大壹燒鵝 (登輝大廈)

營業中

休息中

🍴燒味雙拼 88 蚊🐷叉燒配燒腩仔燒腩仔有幾層 脆皮肥膏燒肉層次分明 食落夠口感 而且豬肉肥膏既油香夠 好味 👍🏻 叉燒蜜糖味香 帶少少燶邊 🔥 帶 d香脆 叉燒肉夠軟林 正 🍴燒鵝脾飯 108 蚊🔥首先飯熱辣辣 令到燒鵝既香升上黎 正！ 燒鵝個皮好香脆 鵝油夠香 而佢既鵝肉都夠嫩滑 加少少榨菜調味 🌿十分唔錯 🍴口水雞米粉 58 蚊🐤🔥口水雞同米粉分開上 米粉 份量多落足料 比較爽口 🍜 口水雞 都幾多 雞皮夠爽滑🌶️ 雞肉夠雞味 口水汁都幾夠麻辣香 要黎撈米粉好食 🍴油菜 28 蚊油菜點左西生菜 好新鮮👍🏻點 d蠔油食仲正！#燒味 #燒臘 #口水雞 #燒鵝脾 #燒腩仔 #西生菜 #叉燒Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#大壹燒鵝銅鑼灣登龍街36 至48號登輝大廈地鋪~~~~~~~~~~~~ =====================

餐廳位於燈籠街街口，鋪面唔算大，但勝在光猛企理，當日7點左右入座餐廳已坐滿8成。例湯:正常水準，好在唔重味精，飲完唔口乾燒鵝: 餐廳以燒鵝為名對自己出品既燒鵝相信十分有信心，當日叫左下庄例牌。上菜時擺盤精美。燒鵝皮脆肉嫩，師傅刀功好，鵝件無碎骨。冰梅醬梅香夠，可惜鵝肉略嫌不夠入味。叉燒: 識食一定要求半肥瘦，叉燒肥瘦均稱，一層肥一層瘦，豬肉甘香，又唔會得個肥字，食幾舊就厭。最驚喜係叉燒夠燶邊，入口焦脆及帶麥芽糖的甜味，水準十分高。燒腩仔: 燒腩仔上菜時微暖，已比坊間叫燒味飯時燒腩仔凍冰冰用米飯座既好。腩仔皮十分鬆脆而非死硬，肥瘦層次分明的腩肉甘香，調味亦控制得好好，入味而不過咸，出面食燒肉好多時都死咸，食兩舊就要飲水。 要留意既係當日埋單時有部分燒味已賣完，問過店員指部分燒味可能當日賣哂就唔會再燒，想食的朋友可能要早點去到

*人氣極佳嘅燒味店--大壹燒鵝🎊已經成功登陸登龍街了,今晚約咗老公去試下。*呢間燒味店嘅設計比較年輕化,裝修新穎,我哋叫咗呢間店舖嘅鎮山之寶,半隻燒鵝來食。*新鮮熱辣辣的燒鵝端到桌前,令我們大開眼界,原來這店舖設有定時烤製燒味的設備👍店內有一個玻璃櫥具,可以看到燒鵝出爐,燒鵝當然夠新鮮啦😃*獨門的燒烤方法及秘製的醃製秘方,燒鵝一入口還是暖暖的,肥瘦均勻的鵝皮,酥香油脂而不覺膩,吃起來也不覺有罪惡感😅皮燒得非常香脆,香味撲鼻而來,我引不住一啖咬落去,那種滿足感,實在無法用筆墨去形容！*鵝肉富有彈性,而且新鮮得來,可看到鵝肉上淺粉紅色的閃閃生輝,而且更保留了肉汁在內,入口嫩滑入味,不韌、不乾,更沒有雪味!*特別的是鵝複內的肉汁香料帶出肉香,香料味不會太重,恰如其分地將鵝香帶出嚟,不太鹹！一口咬下去,肉香四射,肉味的金香盡情地揮發出來,滋味十足,吃得津津有味👍👍*之後我哋叫了碟蠔油生菜,蠔油非常鮮味,聞到陣陣鮮香味！生菜是用西生菜,吃起非常爽脆。*白飯很有米香味,粒粒分明,咬起來口感十足！下次要再去食過😋😋

今日放工突然好想食碗瀨粉，見新開張左間燒味店，就同朋友去食個晚飯。見燒鵝套餐都抵食，單或雙拼同價，同朋友分別叫左兩個雙拼套餐，套餐仲有油菜，飯同老火湯，飯轉湯粉要另外加$5。貴妃雞拼燒腩仔瀨粉貴妃雞皮薄，雞皮色澤好靚好黃，有較多油脂，咬落好香又啖啖肉無骨。燒腩仔好出色，十分香脆，脆卜卜咬落有好清脆既聲音，朋友聽到都即刻好想食，食落肉質好軟熟，肥瘦比例好，加上瀨粉好滑分量又多。個燒肉真係好食到我地仲叫多個例牌黎食，只係$68 有好多舊，味道又唔會太咸，就咁單食都無問題。叉燒拼油雞河粉叉燒燒得夠香，旁邊仲有少少燒焦邊，好夠火候，脂肪比例多，咬落好軟。油雞相對無咁肥，肉質滑。老火湯都好清甜。整體餐廳食物質素都好好。

燒臘之中最愛就係燒鵝！今日又同家人嚟到「大壹燒鵝」叫咗燒鵝脾雙拼飯同燒鵝下庄例牌😬落單後好快就上菜啦！燒鵝脾拼叉燒飯 $118一上枱就見到油光閃閃嘅燒鵝脾同蜜味叉燒，見到都垂涎欲滴！燒鵝脾燒至外皮香脆，肉質嫩滑，咬落去油香四溢，肥瘦適中。原隻脾食應該更滋味！叉燒上面有層蜜糖同少少燒焦位，好吸引～半肥瘦肉質，口感軟腍。燒鵝下庄例牌 $158如果呢道兩個人分，份量都足夠。下庄真係特別入味。叫多兩個「靚仔」已經夠哂飽！超滿足！我地加多杯特飲凍檸七（+$11)解膩，爽呀！

近排發現呢間大壹燒鵝除咗燒鵝好食，原來其他燒味都好高質！銅鑼灣呢間分店仲有個套餐好抵食！大壹燒鵝滋味全餐雙拼燒味，跟一個例湯，一碟菜，一碗飯，先$78。加埋特飲都唔洗$90 ， 就飽到上心口！今次嗌咗叉燒拼燒腩仔。叉燒色澤靚，新鮮，肥瘦適中，口感唔錯！燒腩仔皮脆肉嫩，掂丫！好驚喜見倒特飲有龍鳳檸樂，已經愈嚟愈少餐廳有！咸檸檬加新鮮檸檬，去埋燒腩仔，喝出可樂最高境界！估唔倒例湯都幾好飲，仲幾足料。例牌口水雞貴妃雞嫩滑，皮脂少，配埋惹味的口水雞醬料，可能本身貴妃雞出色，覺得好食過一啲四川餐廳，可以一試！燒鵝髀+雞髀飯雙髀飯呢個咁邪惡嘅組合，見到好難唔嗌喎！燒鵝髀皮脆肉嫩，燒鵝味重，油香！出色！雞髀揀咗油雞髀，油雞髀夠豉油香，皮滑肉嫩，唔錯唔錯！欣賞飯入邊嘅榨菜，幾好食。

平日去銅鑼灣，通常都係食西餐或者日本嘢，好少會去食燒味。今日就 一改常態，去咗口碑好好嘅大壹燒鵝食晚餐。既然用燒鵝做招來，當然要試下佢哋嘅燒鵝套餐，非常抵食，單雙拼同價，我就點咗燒鵝加燻蹄，一百蚊都唔使，仲有油菜同埋老火湯。朋友就好豪氣，叫咗個雙髀飯，有燒鵝髀同雞髀。燒鵝套餐嘅燒鵝，應該係背脊嘅部分，雖然有啲會覺得冇咁好肉，但係勝在夠入味。燻蹄清清地，令到晚餐感覺冇咁油膩。隨餐附送嘅油菜非常翠綠。老火湯都睇得出好有心，好足料。到雙髀飯，真係食到人好滿足，燒鵝髀好肥美，啖啖肉而且好濃鵝味。雞髀同樣好好肉地，而且口感好滑。

銅鑼灣這條食街每到晚飯時間都人來人往，走過時被掛在櫥窗的燒鵝吸引了，決定進去嚐嚐！例牌上庄燒鵝首先點了一客例牌上庄燒鵝，明爐自家烤製而成，香氣撲鼻。由於燒鵝油脂豐盈，實在太邪惡了，所以特地點了上庄，鵝肉油脂分佈平均，啖啖肉，和脂香豐富的鵝皮一併吃下，口感美味！叉燒+燒腩仔雙拼叉燒淋上蜜汁同時加了點桂花點綴，頓時生色不少。燒腩仔則肉質偏軟，只有外皮酥脆。但是以 $88的價錢來說，性價比已經很不錯了。還另外點了一碟西生菜，份量不少，能中和燒味的油膩感。龍鳳檸樂所謂「龍鳳檸樂」其實就是可樂+鹹檸檬，既有夏日檸檬的清新香味，也有可樂的甜味，不錯。晚餐時段還有性價比更高的 $78套餐，有燒味、油菜、白飯和湯水，友人已經鎖定下次可以再來吃這個燒鵝快餐了。

喺銅鑼灣美食街，連燒味店都能夠立足，放工一於試試😁😁我見餐廳入面有好多燒鵝掛咗喺度，似乎係喺店舖裏面燒👍🏼 餐廳都算幾乾淨企理，行入少少仲有好多卡位。我叫咗個燒味單雙拼，揀咗叉燒同埋油雞，因為天氣炎熱，想食啲濕濕地嘅嘢，所以就要咗瀨粉😁😁單雙拼可以揀飯/米粉/瀨粉/河粉，我覺得咁樣幾好，唔係下下都燒味飯咁悶。佢哋嘅叉燒係超級好食！係有少少燶，但係係可接受嘅程度，啲肉質同口感唔錯，唔會死實，又唔會乾爭爭，甜味恰到好處👍🏼👍🏼👍🏼👍🏼 要Boomark落買返屋企加料名單值得👍🏼👍🏼👍🏼另外我加$10要咗個湯，超級好飲，係木瓜雞腳湯，雞腳好正，已經切細咗，方便食用。而且個湯好足料，真係好滋潤。另外我同事就叫咗個雙髀飯，仲加咗半隻鹹蛋。賣相非常強勁！一隻燒鵝髀，一隻雞髀，仲可以自己揀要切雞定係油雞，啱晒食肉獸😁😁😁佢哋仲會配上一啲榨菜，都幾開胃😎😎雖然只係燒味飯，但係都係一個幾唔錯嘅用餐體驗，坐得舒服，個例湯又超好飲。下次一於就嚟斬料，一定要買叉燒🔥🔥🔥

喺登龍街不愁搵吾到嘢食，呢度又新開咗間專食燒臘嘅店鋪，主打燒鵝，望見門外嘅招牌燒鵝同义燒就流晒口水。原來燒味師傅就係老細，佢曾經係澳門米芝蓮餐廳工作過，十分重視燒味嘅溫度和質素，所以自設太空爐自家製燒味，即燒即賣，夠晒新鮮，慕求做到品質保證。店內座位分明，不像傳統燒臘店設計得密密麻麻，在疫情下客人食得安心。地方乾淨衛生，沒有傳統燒臘舖油淋淋嘅感覺。再入還有私隱度高的卡座，裝修頗美觀，座位也很舒適。店內仲可以見到一隻隻肥美的鵝吊在烤房裏準備被燒烤為美食添！晚上有抵食燒鵝套餐供應，可選單拼或雙拼燒味，另有油菜、白飯和一盅老火湯，價錢$78，真心吾貴。因為想食多幾嚿燒鵝，所以單叫了一份燒鵝脾下庒，另再叫了兩個套餐，燒味則選了义燒拼薰蹄和义燒拼貴妃雞。燒鵝脾下庒大大份，色澤油潤，外皮鬆脆，皮下的就是啖啖嫩滑多汁的鵝肉，沒有夾着肥膩嘅肥膏，鵝肉鹹香味適中，口齒留香，不愧為招牌燒味。除了燒鵝，叉燒也很了得👍。面層色澤紅得嚟又有少少透明，邊位燒到有少少焦濃，望見就即刻想食一啖。肥瘦均勻，肉質又軟又淋，蜜味十足，美味可口。認為係食咗咁多叉燒之中最好食嘅一次。薰蹄也不俗，肉質爽口，面皮夠彈牙。貴妃雞雞皮

在漫畫基地瀏覽完畢，漫步到登龍街覓食，看見「大壹」開設新店，朋友說想吃燒鵝，我不反對，中式燒味是沒法抗拒的美食，一起分享還可以試多個款式添！來到燒鵝專門店一定要嘗嘗燒鵝了！油雞拼貴妃雞、燒腩仔拼燒鵝河粉、鹹蛋、白飯。很開心同時可以品嚐兩款不同烹調方式的油雞與貴妃雞，皮滑肉嫩味道不錯，與鹹蛋一起下飯，很有家常便飯的感覺。燒 腩仔拼燒鵝河粉，脆卜卜的燒腩皮令我們口感得到滿足，燒腩肉不肥，肉質鬆軟好肉味。每次都楝燒鵝髀，在心境上是補償童年的失缺，實質上燒鵝髀也極具吸引力，燒鵝髀皮脆，皮下油脂薄，咀嚼時且透出淡淡薰香，燒鵝經過香料醃製烤香，鵝髀肉質軟滑，肉味肉汁都豐富、可口。特飲：紅豆冰、龍鳳檸樂，龍鳳檸樂原來是鮮檸與鹹檸檬，吃過了這麼多肉類，配這款特飲十分適合。

友人愛吃燒鵝，去逛街，順道在這裡 dinner。似茶餐廳座位，座位都頗多，夠寬敞。仲有這幅畫，雖然同這店的食物不太相襯，但感覺置身於鳥語花香中。我們當然點了「大壹燒鵝(例牌)」，選了下庄；再點了「秘制口水雞飯」及「燒味雙拼(油雞、瘦叉)」配米粉。大壹燒鵝(例牌)，下庄，皮脆肉滑，啖啖肉，很香口！秘制口水雞飯，頗辣，惹味！所以就即點了凍檸檬茶解辣。燒味雙拼(油雞、瘦叉)配米粉，叉燒肉質鬆軟多汁、蜜汁香甜又美味 油雞肉質嫩滑，再將榨菜放入米粉內，令有少少辣，配搭得美味！簡簡單單又一餐，其實食物一D都唔簡單 ^_^

這間燒味鋪門面整潔光亮，有別於一般的燒味舖設計，格外新潮。門外2米高的餐牌引人注目，吸引我和男朋友入內一探究竟。我們分別叫了一個雙拼，這就可以互相分享，食到多款燒味。我點了燒味雙拼 (燒腩仔+叉燒）配瀨粉。份量充足，燒腩仔和叉燒都整齊地排列在碟上。叉燒色澤亮麗，燒至焦香，但有部分燒到焦黑了，要刮走那部分才可以食。叉燒用上半肥瘦的豬肉，令肉質保持嫩滑。配上香甜的叉燒汁，十分惹味。燒腩仔就更出色，外皮十分脆口，脂肪和肉的比例平均，肉味香濃，入口軟腍。瀨粉粗身且彈牙，湯底清淡，配上濃味的燒味，真的很搭。男朋友叫了個套餐，先送上一碗金銀菜豬骨湯，十分甘甜，炎炎夏日喝一碗，有清熱潤肺之效。主菜是燒鵝和燻蹄。先吃燻蹄，口感冰涼、有嚼勁，微微酒香中和油膩感，跟白醋更是絕配。再來是燒鵝，師父給了燒鵝背，鵝背肉比較薄，最能夠吃到燒鵝醃料的香味，味道相當豐富，而且皮脆肉嫩，非常好吃。還有一碟蠔油生菜，清爽味美。總的來說，燒味整得出色，份量多，是性價比高的一餐。

好似架耐冇食過燒味啦，記得細細個屋企好鐘意買肥美嘅叉鵝反屋企加餸。好懷念燒味嘅味道。係銅鑼灣揾到一間幾高質嘅燒味飯，餐廳環境裝修幾乾淨整潔，同埋好靚，同傳統燒味店好大分別，座位私隱度好高。食物質素幾高。口水雞（例牌）$68口水雞皮薄有彈性，雞肉好滑嫩，醬汁唔係好辣，只係好香辣油味，送飯一流😃燒鵝髀雙拼飯 $118拼咗燒腩仔，好大件而且肉一啲都唔會乾，又唔會太肥食唔到，最鐘意食表面塊皮脆卜卜好正。鵝髀皮薄又脆，脂肪比例啱啱好，點芥末醬又幾好味😋 大壹燒鵝套餐 $78拼咗叉燒，蜜汁叉燒好靚半肥瘦，食落甜甜蜜蜜。呢個餐幾扺食，仲跟一碟生菜同老火湯。好豐富丫。

偶然放工經過， 發現人氣燒味店「大壹燒鵝」也進駐登龍街了。 可以坐落於登龍街的餐廳絕對有番咁上下實力。晚飯時間又攰又餓， 看見櫥窗掛起的明爐燒鵝～～ 真係忍唔住 入去坐低開餐。店內仲有一邊玻璃櫥窗睇到燒鵝出爐～絕對新鮮！大壹燒鵝髀飯燒鵝髀和燒鵝價錢唔差太遠， 唔係成日食燒味， 趁呢個機會食番隻燒鵝髀先！燒鵝皮仲係脆身， 鵝本身有啲肥， 但係肉夠厚， 味道甘香，入囗嫩滑， 滋味到不能形容～吃過原味，蘸些酸梅醬又另一種食法～咸檸七燒味配碳酸飲品，仲有鹹檸， 也是一種享受。老火例湯好甜， 好夠火候！ 落足料有好多菜乾同豬骨。油雞拼燒腩仔套餐$78都幾抵食，有老火湯，飯， 油菜～燒腩仔外皮非常脆， 入囗"索索"聲， 也有很久沒吃過那麼脆皮的燒腩仔， 肥瘦相間， 非常美味。油雞也不錯， 肉質嫩滑， 配薑蓉夠滋味。油菜青甜嫩綠。 紅豆冰-- 紅豆軟綿香甜。