影片
更多
2018-01-22
210 瀏覽
冬天，最好就係吹雞打邊爐嘅時候，今次去左一間好得意嘅火鍋店，叫「大滾友」，真係好貼切，因為佢用咗創意無限嘅菜名，例如：今晚餃唔餃、櫻唇半開、飽暖思牛肉同飛機手打丸…… 店內裝修以中國style為主，用咗中國圖案嘅餐具，就連湯鍋都用咗個龍頭作裝飾，好有氣派呀！ 宮廷醬芥每位要$20，但只有生蒜、炸蒜、辣椒同蔥，如果再多啲選擇會更好！有我最喜歡嘅《手切日本飛驒和牛$328》，油脂比例平均，有大理石狀嘅花紋，食落肉質滑嫩，但牛味唔係好濃，煮一陣再添上自製醬汁就更加惹味！ 店員叫我哋試吓佢嘅《花膠雞湯鍋半隻$288》，又名玲珑浮凸，果然！好鮮味，奶黃色嘅雞湯，加上超多花膠，仲好厚肉，店員會幫忙剪到細舊啲，方便進食。豐富嘅骨膠原，真係好滿足！ 店員話鮮雞已經整熟咗大半，滾一滾就食得，食落又香又滑，一啲「鞋」口都無，雖然我哋只係叫咗半隻雞，但隻雞係好大隻，好努力先可以KO佢。 將《豬頸肉$48》捲成嘅玫瑰花豬頸肉，外貌已經非常討好，緊係要相機食先啦。豬頸肉已經切成薄片，好快熟，入口爽口彈牙。《大滾友餃子拼盤8粒$118》，蟹黃餃賣晒，所以俾咗鮮肉雲吞、韭菜豬肉同黑松露蟹肉餃，每樣各三隻。全部餃都話
冬天，最好就係吹雞打邊爐嘅時候，今次去左一間好得意嘅火鍋店，叫「大滾友」，真係好貼切，因為佢用咗創意無限嘅菜名，例如：今晚餃唔餃、櫻唇半開、飽暖思牛肉同飛機手打丸……
店內裝修以中國style為主，用咗中國圖案嘅餐具，就連湯鍋都用咗個龍頭作裝飾，好有氣派呀！
宮廷醬芥每位要$20，但只有生蒜、炸蒜、辣椒同蔥，如果再多啲選擇會更好！
有我最喜歡嘅《手切日本飛驒和牛$328》，油脂比例平均，有大理石狀嘅花紋，食落肉質滑嫩，但牛味唔係好濃，煮一陣再添上自製醬汁就更加惹味！
店員叫我哋試吓佢嘅《花膠雞湯鍋半隻$288》，又名玲珑浮凸，果然！好鮮味，奶黃色嘅雞湯，加上超多花膠，仲好厚肉，店員會幫忙剪到細舊啲，方便進食。豐富嘅骨膠原，真係好滿足！
店員話鮮雞已經整熟咗大半，滾一滾就食得，食落又香又滑，一啲「鞋」口都無，雖然我哋只係叫咗半隻雞，但隻雞係好大隻，好努力先可以KO佢。
將《豬頸肉$48》捲成嘅玫瑰花豬頸肉，外貌已經非常討好，緊係要相機食先啦。豬頸肉已經切成薄片，好快熟，入口爽口彈牙。
《大滾友餃子拼盤8粒$118》，蟹黃餃賣晒，所以俾咗鮮肉雲吞、韭菜豬肉同黑松露蟹肉餃，每樣各三隻。全部餃都話係新鮮包，我信，因為呢個等左好耐，同埋三款餃嚟到時都係脹卜卜……
韭菜餃韭菜味道香，豬肉同韭菜嘅比例好，最重要係韭菜幼嫩，唔會食到有渣。
雲吞就一般水準。
而黑松露蟹肉餃就味道獨特，裏面好多蟹肉，值得一試。
《即炸黃金響鈴$68》呢個係我至愛，即炸，有香濃豆味，加上鹹蛋黃嘅香味，仲要脆卜卜，就咁食都得，仲惹味。
今晚我哋兩條友真係「滾」得好厲害，叫咗好多野食，但又清晒喎，無做大嘥鬼㗎！
張貼
