大壹燒鵝 (登輝大廈)

營業中

休息中

大壹燒鵝套餐 (燒鵝+燒腩仔) $78燒鵝味道正常，但肉量偏少。燒腩仔皮脆肉嫩，一d 都唔嚡雙拼燒味米粉 (油雞+叉燒+半隻鹹蛋) $63米粉勁大碗，油雞嫩滑，唔會好肥。半肥瘦叉燒好入味好淋， 帶少少燶邊好香口，肉質唔會乾爭爭

近排出差銅鑼灣, 女友小熊今日亦都係銅鑼灣收工, 於是約埋一齊係銅鑼灣食晚飯.中午係華嫂食咗個唔多滿意嘅叉燒, 心有不甘, 係要食到個滿意嘅叉燒先滿足, 於是去咗登龍街大壹燒鵝.點咗叉燒同燒肉係例牌之外, 當然去到大壹燒鵝就緊係點燒鵝啦!叉燒用上五花腩, 有肥有肉有燶邊夠甜夠味, 我對叉燒嘅要求, 哩碟叉燒全部條件齊哂, 叉燒入口鬆軟, 連我大愛嘅蔥蓉都唔需要點, 已經夠入味, 燶邊叉燒更加係神來之筆, 依家個個嗌注重健康, 什麼什麼燶叉燒話無益有害, 攪到燶叉好似生人勿近, 唔係間間燒味店有供應, 食到的話好似中獎, 所以, 食完舊燶叉即刻滿足翻中午嘅失落感.我唔中意食燒肉, 一來燒肉底好咸, 二來燒肉肉質太實變得口感又硬又柴, 最後如果皮唔夠脆必定死罪, 由於劣品燒肉實在太多為免失望索性唔點, 但大壹燒鵝嘅燒肉將以上嘅缺點完全消失, 味道唔係大咸而適中, 外皮脆口而肉質鬆軟, 咁先至係一件好味嘅燒肉囉!燒鵝相信係啱啱燒制完成, 因為燒鵝仍暖, 第一次食暖嘅燒鵝, 原來好味好多, 同攤到凍哂係燒鵝完全兩回事, 鵝肉唔韌唔實超嫩滑亦十分 juicy, 皮脆，亦都唔需要點甜梅醬都好入味好

大壹燒鵝 (登輝大廈) (銅鑼灣)銅鑼灣登龍街36-48號登輝大廈地舖我想說大壹燒鵝嘅叉燒比燒鵝更出色(我是叉燒控）可能因為我唔中意食肥膏所以燒鵝對於我來講油咗少少但佢哋嘅叉燒確實非常出色！有得俾你揀 肥定瘦 識食一定揀半肥瘦一層肥一層瘦咁 仲有濃邊 叉燒蜜汁甜度適中用黎送飯一流！另外我仲叫咗口水雞口水雞非常嫩滑唔算太辣如果想食懶粉，燒肉記得早少少去我6:00去已經冇晒唯一一個缺點就係冷氣太太太太細我食到流晒汗🤣🤣

銅鑼灣登龍街出名多餐廳，選擇多，質素亦高，今日第一次到這裏試試出名的燒鵝及其他燒味， 果然沒有令人失望，除了燒鵝外，其他食物質素都非常高質。昨晚去到餐廳已經滿座，入座後我跟朋友各點了一人餐，另外加了一碟口水雞。叉燒蜜汁叉燒半肥瘦，肉質淋身而又有爽口口感，尤其是肥肉位置非常香口，高質素。燒鵝燒鵝皮烤得脆口，未入口已聞到香味，而且色澤有光澤，加上肉質軟熟，皮肉間有一層啫喱狀，充滿油香，食一啖令人齒頰留香，絕對是色香味俱全。油雞及口水雞兩者雞肉都非常滑溜，有雞味，雞皮不會太肥或過於油膩，油雞的鹹香味亦好食。而口水雞就辣度適中，即使不能吃辣的朋友也可以一試。燻蹄肉質爽口彈牙，肉味濃郁，味道鹹香得宜不會過咸，豬皮位置有濃濃骨膠原的感覺。老火湯個人很喜歡的一個例湯，湯內材料豐富，有雞腳、豬肉件、節瓜等，非常足料。即使是套餐附有的例湯也落足心機，絕不欺場。總括而言，這間餐廳的燒鵝高質外，其他燒味質素亦屬於上級水平，整個套餐有湯、飲品、雙拼燒味、白飯及青菜，價錢相宜，性價比高，絕對值得再來光顧。

啱啱去完旅行兩個月，想食返啲香港地道嘅食物，所以就特登嚟大壹燒鵝食燒味。大壹燒鵝有別於一般燒味舖，裝修更有心思，更以Tiffany blue為主色～大壹燒鵝滋味全餐 （$78）單拼同雙拼同價，我哋就揀咗貴妃雞同䗼蹄。套餐仲包括一碟油菜，一碗絲苗白飯同埋老火靚湯。老火湯冇乜味精，飲完都唔會口渴。油菜份量適中。䗼蹄微酸開胃，啱晒夏天食。貴妃雞雞髀肉嫩滑，滿意！燒味三拼（$108）我哋叫咗油雞、叉燒，仲加咗$30轉燒鵝。油雞一樣係雞髀，而且鹹淡適中。叉燒燒得啱啱好，有少少燶邊，肉質軟腍，鹹中帶甜，正！我地仲額外叫左碗河粉（$20），麵質微韌，一d都唔軟爛，期待以上！

同老友行到登龍街覓食,  大家不約而同都想食燒味晚餐. 大壹燒鵝,  門面闊,  抬頭看見:  明爐燒味, 名廚主理, 自家燒製.那玻璃櫃掛的燒味,  顏色觀感不俗.餐室面積大, 座位闊落.    內設冷房, 從玻璃櫃內可以看到, 掛著巨形大燒鵝, 等候處理.食堂於另一房間設有卡位雅座.   燒味餐室實少見.餐牌好清晰, 項目不少, 價目夠詳細,  今晚比較肚餓, 我們點了：燒鵝上庄,  另兩個雙拚燒味餐.店員先送來 雙拚餐,  燒鵝/叉燒餐,  有湯, 有菜, 又有茶,  好扺食.  $78.  (凍茶 +$8)又送到第二個雙拚餐,  油雞/叉燒,  配湯瀨粉, 及茶.  $58.    (熱茶 +$5)餐茶:  大家各式其式.  老友飲 冰凍檸檬水, 透心涼.  我飲 熱檸檬茶, 準備食燒味去膩.  燒鵝拼叉燒, 份量好滿意. 燒鵝熱辣辣, 香噴噴,  鵝肉厚而不肥,   配有秘制燒鵝酸梅醬,  點些醬汁很滋味, 送飯一流. 叉燒, 賣相也不錯.  用了五花腩肉, 不油膩,   真滋味. 伴有蠔油生菜, 好爽口.  白飯粒粒完整, 雪白分明, 系用靚米.例湯有 雪耳, 杏仁煲瘦肉,

今日港島遊最後一站到銅鑼灣shopping , 未夠7點已經肚餓，一於向附近找食之後再繼續行街。登龍街一帶一向都係美食集中地，任何類型的餐廳都有，今晚一於食最愛的港式燒味啦。燒鵝拼香妃雞（套餐）燒鵝肥美厚肉，外皮脆口而且有少少炭烤香氣，肉質鮮嫩多汁，肉味香濃，香妃雞雞皮滑溜溜，雞肉鮮嫩可口，沾上少許薑蓉更加惹味，最開心而家好少餐廳有瀨粉，一見到已經心心眼😍，瀬粉爽滑，湯底清甜，超正。燒鵝瀨粉 （改鵝胸）鵝胸啖啖肉，沾上酸汁醬令人食指大動，皮脆肉嫩，味道恰到好處，不用10分鐘已經通通放哂入肚皮，超滿足。燒腩仔燒腩仔外皮燒得金黃酥脆，肉嫩不過咸，肥瘦比例剛剛好，而且仲充滿肉汁。佛山燻蹄外皮位置爽口彈牙，入口Q彈，肉質鮮嫩，沾上白醋，更加開胃而且還可以減去油膩感。

今日突然間好想食燒鵝 所以去咗銅鑼灣大壹燒鵝食晚餐呢度主打燒味 我哋嗌咗兩個套餐 除咗單雙拼同價之外 個餐仲會跟埋例湯同油菜叫左一個叉燒飯同一個油雞飯 叉燒油雞一上枱 我畀佢個份量嚇親 因為冇用諗過喺銅鑼灣地段幾十蚊一個燒味飯個叉燒同油雞嘅份量咁多 叉燒份量好似平時出街食例牌咁多 而且叉燒係燶邊肥叉 一層肥肉一層瘦肉 咬落爽口得黎油脂平均又夠香 D肉都算鬆軟 絕對唔會乾柴 而油雞同樣係好嫩滑 油雞皮夠入味 另外我哋叫咗個燒鵝上莊 燒鵝皮超級厚同脆 連埋夠哂肉汁既新鮮鵝肉食 真係好正整體嚟講呢間餐廳超乎我驚喜之外 以呢個價錢性價比超高 質素超高 超推介

琴晚收工同韓國朋友一齊食晚飯，我地通常都會去韓國餐廳聚餐，因為韓國人就算去到異地都係中意食返自己既家鄉菜。今次想搞搞新意思，所以就帶左佢去食地道港式燒味。餐廳門口掛滿左燒到啡紅色既燒鵝，入面既牆壁素淨，係正宗既港式餐廳風格。餐廳佔地唔係好大，但都算乾淨衛生。除左二人同四人卡位之外，仲有上圖呢一種一人座位，好適合生活忙碌快食既上班族，又或者中意獨處既人。餐牌以一頁兩面簡潔既設計作為藍本，內裡囊括左各款特色燒味組合，例如單/雙拼燒味飯、單點燒腩仔同埋油雞等等。雖然睇落好簡單，但係中英對照，圖文並茂，十分照顧不同顧客既需要。我同朋友各點左一個$78 大壹燒鵝套餐，套餐包括單/雙拼燒味飯、郊外油菜、白飯同埋老火靚湯。另外，仲點左一客 $108 燒味三拼，可以自選三款不同既燒味。我地當晚既老火湯係青紅蘿蔔豬肉湯，十分足料，而且味道濃郁鮮甜。雙拼燒味方面，我地都不約而同地揀左大壹燒鵝配蜜汁叉燒。呢碟燒味一上枱已經令我地垂涎三尺，燒鵝皮上面既油同埋叉燒既蜜汁都閃閃發亮。蜜汁叉燒好有驚喜，餐廳選用既叉燒係半肥瘦，肥肉同瘦肉既比例差不多一比一。叉燒既表皮燒至啡黃色，再鋪上香甜既蜜汁，入口香脆，就連韓國朋

燒味是廣東人的最愛，有時忙於工作沒時間煮飯，買燒味加餸方便之選。登龍街呢間燒鵝專門店，絕對是我心頭好。今晚老火湯認真材料十足，大大塊雪耳，多飲增加皮膚彈性啊。最緊要沒有味精，沒口渴感。燒鵝必食推介。鵝皮燒得脆口，油香滿腔。肥脂不多，帶有甘香。肉質嫩滑，肉味香濃。隨了燒鵝，叉燒也有棒場客，選了肥瘦，恰到好處，肉質軟腍，惹味十足。燒鵝，叉燒配瀨粉，最佳拍檔。瀨粉都好大碗，湯底清甜。套餐包括飲品。熱柑桔蜜酸酸甜甜開胃。

近來生活工作均產生不少壓力，特意下班逛逛街減減納悶情緒。《大壹燒鵝》名字好像很熟悉，想起不用去深井也可吃到靚燒鵝口水直流，衝呀😍首先環境很衛生光猛，樓底開場舒適，令人可以慢慢涼冷氣，挑選餐牌上的各式燒味。金牌燒腩超卜卜脆的豬皮，擁有應聲而响的鬆脆，肉香四溢，帶點肥，肉易咬口，味美絕侖。燒鵝賣相超漂亮，鵝皮閃令富光澤，鵝肉香甜，鵝味濃，沾上梅子醬，實在畫龍點睛，很想一試再試。燻蹄Q彈的口感，配上酸汁蠻醒胃。皇牌叉燒 桂花灑面美麗得醉人，叉燒半肥瘦，兼有很多我喜愛的燶位🤩叉燒醬甜甜的不過度。一層肥一層瘦的分格著，層次分明各參半。肥膏位入口半溶半化開，厚切肉位實淨有烤香，有賣相又有內涵，價性高🥳大壹燒鵝滋味全餐老火湯足料，湯頭清甜，沒有味精很加分。燒鵝瀨粉份量十足，雖說是餐，但燒鵝亦不欺場。瀨粉彈牙，配撘鵝肉所散發出的甘香，滋味又滿足。食後感：老銅晚餐，竟然不設加一收費，價格也夠吸引吧😎

今日來到登龍街搵食呀，想斬啲料加餸，今次揀咗大壹燒鵝門口睇睇價錢先，合理價佢每日都有唔同燒味特賣，今日就係貴妃雞射燈之下啲燒味閃閃發光，顯得更加吸引最後我買咗半斤叉燒，$78蚊皮燒至少少燶非常香口，佢今次斬俾我嘅係半肥瘦叉，蜜味香甜之餘，更加提升咗肥叉嘅香口，瘦叉亦都鬆化，齒頰留香叫人食唔停口

Happy Friday🥳路過登龍街見到星期五特價半隻燒鵝賣 $198見幾幾平就幫手斬料返屋企啦拎住盒外賣上車～隔住個盒同袋都聞到非常香～旁邊啲人都望住我盒野半隻燒鵝奉送一盒仔燒鵝汁整返熱佢就開動啦屋企人話味道拍得住深井燒鵝係市區都食到深井嘅感覺又唔錯喎唔太好燒味嘅我都忍唔住食咗幾舊大壹燒鵝 (登輝大廈) (銅鑼灣)銅鑼灣登龍街36-48號登輝大廈地舖

其實燒鵝成本高可以賣貴啲（雖然63蚊叉鵝都唔係平），大熱天時拎到返office打開得幾件骨，叉燒就正常嘅，唔通又行十幾分鐘返去嘈咩😮‍💨一試冇回頭，太興都仲好過佢😞

垃圾叉燒！九成半都係肥膏黎！又燒燶晒，食左佢命都短幾年！侍應姐姐話呢到係無瘦叉，全部都係五花腩黎，頂你真係當我未見過五花腩？根本成舊都係肥膏黎，用黎炸豬油都嫌佢肥啦！佢話換過比我，之後拎左一碟都係咁肥既叉燒黎（佢無收走我本身果啲叉燒，即係話呢到既叉燒條條都咁肥！）侍應姐姐仲叫我切左啲肥黎食！切咩呀？根本都無肉！最後唔想浪費食飯淨係食左啲飯，比成$60淨係食白飯!食緊既時候仲聽到侍應姐姐推介叉燒比其他食客，真係冷笑一下，blacklisted！