$138既放題?去邊到搵?而家去翠華普通食個餐都閒閒地6-70蚊啦。
平時放題都係得啤酒汽水任飲，估唔到仲會有清酒，梅酒比你飲，對於我呢啲喜愛杯中物既朋友泥講，真係幾有驚喜。
餐前小吃，芝麻八爪魚大大隻同辣味螺肉，一人份量，夠哂開胃。
wow…賣飛佛!
平時去食放題好少食壽司，因為食完都飽，點食其他野呢？不過今次每款order一件泥試下，估唔到會咁好食。
燒日本紫薯，我第一次食，細細粒好得意，內裡紫薯肉好甜，而且煙煙韌韌，連皮食埋幾過癮。
燒牛舌，好香牛味，燒完亦唔會太乾身同韌。
食埋甜品至夠完美。
地理位置絕對地優勝，地鐵站出口不用一分鐘就到電梯，上一層就到，非常方便。
我喜歡舒服的格局，這裡完全可提供，有梳化位，好闊落！但午市無開，要夜晚黎先有機會坐。
2百零蚊的放題可食什麼？答案是集日式放題、自助餐及打邊爐於一身，照顧到不同人士集埋狂食特食！要成十幾張柯打紙，梗有一款啱你食。
如果你不愛松葉蟹蟹腳及蠔，價錢更可2百蚊有找，但我一向愛這兩樣，就算酒店食自助餐, 我都盡量找到兩樣都有提供的才會去食, 我都算食得招積吧~!!!
Close up 會俾人話我刻意影到隻蠔好大隻, 有檸檬在旁都呃不到你多少, 無錯!!!真係好多隻蠔, 仲要是生食蠔。大家都知道有不少店, 就算時酒店, 怕保險不到蠔的品質, 都好少提供生蠔, 今次真是大開眼開, 有生蠔外, 更是極大款。
蠔身雪白, 裙邊呈淺啡色, 蠔肉的比較都佔蠔殼的8成或以上, 充滿整隻蠔。入口先有少量海水味, 繼而慢慢有少量金屬味, 一咬蠔身, 蠔汁超多, 爆滿整個口腔, 用這比較絕不過分, 你試過比日本珍珠蠔大兩至倍的蠔後, 意見都會和我不相伯仲~~
我的主角出場啦~, 好多時見到酒店提供的長腳蟹, 都會開出一堆水份, 而且肉質都較咸, 但今次這個我認為真的可與酒店及一較高下, 大家看相片都見到, 拆出的蟹肉完整而結實, 完全沒有多餘水份, 或蟹腳放久而令肉質鬆散, 入口當然都有海水味, 但只有少量, 及後衝上了一入鮮甜蟹肉香, 爽滑的肉質不但有咬口, 及比人造蟹棒來得鮮活可口, 蟹腳處理分法非常好, 冰鮮好令蟹殼與蟹肉完全分離, 味道真是一級棒~~~~
第一盤一向都是最厲害, 面且職員非常有心思, 連LED燈都放入冰內, 令整盤海鮮多了一份迷幻感。
刺身類除了一般都有供應的三文魚及吞拿魚外, 另有立魚、鮑片、鮮柱貝、原隻甜蝦及松葉蟹棒可供選擇, 款式都有好多!!!推介三文魚刺身, 魚脂紋理分明, 入口甘甜, 魚油香十足, 不可不試!!
壽司款雖多, 但胃口細的我及朋友們, 都不敢多食飯, 怕太飽, 只點了鮮帶子壽司, 花之戀及刺身沒有的火焰鰻魚壽司。飯粒都算香口軟熟, 每件壽司的飯都不大, 一口食都沒有問題, 鮮帶子會比刺身的柱貝略大粒, 口感及爽更甜, 鰻魚汁醬豐富, 建議多燒起出焦香感, 更能豐富嗅覺及味覺。
扒類這張紙比較特別, 好少放題店會願意供應, 肉類都比較貴, 而且打正旗號的日式放題又點會願意供應多類的食物, 但這店標榜西日料理, 完全做到西式自助餐供應的材料, 牛扒、羊架、牛舌等一應俱全。
拉麵是一拉麵控友人落單, 味道一般, 份量不多, 可以淺嚐。
炸物是最富罪惡感的食物，但亦是我在放題熟食類食得最多的一種，無他吧－香脆可口、炸香撲鼻的感覺，非常難抗拒。選擇了吉列蠔+紫心香芋丸。
這店特別在連貴價的酒類都是放題價錢內已包: 清酒、梅酒, 甚至法國紅酒都有, 食蠔配紅酒真係超爽, 可惜我們全不嚐酒精, 浪費了一次平價奢侈的機會!
種類之多, 數極都數唔完, 大家可一試發掘O下。
甜品區
無限量供應的雪糕(雀巢及香港本土品牌), 雪條(阿波羅及韓國品牌), 豆腐花, 甚至乳酪都有
飲品區
正到連忌廉溝鮮奶都有!!!
維X奶, COT及菊花茶
康師傅各類飲品
Afternoon buffet goes from 11am to 4pm. The place is more spacious than usual Jap buffet, with western but Hongkongized decor. Spacious, Hongkong and comfy.
平時行過見到呢間放題都好多人幫襯，而且朋友生日有優惠，決定一試！
貪佢種種夠多，連打邊壚都有，當然主角都係松葉蟹腳同生蠔啦。
一坐低緊係即時叫個蟹腳先啦。
一口氣食左好多隻，啖啖肉。
點左隻生蠔，差唔多有個手掌咁大
食到呢到就開始要飲下野，當然野飲都係任飲啦，而且好好既就係竟然有個熱飲櫃，好適合唔太鐘意飲凍野既人。
飲完野後，當然唔可以比把口停啦，講明食日本野，點可以唔食刺生呢。
和牛壽司，放入口時，仲微微熱，牛味十足，入口即溶。
食完生蠔再食個蒜香燒蠔。
最後當然要食下天婦羅啦。
火焰三文魚壽司和火焰和牛壽司最好吃😌😌 火焰三文魚壽司上加上蛋黃醬，很惹味。和牛壽司肉質鬆軟，入口即溶。
入口有一部份是梳化位, 感覺好舒服, 不過比較空曠, 少人坐時會比較礙眼。
入面座位都有好多, 10人枱都可安排到, 人多都不怕分枱坐。我們兩位都可以安排到卡位, 舒舒服食大餐。
我們都愛食生蠔及蟹腳, 自然要加錢食埋, 雖說要加錢, 但要食到這兩樣, 一般都要在自助餐餐廳才有供應, 今次難得有日式放題餐廳有供應, 就算加完錢都二百幾蚊一位, 比起其他自助餐三百幾蚊都未必有蠔食, 這間價錢確實相當吸引。
二話不說就點餐, 見到柯打紙都有十多張, 種類真係過百款, 花多眼亂, 開始就叫一些刺身及海鮮試試吧~
生蠔好大隻，足有一個大男人手心咁大，蠔色偏淡，蠔身非常厚，比一般珍珠蠔大兩至三倍。食落幾爽口，海水味及金屬味不重不咸，初次食蠔的人都接受到，這個放題價錢，去邊度還有！
蟹腳肥大肉厚，除蟹身撕出的肉比較鞋外，腳內肉質好軟，蟹味重而不咸，比起酒店自助餐供應的更好！
三文魚刺身—色澤油潤, 油脂分明, 入口有啖啖魚油香, 爽口有勁, 咬一兩口就油化了, 感覺不錯
原隻甜蝦—非常開心有原隻甜蝦, 完整又美觀外, 更突顯貴價貨感覺。入口絕對比一般甜複爽口彈牙, 亦覺非常鮮甜, 口感好滑。
自私叫一人前扒類就超滿足啦，點了牛扒，魚柳及牛舌
魚柳都幾驚喜，半煎炸，炸粉不厚，入口仍有肉汁，好juicy, 魚肉幼滑！
天婦羅當然都是必點，除蝦外，有番薯、南瓜、茄子、蓮藕及蟹柳。炸物雖然賣相不吸引，但勝在炸漿薄，即炸件件香口，天婦羅汁不咸，有陣陣甜香，配合食相得益彰！
飲品有好多選擇: 維他紙包飲品、康師傅系列、即斟汽水、忌廉溝鮮奶，款式特多，任君選擇！
甜品都是自助形式，有慕絲蛋糕、泡芙、雪糕雪條、百x豆腐花、啫喱等，非常多元化，雪糕有雀巢同大阪餅店，之前食過大阪餅店蛋糕，已覺好味，今次第一次食話店出的雪糕，豆腐口味，刮時會覺得有雪葩的感覺，但入口滿口奶香，豆腐香好重，甜而不膩，有胃口都想一杯接一杯！
由於午飯時間有限,價錢也比較便宜 我們選擇了基本的午餐放題!
哩度既價錢係自由配搭, 我覺得唔錯喎! 食得多款就可以加錢! 
自由選擇! 不錯呀! 仲好抵食喎!
壽司種類都算好多! 而且佢係細細舊, 唔會令到你好飽肚好快食唔到野!
刺身好味! 新鮮!
熟食我只係叫左燒蠔, 羊扒同埋D串燒等等...
另外, 仲有好多甜品!
總括我覺得算抵食呀!
生蠔真係好大隻，有手板咁大！而且仲肥嘟嘟，肉好厚！松葉蟹棒雖然每次上少少，但蟹肉鮮甜，口感實在喔！
食完一輪刺身，跟住就到熱食，熱食選擇都幾多，蟹粥、炸蠔、串燒、天婦羅、清酒煮蜆⋯⋯出面一般放題有的食物，基本上夢工房都有！
埋單每人二百幾，咁樣的價錢食到個咁多選擇嘅放題，就算有限時2小時，都真係好抵食！
有次經過見到這家放題已經心心眼，價錢好吸引，原來同事早前也到此吃過，也說食物質素不錯。
看見他們午市也坐無虛席，所以打電話訂位，怕full booking嘛，因為真的很爆喔。
加$78（每人）便可享有雙拼升級優惠，愛生蠔的我當然唔會錯過。
很美的刺身拼盤，排列得精緻、吸引，色彩繽紛，新鮮度高。
淡淡的海水味，生蠔肉質肥美，爽口鮮甜。
松葉蟹：肉質鮮美，多吃不是罪。三文魚：厚切新鮮，必食。呑拿魚：爽甜厚身。鮑片：沒有太大的雪味，讚。蟹棒：蟹味濃郁。玉子：厚切，蛋味十足。帶子：肉厚肥美，正。甜蝦：鮮甜彈牙。
沙律：新鮮蔬菜吃不停。
黃金燒蠔：芝士焗蠔，味道濃郁，蠔的大小適中，增加口感。
北寄貝壽司：新鮮，飯的份量不多，可多吃其他款式。火焰黑松露帶子壽司：必吃之選，黑松露份量多，味道濃郁，配帶子很合適。鮮帶子壽司：鮮甜厚肉，回味無窮。
日式炸餃子：肉汁多不會乾。即炸蒜香雞翼：香脆可口，忍不住第二輪再order。紫心香芋丸：香芋粉絲不可錯過，外脆內軟，香芋不會太甜。
芝麻八瓜魚：味道濃郁，口感一流，小食必選。
如果覺得還不夠，火鍋都是不錯的選擇，人數多可以一邊火鍋一邊吃刺身壽司，大滿足呀。
食物種類繁多任君選擇，除了有一般放題店嘅刺身丶壽司丶天婦羅同燒物等外，仲可以另加78蚊嘆任食生蠔加長腳蟹。尼個價錢基本上叫一round已經抵返，更何況我是衝住生蠔同長腳蟹而來，又豈可不點呢！！
影片
