大壹燒鵝 (登輝大廈)

營業中

休息中

大壹燒鵝在銅鑼灣新開張，環境光猛乾淨幾衛生，店員姐姐服務好好，多謝前多謝後，請慢用等等！感覺貼心。雞腳黃瓜湯，黃瓜煲到好綿！非常足料，大大隻雞腳，非常之多骨膠原！又有軟骨好爽脆，入口好清甜！燒鵝肥叉燒飯，全完滿足到我既喜好！鐘意肥叉燒既必定要試試呢度！好食到不得了，入口綿滑又夠嫩！甜甜地蜜糖外層，輕輕燒焦，超正！燒鵝亦做咩得非常出色，外皮燒得又香夠脆，唔會感到油膩，肉質挺身又好夠香！性價比高， 燻蹄爽嫩，再配上醋汁更清爽開胃，呢度食材都幾足料，做得幾好！而家都非常懷念個肥叉燒！！！！美味。

收工唔想返屋企食住家飯, 最好就係搵朋友同我一齊食但我地都唔想諗食咩既時候, 就會選燒味, 因為我地兩個都好鐘意食, 又基本上實冇死的選擇位於登龍街, 位置方便, 見到個鵝頭已經想入去啦再見埋實物圖, 都係想食既燒味既樣黎!應該係新開既關係, 所以裝修仲係好乾淨整齊, 坐得好舒服下庄燒鵝例牌-$158因為好肚餓, 我地唔理咁多, 坐底就叫左個燒鵝例牌邊食邊慢慢揀食咩, 食落果然係正, 上枱仲係微暖的, 個皮係脆的, 而鵝肉既肉汁仲保持到, 濃濃既肉汁係咬每口肉既時候, 都感受到, 而且鵝味無窮, 令人再三回味燒肉油雞賴粉-$58我叫左燒肉油雞賴, 燒肉皮好脆, 好似食薯片咁, 又唔會過咸, 而油雞都幾嫩滑, 都唔差。值得一提係我幾鐘意個賴粉, 少少粗得黎幾滑, 好好口感, 我好鐘意叉燒賴粉-$58友人就叫左個叉賴, 我梗係偷舊叉燒食啦, 蜜汁味好香, 叉燒肥廋適中, 係一舊正叉燒跟餐龍鳳檸樂都係+$11, 飲完真係爽!總結, D間燒味真係唔錯, 賴粉呢D小節都值得一讚, 睇得出D間燒味既用心!

先講燒鵝例牌，半隻燒鵝黎講份量相當豐盛！餐廳俾客人選擇上裝定下裝，讓客人揀選合心的食法，啱晒不同口味嘅客人。鵝肉肉質肥瘦均勻，外皮香脆，肉質頗嫩，肥美油嫩，一口咬時更油香四溢，食落仲有陣煙燻香味添！相信喺師傅獨特嘅秘方去醃製同燒烤，令燒鵝特別入味！呢間招牌菜最馳名的喺脆皮燒腩仔，我地去到好不幸地已經賣晒！好雞另一款口碑唔錯嘅燒鵝髀叉燒飯仲有咋。另外，蜜汁叉燒都相當出色。師傅將叉燒燒至焦香，叉燒肉更為非常厚切，肉質腍香，肥瘦均勻，再鋪上甘香的蜜汁喺叉燒表面，真喺回味無窮！

記得細個嗰陣，考試攞到十名內就會有燒鵝脾食，當然用盡全力爭取。今時今日幾時都食得到，總覺得有努力而有收穫才是最好。最近讀了一個短期課程，考取到不錯的成績，今晚就為自己的努力而慶祝。去了一間燒鵝專門店。門前可見多隻燒鵝掛著，睇到口水流。燒鵝脾飯必食之選。好香！燒鵝皮烤得又香又脆，肉質細嫩，中層夾著少少脂肪，惹味十足。老火湯真材實料，今晚是蓮藕湯，湯底清甜，好有家的感覺。久違的紅豆冰，紅豆煮得軟綿，甜度適中，有懷舊感覺。

放工同同事去登龍街揾野食，新開咗間燒味餐廳大壹燒鵝，燒味掛滿廚窗，好吸引，已經好一段時間冇食過燒鵝瀨，剛好有位，就入去食下先😉餐廳裝修企理乾淨，牆身有花花壁畫同擺設，唔同一般傳統燒味餐廳風格，有現代感，店內掛咗幾多隻製作中，係度風乾緊嘅鵝，餐牌簡單，燒味為主，可以散叫或套餐😊燒鵝脾瀨粉原隻燒鵝脾，外皮燒得十分香脆，鵝肉嫩滑，肉汁豐富，醃肉味道剛剛好，唔會太濃味，食落完全唔覺油膩，炸菜絲經過醃漬，爽脆好食，瀨粉幼幼身，又滑又有米香😋油菜心碧綠，蠔油分開蘸，都幾大碟👍飲品要凍檸茶加$8，要咸檸7，都係加$11咋🤭 

銅鑼灣突然間出現咗好多高質素嘅燒味店，好似呢間大壹燒鵝，開喺登龍街地舖，裝修光猛整潔，朋友食過話唔錯，所以今日就特登去試吓😋由於心思思乜都想食，所以就決定叫個燒味三拼，然後再每人叫一碗粉，加個油菜加杯凍飲。三拼我哋揀咗招牌燒鵝拼蜜汁叉燒同埋燒腩仔。一上枱嘅時候覺得個份量好似唔係好多，但食到最後居然飽到上心口。講返啲燒味先，最出色嘅居然係個蜜汁叉燒，因為有少少燶邊，麥芽糖又落得重手，啲肉本身肥瘦相間，又夠淋，中間又有肉汁，超好味。燒鵝都做到皮脆肉香，而且脂肪唔會太多，唔會食到一口油，是上等的貨色👍而燒腩仔一上枱，啲皮就脆到索索聲，肉都有五層肥瘦相間，而鹹味都適中，加少少芥辣食，一流。另外油菜都整得唔錯，唔會淥到過熟或太生。而米粉啲湯都夠熱，炎炎夏日好過食飯。而侍應都夠細心，我要雪碧仲主動同我加冰底添，抵讚！餐廳整實體質素非常高，以銅鑼灣地舖來說，這個價錢這個質素都算合理👍

前排食完佐敦金山燒鵝意猶未盡，今日要行Sogo thankful week咁啱經過登龍街見到有間燒鵝專門店，一於行入去試下鋪面唔算好大，當日下午亦相當多客，雖然鋪面後面仲有個有蓋嘅open area，不過無冷氣，我唔想30幾度下坐係個無冷氣嘅地方食飯，所以唯有等一等鋪面內嘅位大壹燒鵝：今日食雙併反咁啱斬隻脾俾我；鵝相當夠肥，一咬落鵝油甘香四溢，皮好夠脆肉質亦有咬口。此鵝質素可與金山媲美，比海港只有過之而無不及招牌叉燒：我無特登叫肥叉，叉燒斬得幾大件，相當夠肥有燶邊，夠淋無死甜，斬大舊叉燒嘅典範。可與再興爭一日之長短燒腩仔：肥瘦梅花間竹，皮夠酥脆瘦肉無死咸肥亦甘香，一般人已經相當收貨。但比起土瓜灣永華就會被比下去油雞：今日斬左舊胸俾我，夠味亦嫩滑，胸唔柴口，不過比起再興可以再重味少少（再興油雞亦為一絕）冬0T走甜：唔知係咪飲左啲茶頭茶尾我，只飲到澀味但飲唔到茶味，有改善空間燒鵝一隻先賣438，叉燒一斤賣138，以佢地燒鵝同叉燒質素，只能講呢檔嘅性價比係相當高如果行開銅記/番工又唔想食D幾舊水個頭嘅食肆，呢檔我推介

今日lunchtime 想食個快嘅燒鵝飯，平時去開大家x,太x,美x,個啲燒味，想試吓唔去鏞記，陳記，裕記個啲，仲有冇選擇，今日去咗銅鑼灣就試吓這間，燒鵝可以話最出眾，但真係只可話比大家x好啲，叉燒就可以話算啦，價錢都唔係太平。7十幾食這碟飯就不如試其他。

今天約了媽咪吃午餐兼逛逛銅鑼灣，午市時段來了燈籠街覓食。媽咪一見到大壹燒鵝，便已說想吃，於是便排隊等入座啦。等了十分鐘左右，店員便親切地帶領我們入座。看看餐牌，原來這是一間燒鵝及燒味專門店，那當然要試試這裡的燒鵝了。我們叫了一碟例牌大壹燒鵝下庒、油雞拼燒腩仔飯、燻蹄义燒湯河粉、兩客例湯，加$5 配熱杏霜，及加$11 配鹹檸檬七喜。食物果然充滿驚喜，首先要一讚的是大壹燒鵝，皮脆肉嫩，燒汁惹味非常，入口充滿著濃濃的鵝香。燒味方面，义燒是媽咪最愛的，她説這裡的是白肉义燒，怪不得肉質非常鮮美，入口鬆化啊！至於油雞、燻蹄及燒腩仔也很不錯，油雞肥美，燻蹄入味，伴飯一流，燒腩仔皮層卜卜脆，很有口感。整體來說，茶餐廳的食物有這樣高超的水準，而師傅的手藝，更可拍得住傳統的老字號，真給人很大的驚喜呢！

疫情期間，聚會大減.疫情無咁嚴重，即刻約番D朋友吹水.今次約哩位人妻，八字同紫微斗數都好強，互相交換意見.人妻係銅鑼灣返工，知道我中意食燒味，佢話有好介紹，約我去登龍街食叉燒.除咗點叉燒，餐廳名叫大壹燒鵝，當然要試吓燒鵝啦.近排食開D豉油雞都係一般，所以點咗半隻豉油雞，試吓水準.燒鵝皮脆肉嫩，而且燒鵝重係暖暖地唔係凍冰冰，燒鵝唔肥，一個字，掂！豉油雞俾第二個掂，肉嫩無渣，蔥油唔會過咸，滿意.叉燒最難忘，叉燒用上五花腩，入口即溶化超諗超軟，甜度適中又唔會過多麥牙糖汁，所以俾第三個掂.人妻果然好介紹，如果我係銅鑼灣返工，相信會經常落嚟食 lunch.

有一段時間沒有走進登龍街了，友人說最近開了一間燒味餐廳，作為燒鵝瀨愛好者的我當然要來朝聖！店內有不少打卡位，環境亦十分乾淨。燒鵝脾燒腩仔雙拼瀨粉燒鵝脾的肉和皮脂比例不錯，肉質鮮嫩，唔會太油膩，燒得好夠火候。燒腩仔皮脆，唔會皮肉分離，油脂分佈均勻，肉質鬆軟。配上爽口的榨菜，不錯。叉燒油雞雙拼瀨粉叉燒肥瘦均勻，肉質很嫰，蜜汁味道也調較得很好，唔會過甜！油雞是雞脾位，雞肉唔會柴，配上蔥油吃剛好。老火湯，非常足料，味道唔錯，飲完唔會口渴。食左咁多肉，點都要點返個郊外油菜平衡一下。鹹檸檬七喜。

一間在巷仔，而又無出甚麼廣告的燒味店，吃後真的超回味，好彩朋友介紹先知店在這～燒味單拼飯（大壹燒鵝飯）～真的不得了，燒鵝皮上桌時還是脆的，而內裡肉質鬆軟，肉還是暖暖的😋一咬開燒鵝皮連肉，鵝油一同流出來😍雙拼飯～ （貴妃雞，叉燒）～雞肉有鮮味的，而且很滑嫩；而叉燒更是極品，邊位有燶邊帶微脆，肉質鬆軟帶一點點肥，叉燒汁微甜剛剛好，吃起來色素也不多，勁正～燒味三拼叉燒燒腩仔豉油雞～叉燒已說過，必點的🤣燒腩仔是五層腩，皮脆不厚，一口一啖剛剛好～豉油雞的豉油汁又是勁正，微甜的帶豉油香，不錯～😎

突然想食碗燒鵝瀨，正好登龍街有家新開的燒味店，決定一試新店門面光亮，各款燒味排列整齊及可清楚看到師傅處理食物店內有很多卡座，偌大舒適還可看到正等待烤製的燒鵝，保證不是由中央工場製造，新鮮熱辣要了一份例牌下庒燒鵝！燒鵝髀肉質嫩滑，油香十足，鵝皮既薄又香脆叉燒識食一定要肥燶叉！以秘製醃料醃製的中梅再以明火燒一小時，邪惡得來十分入味淨瀨粉米味濃郁，口感軟爽滑可樂加$3可變檸檬底凍奶茶走甜少冰可喝出真正茶味

一直對食燒鵝燒味已不太有要求，因為大多令人失望。今日冇意中發現銅鑼灣登龍街這間 大壹燒鵝 見店內環境衞生吾錯就一試。竟然找回多年難得好味回憶。燒鵝皮脆肉嫩，$58燒鵝飯嘅燒鵝仲要係仲熱嘅，米飯也很有水準。 值得推介嘅燒鵝店。

難得唔使入深井都有得食燒鵝 當然要帶大家一齊享受下美食呢間新開嘅分店好新淨除咗大堂仲有好多卡位牆上嘅裝修一啲都唔似係食燒味嘅地方🤣有置身森林嘅微感覺佢嘅Menu好簡單三版紙就睇晒你想食嘅嘢下午茶餐特別優惠我哋都好想食燒鵝乳豬雙拼 好可惜乳豬已經冇晒 所以我唯有揀返我嘅叉燒至愛叉燒屬於多肥型😂🤣你可以要求半肥瘦或者多瘦，講返隻燒鵝髀 色澤方面未去到好突出，但係佢皮脆肉亂而且唔係超肥 而同時都做到好香口 雖然係夜晚但都只有瀨粉可以滿足我嘅心靈😝 瀨粉要做到好味都唔容易 要面身彈性啱啱好唔會太淋太硬 呢間嘅水平算中上🤗另外都試咗燒肉 佢都係肥瘦得意宜深得青睞 食到肉香🤪🤪另外加$10 有老火湯 正正子👍🏻👍🏻另外食得燒仲味當然要有港式特飲座陣紅豆冰同雙檸樂真係冇得輸😏