大將 (已結業)

今日同女朋友去左t.o.p.商場，因為本身都趕時間，所以快搵餐廳，在地庫小foodcourt睇唔啱，隔離有間食打邊爐，不過見到有丼食，於是入去，當我地話食丼時，佢話煲緊飯，要等20分鐘，咁食快d 都ok，坐低後睇左6-7分鐘左右落單本來要個：炸雞芝士咖喱丼+沙律套餐 & 蒲燒鰻魚牛肉丼跟著店員話冇咖哩，於是改熱溶芝士雞肉丼+沙律。沙律上得勁快，飲品自己攞果度冷氣超大，女朋友加左衫都仲係好凍，怕凍的要帶褸但落單後再等了30分鐘左右（我地唔鐘意吹人，費事加料），仲未上丼？！於是追問店員，店員睇完，過左陣話冇鰻魚，即係之前根本冇落單，但我食左個沙律又飲左野，想取消張單都唔得，於是轉 雙重溫泉蛋牛肉丼，叫佢urgent。都2個丼再用左13-15分鐘先上到。埋單時，我地唔知枱号，埋單店員搞左一輪（當時得幾枱人）先搵到我地食咩？！食物：溫泉蛋熟過龍，牛肉勁韌，洋蔥還有蔥皮，碗飯勁油，唯有芝士+沙律是ok的其他：價錢抵，坐得舒適總結：論價錢是ok的，但食物質素一般，有圖都未必有得食。坐得舒服，但冷氣太大，落漏單，比錢時要睇清楚張單，所以我地下次就唔會再幫襯比大家參考