大將 (已結業)

今日又去食放題，12點我準時去到已經見到兩條好長好長人龍，打哂蛇餅！手機落單非常方便，款式好多但得一個胃好難揀，今日主攻羊鞍，少食刺身，食1 d平時少食嘅野，學人美顏食花膠，又食下蟹粥，當然唔可以少得炸榴槤波波啦！🤣🤣🤣必食推介：1.燒香草羊鞍（9.5/10）2.蟹粥（8.5/10）3.吉列牛乳炸鮮奶（9.5/10）4.炸榴槤波波（9.5/10）5.鹽燒左口魚壽司（9/10）6.海膽手卷（8/10）7.極上花膠盛宴（8/10）8.雪花牛肉鍋（8/10）9.黃金燒蠔（9/10）10.燒鰻魚（9/10）香港美食hkfoods #yummy #delicious #foodie 

頭先食完6：30 入場90分鐘放題張單600坐低開波唔夠20 分鐘叫我比錢我都好聲好氣同佢講4個字唔夠喎你睇清楚張單先跟住佢話7 點last call其他任食任食個D大家都知係咩可能佢睇到張單知到錯左所以走左跟住第二個小朋友走過黎問（ 你重想要D咩？）4 盤牛肉啦無錯係黎左盤但係最低級都算最慘係每盤係4 塊冰牛跟住佢地除左想加水外其他時間係避開我地張枱好似怕我地會再落單咁開始坐低個下都覺得奇怪有9 成燒肉火煱放題都係電話落單唯獨佢地要叫人落諗下諗下哦原來係降低成本嘅好方法300 一個人頭開始食嘅時候你會有4 塊平價牛肉3 塊豬肉同雞肉碎之後60 分鐘你有菜食有圓類食重有奇怪甜品比你食係我唔好應該食最貴個餐唔應該食第二貴

同朋友去咗旺角TOP一間日式火鍋放題餐廳到打邊爐😆‼️我哋揀咗澳洲和牛肩肉，✨每人$298。🫶🏻一個湯底揀咗味噌泡菜湯 +$10，一個揀左雞白湯。我就比較推介大家揀味噌泡菜湯，泡菜味超級濃，但又唔算超辣🥰👍我哋仲加配左大蟹棒 $32 ‼️🔎有好多嘢都可以任添，包括和牛同豬肉雞肉，丸類有牛丸，豬肉丸，龍蝦丸等😛，又有唔同菜同菇🤩甜品種類都多，有tiramisu，木糠布甸，雪糕，仲有自製窩夫 🧇，有窩夫嘅蛋漿同窩夫機俾我哋自己整😆💗啲蛋漿都好甜😋，我食左勁多round‼️🥳環境方面都幾乾淨，啲嘢食都放得幾衛生，裝修都幾好坐得幾舒服😚

今日同女朋友去左t.o.p.商場，因為本身都趕時間，所以快搵餐廳，在地庫小foodcourt睇唔啱，隔離有間食打邊爐，不過見到有丼食，於是入去，當我地話食丼時，佢話煲緊飯，要等20分鐘，咁食快d 都ok，坐低後睇左6-7分鐘左右落單本來要個：炸雞芝士咖喱丼+沙律套餐 & 蒲燒鰻魚牛肉丼跟著店員話冇咖哩，於是改熱溶芝士雞肉丼+沙律。沙律上得勁快，飲品自己攞果度冷氣超大，女朋友加左衫都仲係好凍，怕凍的要帶褸但落單後再等了30分鐘左右（我地唔鐘意吹人，費事加料），仲未上丼？！於是追問店員，店員睇完，過左陣話冇鰻魚，即係之前根本冇落單，但我食左個沙律又飲左野，想取消張單都唔得，於是轉 雙重溫泉蛋牛肉丼，叫佢urgent。都2個丼再用左13-15分鐘先上到。埋單時，我地唔知枱号，埋單店員搞左一輪（當時得幾枱人）先搵到我地食咩？！食物：溫泉蛋熟過龍，牛肉勁韌，洋蔥還有蔥皮，碗飯勁油，唯有芝士+沙律是ok的其他：價錢抵，坐得舒適總結：論價錢是ok的，但食物質素一般，有圖都未必有得食。坐得舒服，但冷氣太大，落漏單，比錢時要睇清楚張單，所以我地下次就唔會再幫襯比大家參考

前幾日星期五好即興咁約咗朋友食夜晚，由於太即刻好多放題都full晒🥲咁啱見到依間仲有位就即刻book嚟食🤩今次叫咗 美國SRF和牛 $258/人首先個擺位設計都幾有心細有個架下面放肉上面可以放個兜，咁就慳位好多👍🏻但就厭個鍋淺咗啲🥲冇辦法放太多食物入去，如果唔係就驚會瀉晒🫠至於嘢食方面，友人叫咗麻辣，我就叫咗壽喜燒😍湯底嚟講係冇問題嘅👌🏻我哋個餐係有牛豬雞嘅，啲雞肉小得可憐🥴基本上都係雞條，雞皮佔8成😶至於其他料，同其他比就相對冇咁多選擇，但基本嘅丸菜麵都有甜品佢有窩夫機同雪糕機😍為食嘅我就整翻個窩夫新地🧇🍨🤤個窩夫好好食🤣整體嚟講，如果冇其他選擇下依間都唔係唔得嘅，如果唔叫依個餐感覺會抵食啲🫢下次我都係要記得早啲book位😅

大將🥘北海道黑毛和牛放題 ($348)120分鐘嘅放題包咗任食5款牛、3款豬同埋雞🥓牛有日本北海道和牛、澳洲和牛、美國SRF和牛、美國特上牛、同埋美國嚴選特上牛，愛牛人士可以一次過試盡唔同嘅牛肉🐮餐廳係一人一鍋，所以我哋就揀咗兩個湯底，湯底有9款可以選擇，揀咗完熟蕃茄海老濃湯同味噌泡菜湯(+$10）🍅前者酸酸甜甜幾開胃，後者輕微嘅辣酸好易入口🌶 浸娃娃菜落去一齊食，等啲菜吸收哂啲精華入哂味👍🏻 另外有大蟹棒，係額外追加嘅item (+$32)，有四大條好長嘅蟹柳🦀自助區一邊放咗大約20款嘅蔬菜🥬而另一邊就放咗唔同嘅丸類，丸嘅種類大約15款，有common嘅蟹籽丸、福袋、芝士年糕等等🍢 另外仲有少量熟食區，好似有沙律前菜、漬物蘿蔔、小紫薯、芝士年糕小丸子、炸雞🍗個芝士年糕都係第一次食，一開頭仲以為係章魚小丸子，都幾特別🤣飲品嘅選擇都幾多，有個櫃全部都放細枝裝鴻福堂飲品，好似有百香果蜜、竹蔗茅根、咸柑桔🍊另外都有汽水機同咖啡機☕️甜品嘅話最特別就係有窩夫機🧇，唧咗蛋醬等一分鐘就搞掂✅ 大人小朋友都handle到，夾完個窩夫可以自己加cream同toppings，又或者好似我咁唧雪糕🍦，雪糕有

食物質素差，店員(肥妹十中年大叔）態度差，張枱污糟邋遢，可能唔想做，如果想間鋪執笠，全靠佢哋，中午3點去食，當時得幾枱客，都做到發脾氣，如果多人，應該每位食客都要受氣。

打風最岩食火鍋，無論外面落幾大雨，都可以食得暖粒粒。大將平靚正嘅套餐就岩曬食肉獸老公喇！旺角分店就位於T.O.P.地庫food court隔離，位置便利，價格親民，中意佢除咗款式多樣嘅湯底，自助區仲有好多小食，窩夫同雪糕都系必食😋😋。▶️火鍋放題(澳洲和牛肩肉) $298/人放題根據肉類有幾個唔同級數，湯底選擇真系好多，一人一鍋就最滿足，自己想食咩味就揀咩味👍🏻👍🏻。我哋揀嘅澳洲和牛肩肉套餐包曬豬牛雞唔同種類，食到捧住個肚走😂。餐廳仲設有卡座，一家大細或者親朋戚友一齊嚟，熱熱鬧鬧又一餐👍🏻。

日本產黑毛和牛任食放題火鍋✨旺角T.O.P地庫一間充滿日式風格的任食火鍋，價錢由$98-$348不等。《日本產黑毛和牛套餐》$348任食時間100分鐘，共有83種食物和飲品任叫任食。這個餐最吸引就是有日本產的黑毛和牛，牛肉有質素，大大塊的！而且肉質嫩滑，入口即溶化。其他肉類包括有澳洲和牛、美國和牛、五花肉、特選雞腿肉等等。還有，特大蟹棒也是重點呢！✨此外，湯底也與眾不同，這次選了人氣第一的「完熟番茄海老濃湯」和「麻辣味噌湯」。特別要稱讚完熟番茄海老濃湯，真的超濃郁的番茄味，鮮味十足！自助食品區也有大量食物選擇，包括日本雞蛋、丸類、菇類、菜類等等。特別介紹是甜品，居然有自助形式的窩夫，需自行製作，再揀選想配搭的醬料等，十分有趣！總結：鬧市中隱藏的日式任食火鍋。👍🏻

♡♡♡📍大將 (旺角)旺角彌敦道700號T.O.P This is Our Place地庫FoodYum R1號檔疫情下一人一邊爐又安全又正🤣🤣就算1個人去食都得😂。\湯底🥘巨塔芫荽火山濃湯湯底綠油油🫣😂，清新嘅香味配埋青草嘅鮮味🌱 ，中意食芫荽既人肯定係最愛❤️～🥘完熟番茄海老濃湯大眾口味居多，有些許辣辣地但係好過癮，有鮮番茄調出d鮮味 ～🍽北海道黑毛和牛最抵食都係好嘅放題和牛，任食唔會太過肥 絲絲雪花😍，童叟無欺啖啖肉唔會靭。🍽特選雞腿肉雞髀肉好滑身霖霖地好容易入口😻，配備唔同湯底都好鮮～🍽五花肉唔好睇佢肥肥地但食落一d都唔膩，仲有種入口即溶嘅感覺👅。3種肉類最愛係五花肉❤️～🍽大蟹棒（4條）大大條，好抵食！仲大過個鍋😂，差d擺唔落食落啖啖肉真係好正😄。🍽熟食選擇煙煙韌韌嘅炸湯圓金唔會太甜係我fd最愛嘅熟食；沙律🥗一向係火鍋必備解膩品😂😂；岩岩出爐嘅酸甜醬炸雞🍗真係好正；當然唔少得日本放題常見又好食嘅日本小紫薯～🍽甜品類雪糕🍦有三款口味 雲呢拿、朱古力&混合味 朱古力mix雲呢拿唔會過苦 岩岩好 口感又幾神奇；木糠布甸、Tiramisu味道都唔錯；本來好期待整窩夫🧇 但真係太飽 希望下

今日嚟到T.O.P附近行街，去咗food court度試吓呢一間日式火鍋放題。呢度得一個價，無論係午市定係晚市都係同一個價唔會貴咗👍🏻我同朋友就揀咗澳洲和牛肩肉套餐（$298），呢度係一人一鍋，我同朋友揀咗雞白湯同埋完熟番茄海老濃湯湯。一開始佢會先上左每人上左三款肉，啲肉都好高質，啲油花分佈都好靚，而且啲肉厚度都啱啱好，唔會出現切得好似紙咁薄👍🏻最鐘意就當然係個澳洲和牛肩肉，牛味足而且肉軟嫩，encore左好多碟🫶🏻我哋加錢點左蟹柳，三十二蚊有四條好大條嘅蟹柳，唔係平時係超市買嗰啲全部係粉嘅蟹柳，大大啖好滿足❤️放題當然唔少得啲丸同菜啦，呢度啲菜嘅種類都好多，都有啲特別嘅菜好似係椰菜花、萵苣，其他放題未必有👍🏻而且啲菜都好新鮮同埋refill得幾快😚都有鳴門卷、大將軍丸、日本葛粉等嘅特別丸同主食😎啲日本雞蛋仲係任攞，可以自製壽喜燒而且除左火鍋放題好常見嘅雪糕之外仲可以自製窩夫🧇！好好食😋可以自製雪糕窩夫，好似去左甜品店👍🏻啲熟食都多選擇，有沙律、炸雞、甜蕃薯等等，每種都試左啲，全部都好食嘅，係等湯滾填肚嘅好選擇👍🏻野飲方面除左細枝裝嘅涼茶之外都有汔水機、熱朱古力等，好多選擇！呢個質素完全

大將(旺角店)北海道黑毛和牛套餐 $348/位 呢個餐包左任食澳洲和牛同埋日本和牛，除左牛肉仲有豚肉、雞肉，好豐富～湯底揀左期間限定嘅芝士咖喱鍋，係日式果款會甜甜地唔會太辣，不過真係好邪惡🙈🙈仲加追左4條大蟹棒～而男朋友就揀左比較清新既雞白湯湯底～ 蔬菜🥬類、菇類、丸類例如日式芝士豆腐、烏冬、飲品可以自己拎～仲有軟雪糕🍦，有原味同朱古力🍫口味～ 甜品仲有tiramisu 同木糠布甸～*需加一服務費

唔經唔覺原來已經過左立秋，眨下眼一年容易又中秋。秋涼最佳嘅節目當然就係去食火鍋！雖然近排日間嘅天氣仲係好熱，不過亦無阻我哋打邊爐嘅興致。早排見好多人推介「大將」嘅日式火鍋放題，見今日有事要出嚟旺角，就專登約埋朋友一齊過嚟 T.O.P 分店試下。放題價錢係按所選嘅肉類套餐而定，一共有 7 款，定價由 $168-$348 不等，豐儉由人。我哋揀左「北海道黑毛和牛套餐」($348)，另外再追加左大蟹棒 ($32)。原來呢度嘅湯底係一人一鍋，我同朋友分別叫左巨塔芫茜火山濃 (+$10) 同 完熟蕃茄海老濃湯。芫茜湯用料十足，唔單止面頭鋪滿了芫荽，仲將芫荽打成蓉混入湯內，呷一口，芫荽味非常濃郁，味道勁清香！朋友嘅海老湯底亦真材實料，飲到啖啖蕃茄鮮甜同海老嘅鮮味，蕃茄控必定大愛。肉類方面，共有 9 款，分別為日本北海道和牛、澳洲和牛、美國SRF和牛、美國特上牛、美國嚴選極上牛、山原島阿古豬五花、山原島阿古豬梅花肉、五花肉同特選雞腿肉。北海道和牛肉質細膩嫩滑，入口即嚐到牛肉原本鮮味，加上師傅刀工熟練，將和牛切成晶瑩剔透嘅薄片，脂肪同牛肉比例亦啱啱好，就算食多幾件都無油膩感。美國 SRF 和牛肉味亦非

旺角新Hea點T.O.P商場連接旺角地鐵站，行完街係地庫搵食，見呢間日式火鍋環境闊落舒適北海道黑毛和牛放題 💰3️⃣4️⃣8️⃣每位自選湯底，一人一鍋疫情食得安心🌟最推出芫茜火山濃湯 - 翠綠色嘅湯底，愛茜之人不能錯過黃金壽喜燒 - 日式風味食牛肉最夾🐮北海道和牛油脂分布均勻，嫩滑肉質食落唔膩，另外仲有4款牛選擇，有澳洲和牛、美國特上牛同美國和牛，肉味最濃郁，套餐追加大蟹棒，超大條🤣自助區有多款蔬菜🥬、丸類同麪食等，飲品方面有汽水、咖啡機任斟任飲甜品有軟雪糕、日式甜品，仲可以自製窩夫，有多款topping 口味🧇🎈大將🎈旺角彌敦道700號T.O.P This is Our Place地庫FoodYum R1號檔

挑戰大胃王!😝一齊嚟睇吓我食唔成功？！前幾日同姨姨去旺角行街嗰陣見到有大胃 王比賽🤣好似好刺激感一於去試吓！比賽規則係10分鐘內食晒 「巨大化激量版牛肉丼」就費用全免～另外再送上價值$500 嘅餐飲券，份量係4人份🤣一上嚟真係大到嚇親😨😱有我兩個頭咁大😂牛肉都好多！啖啖肉又好味！😍唔會因為係大胃王比賽要俾啲差嘅食物你我好努力咁食咗一個人半嘅份量，但真係食唔落啦😂最後挑戰失敗，不過唔使擔心浪費食物因為可以打包🤣各位大胃王仲唔快啲去挑戰！～😝🥳注意⚠️：未能完成需要付原價$90，另外挑戰需要一天前預訂,每時段最多接受一人挑戰 時間以餐廳計時為準,店員計算為準 ，勝出會得到餐飲券$100x5張 日期📅：由即日起至8 月17 日 時間:14:00-18:00