大壹燒鵝 (登輝大廈)

營業中

休息中

今日同朋友係銅鑼灣行街，行街之前友人提議先去到登龍街醫肚， 本想簡簡單單食個中午飯 ，但見到大壹燒鵝櫥窗內掛了很多燒鵝場面壯觀，就決定食呢間。我地叫了 燒鵝油雞脾雙拼瀨粉，例牌燒腩仔及蜜汁叉燒。雙脾併一出場已經 豔壓群芳，無得輸，大大只油雞脾十分入味又夠嫩滑。燒鵝髀更加冇得講，招牌菜真係招牌菜，肥瘦度剛剛好，皮薄脆而肉嫩，好有鵝味。燒腩仔更加是第二個驚喜。外皮脆到不得之了，肥瘦度剛好，而且不會太鹹，配以芥末醬簡直一絕。最後蜜汁叉燒係最驚豔的，一上枱已經俾佢外表深深吸引住，叉燒面灑上少許桂花提香，香濃蜜汁配以半肥瘦叉燒，厚切口感實在冇得彈，軟淋不油膩，在場大部份食客都會叫叉燒，相信他們的蜜汁叉燒已經深入民心。我哋叫了一份午餐，還能加錢配飲品，炎炎夏日實在透心涼。

正呀銅鑼灣終於開分店啦我媽媽經常去馬鞍山新港城店，但我比較少去馬鞍山，今次我終於食到媽媽讚口不絕既燒味位於登龍街很多美食，但燒味店僅此一間內裏裝修比較清新簡潔，不像一般舊式傳統燒味店裝修，這間會吸引多些青年人幫襯，特別喜歡牆上花花圖案大大隻燒鵝，就像裝飾品一樣值得一讚服務員窩心服務媽媽先到達，由於滿身大汗，服務員即刻馬上安排坐最近冷氣嘅位置，叫媽媽涼下冷氣先，很窩心Menu 套餐很抵食大壹燒鵝套餐$78雙拼/油菜/白飯/老火靚湯值得一讚，老火靚湯，真材實料，有雞腳，不是敷衍你雙拼：叉燒拼燒腩仔最正半肥瘦叉燒，叉燒汁夠惹味，餸白飯一流燒腩仔皮夠香脆下庄燒鵝(例牌）*必食推介*例牌已經很大份，足夠2-3人份量燒鵝皮薄香脆，鵝肉汁嫩滑，十分出色比起其他出名既燒味店，我更喜歡這間，地方坐得舒服，服務夠貼心，最緊要燒鵝夠好味

早上下大雨無阻我晚上出街吃飯，早前經過幾次見到幾好，決定今晚來吃燒鵝，原來晚上燒鵝套餐很抵食 $78 有雙拼、油菜、白飯老火湯各一。此外，點了燒鵝半隻下庄及叉燒例牌。燒鵝套餐燒鵝套餐相拼可以唔揀燒鵝，因為我們散點了半只，所以燒腩仔及油雞，燒腩仔皮脆到卜卜聲，肉半肥瘦，口感相當好。油雞皮爽肉滑，很多汁可送飯。老火湯唔過於濃味，應該冇味精。生菜正常，爽口。燒鵝半隻下庄食過咁多店相比有水準，皮脆味道好，肉是嫩同時夠入味。燒叉燒例牌果然是肥燶叉燒，一半燶一半唔燶，極度肥美，尤其是唔濃的一半成見五花腩様，入口鬆軟，非常好。裝修如一般街坊飯店，光猛企理，幾抵食，值得再來。

銅鑼灣登龍街新開一間燒味店，唔講唔知以為係西餐廳🍴因為有別於傳統燒味店，餐廳裝修走現代路線，感覺比傳統餐廳乾淨好多牆身壁畫設計 令人有耳目一新嘅感覺餐廳環境唔錯，卡位座位舒適👍🏻😌唯一同傳統燒味店一樣嘅就係燒味掛滿廚窗🤪我哋款款都想試吓，我叫咗個燒味三拼，有叉燒、熏蹄、燒鵝燒鵝超正😍燒鵝薄薄一片外層油光😍皮下脂肪 有豐富嘅油脂香味入口鬆化香脆，卜卜脆啊燒鵝肉 口感嫩滑 冇咩羶味！好食！下午茶叫咗叉燒米粉叉燒係我最愛❤️👍🏻暫時係我食過最好味嘅叉燒，蜜汁甜度剛剛好，真正嘅蜜汁叉燒！叉燒半肥瘦 肉質鬆軟爽口必食😻😻朋友叫咗秘製口水雞飯加半隻鹹蛋口水雞飯夠晒惹味🌶辣辣地口水雞肉質鮮嫩 食唔出雪藏味道配隻鹹蛋就一流！菜心配蠔油分量幾多，水準正常下次要叉燒加餸 拎走🤣

銅鑼灣親民價高質燒味之選❤️CP值爆燈令我會想斬料同屋企人分享 再三回味既燒味👍🏻呢間已經幫襯第二次了由我驚喜發現呢間野第一次食再入去食第二次只係兩星期內既事😆兩次都係食下午茶，第三次想幫襯佢係父親節打算加送返屋企…可惜叉燒賣晒😢好..入正題了我兩次都係叫左佢既叉油雞瀨粉叉燒非常出色，半肥瘦係最好食，肉質口感剛好不會硬，（很怕食好乾身好硬既叉燒）而佢既肉質可以用「嫩」後形容，好好食，咬落去又好有肉汁，加上好香既蜜味，嫌唔夠喉講下佢既雞，其實同叉燒一樣，見到個賣相就知味道好食，雞夠黃望落去嫩滑，叉燒同樣個紅色燒得好靚，剛剛好🤤🤤除左燒味外，佢既瀨粉同樣出色唔會煮到太腍又唔會硬食到瀨粉應有既質感恰到好處暫時黎講，呢間燒味既味道同埋價錢會係我心目中既燒味冠軍CC推介系列

晏晝食完韓式炸雞🍗夜晚老公話要食香港地道嘅燒味！佢話好想食燒味！因為我老公係一個食肉表表者😬🤨無肉不歡⋯⋯🤓有時香港嘅燒臘店！大多數都係比較冇咁整齊和乾淨！所以有時我都唔係好想去食！但係呢間比我感覺非常乾淨！餐廳入邊仲好privacy😍坐得又舒服😍服務估唔到咁好😊🥢🥢大壹燒鵝🥢🥢燒味三拼叉燒丶油雞丶燒鵝燒鵝外層香脆而且肉質豐富！皮脆和有光澤！肉汁非常豐富而且一啲腥味都冇！🤩🤩油雞肉質鮮嫩！豉油香氣四溢⋯⋯叉燒係唔需要叫肥叉嘅！我見到佢應該係用五花腩肉來製作！非常甘香！肉質鬆軟多汁！香甜又美味！滿足晒我哋嘅味蕾😍我哋仲嗌左兩個雙拼飯添⋯⋯飯有夠熱又大碗😊燒味同樣出色😍因為又有飯又有餸😉而且仲可以超低價包埋飲品添⋯⋯即磨凍咖啡只係加$8咖啡仲好香濃添⋯⋯凍鹹檸檬七喜都只係加$11消暑又解渴⋯⋯食咁多肉梗係要嗌油菜啦⋯⋯解膩😝

$68蚊，午餐係銅鑼灣有燒鵝拼叉燒飯+熱飲，抵，正！燒鵝唔係得d骨，有肉食又入味，皮又脆脆地，比預期好，唔會差過咩名店。叉燒肥瘦相間，肥肉甘香，瘦肉較熟，入口即溶，無牙都食到。邊邊又有d燶燶地，好香口。好彩食晏哩，仲有時間消化下，唔係就肥死了。飲品係熱檸水，唔孤寒，有5塊檸檬，唔落糖，幫助消化。

在附近shopping行到好餓，於是衝左入間燒味餐廳醫醫肚。見店名望下都知出名做燒鵝，一定要試一試先得😍燒鵝貴妃雞髀雙拼飯鵝髀皮脆肉嫩之餘，比別家的燒鵝多了份結實質感，鵝肉食味濃，配酸梅醬減少一啲肥膩感。雞脾皮細滑，雞肉挺可口，份量大，抵食。飯亦好大碟，配上的榨菜也幾爽口，我還要了多汁呢！燒味三拼皇牌叉燒拼金牌燒腩和燻蹄，賣相都真不錯，當中叉燒是三樣最有睇頭最出色的。厚切叉燒有驚喜，燒得好靚，邊位有點脆，還有些少桂花裝飾，半肥瘦，色澤漂亮，肉質酥軟，滲有些少蜜汁帶甜香，真有種齒頰留香的味道。腩仔皮脆卜卜，有光澤。朋友的燻蹄皮彈牙，肉沾酸汁吃也不俗。口水雞後加了一份例，眼見不少辣椒油跟辣籽，卻不太辣，做得ok入味，比貴妃雞更加細滑。凍朱古力不會過甜，調得恰好，夏天還是要解渴冰凍取勝。凍紅豆冰豆煮得透，甜度適中又夠凍。食後感：價錢在港島區來說是合理，出品不錯，飲品益食家，超實惠。

見到良心group 有講哩間良心燒味,叫大壹燒鵝,今日去赤柱探監前要試試佢,裡面環境唔錯,有鵝之地獄睇XDD又有動物牆紙,好可愛呀,一心諗住黎試鵝,都冇望其他燒味XD叫左個2個燒鵝瀨粉,一個係我黎到之前暴生已經食緊,我見到好多皮,以為佢學人走皮.....搵定餐具先,咦,好企理喎,拎定筷子等開餐,到我果份黎到...啊.....啊........有榨菜啊....夾下D 鵝....真係冇肉XXDDD 女人最想要咁瘦啦,有兩舊係有多D 肉既,已經好快食曬,瀨粉好滑,幾好食,榨菜都好食,但D 鵝真係冇肉,一係皮一係肥膏,同埋有D 過鹹過油,食完去洗手間啦,都幾乾淨既,但係出返黎見到人地D 雞同燒肉好靚仔,點解咁瘦架D 鵝...下次食雞試下先.

疫情下不少餐廳結業，亦有新店開業，正所謂一雞死一雞鳴，位於銅鑼灣登龍街嘅「大壹燒鵝」正是如此，每次下午經過都見有人等位，就襯放假去試吓。我哋等埋午餐過後才入座，待人潮已過，可以慢慢嘆。餐廳面積不是很大，但仍然有一排可以坐得舒服嘅卡位。先要讚讚店員，由落單到埋單，我哋起碼聽到十次八次咁多次多謝。我點嘅「燒鵝髀瀨粉」$108迅間已上枱，很有效率。原隻「燒鵝髀」超吸睛，閃亮亮的燒鵝皮，皮下脂肪比例少，怕肥如我都吾怕一口咬下去，油脂的芳香盡情地揮發，鵝皮帶有微微的焦香，鵝肉富彈性，肉香四射，那一剎那覺得自己好豪邁啊！朋友仲勁點左「燒鵝髀拼叉燒飯」 $118同樣有「燒鵝髀」，而叉燒看上去和平時的半肥瘦叉燒不一様，原來一半梅頭；一半腩位，腩肉一層層肥瘦分佈平均，吃下去不像是在吃脂肪，叉燒蜜汁味較低，醬油味相對突出。朋友話大家偶爾豪一次，重點系吃平民美食，吾系吓吓都食過千可以得到快樂。包基本飲品一杯，特飲+$11夏日炎炎一定要杯凍飲解喝。鹹檸七 、紅豆冰「紅豆冰」紅豆雖然吾夠多，但紅豆又稔又香，花奶可以再多啲就perfect 啦。喝完凍又喝返熱系乜嘢玩法？!是我自創養生之道也熱鴛鴦 $18茶、啡、奶

餐廳櫥窗內的鵝吸引了我的目光，正直肚子餓，要走入去一試。<大壹燒鵝例牌下庄>燒鵝外皮燒至脆口，有光澤，皮與肉沒有分開，皮薄厚肉，肉嫩鮮美，而且肉汁非常多。<燒腩仔飯>燒腩仔肉汁豐富，咸香美味，皮脆肉嫩，一層脆皮一層肉再一層脂肪，這種層層分明的構造最合我心意，唔會肥得來入唔到口，又唔會瘦得來似柴吃不消。我仲加$5要半隻鹹蛋點綴一番，那蛋的咸香和榨菜有少許甜味很配合，十分滋味。飯是粒粒分明的，軟硬適中配上鹹蛋更增加了飯的香味。加多碟郊外油菜，油菜爽脆，是健康之選。凍檸水，檸檬沒有苦澀味，在炎炎夏日下非常解渴。

銅鑼灣登龍街有好多餐廳，其中一間係呢間門面光鮮嘅燒味舖，睇落好乾淨，同其他街邊嘅燒味舖好唔同，同埋見到裏面坐滿人，所以就同朋友試一試😋燒味嘅款式都好多，因為我同朋友係晏晝嚟到，所以嗌唔到下午茶餐， 下次可以再試下，因為幾抵！因為我同朋友好肚餓，所以每人嗌咗個雙拼之外，再試一試佢嘅燒鵝😋叉燒拼燒腩米粉我好鍾意佢個燒腩，個皮燒得好香脆，而且佢唔算太肥，食完唔會有好油膩嘅感覺👍叉燒亦燒得好剛剛好，唔會太硬👍香妃雞拼燻蹄飯燻蹄口感夠爽，而且係熱食，唔似出邊嘅冷盤，所以唔會好硬。貴妃雞份量都好多，啖啖肉，而且唔會好肥😎下庄燒鵝好彩我同朋友有嗌燒鵝，因為燒得真係好香口，同埋肉質唔會好乾，仲係好Juicy！跟餐都會有嘢飲，我同朋友分別嗌咗金桔蜜同鹹檸蜜，滋潤一下😋

👉如果喺銅鑼灣諗唔到食咩，去登龍街一定有收穫。💁🏻‍♀️喺時代廣場行完街，過隔離登龍街由街頭行到街尾揾食，見佢明窗淨几，友人又想食燒味，就揀佢啦 ～ 《大壹燒鵝》💪📌燒味雙拼 $88 （油雞、燒鵝+$30）～例牌嘅雙拼，油雞啖啖肉，配上蔥油超正。燒鵝只留有最基本油脂，外皮甘香仲有少少脆，怕肥人士佳音‼️📌㊙️製口水雞飯 $58（凍飲+$8）～ 雞髀位大大件，微辣版口水雞啱晒唔食🉐️辣嘅人，仲🈶️唔太咸嘅炸菜伴碟，作為小食都好正！📌叉燒燒腩湯瀨粉 $58（凍飲+$8）～ 叉燒為半肥瘦，此位置入口軟綿。燒腩仔皮酥肉嫩，碟頭飯都全部出靚位，坊間少見😍📌例湯～金銀菜豬骨湯 $10 ～例湯🈶️驚喜，超足料好夠味，豬骨大大舊，香濃夠火候👍

銅鑼灣shopping夜咗，好肚餓呀，老公話要食燒味，鵝頸橋附近登龍街搵到大壹燒鵝，今晚就盡情地食餐燒味啦。店內自設工場燒製燒鵝，可見隻隻肥嘟嘟燒鵝。雙髀飯，燒鵝髀及油雞髀~極豪華，燒鵝髀已經好吸引，加埋油雞髀真係冇得比。燒鵝髀皮脆肉香，燒鵝皮香脆可口，一件接住一件，果然是招牌菜，正呀！油雞啱啱整好，新鮮熱辣，肉質鮮嫩。燒味三拼，燒腩仔、叉燒及貴妃雞 ~ 燒腩仔脆卜卜，肥廋比例剛剛好，晏少少已經聽到賣曬。這件叉燒好肥美，非常可口，好香滑。廚師給了貴妃雞髀同雞翼，今餐有食神。郊外油菜-菜心~加個蔬菜中和下今晚食咁多肉。龍鳳檸樂~檸檬鮮檸各自發揮作用，加埋可樂是絕配，好好飲。

我同男朋友久不久就會去食燒味！因為我男朋友超鐘意食燒鵝！！！今次起銅鑼灣行街，發現登龍街新開了一間燒味店——大壹燒鵝！都不用問，已經知道他今晚的晚餐已經有決定！入到去看見一隻隻燒鵝掛起了，隻隻都又肥又多肉！是日晚餐燒鵝例牌，加兩碗燒味雙拼下庄燒鵝 (例牌)$148今日的主角就係燒鵝，叫左下庄，例牌份量都幾多，色澤均勻金黃，望落好有油香，聞到陣陣的燒鵝香食落口，燒鵝皮仲係油脆的，咬落口燒鵝油出曬黎，充滿成個口腔！燒鵝肉燒得啱啱好，不會過火而令肉質鞋了，啖啖油香，好滿足！另外，叫了兩個燒味餐，好快就上菜！叉燒油雞配瀨粉$58可以配瀨粉、河粉、飯、米線這個價錢來說，份量足。另外，欣賞它的燒味和粉面是分開上的！不怕浸在湯底內，會影響味道和肉質！叉燒大大嚿，咬落淋身，有口感，肥瘦適中，油雞好嫩，味道不怕太咸！香妃雞燻蹄配河粉$58其實原本想試燒肉同乳豬，點知都賣晒😭所以就試下香妃雞和燻蹄香妃雞同油雞一樣好滑，雞味濃，唔會鞋烚烚！燻蹄我鐘意佢唔會好咸，口感不錯。每碟都跟兩條菜！河粉略嫌厚左啲，唔夠滑我地加左$10要例湯！例湯飲得出係老火湯，幾好味！鹹檸蜜加$11下次除了會來吃燒鵝，還會想試他們的乳