大將 (已結業)

約舊同學生日飯聚，之前在TKO 食過翻尋味，今日選擇近近地在旺角分店💕。由入座到帶位同事都禮貌體貼，食物質素不俗，雖然只是加$20有放題，但我哋女仔比較細食，定量份量已經很夠，費用只是約$140一位，超抵！食到中間職員都自動來加湯，態度友善。自助區有大量蔬菜🥬、丸子等，牛丸、豬丸彈牙，又有雪糕、甜品及咖啡，還有各類涼茶可選。每樣食物都有不俗水準，最重要是朋友們都大滿足！食得開心最緊要！✌️✌️✌️

放假路經開T.O.P 本身想係Food Court食嘅 但眼見個場已經比菲律賓姐姐佔據晒🙈🙈 唯有轉去附近呢間放題店 見有定食set好似都唔錯咁😄 店員話重陽節假期 所以定食要加$15蚊 咁本身佢啲set都幾抵食嘅我就叫左個芝士燒雞丼🍱 加$10有埋沙律🥗 同可以自選飲品一杯🧃 沙律就普普通通咁啦 至於個燒雞丼 送到黎好大碗 好足料 好多汁 好多蔥好多洋蔥 不過希望芝士可以多番啲就更好🙈 燒雞整得好入味好有誠意😋😋 至於飯係用左日本珍珠米 食落唔知係個雞辣 定個醬汁辣 總之就係辣辣地🌶🤣整體黎講 以放題店食到咁嘅丼 算唔錯架喇😋❤

呢間食過將軍澳，今次試下旺角分店。咁啱最近做緊個活動叫高糕GO! 要限時內將大將魚糕砌成巨塔！最高獎勵可以免費再送$500餐飲券，每個人都可以試㗎！呢度係一人一鍋，可以揀90分鐘放題或者120分鐘放題，我地揀咗120分鐘日本黑毛和牛放題$428，可以慢慢食，而且任食種類都比較多，有我最鍾意嘅海鮮拼盤同牛栢葉！朋友揀麻辣味噌湯，我揀咗壽喜燒。呢間嘅壽喜燒比將軍澳嘅清淡啲，濃度比例更加好。呢度嘅肉都好靚，油脂分布均勻，如果食我果個餐仲可以嗌魚片、羊肉、蝦滑、海鮮拼盤等等。首推：雞肉(肉身超軟滑!)次推：杭州黑魚片、牛肩肉自選區方面都有唔同嘅熟食，仲可以自製窩夫、自助雪糕，有得玩又有得食！

今晚同朋友係旺角行街食飯 經過Top商場 見到有任食火鍋 行見又唔洗點等位 所以一於試下😍等左5分鐘就有得入座了 餐廳好寬敞好闊落同朋友叫左美國特上牛肉餐$188 價錢包左豬牛雞🐷🐮🐥 自助配菜 飲品同甜品湯底有9款 不過有4款要加錢+$10 所以就叫了不用加錢既沙嗲鍋 而朋友就叫了蕃茄鍋🍅沙嗲湯底味道超濃 又夠香！而朋友叫的蕃茄鍋 味道比沙嗲淡 但係有小量香草🌿 所以聞落都夠晒香🥰一開始職員放低湯底的時候 已經會同事放低埋一碟豬一碟牛一邊雞 如果要添加就要同職員落單😛雞牛豬相比最好食係個雞 非常之滑嘟嘟！忍唔住叫咗幾碟😂但係個牛就好肥所以一般般😅但係整體成餐飯都係唔錯嘅🥰

今晚行完旺角，與朋友揀了T.O.P This is Our Place地庫FoodYum 大將食火鍋放題。自助的放題一入門口已經見到，有甜品、飲品、熟食……，還有火鍋配料，肉類、腸仔、粉麵類、蔬菜……等等。自助區有多款的熟食，有炸雞、醬油蘿蔔、日本番薯仔及沙律菜……等。自助區帶回一些喜愛的黑椒牛丸、墨魚丸、福袋、腸仔及一些喜愛的蔬菜，粟米、秋葵、淮山、蕃茄……等。昆布漬雞肉，是少食到的嫩滑雞脾肉。阿古豬梅肉片，間肥間瘦，乃是五花肉的上上之選。日本黑毛和牛、和牛肩胛肉、特選Prime 牛肩肉……，牛肉都有多款選擇，當然是以日本黑毛和牛及特選Prime 牛肩肉最為高級質量及頗有牛味。特選羊卷肉，切得薄薄的頗大件，肉質鮮嫩，令我點完再點。牛柏葉有少少軔，大蝦也是點完再點 ……至於甜品，款式不是很多，甜品面上的一層好香咖啡味，中間的一層軟滑香甜，而底下的一層則酒味香濃，為今晚的放題作結，完美~~

主打日式食材，有和牛有海鮮既火鍋放題❤️牛牛 日本黑毛和牛～雪花紋理好靚，好嫩好肥美，燙一燙就食得，油脂香滿分，不停追加!! 嚴選Prime牛肩肉～瘦肉部分教多，肉質較結實，但都好高質 一口牛肉粒 有彈性但又唔韌🧡海鮮拼盤 新鮮彈牙大蝦+大大隻青口+墨魚仔 💛自選配料 除左火鍋常見既蔬菜之後，仲有秋葵 豆苗 好日式～仲有年糕福袋 有真黑椒粒粒係入面既黑椒牛丸等等 款式多又吸引💚甜品小食 有炸雞～甜薯～西米病布甸之外，仲有自助窩夫機+雪糕機 同埋木糠布甸等等，好吸引PS 每檯都有得挑戰高糕Go 機會，夾到愈多魚糕就有愈多discount, 好似我咁唔係好叻揸筷子都係夾7舊，有9折，記得要參加!!

係T.O.P. basement道搵野食, 見到大將有新menu, 而家放題可食到120分鐘丫!! 比以前90分鐘多左半個鐘丫, 就揀你食啦!!餐廳既座位好闊落喔, 位與位之間唔會好迫 成枱夠大可以放到好多野食呢~~放題以牛既級數分為幾款價錢~亦有90分鐘同120分鐘之分, 全日同價...今次揀左可以食120分鐘既日本黑毛和牛...呢個價位包多款牛, 豬, 羊, 海鮮等等, 都幾豐富呢~~而家餐廳有個疊魚糕既挑戰活動, 一分鐘內疊得愈高就有愈高折扣優惠~~只限星期一至五, 12:00-16:00, 17:30-18:00我18:30先入座就冇得玩咯, sosad自助食區就多款蔬菜, 丸類, 麵食, 食物款式幾多樣化食物排列得好整齊, 感覺乾淨!另外仲有D熟食可自取, 例如有沙律, 炸雞.....混醬區~~飲品就有支裝飲品, 汽水機 & 咖啡機~~有甜品櫃放日式手工甜品, 包括有蛋糕仔&木糠布甸...仲有2款味道既軟雪糕添我同朋友分別要左完熟蕃茄海老濃湯& 雞白湯~蕃茄海老濃湯有非常濃郁既蕃茄味, 濃到唔洗點醬汁都夠晒味呢!!雞白湯個湯底好鮮雞味, 淨飲湯頭都好好味超期待既黑毛和牛黎喇!

今晚收工去旺角揾好朋友食飯吹水，我哋兩個「牛魔王」都好想打邊爐，喺旺角食任食火鍋實在太多選擇，質素都好參差。朋友話「大將」食評好高分，又我哋最鍾意嘅和牛。入到門口見到配料區好整齊，最有驚喜係醬料區，好多特包醬料，例如：椰子芫茜汁、柚子昆布、芝麻味噌汁等，自助食品區都擺設紅豆湯、小丸子、炸雞等，我哋每款都試食少少，因為要留肚食和牛嘛。之後侍應叫我哋follow「大將」ig ，就可以每人玩一次遊戲贏取放題折扣，遊戲玩法係一分鐘時間將魚糕疊在一個黑色大碗中，11塊或以上免費兼有$500餐飲劵，聽落好似好易，我哋都係疊起7舊同8舊，分別贏取85折同9折優惠，估唔到玩遊戲有著數。我哋揀咗日本黑毛和牛餐120分鐘，好欣賞呢度係一人一鍋，湯底揀咗人氣No.1完熟蕃茄海老濃湯同雞白湯，朋友話蕃茄湯底好濃蕃茄同飲出有蝦味，而雞白湯未上配料，我已經飲咗一半。好快就上咗兩盒黑毛和牛，脂肪和油花豐富，牛味極重同入口即溶，全晚食咗十幾盒，如果出去食單點肯定破產。再嚟一盒海鮮拼盤有蝦、青口、小八爪魚，蝦爽口，青口同八爪魚不過不失，其他配料都中規中矩。甜品有自製窩夫，配上雪糕簡直為今晚劃上完美句號，最後想讚賞店舖員

打邊爐最重要嘅除左係湯底就係牛肉嘅質素！我地今日就去左T.O.P 商場嘅大將食黑毛和牛火鍋！每位$428 就可以任食黑毛和牛有好多調味料可以拎！佢地有幾款特色湯底全部都好吸引！我地就揀左完熟蕃茄海老濃湯同埋雞白湯蕃茄湯嘅蕃茄味非常香濃之餘，蝦味道非常之濃郁，鍾意食蕃茄蝦湯嘅朋友一定唔可以錯過！至於雞白湯嘅口味就相對清淡，如果唔想太重口味嘅都可以選擇雞白湯佢地選用北海道黑毛和牛，牛肉質細膩嫩滑，比一般和牛嘅油脂更香濃，口感比較紮實爽口，就算放題食多幾碟都唔會覺得好油膩，輕鬆回本除咗肉類任食之外，佢哋都有啲蔬菜、丸類、麵類同埋小食可以自取當中最出色嘅就係佢哋嘅炸雞外脆內軟之餘，肉汁非常豐富千祈唔好錯過打完邊爐記得要食甜品佢哋除咗有軟雪糕機之外仲可以自製窩夫只要將窩夫漿加入窩夫機等1分鐘之後就有得食啦！仲可以加入自己喜歡嘅糖漿或者配料實在係最佳嘅飯後甜品

去開T.O.P行街原來大將有起地庫開左分店主打日式放題火鍋除了肉類要order，其他可以起自助區拎有分為蔬菜同自助食品區黑毛和牛雪花紋超級靚，每盤質素都係咁靚唔會第一盤好靚，之後上既差左10秒就可以食得我鍾意點芝麻醬同生雞蛋呢間芝麻醬有特別調味，味道厚重和牛嫩滑重油脂感，好滿足美國三筋肉肉感重，比較好咬口呢個點生雞蛋食一流生雞蛋可以令牛肉快速降溫增加滑嫩口感👍🏻海鮮拼盤海蝦新鮮彈牙，鮮味十足青口肉厚肥美，唔會好靭最愛係蝦滑爽彈唔鬆散，一定要叫💓最後甜品一定要試自制窩夫有埋漏斗比你計時，唔驚整失敗好貼心另外加上雪糕更加好味發覺自己幾有唧雪糕天份😆宜家餐廳做緊「高糕GO! 決戰大將之巨塔」挑戰，如果疊到11塊就可能免費食呢餐飯，仲有500蚊coupon😍不過要留意返入座時間

位於TOP 世界地牢，旺角地鐵站B出口落一層就到，好方便，落雨打風都唔洗驚。環境企理，乾淨衛生，張枱好大，可以一次過拎好多嘢返嚟慢慢食。我地兩個人叫咗兩款人氣湯底，蕃茄海老湯 同 黃金壽喜燒（+$10），蕃茄湯清甜，壽喜燒湯底好夾牛肉。蔬菜區，有20款，我最鍾意食係金菇，粟米，蕃茄，生菜，娃娃菜，秋葵，全部都好新鮮蔬菜。丸種類，大約有16款，有特別啲嘅年糕福袋，大將魚蛋，芝士丸，蟹子丸。仲有日本雞蛋。熱食區，有沙律前菜、漬物蘿蔔、小紫薯、炸雞🍗，紅豆湯，麵豉湯。飲品區有好多款細細支鴻福堂涼茶，汽水機，咖啡機。日本黑毛和牛120分鐘放題 $428/一位有16款肉類，除咗日本黑毛和牛之外，仲有海鮮拼盤，八爪魚🐙，青口，蝦，魚片。黑毛和牛雖然冇咩雪花，但肉質軟嫩，和牛肩甲牛味極濃郁，唔會太肥膩，輕輕一場就食得，配金菇或生菜🥬一齊食，非常好味。蝦滑都好彈牙新鮮。呢度仲有窩夫機，可以自己整窩夫🧇。唔好提佢平平無奇，味道比美街邊小食，非常好香脆，牛油味好出。我飽到上心口都可以成個食晒。

日本黑毛和牛放題🤩湯底選擇有八款，佢地係一人一鍋，我地就簡左花生沙嗲湯，沙嗲味好濃用佢打邊爐好正；完熟蕃茄海老濃湯，蕃茄味清清地自己可以再加多d蕃茄😂再再再濃d👍🏻。我地可以點日本黑毛和牛🐮其實牛都有好幾款，豬肉類都有好多選擇，雞肉、蝦滑、海鮮、牛柏葉等等…都可以任點。出面自助選擇都超多，丸類、蔬菜類、菇類、熟食都有，飲品一支支任飲，雪糕甜品任食，最正有得自己整格仔餅😍自己味道自己整。😎而家仲做緊個優惠「高糕GO! 決戰大將之巨塔」遊戲，魚糕砌成巨塔，有就折扣優惠

晚市4人同行全單85折，90分鐘牛肉套餐?!星期二至四17:30-21:30?!(必須點$298價以上)之前食過將軍澳大將，感覺很好，今晚試一下旺角大將，Openrice 訂位4人85折，到達後才發現餐牌已更新，價錢貴左，打算叫$238 價位90分鐘，店員卻告知做不到優惠，必須點$298價位120分鐘那種才有85折。今日星期四，入座時間19:00，究竟門口那個優惠2：4人同行85折90分鐘是甚麼優惠？想不通，摸不透。自助蔬菜區有蚊滋爬行，蘿白漬雖然有蓋蓋著，可惜依然有蚊滋飛左入去，同店員講，都有即時收起。衛生有待改善，枱面有酸臭味，估計抹枱毛巾不潔抹完有味。收盤很快手，落單，加水也很樂意幫助。上次將軍澳沒試自制窩夫，今晚一心想試，結果，望到個爐，心沉了一下，目測應該有一段時間沒清潔了。

無論自己生日定係同朋友慶祝我都鍾意去打邊爐，所以今晚同朋友慶祝生日，我又搵咗間靚靚仔仔、乾乾淨淨嘅火鍋店同佢食餐好。大將地理位置冇得輸，旺角地鐵站有出口連接住，無論落雨定勁猛太陽都冇問題。日本黑毛和牛120分鐘放題 $428/一位同大部份日式火鍋店一樣，肉同海鮮係同店員落單，其他火鍋配料例如蔬菜同丸係自取嘅，估唔到連日本雞蛋都放喺自助食區度任食唔嬲，真係好大方！蔬菜嘅選擇都唔少，店員經常refill同整理自取食品area，大家睇吓啲蔬菜排列得幾整齊！大將亦準備咗少少沙律同熟食，俾客人等待湯底滾起嘅時候享用，我好鍾意嗰個勁多醬嘅沙律同醃蘿蔔，酸酸甜甜咁好開胃。講起醬，大將嘅醬汁好有特色，我從來冇喺其他餐廳見過椰子芫荽汁，所以當然要試吓，呢個醬汁嘅椰子味非常香濃突出，無論同肉定蔬菜都好夾，好有驚喜！而芝麻味噌汁比一般嘅芝麻醬更香芝麻味同厚身，同豬肉係絕配！柚子昆布汁好清新，我用嚟點海鮮，唔錯。拎完醬汁，係時候要進入正題，食和牛！原來並唔係所有喺日本長大嘅牛都可以被稱為和牛，只有血統純正嘅四種日本原生種牛先有資格被稱為和牛，今晚食嘅黑毛和牛就係其中一種。黑毛和牛肉質軟嫩，霜降平均，肉質彈牙

天氣麻麻落雨濕濕地鐵一出，搵下有咩食TOP最低個層有個小小既food court竟然有得食火鍋放題今次試日本黑毛和牛有2個鐘任食湯底叫左蕃茄同昆布湯個湯底都唔錯，昆布湯裡面都有好多昆布Menu中除左豬肉，牛肉，仲有羊肉日本黑毛和牛脂肪同牛肉剛剛好食好多都唔覺油膩羊肉都好有羊味另外要食下佢個阿古豬梅肉片豬味濃稠，而且厚薄剛剛好碌完口感滿足餐廳外面有好多自助區有熟食，都有好多蔬菜同唔同丸仲有個甜品區範圍唔算大，但竟然有部格仔餅機本身期望不大，竟然粉漿好脆係呢餐最好的圓滿