙，而且去埋蝦頭。俄羅斯甜蝦，幾乾淨，起碼冇腸冇黑頭。鮑汁花膠，煮得幾淋同入味。天婦羅，炸粉唔多又唔會食到成口油。羊架，香草同鹽多到一個點，咸到呢。海鮮pancake,簡直係暗黑料理，生化壽司d fd。甜品種類都叫多同唔錯，3.6牛乳布丁幾香濃同滑。總結：上野速度快，冇漏單，但侍應執檯太慢，d碟疊到一層層都冇人執。