大壹燒鵝 (啟田大廈)

營業中

休息中

之前睇過大壹燒鵝既介紹，最近黎左藍田開分店，所以第一次黎試下。豉汁蒸倉魚$98呢個價錢十分抵食，仲要咁大條，魚好新鮮，肉質好入味。加上豉汁同豉油，好惹味。士多啤梨汁豬扒$88一向食開普通汁煮，第一次試士多啤梨汁味，完全冇想像中咁酸，反而甜甜地好夾，仲有士多啤梨果肉，豬扒調味得好好，好爽口又份量多，岩晒送飯，小朋友都會鐘意蒜蓉炒通菜$68叫左個菜，蒜蓉味好濃郁，清清地燒鵝飯配飲品$58+$7燒鵝燒得好有火候，皮就幾脆，肉就好入味，呢度主打係燒味，價錢份量好ok

行過哩間裝潢有啲似茶記既餐廳，抬頭一望原來主打係燒味。再睇下門口個大menu原來有幾多小菜添，二話不說就入去試試啦。入面分左上下2層，我地被招待到上一層卡位，卡位可以望見下面食客，感覺有啲去左睇歌劇，而且仲可以偷睇到其他食客點左乜嘢食，可以參考下。眼見個個都會叫碟燒味例牌加2個小菜，唯一可惜餐廳可能未有酒牌，如果唔係我估枱枱都有支大啤走唔甩。我地點左燒汁薯仔牛柳粒：薯仔食得出炸過，外皮脆口而且切到細細粒，牛肉粒冇筋入味姜蔥魚雲：魚既腩骨、鮫位、魚皮炸到脆哂再落加姜蔥㨮兩㨮非常惹味叉燒油雞雙拼飯：原本想試下佢地個乳豬，但職員話一早賣哂，下次真係要早啲黎，叉燒半肥瘦不在話下，好少會成條都有燶邊，應該係淋上麥芽糖非常足夠所致，非常香口。

今日放工後來到藍田找朋友，看到啟田大廈地下新開了這間門面很金碧輝煌的大壹燒鵝，便決定來吃晚餐。大壹燒鵝拼燒腩仔瀨粉問了侍應姐姐，知道原來這裡的燒鵝有自家工場製作，上一隻賣完便立即燒下一隻，等了大約10分鐘便吃到了。一上枱時，剛燒好的燒鵝香味四溢，賣相討好，肉質鮮嫩多汁。燒腩仔也絕不輸蝕，皮很香脆之餘豬腩肉亦很入味。瀨粉爽滑彈牙，湯底清甜可口，是配燒味的好選擇。大壹燒鵝脾拼叉燒瀨粉這個燒鵝脾價錢比普通的燒鵝餐雖然高了很多，但我覺得絕對是值得的，尤其是在有比較的情況下。由於鵝脾的外皮比鵝身較薄，燒得更香脆，而且鵝脾肉的份量較多，肉質亦更為嫩滑，上昇了一個檔次。叉燒亦不惶多讓，肥瘦適中，嫩滑香甜，蜜汁的香味令整體的質素生色了不少。椒絲腐乳通菜吃粉麵又怎少得一份油菜，所以我們便點了一份通菜，用了比較傳統的做法，就是以椒絲加腐乳去製作，腐乳配通菜當然是最佳的組合，香濃的腐乳滲透了整條通菜令味道更為濃厚。

我無幫襯堂食，只試過2次外賣。2次都係5:00-6:00pm 時段。第一次叫咗小菜：士多啤梨豬扒，我係去到先落單，收銀竟然話無呢個小菜。哈。。。呢個算係佢呢間店既 signature dish，竟然話無。好彩另一位高級既員工話有架。預咗要等廚師炒，等20分鐘，我接受。不過店外是食風位，行人路比較窄，我地企係度等，係會阻住等巴士既乘客 or d 人穿穿插插。第二次係上星期日叫下午茶餐，今次有備已戰，打電話落單。可惜有鵝c既炒粉飯麵都無得供應，話無鵝絲，無計，只好轉雪菜肉c炆米 & 福建炒飯。咁我過咗10分鐘就去到，心存僥倖以為今次可能5使等多10分鐘。先去收銀俾錢，拎咗飛，見到我個冧巴既飲品已 ready，但侍應話主食未得，要等，於是又行出去食風。過咗10+10，平咗上次紀錄，仲未見我個主食，我果2杯熱飲都變溫了。。。。再過多10分鐘，透過大門邊位既玻璃見到原來係枱面既2杯飲品被入袋，心諗30分鐘終於有啦。。。點知侍應 pack 完放埋一邊，無出來叫籌。我於是又透過玻璃下外賣冧巴。。。。係我既冧巴。我行入去問仲乜pack 好5叫籌，佢竟然話我未比錢。我話5係化，我手上有單喎。佢話單上有

「大壹燒鵝」在， 今天到順路享用午膳。餐館樓底很高，一半地方做樓上雅座， 我們選擇樓面大堂卡位。 我楝好燒鵝髀乳豬雙拼飯，但可惜乳豬與燒腩都售罄，我改要燒鵝髀飯&鹹檸七喜。閃亮的燒鵝髀立刻安慰了我的失落感， 啖啖脆皮肉香，大大碗白飯吸收燒鵝汁，甘香回味，還有鹹脆榨菜絲餸飯，美味極了！鹹檸七喜幫助我消化，朋友的熱朱古力。朋友的咕嚕肉飯也是很大份量，我們太投入聊天，落單時候忘記順帶一聲「少飯」啊！我分享一塊咕嚕肉，肉質鬆軟，沒有厚厚的粉漿，棒呀！飽啖一頓，我仍覺得意猶未盡，外賣半斤叉燒回家晚飯加餸。

最近新開係藍田大壹燒鵝見到外面掛住燒鵝，同埋睇個招牌就知有燒鵝食。門面招牌大大燈光都好易就搵到。原來每天限量係店內製作，每次都係少量烤製確保新鮮保持味道店內分了上下層樓底夠高， 環境同座位都比較舒適，燈光都幾光猛。午市都有好多選擇，有中式套餐燒味三拼 (例牌) HK $168揀左(叉燒、油雞)及燒鵝+$30一定要食下呢個招牌燒鵝來到實在太香，遠遠已聞到油香味鵝既表皮入口香脆充滿油香味，而肉質嫩滑有層次感，就算不用沾酸梅醬也非常好味，油脂比例好適中。我至愛既叉燒，半肥瘦又香不油膩，而質感軟腍烤得好香更帶有少少燶既邊，食完再想食真係好回味。油雞用新鮮雞製成，浸上秘製油雞水兩次仲令雞皮既顏色均勻，仲食到麥芽營糖甜味，油雞香滑雞嫩多汁，入口彈牙都不覺油膩， 燒鴨沾酸梅醬，而油雞沾蔥薑油。XO 醬乾炒爽肉河 HK$60爽肉用了豬頸肉片，炒河真係好夠鑊氣好香而且又乾身，入口完全唔會覺得油多層次的口感又有少少XO 醬微微辣既味道雪菜鵝絲炆米 HK$60雪菜鵝絲炆米真係比較少地方食到，呢碟真係非常不錯，不油膩不會濕， 而且每條米粉非常幼身而且不會又斷又碎，水準好高。凍奶茶、凍檸茶味道夠香濃。店舖既店員

每日買完餸，都會係呢間大壹燒鵝門口等巴士返屋企，每晚見到一隻隻燒鵝掛係玻璃廚窗上，見到都好想食。今晚唔駛煮飯，終於可以食到了。餐廳分2層，坐位間格都幾闊落。燈光火猛。感覺都好乾淨。餐廳職員禮貌超好,入到餐廳職員帶我地上上層。坐低就立即望望餐牌，食物有好多選擇。講明“大壹燒鵝”當然要食燒鵝啦！燒鵝下庄，即係燒鵝肶位置$148燒鵝用了一個好靚嘅圓盤盛裝。燒鵝肥瘦剛好，有肉地，肉質又嫰，而且燒鵝皮燒到又脆又香，肉汁豊富，鵝肉唔靭，好有鵝味。原本想叫一碗賴粉的. 不過賣晒, 所以叫了一碗白飯。柚子蝦球$98原本我係想叫黃金蝦球的. 但點知叫錯了, 叫了柚子蝦球. 但錯有錯箸. 柚子蝦球甜酸味調校得非常好，柚子香味濃郁，而且大大隻蝦球，蝦肉又爽。紅燒豆腐$68滑啫啫豆腐，有大概10件，有鮮冬菇及低部有菜芯，憲汁香濃但不會杰。大壹燒鵝係唔需要加一服務費的. 

喺藍田社交平台群組啲人講到呢間好得，特別係燒味好出色，住得附近當然要黎試下佢有幾好食！入到去環境係好乾淨，幾光猛。晚餐主要係燒味同小菜仲有啲粉麵飯，不過黎到點都要叫個燒味試下本身想叫個乳豬飯，但職員話要訂... 唔係全隻乳豬，而係乳豬飯都需要提早預訂最後叫左個叉鵝飯$56，唔包野飲，凍飲加$7係有啲貴。叉燒係ok既，唔會好乾，少肥，燒鵝都唔差，唔係柴皮果種，不過兩者都未至於去到好好食，唔係想食過返尋味果種。跟住叫左個芥末牛柳粒，$98黎講份量較少，唔跟飯，白飯加$12，出面一般小菜加個白飯都大概$8-10如果好味都唔緊要，不過我覺得味道麻麻，呢個價錢但係我唔expect咁一般整體唔算好出色，而且以同區既茶餐廳質素同價錢黎講係唔係好competitive🙊呢間試過就算。

今日去完藍田探朋友， 打算顺道食完晚飯才回家。途經這間 『大壹燒鵝』， 之前一直想去可惜沒有機會。內籠幾新淨光猛， 樓底夠高，入面分了另一層做樓上雅座， 依然空間感十足 。也有大圓枱， 齊人開飯更有氣氛！當然先試佢嘅燒鵝飯， 外形似足大碗飯， 旁邊仲有榨菜絲，又幾爽脆拌飯唔錯！😊燒鵝皮夠脆， 肉質甘香仲幾入味， 唔驶怕肥仲有啲偏瘦。老火湯， 花生眉豆豬骨， 相當足料，唔會好鹹， 飲得出冇加味精。蠔仔粥$78份量足夠二人， 熱辣辣端上檯已經聞到蠔嘅香味 ！👍👍 蠔仔其實都幾大隻， 勁鮮甜 ，翠玉瓜煮得啱啱好， 可加上脆米增加口感。凍檸茶茶味香濃又唔會調教得太甜！紅豆冰，紅豆軟淋， 奶味偏重， 反而椰奶嘅香味略欠。馳名紅酒燴牛尾$88份量好足👍😋， 紅酒汁濃香惹味，番茄香味尤其突出。 牛尾唔會炆到好爛好軟腍， 嚼感十足！ 來一碗白飯實在冇得輸！走的時候門口都幾多人等外賣～ 相當受歡迎。

之前疫情嚴重嘅時候，長期Wfh 外賣。而家恢復返四人堂食，真係好鼓舞！我呢個茶餐廳愛好者梗係要即刻出動，今日過去探姑姐，佢推介我哋幫襯屋企附近嘅大壹燒鵝😍沙薑銅盤焗雞 半隻～平時我哋都係食嘅，都係貴妃雞點沙薑醬，呢度嘅好特別，店家用沙薑醬+薑+芫荽黎醃咗隻雞，再放喺銅盤上面，包錫紙焗，估唔到咁樣上桌嘅時候，味道會更加均勻、入味，而且夠熱，食完個人暖笠笠🥰常餐 沙嗲牛肉麵跟奶油豬火腿奄列～沙嗲汁食到啖啖花生碎，好香濃足料，配公仔麵永遠都係絶配😆，火腿奄列唔太油，好啱我！最令人驚喜嘅係個奶油豬仔包，醬料均勻，外脆內軟，因為嗰餐只係配左半個，實在太好味，所以encore多個添❤️特別推介仲有得加＄6，要埋紅豆冰，店家勁大方，有三份一杯都係豆😍好正！姑姐果然冇介紹錯✌🏻✌🏻

平時都幾鍾意食燒味嘅朋友介紹咗間新開嘅餐廳比我，今日咁啱去藍田攞快遞，所以決定去品嘗吓☺️干炒牛河 ($88)- 干炒牛河賣相一流，河粉炒到條條分明，醬油上色，令人好有食慾，而且份量十足，食到好滿足- 牛肉大大片，肉味幾濃，而且調味好入味，肉質又嫩，一啲都唔會乾身👍🏻古法雲南酸菜魚 ($168)- 一上枱已經聞到好香嘅酸辣味，大大碟，啱晒一班人一齊食，好吸引- 配料超級足料，有勁多酸菜、雲耳、節瓜、薯粉，超級多元，口感非常豐富；重頭戲緊係魚肉，新鮮雪白，非常入味，同酸菜底非常配搭☺️燒味雙拼米粉 (燒腩仔&油雞) ($56) & 凍檸茶 (+$7)- 米粉好大兜，CP值超高- 燒腩仔非常好味，鹹香入味，表皮脆身，口感一流- 油雞肉質好鮮嫩，唔會柴，同湯米粉好夾，食到舔舔脷😋 餐廳內部設計幾有心思，乾淨闊落，光線明亮，職員們都超級親切，成個用餐經驗非常唔錯👍🏻

呢間既燒味都係即燒即賣的店內有個製作工場，陳列左好多燒鵝，準備即燒咁岩我今日食到岩岩新鮮出爐既燒鵝真係好幸運呀！下午茶既燒味粉麵都係$45咋！見到都已經好吸引，顏色燒得好靚，亦好有光澤燒鵝塊皮真係好脆加上無肥膏，唔會好油膩可以放心食，食落充滿鵝香！叉燒同樣好出色完全唔肥，蜜汁味道剛剛好，唔會過甜！啲叉燒汁入哂啲肉度，所以好入味重點係肉質好軟腍，食落唔會乾爭爭！食食吓見到燒腩仔出爐忍唔住要叫碟黎食塊皮脆卜卜，而且唔會皮肉分離不過咁啱呢個位置既肥膏比較多，下次要要求瘦返少少呢度既燒味真係好正呀

這間新開的大壹燒鵝，走的是茶餐廳格局，環境闊落舒適。門口掛滿餐廳自家燒製的燒味。餐牌選擇十分多，除了一系列自家燒味，還有小菜，海鮮及粥粉麵飯樣樣齊。來得這裡當然要一試由他們自家工場燒製的燒味，點了燒味套餐中的大壹燒鵝飯併燒腩仔($63)，份量都頗多，賣相不錯，切得每件大小都很平均。油光潤澤的燒鵝燒得皮脆肉甘香，鵝肉厚實。燒腩仔肥瘦相間，皮脆肉鬆軟。啫啫通菜煲($98)，會將炒得八成熟的通菜在客人面前即席放入沙鍋中再炒香，令到通菜上枱不會炒得過火而變黃變老，味道咸香惹味。另外點了兩隻椒鹽南非八頭鮑魚，$58/兩隻起，價錢合理。鮑魚彈牙惹味

探阿姨新年順便拜年。在藍田啟田道新開茶餐廳，主打燒鵝，但都有小菜炒餸。餐廳座位闊落，比較鬆動。晚市開返都有不少家庭聚餐。我同阿姨兩個人撐臺腳。晚市例湯，木瓜湯，濃烈湯，老火湯味道。餐廳主打燒鵝，當然不能少叫燒鵝。下庄都不會肥膩，一個大鵝俾，好可惜無左乳豬。如果雙拼乳豬燒鵝飯就真系正。驚喜的瑤柱黃金炒飯黃金顧名思義系咸蛋，炒鍋非常幹身，而且不會重口味。鬆脆柔軟白飯，鹹蛋黃金點綴一下。青菜方面選擇欖菜肉鬆四季豆。熱辣辣肉鬆，四季豆卜卜脆，爽口，送白飯一流。兩個人呢餐飯其實都食唔晒，其餘衹能打包。新春期間安心出行下載方便客人又方便餐廳。食得安心😊

聽聞講馬鞍山嗰間就好好食成，仲要成日排晒隊啦⋯⋯今次見藍田新開左間，又唔洗排隊，今次係第一次試堂食，叫左個下午茶燒味雙拼米粉（叉燒拼（招牌燒鵝要另加$5），送熱飲$50！賣相都還可以，但食物質素就差了，叉燒係極甜，而所講既招牌燒鵝，食落去就過份咸了😔😔😔😔真係太失望了，雖一可以讚既係杯即磨熱咖啡☕️唔錯....佢地的燒味就真係差了😔😔😔