大吃大喝 (已搬遷) 新店位置

今晚行過油麻地，有啲餓，一出地鐵站就見到呢間小店，食物相片吸引，價錢又相宜，就試試佢！勁芫茜炒蛋三文治真係掂，面包夠軟熟，加$5就有厚厚餐肉，仲係即整熱辣辣，個心都暖埋，真係一讚再讚。老公就揀左個更飽肚既手撕雞飯，仲包飲品。飲品幾特別，有自家製的檸檬薏米水，羅漢果水等，㨂左薏米水，唔會好大浸檸檬味，飲落去好清新潤喉，正！聽聞支凍奶茶係招牌，唯有下次試。手撕雞好嫩，秘製嘅麻辣醬都好好食會唔會太辣仲有胡麻醬，非常岩胃口！雞份量都多，想不多平時大食的老公都大讚好味和飽飽！雖然人比較多，要等上大約15分鐘，但也值得！