大壹燒鵝 (登輝大廈)

營業中

休息中

話說星期日做運動前想食輕便點，點了一個叉燒瀨粉 ， 心唸求其吃完便走出菜時見到有驚喜：叉燒偏肥，不乾身，甜味重，估計用了麥芽糖，有口感瀨粉乾身，吸收到湯底味，湯底夠熱估唔到銅鑼灣區仍有用心出品的小店平時坊間見到的叉燒都是偏瘦而且顏色偏紅，但這店的出品不同我亦當時好奇詢問職員叉燒的做法：他們表示所有叉燒都是店鋪內燒製的，而不是坊間中央工場買回來，因此可以控制到食物質素在銅鑼灣鬧市區中，提升製作成本以保持食物質素而不提高售價，實屬難得我估計我會再來試其他菜式

這間位於銅鑼灣美食街的大壹燒鵝，晚市主要以燒味飯粉為主，$58有一碗單或雙拼的燒味飯粉。燻蹄拼油雞瀨粉燻蹄爽口，油雞入味又嫩滑，雞皮脂肪不算多，可以連皮食都唔會太肥。燒鵝瀨粉果然係鎮店之寶，鵝皮燒皮焦香且香脆，鵝肉保留了肉汁，十分juicy，而且很香鵝油脂香，肉質嫩腍。叉燒拼燒腩叉燒跟燒鵝同樣高分，半肥瘦的梅頭叉燒，表面燒至膿及焦香，蜜汁及肉汁保留在內，入口香口嫩腍，肥而不膩，值得一讚係厚切叉燒，口感更佳。燒腩仔皮脆肉嫩，一層油脂一層肉，沒有豬騷味，食到最後都保持脆口，而且唔會過咸。最後要加碟油菜平衡一下。

今晚放工一個人周圍去搵食，行去登龍街條食街，睇吓有咩食啦，點知見到有間燒味店叫大壹燒鵝，仲撞正佢哋今日開張，門口擺滿花籃，又見到入面坐無虛席，就入去試吓，等左一陣位，店員都好有禮貌咁安排我坐卡位，入面燒味嘅香味充斥住成間舖。睇到佢哋嘅餐牌，銅鑼灣黎講唔算貴，單雙拼飯都係一樣價錢，之後我叫左個叉燒切雞飯，凍奶茶，都係66蚊個飯黎到，真係有驚喜，絕對唔係hea做，D餸份量好足，真係大碗飯。D雞超滑，好夠味，叉燒好大舊，店員話喺腩叉，肥瘦適中，食落好淋，好香，燶邊帶焦香又有油香，完全唔覺得好漏，真係堅好食！特別想講佢哋嗰飯配左D炸菜，好好餸飯，好正👍奶茶不過不失，正常水準今餐飯我食得飽又好滿足！誤打誤撞都可以食到有驚喜!下次會再黎😋😋

最近幾次都是下午茶嘅時間來，所以只能點評下午茶質素了。來咗4次，有兩次點唔到燒腩仔😅（好似幾搶手）。1. 份量/性價比：份量非常足，我老公都話呢個份量，一點都唔似係下午茶。對比45-50的價錢，性價比算高。2. 味道：🦢燒鵝嘅話，我老公鍾意棋哥（燻木味），而我就鍾意大壹，冇果陣燻木味，而且食咗4次，每一次嘅賣相、口感都keep得比較一致，冇起落。🐷燒腩仔，比較唔錯，近排我來咗4次，有兩次點唔到燒腩仔～買晒😅（好似幾搶手），確實好好食，皮脆肉滑又juicy，真係推薦。🐖叉燒，我唔係好鍾意沒試過叉燒，但我老公話幾好食。🥬配菜，要提一提個榨菜，呢個配菜同出邊買果d，唔同味，應該係有自己調過嘅，唔咸，單食都覺得好食。整體都算幾唔錯嘅。希望店家唔係因為新店開張先得呢個質素，要keep住。⛽️

嗰日做完嘢經過銅鑼灣登龍街，見到呢間燒味店新開，睇到門外嘅燒味太吸引，就忍唔住入左去試，入到去坐，諗住叫佢最出名熱賣嘅燒鵝飯食，點知店員話已經賣晒，果然係好出色，竟然咁早已賣曬，最後我叫左個叉燒飯。叉燒飯黎到，已經聞到超香，每一舊叉燒肥大肉厚，未食已經滿足左眼球先，平時D燒味店一定配兩條菜芯，仲要好油好黃，所以我通常唔食，但呢間好特別竟然配炸菜，炸菜真係好好味，送飯真係一流！夾第一舊叉燒食，真係一入口好鬆軟多汁，肥瘦又適中，帶少少燶邊焦香，唔會太甜，估唔到叉燒都做到咁出色，真係我食過最好味嘅叉燒，好快成碗飯食曬😍雖然今次食唔到燒鵝，但叉燒都無令我失望，仲好有驚喜！而且這間燒味店服務態度很友善又非常好，裝修都不錯，光猛又整潔，最欣賞佢牆上裝飾，絕對喺打卡位，值得再試再黎下次一定要早D去試燒鵝同其他燒味