大滾友火鍋

營業中

休息中

天氣咁凍，當然要食下辣野暖下個胃啦，所以今次我就嗌左麻辣卜卜蜆鍋。我友人唔係好食得辣，所以嗌左個小辣 但一上枱極多辣椒，自己都比佢嚇親，不過其實個辣度都唔係好勁，係個樣誇張左啲姐。裡面其實有勁多蜆，食緊都仲有，蜆大隻有肉地，不過就要襯早食喇，煮耐左就會縮水得好勁。講番野食，係自家整既黑松露蟹肉餃，聞落去係有一陣好濃既黑松露味既，不過就食唔多出，但皮薄蟹肉鮮甜，成件事已經好正。豬頸肉肥瘦岩岩好，不過整體普通鮮淮山好新鮮，係完全可以見到啲淮山獨有既黏液，而且出奇地吸味，必點！手打黑松露墨魚滑，又係黑松露，不過呢個既黑松露係更香更多，食落去有陣陣既黑松露香，但又唔搶墨魚既鮮味。酒香花雕浸牛肉，好少火鍋店會見到。食落去酒香味好出，烚完都有明顯既酒，不過略嫌啲牛肉太過靭即炸黃金響鈴真心必試！有兩隻響鈴簡，而我簡呢個係落左蛋黃，蛋黃味係超級出，用比正常響鈴烚既時間短啲，食到既蛋黃香會更出。絕對係食過最好食既響鈴之一。另外，嗌左個雜菇拼盤，有齊曬林林總總既菇類，鍾意咩菇都有。

咁冰冷既季節，一到週末就想約埋三五知己去滾一滾。平時滾開放題火鍋既我地，今天經過yoho就被呢間新開的宮廷式火鍋吸引過黎。唔知大家覺唔覺得，通常食單點既火鍋店，無論係食材、服務、擺盤都比較出色，但相對地價錢會高番DD，預$300-$500不等。然而呢，任食火鍋都係$100鬆D，除左飽肚之外，食材能夠新鮮整潔都算不錯了，今日我要同大家介紹呢間仍在試業階段的大滾友火鍋，無論在食材質素、上菜速度、客人服務都做得很好。聽到宮廷火鍋，您一定想得天馬行空，這裡裝修雖然沒有金碧輝煌，富麗堂皇，但是古色古香是有得的，簡單而透光的屏風透光之餘讓人有隱私空間，紅黃燈光溫暖舒適。3人餐單參考： 半隻花膠雞湯鍋 x1 炸芋頭 x1 皇帝菜 x1鴨血 x1三文魚刺身 x1白鱔片 x1大滾友肉丸拼盤 x1金菇菜 x1骰子牛肉粒 x1黃金炸響鈴 x1一共HK$1069（10%服務費）飽足程度：★★★★★半隻花膠雞湯鍋 $288（推薦指數：★★★☆☆）花膠同已經煮熟的雞會分開上菜，店家會幫係客人面前將花膠剪開擺入去，仲會細心講解多種菜的煮的最佳時間。煮到咁上下，花膠會慢慢滲透湯汁，呢個時候將以及煮熟的雞肉放落去碌一陣

※本文以用餐當日的環境、服務和食物質素為準，口味亦因人而異，文章只作參考之用。-前排發覺友麵子舊址轉左做一間火鍋店，仲同樓上既任食倫哥火鍋打對台，不過呢間火鍋店個名令小妹印象深刻，玩食字叫「大滾友」火鍋！開玩笑一問：係咪唔正經場所黎？！放心絕對正經，仲可以大家齊齊出去滾滾下。前身麵店鋪仔細細，估唔到裝修到咁古色古香和企理。我們被安排坐卡位坐得頗舒服，店員服務態度都很好，去食個時餐廳仲係試業期間，就係上菜速度有大大改善空間，希望正式開業會更加好。前後兩頁紙的點菜紙，排版上又頗盞鬼的。火鍋湯底有「花膠雞湯」、「麻辣卜卜蜆」、「黑胡椒肉蟹混濃湯」、「花雕藥膳雞湯」等；另外仲有款式幾多的火鍋配料，比較特別有咸蛋黃炸響鈴、花雕浸牛肉、鵝肝墨魚丸等，仲有以餃子為主題的「今晚餃唔餃」見到個大標題都忍唔住笑左！（醬料$20/位，另收加一）不得不說既係呢度既鍋超有氣勢，兩邊都有個龍頭造型對住你。半隻花膠雞湯鍋 $288想食花膠雞湯一段時間了，上枱時，花膠同雞係同鍋湯分開既，店員會幫手剪細花膠放落鍋裡，滾多滾可以先飲左雞湯同食花膠先。雞湯入口唔會話好濃味，飲到既係陣陣雞湯既鮮味，覺得係無落味精的，仲有軟綿

今晚約左大肚姐妹食飯 當然要就一就佢去佢屋企附近食啦 㨂左間新火鍋店 好有中國風湯底啲名同個煲一樣 好有特色我地㨂左朝三暮四 姐係蕃茄濃湯豬軟骨煲真係好濃嘅蕃茄味 帶點鮮甜嘅味道打邊爐第一樣野當然係牛啦 手切頂級安格斯肥牛 份量唔多 不過質素好好肥牛油脂分佈平均 入口嫩滑 牛味濃美國桶蠔 勁大隻 都算鮮喎大滾友餃子拼盤 集結左鮮蝦雲吞 韭菜豬肉餃黑松露蟹肉餃同蟹皇餃 每樣兩款兩款關於蟹肉嘅餃子都幾有特色食左咁多肉 當然要叫埋個雜菜拼盤清清腸胃啦

天氣轉涼，元朗新發現一間新開火鍋店，個招牌吸引左我們，於是幾個就直接入去大滾一下，店內裝潢相當古代，彷彿走進時光隧道，整體上走的是中式風格，另外餐點紙上的卡通挺有意思，用心立刻增加了不少分數，有醬任你混嘅宮廷醬芥呢度d火鍋幾特別，龍頭鍋好有氣勢，今次叫左個蕃茄濃湯豬軟骨湯，湯底以蕃茄和調味秘方熬製而成，好足料豬軟骨好多件，配合濃郁的蕃茄湯，味道清新鮮甜叫左花膠吸收了湯底其他食物的精華，更覺鮮濃最鐘意魷魚，花枝片少不得，一睇就知非常新鮮，鮮甜得無話可說吃火鍋總不能都吃肉不吃菜，所以就點了一個大滾友雜菜拼盤，一大盆很豐富，有生菜、金菇、粟米等等組成  黑松露蟹肉餃好香松露味，松露餃子非常出色，松露味極香，蟹肉相當多， 喜歡松露的人唔好錯過手打黑松露墨魚滑想象中好，黑松露味不太強而搶了墨魚味整體食物質素不差，下次去開元朗都會黎呢到

今個冬天真係打左好多邊爐，上次食左佢個姊妹店滾得喜之後忘不了個蛋黃響鈴，當我一知道佢開左分店就立～即衝去食！好喜歡popart風的logo design!!!基本上所有野都好新鮮，啲名都好好笑，例如「今晚餃唔餃」、「飽暖思牛肉」，好正又好笑～好有gimmick。揀左好奈，最終叫左藥膳雞湯底，原來係醉雞！紹興酒味好濃好正～雞亦都好滑好入味，推介一見到有飛驒和牛就叫左～好軟熟呀都唔使點咬，重點係當然會係元朗都有飛驒黃牛食～黃金響鈴不用多説，鹹蛋黃付在響鈴上，即叫即炸即捲，好脆好好味！就咁食更佳

襯住天氣仲係涼涼地 抓緊冬天的尾巴..❄️繼續食最鐘意的烚下烚下~約左朋友黎元朗呢間新開的火鍋店--大滾友!個名好搞笑..xd揀呢間, 係因為上網搵左呢間係同之前係北角大受歡迎既火鍋店滾得囍同集團旗下既另一風格火鍋店..之前想試又唔想去到北角咁遠.. 而家元朗開左 終於可以一試!幾鐘意佢走既古色古香中國風路線~食物款式都唔少呀~ btw佢全部湯底名都好搞笑..xdd宮廷醬芥$20/位佢個龍頭造型既鍋好有氣勢呀😍😍😍一拎上枱真係嘩左出聲....loll我地揀既係店家極力推介既招牌玲瓏浮凸鍋其實即係花膠雞湯鍋(半隻)$288 (另可選一隻$388)價錢都唔平.. 但係當你一飲就會明白點解會收呢個價飲得出湯底用左唔少材料同時間去熬製~好有媽媽老火湯的感覺: ) 我第一次打邊爐會不停咁飲個湯底>v<"而佢將花膠同雞肉另上 自已鐘意幾時食先加落去~想講佢份量都幾大.. 兩個人食真係未必食得晒珊瑚蚌$98(大鄉里的我...其實係第一次食珊瑚蚌🙈🙈🙈)見到咁深既橙色以為佢會係一d濃味食物黎..原來唔係架@v@佢有淡淡既海鮮鮮味, 咬落好爽口彈牙~~ 幾易入口唐生菜$28 年紀大要關注健

去到元朗Yoho Mall附近有一間新開嘅店，啱晒而家凍冰冰可以去打邊爐！一入到去被佢宮庭式嘅設計吸引着，裏面嘅裝修同埋擺設全部用彷木造，我哋坐咗係卡位。3個人開始開餐。見到張點菜單我都嚇咗一下，全部都係一啲俗語，但係我哋會會心微笑。有一個叫做「飽暖思牛肉」，感覺就好似飽暖思淫慾咁嘅意思，真係笑爆咀。佢哋個店主都話佢哋嘅主打係牛肉呢！由於有一個朋友未到，我哋先打住嗰啲易熟嘅邊爐配料，分別係竹笙淮山同響鈴，個響鈴同我哋平時食嘅好唔同，因為今次呢一款係用鹹蛋去做夾心，職員話佢哋嘅響鈴係佢哋親手店裏面自己親手打造。食落去嘅時候特別鬆脆！我好欣賞佢嘅蛋黃，鹹鹹地咁，佢嘅質感令人增加左口感，雖然我朋友就話佢喊得濟而且有啲熱氣，但係我覺得佢拿捏得啱啱好，放入滾湯裏邊煮20秒就可以食。之後我哋叫咗啲沙蜆價值＄68，大概都有20隻，放左落去火鍋爐嘅中間，咁就可以清楚啲見到佢哋幾時打開個口，就可以食得啦。要讚一讚佢哋嘅花膠雞湯，佢哋嘅店員會好細心幫我地將花膠剪開，放入湯裏面煮，大概5分鐘我哋就可以食啦。啲花膠煮得好腍，有啲似啫哩狀，而且雞油和花膠滲出來的骨膠原配合，整個湯底變得有點杰身，諗起都覺得好補。

元朗。 雞地。 優質火鍋。無論春夏秋冬，我哋都係火鍋常客銅製造的龍頭火鍋爐，非常霸氣， 今次我們選擇了藥膳醉雞鍋，花雕味極香，藥材味非常濃郁，十分足料。牛肉拼盤分別有牛柳粒，牛胸油，牛頸脊，牛舌， 份量不太多，但是牛肉味濃，口感超好。海鮮拼盤相對分量不少 聖子 ，鱔片 ，扇貝 ，海蝦 ，沙蜆 ，貴妃蚌等等 ，種類繁多，亦非常新鮮。鹹蛋黃響鈴就是用即炸起的響鈴，用鹹蛋黃炒香，非常惹味。 另外丸拼盤亦非常弹彈牙新鮮。這個花雕牛展內裏放入乾冰， 賣相一流，而且新鮮有牛味，有咬口，非常推介。餐牌抵死有趣，例如<今晚餃唔餃>餐牌與大滾友非常貼題這夜我們四個人每人大約消費300元，質素非常高，海鮮及牛肉類非常新鮮，其他配料亦是即叫即整，知道此店新開張營業，希望能夠保持水準。

冬天，最好就係吹雞打邊爐嘅時候，今次去左一間好得意嘅火鍋店，叫「大滾友」，真係好貼切，因為佢用咗創意無限嘅菜名，例如：今晚餃唔餃、櫻唇半開、飽暖思牛肉同飛機手打丸…… 店內裝修以中國style為主，用咗中國圖案嘅餐具，就連湯鍋都用咗個龍頭作裝飾，好有氣派呀！ 宮廷醬芥每位要$20，但只有生蒜、炸蒜、辣椒同蔥，如果再多啲選擇會更好！有我最喜歡嘅《手切日本飛驒和牛$328》，油脂比例平均，有大理石狀嘅花紋，食落肉質滑嫩，但牛味唔係好濃，煮一陣再添上自製醬汁就更加惹味！ 店員叫我哋試吓佢嘅《花膠雞湯鍋半隻$288》，又名玲珑浮凸，果然！好鮮味，奶黃色嘅雞湯，加上超多花膠，仲好厚肉，店員會幫忙剪到細舊啲，方便進食。豐富嘅骨膠原，真係好滿足！ 店員話鮮雞已經整熟咗大半，滾一滾就食得，食落又香又滑，一啲「鞋」口都無，雖然我哋只係叫咗半隻雞，但隻雞係好大隻，好努力先可以KO佢。 將《豬頸肉$48》捲成嘅玫瑰花豬頸肉，外貌已經非常討好，緊係要相機食先啦。豬頸肉已經切成薄片，好快熟，入口爽口彈牙。《大滾友餃子拼盤8粒$118》，蟹黃餃賣晒，所以俾咗鮮肉雲吞、韭菜豬肉同黑松露蟹肉餃，每樣各三隻。全部餃都話

朋友介紹的中式火鍋店，店內裝潢充滿濃濃中國風，另外有富中國色彩的巨型屏風。餐牌提供多款招牌湯底、特色火鍋配料、招牌新鮮牛肉。從視覺、味覺、感覺得到滿足特地卜卜蛽鍋，蛽很多整個鍋味道鮮美，入口無沙，材料明顯新鮮，讚！喜歡一系列手打滑👍🏻手打黑松露墨魚滑，墨魚滑幼滑彈牙，黑松露獨特的味道令墨魚滑口感更細緻好食👍🏻手打蟹子蝦滑，蝦打成的蝦滑勁彈牙，全是人手剁製，沒有加豬肉，百分百蝦味👍🏻手打鮮牛肉，濕潤夠新鮮，入口時有粗糙凹凸不平的嚼感，頗彈牙。@冰鎮螺片刺身，冰鎮响螺片口感更为脆爽@皇帝菜有特殊香氣，打邊爐最正@黑松露蟹肉餃，水餃每隻都很大，蟹肉味鮮又彈牙，食兩隻就好飽@酒香花雕浸牛肉，牛肉鲜嫩可口，洒香味濃郁，色澤亦鮮艷吸引，的確新鮮@烏冬，厚切午餐肉好香

元朗鳳群街一帶，整條街有著不同類型的食市，有雞煲，打冷，小炒，西式餐廳，邊爐，等等的各種餐廳。而大滾友都吸引了我們的目光。門牌和內在環境都十分中式，但又十分有格調，不會令人覺得老套。溫馨提示，這裡除了加一，另附加每人醬料費20元。這裡有四種配料讓客人可以添加在醬油裏，而我是蔥的愛好者， 當然要落當然要落一定份量的蔥， 再加上小小蒜，很惹味。湯底我們點了 春色無邊 $98即是我最喜歡的沙嗲湯，下稱秘製馬來沙嗲鍋。鍋一來到，就很霸氣的。龍頭造型精緻，而中間的鍋不繼噴出霧氣， 很有 gimmick。沙爹湯的味道十分濃郁，超級重沙嗲味，真的很好喝。對喜歡重口味的我，就覺得很合我口味。 因為沙爹湯的口味已經很濃，所以我們基本上都不用沾醬料。手切日本飛彈和牛 $328賣相十分吸引，還有乾冰的霧增加視覺應。牛肉顏色紅潤，而脂肪與肉的比例剛剛好。口感上，肉質很滑，不會難。味道上都能吃到牛肉的鮮味。豬頸肉 $48擺盤很美， 是兩朵玫瑰花，十分適合拍照呃like。脂肪比例較多，所以吃起來會較多油脂，而肉的質感也鮮嫩。黑松露蟹肉餃 $88餃子很大粒。味道上，蟹肉味很出， 不會被黑松露的味遮蓋。韭菜豬肉餃 $

好開心元朗有多一間打邊爐食店啦，仲要開係我做gym嘅附近，所以行過就俾佢門面吸引住，門面同入面嘅裝修都好中國風，仲有佢張order紙都好搞鬼，好似睇緊漫畫咁樣， 有九款湯底揀，因為我好少食辣，所以就揀咗個>玲瓏浮凸<湯底，其實係花膠雞湯鍋，女仔養顏食物丫，我地揀咗半隻雞，花膠亦都好足料好多，不得不讚個鍋個設計幾好，有個龍頭仲食得好有氣勢添，中間有個位俾你放啲快熟嘅食物，等你唔使搵得咁辛苦，個半隻雞本身已經熟咗㗎啦，只係放入湯度熱一熱就可以食得，叫左手打黑松露墨魚滑，好重黑松露味，非常之有口感，仲有推薦自家製炸魚皮好食到不得了，其實食完我想問佢有冇得外賣個魚皮，叫咗個冰鎮螺片刺身，估唔到咁鮮甜，呢個都推介既，珊瑚蚌同手打鮮牛丸都吾錯，下次要叫埋啲朋友一齊食可以叫多d其他食物試吓。