夢工房西日料理 (已結業)

上次和朋友來過覺得不錯, 今晚和屋企人再來一次!!今次食物款式比上次多, 卷物選擇多了, 亦增加了火鍋配料。刺身和上次一樣頗新鮮, 三文魚不太肥美, 甜蝦就幾鮮甜。鰻魚卷細細件, 不怕太飽, 鰻魚軟滑惹味, 很好吃。牛肉壽司和北寄貝壽司都不錯。清酒煮碩肉不多, 酒味淡淡的, 吃多也不飽肚。雞軟骨燒得嫩滑, 秋刀魚則乾身了點。而羊架啖啖肉, 最適合食肉獸, 不太好肉的我則覺得膩了點。這裏甜品款式多是吸引我的地方, 小盒裝的豆腐花、朱古力脆皮雪糕粒和芝士餅都不錯。只可惜沒有上次的乳酪和紅豆雪糕。飲品款式亦多, 連紅酒和暖的麥精都有。整體而且, 價錢和質素成正比, 還是值得一試的。

我冇book位，一去到就有位啦👍🏻但 我地行到加又等左下就6分鐘🤔我地食左啲吾係我地叫既啦，因為一開始都吾清楚，就算啦，都係食姐，有啲朋友中就中意食壽司，但又叫得多左 壽司。因為食得太多野，淨番有20件左右，我地吾知呢間食吾灑，洗吾洗罰錢？不過要罰都冇解啦，真係好飽😆。吾知個女經理係咪見到我地淨左好多壽司，無啦啦就沖到我地耐前話，仲有5分鐘就要俾錢，如果仲未食完就要罰錢，講完就咁氣沖沖咁走左，我都未問要點罰？重點個時係8:35分！我地未够2小時！我就問其中一個員工，係點樣罰錢？佢同我講有兩種！🤔 1.人頭計、每人加$20! 2.每件壽司$10計！吾清楚係2定1 (咁姐係點？🌚)就叫番個女經理番來談論，但係佢話我地入座電腦顯示係6:45分！我地就話個時見到時間係6:51分！談論.....左呢個話題一陣，個女經理又話我地一坐下就計時間，咁佢一講呢句就更加冇錯啦，我地一坐下好清楚肯定時間係6:51分！就繼續同個女經理講，咁吾够2小時就叫我地走姐點先！(我個人對時間比較敏感)我個fd諗住算啦，準備拎銀包俾錢。我阻止左佢，又吾係我地錯，宜家係佢冇俾到2小時我地！ Last order係兩小時半個

同朋友行葵方正是晚餐時間，見到有間日式放題就即管試一試。可能平日所以好快就有位，地方都算好大。我地一坐低就見到隔離台一大碟肥美生蠔和蟹腳真係吾洗考慮咁多, 任食點兩三轉已可回本.  除了日式壽司, 剌身, 天婦羅, 燒物, 前菜, 沙律,....又有西式扒類, 港式火鍋, dessert 雪糕和飲品, 真系多到吃吾切!!!!  壽司,剌身非常新鮮而且種類超過10多種, 生蠔和松葉蟹腳.....真係好鮮味,但生蠔吃落比較咸而蟹腳就ok, 而炸蠔炸春卷, 串燒和天婦羅真係即叫即做...上台時熱辣辣很鬆脆, 其中炸春卷特別好味鬆化, 飲品和雪糕是放在冰櫃內任攞, 以任食價錢食到這個質素都算超值!! 餐廳環境也很不錯....員工很忙但效率很快, 落單一陣已可送上滿台食物.   

終於都考完試啦，當然第一時間食返餐好嘅慰勞下自己。夜了費事出旺角，夢工房之前食過，印象唔錯，而且葵芳離我又近，一於再食過。店面够大，八點鐘雖然人多，但都有位，好快可以入到。餐單，好多categories供客選擇。選擇夢工房就是為蠔而來，二話不說升級先，要好好地蠔食一番先得！每人先要咗兩隻解下癮。今日的蠔雖然大，但唔算肥。海水味比較淡，但作為有生蠔食的放題，質素算是ok，一個人食三四隻已經回到本。配上檸汁同茄醬，都食得有滋有味。炸物方面推薦蝦餅，炸得幾酥下，味道還可，上碟時無配沙律醬，要自己同店員要先有。不過蘸蕃茄醬亦幾好食。羊架都燒得幾正，肉都算嫩，似扒位多啲，且羊有羊味，要咗兩轉。飲品可揀性低咗啲，唯一可讚的是有熱維他奶，食咁多生冰食物飲返支暖一暖胃都唔錯。甜品方面，咖啡布甸真的很「咖啡」，咖啡味十分之濃，但少咗甜味，食完夜晚應該會失眠😂仲有榴槤雪糕添，不過實在無肚食啦。晚市放題178係抵食嘅，升級生蠔就加78，都可以接受，性價比ok

同朋友好耐冇見面，去開葵芳行街街見呢間多人食，加上大家都好肚餓，就衝入去食放題！ 地方好舒服寬敞，入到去裝條舒服，地方都好闊落。由於好肚餓，我地叫左好多野食，而餐廳入面都有好多選擇，有冷盤、刺身、壽司、火鍋.......真係琳琅滿目。首先有盤大刺身，大部刺身都頗新鮮，而且份量都好多，兩個人份量黎講算唔錯，三文魚、甜蝦、飽魚片同生蠔，除了生蠔有少少腥外，其他都不過不失。由於我熱愛生蠔，就再試試芝士燒生蠔，感覺比冷盤生蠔較鮮味，而雞軟骨亦都不錯，如果下次調味鹽份量稍為減少會軟合味，這次偏咸點，但整體可以。另外，冷盤我們叫了八爪魚及螺肉，味道都頗適中。最後，我們食了燒鯖魚及串燒，火喉控制得唔錯，味道不會太咸及燒燶，相當唔錯。是晚同朋友不知不覺食到好夜，餐廳都好好招呼我地，服務都唔錯！

考完試, 當然和家人大吃一頓!! 聽說這裡放題性價比高, 於是前來一試。這裏食物選擇頗多, 連火鍋都有, 甜品和飲品是自取形式。最興奮的是有我最愛的麥精任飲!! 我連喝了幾包😂先來一盤刺身, 三文魚肥美, 吞拿魚無筋, 玉子香甜...各款都頗新鮮!! 長腳蟹很鮮味, 又不會太咸, 好吃!! 生蠔則不太鮮味。黃金燒蠔用芝士焗, 非常香口!! 羊架稔滑惹味, 最適合食肉獸。甜品的款式很多, 有芝士蛋糕、和菓子、mousse蛋糕、豆腐花和雪糕等!! 最愛的是和果子, 煙煙韌韌, 包着香甜的紅豆蓉, 很好吃!! 這裡環境寬敞, 食物選擇多, 質素不錯, 而且只是約150元1位, 可以再試!!

今天放假同女朋友行街，正正是晚上時段，在葵芳地鐵商場有間火煱日式放題，即管去試一試。見到環境都算大間，看到order紙種類都算多，我第一時間叫了刺身和蟹腳等……刺身都好新鮮而蟹腳沒有海水味。而我朋友叫了熟食有羊扒，牛扒，燒雞翼等……口感唔會過熟。但天婦羅就叫了蝦和蟹楱等等，口感好脆和熱。火煱方面也有肥牛，魚蛋，牛丸等。當然還有疏菜啦！最後一定叫埋壽司至算完美，有我最like的帶子和蝦壽司，本店最好是壽司size好細可以吃多幾件。走前當然吃埋雪糕啦！

今次的飯聚由於車友生日, 想找一個方便泊電單車, 日本放題, 價錢不太貴, 有生蠔, 不喜歡旺角/尖沙咀等旺區, 幾經挑選, 我選了鄰近葵涌政府停車場的這家夢工房.先跳開吃的話題, 葵涌這個政府停車場備有電單車日泊($20)/夜泊($8), 由於這兩周的違泊告票並不鬆手, 所以泊停車場能較安心吃飯. 因為升級(+$78)個放題, 第一時間點的自然是松葉蟹腳, 生蠔了. 蟹腳肉不會鬆散, 有充份解凍才奉客, 入口鮮甜, 蟹鉗肉質飽滿, 而且蟹件頗大件, 拆肉容易. 平常愛吃蟹但不愛拆的我, 也連吃6,7隻蟹腳.  生蠔呎吋頗大, 本以為是Coffin Bay蠔的呎吋, 但不熟適蠔的我, 辨別不了是那個國家的蠔種類. 跟朋友各點一隻試吃, 沒腥味鮮度ok , 但可能夏季的關係, 蠔並不肥美. 淺嚐3,4隻. 朋友則大為喜愛, 點了8-10隻蠔, 評價是有1/3左右的蠔鮮度有點不足. 但整體尚可以.  嚐過主角, 是配角時間, 點了一些三文魚, 墨魚, 鮑魚片, 鮮柱貝刺身. 其中三文魚及墨魚鮮度合格. 鮑魚片有點嚼蜡之感. 柱貝則太細及沒什麼味道. 朋友是蠔痴, 吉列蠔吃了有10隻,

同朋友一直想試這間放題，終於有時間試。但試過後唔會有下次。之前做優惠，見到開飯啦寫住只要fb 按讚同分享專頁就可以用138蚊價錢享用晚餐自助餐（原價$158）。咁我打電話訂位時講埋會用優惠券，對方態度差問我咩野優惠，佢話佢做緊好多優惠，唔知我講緊咩。我鬼之你間店係唔同地方做唔同優惠，做咩我要受你氣。最後我答開飯啦…佢就記低左。第一印象極差。到當日，讚好同分享專頁要係職員面前做先得，朋友有幾多個就照樣跟住做。之後安排座位。。。同人搭枱。10人位，有5對人面對面坐。朋友想換位，點知比侍應阻止。。。（最後同朋友發現佢地有分區別坐）整體覺得138蚊價錢係咁上下。我特別推薦巴西牛舌，我覺得咁多之中最好食。首先講下d野食。巴西牛舌好食。芝士通粉，雖然流但都好食。三文魚刺身冇三文魚味，只限壽司好食（唔知點解）燒菠蘿，天婦羅南瓜，炭燒雞肉串=淋身外唔脆枝豆麻麻。。。食物一般。仲有其他放題紙冇影到。。。飲品甜品雪糕自己出面取（冇咩特別）。唔會再幫襯。

任食放題 (假期7pm時段 $178 + 升級 $78)
而家放題大把選擇，但食黎食去都係刺身串燒好似無咩新意喎。
葵芳呢間放題加$78就有得任食生蠔松葉蟹腳，聽到就覺得即刻抵返哂。放題選擇同一般放題差唔多，都係刺身壽司串燒個啲。
三文魚刺身幾肥美，壽司方面有個火炙黑松露帶子壽司，黑松露超香。
重點生蠔黎啦，超大隻有半隻手掌咁大，食落滿口滑嫩既蠔，口感好滿足，蠔味就偏輕身都幾入口。
松葉蟹腳都幾多肉，肉質唔算爽口但都幾多汁鮮甜。
其他熟食燒羊架牛舌一般水準啦，香芋丸好香口芝味香濃。
最正係清酒梅酒啤酒任飲，岩哂酒鬼啦。
甜品都有幾款，朱古力慕絲，泡芙都有，不過質素普通。
整體水準一般啦，都算多選擇，重點係生蠔大大隻又任食好抵食。

上次黎過葵芳呢間夢工房食放題，真係非常令我回味，令我成日諗起任食生蠔同埋松葉蟹>< 親戚由內地黎到香港，而香港又係美食天堂，當然要帶佢地食好野啦^^ 雖然葵芳離我家有點遠，但是值得的^^這次有個老翁擺設伴我食刺身^^ 師父都幾有心機去將刺身排位，賣相相當吸引>< 每次黎食第一盤刺身都係細心擺設，隔離枱既刺身都同樣排得有心思^^ 這裡的蟹柳特別鮮甜好吃的呢^^ 雖然好多人黎食，但依然係咁乾淨衛生。我地叫左d 炭燒雞肉串同埋鹽燒雞軟骨串，一上枱雞肉串就俾親戚搶哂黎食T.T 可憐的我沒得吃。只好吃這個鹽燒雞軟骨串，口感十分爽口，而且帶一丁點兒咸味，很喜歡雞軟骨爽口的感覺^^這是我想念的生蠔呢！雖然不是脹卜卜的，size比較偏大隻，但係一般放題價錢，任食生蠔已經非常抵^^ 仲有茄汁同埋檸檬汁配著吃~ 如果有辣椒仔會更加好><我心愛的松葉蟹段>< d腿好長啊~ 剪開就見到一條好厚實白色的蟹肉>< 味道非常鮮甜而且肉感也挺不錯的呢^^

可以滿足一下吃自助餐的願望的日式料理店~如果喜歡吃刺身或者壽司的人，選擇這間的自助餐不會後悔~除了普通日式的料理，還可以選擇打邊爐~我地冇加生蠔就甘普通吃都夠，還有很多不同的料理~壽司的水平以自助餐還是不錯的，刺身也是在可以接受的程度，對想一次過過癮吃日本料理的人是不錯的選擇~我比較喜歡他的花之戀是一口吃到的設計，比起出面太大舊的花之戀~另外飲品方面有梅酒清酒和啤酒，但係對我來講我飲左梅酒同清酒，覺得麻麻地但係喜歡飲酒的朋友可以試下~佢會根據人數決定食物的分量~但係店鋪的甜品除了雪條雪糕的選擇較多，蛋糕之類的甜品比較難吃但整天而言還是可以接受

🙌🏻喂 係咪食慣旺角啲放題呢食嚟食去又係嗰幾間每次去到夜晚8點就鬼咁死多人排係人都覺悶啦今次就嚟介紹間遠離市區嘅質素又唔差嘅放題自助餐餐廳以生蠔松葉蟹任食作招徠但係想食嘅就一定要升級先有得食啦以為生蠔放題啲蠔就一定細隻？錯啦 係有手掌咁大隻嘅蠔啊而且啲蠔肉質鮮嫩唔太腥嗰日仲叫左起碼十幾隻另外松葉蟹就俾生蠔比下去蟹肉比較腥無咁吸引其次仲有火鍋啊可以任打仲有好多嘢食未能盡錄自己擦得嘅仲唔試下？價錢：$158+$68(升級)抵食：4好食：4（1最低 5**最高）💥指數：💥💥💥💥地址：夢工房西日料理 (葵芳)葵芳葵義路2-10號新葵芳花園好爵中心商場1樓#explosion葵芳 #explosion日式

朋友推介來這裡吃放題,整體質素ok,比200零蚊,生日全單88折,食物花款有其他地方比較少見的生蠔,松葉蟹,法國紅酒,印度薄餅(有煉奶/朱古力可以選擇),豆腐花,港式茶餐廳的黑椒醬牛排(叫了有3次,很juicy好食,簡簡單單的一道菜但整得好吃)。梅酒都有。雞翅朋友說不錯,但我覺得一般般。三文魚和其他刺身還是好吃,幾新鮮,生蠔大份creamy,口感一流,但味幾淡。朋友可能吃不慣回家有點肚子痛,現在沒事了。朋友說火鍋配料比上次來的時候份量少了,本來沒有所謂,但連菜的份量也太少。。。來放題就是因為吃太多肉才需要吃點菜,所以建議他們加番火鍋菜配料的份量少少。麵條肉類配菜可以細份沒所謂。就算少來這一區的朋友來此餐廳也是容易到爆炸,一出地鐵A出口不用一分鐘就到。見到爭鮮外賣店望左邊電梯一上就係。

附近放工，想食放題 又唔想出旺角尖咀。聽同事講過葵芳有間放題有蟹腳有蠔。即管try try 蠔同蟹腳係另加78蚊。 隻蠔差不多手掌咁大隻 擺設好靚好吸引 科科，咁大隻食落好滿足唷。蟹腳d肉都夠實 夠新鮮食呢兩樣都食到半飽 串燒、三文魚頭都好味，熱啦啦火灸壽司 夠多沙律醬 岩哂我〇味 芝士、蒜香焗蠔，叫左幾round個人偏好蒜香焗蠔 甜品都幾多款式，雪糕雪條 一件件既糖品都有，由於都8成飽。食左以上3樣而已