大滿喜日本料理 (已結業)

今晚約咗朋友食飯吹水， 有人提議去呢間餐廳食放題 ，貪佢交通方便 、又平、又任食 ，大家當然冇意見啦。去到樓下 ，見到有條等𨋢嘅人龍排到出街外面轉彎， 個心驚一驚 。好彩睇真啲 8樓唔係排嗰條隊， 如果唔係就遲大到。間餐廳都幾大 ，有好多枱 ，甜品同飲品區都好多選擇 。由於限時 ，我地 一坐低就用極速畫點餸紙交咗先 。魚生 、刺身都好新鮮， 選擇都幾多。我好鍾意食炸嘢， 叫咗啲炸榴槤球、 炸牛奶球 、炸蠔 、炸蝦 ，都幾好食。限時太短， 我哋又顧住食又顧住傾 ，其實都食唔到好多嘢。 不過呢個價錢始終都抵食嘅。 下次都會再去。