大吃大喝 (已搬遷) 新店位置

話說經過油麻地，地鐵站一出門口就見到小店，地點上面非常之方便，午餐時間都見到有好多人排隊由於天氣太熱嘅關係所以今次我哋就叫咗兩個三文治小店有好多唔同嘅小食，見到人哋拎走嘅三文治都非常之漂亮😂所以今次叫咗個黑松露滑蛋三文治加芝士同埋牛油果碎三文治加蕃茄等咗一陣間就有得食啦個包非常之厚得嚟鬆軟，唔知小店入邊一間麵包呢，好多時候出面食口多士嘅麵包都唔會鬆軟，依間非常之好食個包😂當然入面嘅餡料都非常之豐富同足料！個黑松露一拎開個盒就聞到濃烈嘅味道，非常之吸引！鍾意食黑松露味嘅人一定要試一試 $30來講非常之多料另外個牛油果碎蛋三文治加蕃茄，餡料非常之多，加埋蕃茄非常之清新，本身諗住三文治都唔會飽得去邊😂點知食咗一件都好飽😂😂另外加咗一份鹹酥雞同埋紫薯餅，兩者熱辣辣非常好食，特別係紫薯餅，好食！加咗$5要樽仔檸茶同埋樽仔奶茶，兩者都唔會太甜，好飲！領查仲有一絲絲嘅檸檬肉非常清新總括嚟講，依間小店非常之有實力又有心機，下次再經個嘅時候要試吓芋肉鬆三文治或者沙嗲牛肉三文治😂都好似好正

👧🏻Wodafoodie in Yau Ma Tei呢間小食店真係我近期大愛，食完一次又一次🥰係油麻地站B2出口一出就係，超方便！最受歡迎一定係佢地既三文治，基本都有14款選擇，仲有d特別口味，例如沙嗲牛肉、芫荽厚切餐蛋、香蔥芝士咸牛肉滑蛋⋯⋯但我最愛係佢既芋泥肉鬆🥰🥰🥰！！！✨🥪芋泥肉鬆三文治 $30+$2轉麥包+$2烘底近期大熱既台式芋泥肉鬆三文治😍😍😍其實依家都多左好多地方有得食，但呢到既芋泥勁厚😱 好幼滑，又唔會太甜，配埋肉鬆一甜一鹹，個包烘左底好香脆，真係好夾好！好！食呀！❤️今次試下轉麥包，感覺仲健康d☺️最鍾意既係佢份三文治有紙包住好方便食，而且價錢勁平！超抵食～☺️✨🧀芝士火腿肉鬆蛋餅 $35台灣野我最鍾意係蛋餅🥰佢餅皮酥脆夠薄，餡料好多，芝士完全做到拉絲😍好彩又唔會好油膩，呢個配搭無得輸呀😋提一提如果想無咁邪惡可以好似我咁走沙律醬😝✨香滑奶茶 +$5買三文治加$5就可以有飲品，細細樽，奶茶真係幾滑又低糖，唔苦澀😙👍🏻👍🏻想飽肚d呢到仲有手撕雞飯好似都幾出名幾多人買，好可惜呢間舖無堂食，如果想快d拎到外賣仲可以打電話落定單👍🏻 全部野食即叫即製，到手全部都熱辣辣，店員態度又好

今晚行過油麻地，有啲餓，一出地鐵站就見到呢間小店，食物相片吸引，價錢又相宜，就試試佢！勁芫茜炒蛋三文治真係掂，面包夠軟熟，加$5就有厚厚餐肉，仲係即整熱辣辣，個心都暖埋，真係一讚再讚。老公就揀左個更飽肚既手撕雞飯，仲包飲品。飲品幾特別，有自家製的檸檬薏米水，羅漢果水等，㨂左薏米水，唔會好大浸檸檬味，飲落去好清新潤喉，正！聽聞支凍奶茶係招牌，唯有下次試。手撕雞好嫩，秘製嘅麻辣醬都好好食會唔會太辣仲有胡麻醬，非常岩胃口！雞份量都多，想不多平時大食的老公都大讚好味和飽飽！雖然人比較多，要等上大約15分鐘，但也值得！

星期六去完油麻地做facial係附近搵下野食 順便買埋比老公食見到地鐵站附近轉角位有間小食店都幾多人排隊 就試下佢(´∀｀*)　　　輕盈三文治套餐 $30餐肉芫荽蛋三文治細薯條配藍紋芝士他他醬樽仔薏米水 開頭見佢寫輕盈以為細細份點知都幾大份 個餐肉超厚仲有芫荽炒蛋 啲蛋好滑一咬啲蛋就走晒出黎同埋超多芫荽啖啖都超濃 係芫荽必叫之選！ 細薯條我拎到返屋企食已經淋咗(´°̥̥̥̥̥̥̥̥ω°̥̥̥̥̥̥̥̥｀)但配埋啲藍紋芝士他他醬都好好味～芝士味唔算好濃 不過咁仲好唔好好漏加埋支薏米水 好足料 勁多薏米！大熱天時飲返支 超舒服 士林台式鹽酥蛋餅 $35拉絲芝士火腿肉鬆樽仔奶茶個蛋餅 超級勁好食！！！就算凍咗都超好味 芝士都仲係拉絲火腿再配肉鬆呢個組合真係絕配 100分！ 另外加$10 要咗份炸燒賣燒賣十蚊有5粒同埋粒粒都好大粒味道就正正常常 都幾抵食～奶茶我就無飲不過老公話茶底幾正好滑 同埋唔會好甜整體嚟講 真係樣樣都好好食♡同埋性價比超高 全部加埋都係$75已經食到好飽～同埋個蛋餅我真係好想再食啦ʕ•ᴥ•ʔ

今期大熱嘅三文治店，經過開油麻地一定要一試本身想食芋泥肉鬆三文治，可惜今日賣晒， 所以轉食咗侍應哥哥推介嘅另一款三文治<火腿芝士蛋三文治加肉鬆$30>原來呢個三文治係有名堂嘅，佢有個花名叫表弟三文治店主話係因為佢個表弟特別鍾意食呢個配搭先推出，推出之後反應超好，所以就貪得意叫佢做表弟三文治芝士加蛋呢個配搭好出色，滑蛋之中有少少芝士嘅鹹香，金華火腿同埋肉鬆，口感更加多層次，食完會返尋味<芝士蘑菇培根蛋餅$35>好耐冇飛過台灣，好掛住佢嘅蛋餅呢個蛋餅更勝平時台式餐廳嘅蛋餅，熱辣辣芝士溶咗喺蛋餅上，培根好香口，配埋蘑菇夠清新<樽仔奶茶+$5>加$5就可以試埋佢出名嘅樽仔奶茶，又滑又冰，夏天一流<樽仔咖啡+$5>朋友朝早唔記得咗飲咖啡，所以一試佢嘅咖啡唔會太甜，提神一流

🥪鹹牛肉炒蛋三文治（烘底）🐼food panda 外賣自取$33 八折 = $26.4要讚吓個包裝~有塊紙包住份三文治!唔怕整污糟手 又唔怕跌咗啲餸🥰本身叫咗烘底但係隔咗好耐先食 已經淋晒🥲炒蛋夠滑 同鹹牛肉幾夾 唔會太鹹🤤但係鹹牛肉嘅份量少咗啲啲🥺呢個份量同價錢 食下午茶或者正餐想食少啲都可👌🏽

今日因為放工要即刻上堂,交由老公買外賣返黎。係無期待之下見到咁靚ge外賣真係好開心老公今日係油麻地做野,佢話臨走叫到好多人係小店排隊,於是佢又排埋一份。小店的特點係即叫即製特厚三文治我呢個係蛋沙津牛油果三文治,小店的外賣盒亦有設計 十足精緻CAFE出品咁。牛油果新鮮無黑,蛋沙津亦超足料。再配合極厚三文治真係食完已經飽晒。老公就食滑蛋沙嗲三文治, 頭幾啖真係好好味嫁。不過食到最後略微小鹹,如果可以淡味小小就好。好彩我地加咗芫荽可以清新一下~不過我會為咗佢ge麵包店再幫襯。XD最後仲有個招牌手撕雞飯啖啖肉,再加埋小店的辣醬真係無得頂!!!懶人恩物一搵先知原來小店仲有一款芋泥肉鬆三文治! 我下次都一定要試下

放工之後想去位於油麻地既百老匯電影中心睇場戲，d場次又尷尷尬尬咁，七點幾套戲就開可以食d咩？最近開始hit起既大吃大喝 Guzzle 就可以解決到依個問題！. 依間小食店專賣啲爆餡爆到成個hulk 咁既三文治。 店長推介既香蔥芝士鹹牛肉滑蛋治（$35)鹹香四溢，各種配料混合得天衣無縫，當中最畫龍點睛嘅一定係鹹牛肉 ，成功將味調唒出來，應記一功。香濃沙嗲牛肉滑蛋三文治（$30) 牛肉片既質素比我想像中高，食落口一啲都唔靭，港式沙嗲汁完全係令人懷念既味道，唔會得死鹹而係帶有絲甜味。值得一提既係，店員知你係買走食會專登係三文治面貼一塊薄薄既保鮮紙，咁就make sure d料係你趕去睇戲嗰陣唔會爆唒出來，why so sweet 😿

本身行行下街落大雨想搵個屋簷避下，見到小食店好似幾受歡迎，望下佢個menu又好似幾吸引，特別係有我最中意嘅芋泥食，咁就係到買份小食順便避雨啦呢度嘅食物全部都係即叫即整，小店店面唔大，人手亦都唔算多，所以要d時間等都明白嘅，不過都要一讚店員好有禮貌，而且小食店只做外賣，店員會將食物包到靚一靚咁遞上你手，唔會因為外賣行多一陣就倒瀉晒走晒樣。呢個芋泥肉鬆三文治非常足料，芋泥係自家製嘅，綿得黎又帶有小小芋頭粒，咬落有口感，而且唔會好甜，只係食到芋頭本身嘅香糖，加埋肉鬆嘅配襯，麵包又烘得香口，成件事令人非常滿意再叫多個芝士火腿肉鬆蛋餅。一眼落就好有台灣嘅感覺蛋餅用料同樣好足，每一啖都食到晒三種材料，岩岩整起即食仲有小小拉絲！+$5有自家製飲品，我就試咗奶茶同薏米水，兩個都係微甜，我特別中意薏米水，清熱又去濕，好適合炎炎夏日飲呢d街坊小食店係香港真係愈黎愈少，亦都睇得出佢哋好有心去做，即使只係一份三文治佢哋都唔會求其。唔想下下都只幫襯一色一味嘅大財團，真係要多多支持一下呢d後生仔

同朋友去油麻地行街，唔太肚餓，想食輕食，行過呢間大吃大喝，價錢不貴，諗住點份三文治食當晚餐就算😆😆⭐️沙嗲牛肉滑蛋治 $30非常有驚喜，個三文治係厚切，沙嗲牛肉非常足料！濃濃嘅沙嗲味但一d都唔鹹，配滑蛋好夾！仲有洋蔥襯托，口感再豐富一點👍🏻👍🏻⭐️黑松露滑蛋三文治 $25 另加芝士 $5黑松露味好重，配上滑蛋一定唔會差。我加左芝士，令個蛋味更突出，食完即刻覺得好邪惡。😋原本諗住輕食，點知食完好飽😅😅呢個價錢，食到呢個質素，絕對係誠意之作👍🏻👍🏻另外，仲有飲品可加配，我點了奶茶同咖啡，味道都相當不錯！❤️現今已經好少咁有heart嘅小店，所以一定要大大力支持！💪🏻💪🏻💪🏻💪🏻

厚切三文治可以有幾厚？油麻地大吃大喝 Guzzle既厚切三文治睇落厚過一般厚切三文治！一個充滿活力的活力就由厚切三文治開始，用心製作手工即製不一樣的厚切三文治......沙嗲牛肉係早餐、常餐、茶餐靈魂，所以極極極推介港式茶餐廳風味既香濃沙嗲牛肉滑蛋治！即叫即炒沙嗲牛肉，惹味醬汁係口中繞樑最少三分鐘，仲會咬到洋蔥粒配埋滑一滑既滑蛋！仲有芫荽控必試推介招牌芫荽厚切餐蛋治、極邪惡招牌台式香酥蛋餅（芝士火腿肉鬆）！

芋泥肉鬆三文治 烘底 $32芋泥好軟滑又有少少芋粒，甜甜地，肉鬆香脆鹹鹹地，兩種配搭起黎原來都幾夾😆香濃沙嗲牛肉滑蛋三文治 烘底 加芫茜 $35沙嗲牛肉香濃到想餸啖飯🤣牛肉嫩滑冇筋，滑蛋好嫩，加上芫茜嘅香味，真係可以當一餐！兩個相比我更喜歡呢個😋招牌手撕雞飯 $50手撕雞都幾嫩唔鞋，附送麻辣醬同芝麻醬，撈飯幾香濃，可惜麻辣味不夠香，加啲花椒油會更好😆樽仔奶茶（跟飯）超濃茶味🤓薏米水 +$5清甜解渴👍🏻

話說有一日 人在油麻地 “大吃大喝” 係openrice 見到啲相三文治真係好足料 黎喇 happy shareOrder 3份 一齊試試介紹:芋泥肉鬆三文治+烘底芋泥軟綿綿 帶有少少甜 肉鬆份量多三文治最怕餡料唔平均 但佢唔會而且三文治包裝方便 絕對唔會整污糟手指要講一講烘底 必加 返屋企車程大概25分鐘但係三文治仲保持到外脆脆的我本身唔係一個芋泥忠實fans 但呢個真係好食芫荽炒蛋三文治另加厚切餐肉如你所見 芫荽真係多到爆炸 加上厚餐肉每一啖都會感到滿足 芫荽味突出非常有飽肚感 絕對唔會一陣風表弟三文治另加肉鬆話說呢個三文治係職員介紹 職員表示當初佢哋表弟好鍾意食啲款因此而命名😂就等我試吓係咪真係好食啦其實冇得輸 因為餡料真係好足芝士溶溶地 肉鬆有多帶有少少鹹味 蛋又唔會炒得過老飲品方面跟餐加$5一支凍奶茶一支凍檸茶呀唔該奶茶係滑嘅 凍檸茶口味好清新 唔會太甜而且茶味好夠 夠哂凍呢間三文治真心推介價錢唔貴 手腳快 而且料真係好足淡淡都好滿足 正呀喂

一直都好鍾意食台灣蛋餅，行過見到呢間早餐店有得買，不得不買返公司食叫咗個芝士火腿肉鬆蛋餅（$35），再加一杯熱奶茶（+$5），蛋餅即叫即整，令人十分期待。拎到返公司一打開已經超級香，蛋餅煎到非常香脆，加上拉絲芝士同肉鬆，好食到停唔到口，完全將蛋餅整到出神入化，仲好味過我喺台灣食嘅，決定聽日早餐要Encore同場加映：招牌手撕雞飯加麻醬（$50），味道十分清新，一啲都唔溜，加上手撕雞量非常足夠，每一啖飯都可以食到手撕雞！亦都係一個Encore之選，下次要試吓麻辣醬先得跟飯仲免費送咗一支羅漢果水，味道清甜，十分解渴

今日去咗旺角油麻地行街，路過呢間台灣小食店覺得幾吸引就叫咗啲嘢食當晚餐咁食，基本上係地鐵站出口隔離。勁芫荽炒蛋三文治$25 加餐肉($5)職員話呢排都幾興食呢款所以試下，見到相都知好厚好足料，餐肉好香口、芫荽炒蛋都幾滑，而且芫荽味唔會覺得太重。芋泥肉鬆三文治$30 烘底($2)呢款好似係新出既，最好岩岩整好就食先食到烘底散發焦脆的氣味，芋泥滑順棉密同肉鬆好夾。招牌手撕雞飯 $50 配日式胡麻醬白飯都幾軟熟，雞肉鮮嫩加埋胡麻醬味道剛好，唔會太重味，本身都有啲配菜，如果可以加少少青瓜絲更好。飲品跟餐加$5羅漢果水甘甘地，充滿羅漢果味，清熱解毒。(左)鮮檸茶唔會好甜，fresh得黎帶點澀，好岩我口味。(右)