影片
更多
2022-08-19
1296 瀏覽
唔經唔覺原來已經過左立秋，眨下眼一年容易又中秋。秋涼最佳嘅節目當然就係去食火鍋！雖然近排日間嘅天氣仲係好熱，不過亦無阻我哋打邊爐嘅興致。早排見好多人推介「大將」嘅日式火鍋放題，見今日有事要出嚟旺角，就專登約埋朋友一齊過嚟 T.O.P 分店試下。放題價錢係按所選嘅肉類套餐而定，一共有 7 款，定價由 $168-$348 不等，豐儉由人。我哋揀左「北海道黑毛和牛套餐」($348)，另外再追加左大蟹棒 ($32)。原來呢度嘅湯底係一人一鍋，我同朋友分別叫左巨塔芫茜火山濃 (+$10) 同 完熟蕃茄海老濃湯。芫茜湯用料十足，唔單止面頭鋪滿了芫荽，仲將芫荽打成蓉混入湯內，呷一口，芫荽味非常濃郁，味道勁清香！朋友嘅海老湯底亦真材實料，飲到啖啖蕃茄鮮甜同海老嘅鮮味，蕃茄控必定大愛。肉類方面，共有 9 款，分別為日本北海道和牛、澳洲和牛、美國SRF和牛、美國特上牛、美國嚴選極上牛、山原島阿古豬五花、山原島阿古豬梅花肉、五花肉同特選雞腿肉。北海道和牛肉質細膩嫩滑，入口即嚐到牛肉原本鮮味，加上師傅刀工熟練，將和牛切成晶瑩剔透嘅薄片，脂肪同牛肉比例亦啱啱好，就算食多幾件都無油膩感。美國 SRF 和牛肉味亦非
早排見好多人推介「大將」嘅日式火鍋放題，見今日有事要出嚟旺角，就專登約埋朋友一齊過嚟 T.O.P 分店試下。
放題價錢係按所選嘅肉類套餐而定，一共有 7 款，定價由 $168-$348 不等，豐儉由人。我哋揀左「北海道黑毛和牛套餐」($348)，另外再追加左大蟹棒 ($32)。
原來呢度嘅湯底係一人一鍋，我同朋友分別叫左巨塔芫茜火山濃 (+$10) 同 完熟蕃茄海老濃湯。芫茜湯用料十足，唔單止面頭鋪滿了芫荽，仲將芫荽打成蓉混入湯內，呷一口，芫荽味非常濃郁，味道勁清香！
朋友嘅海老湯底亦真材實料，飲到啖啖蕃茄鮮甜同海老嘅鮮味，蕃茄控必定大愛。
肉類方面，共有 9 款，分別為日本北海道和牛、澳洲和牛、美國SRF和牛、美國特上牛、美國嚴選極上牛、山原島阿古豬五花、山原島阿古豬梅花肉、五花肉同特選雞腿肉。
北海道和牛肉質細膩嫩滑，入口即嚐到牛肉原本鮮味，加上師傅刀工熟練，將和牛切成晶瑩剔透嘅薄片，脂肪同牛肉比例亦啱啱好，就算食多幾件都無油膩感。
美國 SRF 和牛肉味亦非常濃郁，而且肉質好鮮嫩，肉汁豐富！另外阿古豬嘅口感亦一流，不但肥瘦比例得宜，而且肉質彈脆甘甜，入口完全無腥味。
追加嘅大蟹棒水準亦唔輸蝕，目測應該有超過 10cm 長，蟹肉一梳梳，肉質緊緻，實淨又不易散，味道非常鮮甜，滋味滿分。
另外自助區有蔬菜、菇菌、各式丸子、前菜、炸物同飲品等供應，不過幾飽都要記得留肚食甜品，餐廳設有自助雪糕機同自製窩夫機，旁邊仲有彩色朱古力針、粟米脆片等，大家可以發揮一下自己嘅小宇宙，製作出創意滿分嘅雪糕同窩夫，食完真係超滿足。
張貼
