夢工房西日料理 (已結業)

今日同朋友慶祝生日, 哈哈...諗左好耐都唔知食咩好, 最好就係食放題啦, 咩都有得食之前都聽好多朋友介紹過葵芳有得間放題餐廳好正好抵食, 所以就決定去試下啦, 嘩.....今日超大雨...仲要係黑色暴雨TIM, 開頭好驚餐廳唔開, 哈哈...好彩有開到, 去到仲有D人係到等位, HEHE...我地有BOOK位, 所以好快就可以入去啦.一坐低店員就問我地會唔會加$78享有呢個雙拼升級, 嘻嘻, 話左同朋友慶祝生日MA...緊係食豪D 啦, WAKAKA....同埋生日仲有88折優惠TIM AR...正嘩嘩嘩......有咁多野食去邊樹搵呀.....唔知食咩先好LOW...不過我地都唔想浪費食物, 所以每次都叫少少, 咁就可以食多D唔同款既野啦.出面仲有甜品同飲品既自助區, 任你食..任你飲.....嘩...真係好似食緊BUFFET 咁呀話明升級左, 緊係先黎個頭盤先啦, 嘩...你睇D蠔幾大隻, 仲好新鮮, 又飽滿, 又唔腥, 好JUICE, 真係比想像中好食得多, 正到無朋友呀另外仲有松葉蟹都係升級左先有得食架, 都係新鮮的, 不過蟹味較為淡,我地仲點左D壽司, 其實食放題真係唔好食

近日朋友，滿心歡喜，响yahoo團購，買咗coupon$88. 去呢度食lunch buffet.朋友咁有心。二仔底，點都奉陪。去到個塲，就知出晒事，好污漕，成間舖黑麻麻，烏漕都得人驚。仲有服務員，全部訓唔醒，愛理不理，hea住做。明明成個塲好多位，係都要質你坐角落(本人對角落坐好有介心，仲有陣嗡味),經一翻舌戰，羸咗，坐返出面開陽，空氣清新些位置。好啦，坐低點野，又話加$ 可以任吃生蠔，蟹腳，盛惠$68 每位。D生蠔上枱，大劑冇味，得個樣冇味，算吧，蟹腳，完全未解凍，成口雪。吃了幾樣，最後吃了一個炸紫薯，原來呢個係成餐最好味的一款(起碼炸過，有細菌都炸死先，放心食).到最後埋單，3個人仲要補485.-。原來團購coupon 後面，仲有細則，每位要多付58蚊服務費。唉walk in 都是$148 一位，擺明同yahoo 串通，明楝陰消費者。由於是朋友安排，我都不便爆發情緒，免得朋友難受。所以，我點都要寫一寫，呢一間不是夢工房，應該改一改名為"惡夢工房".，執到錢都唔好去。

因為open rice的好評及喜愛日式放題所以特意來一試，結果一試難忘。食物質素水準以下，裝修十分懷舊，就如沒有裝修一樣很有特色。員工面無表情語氣倔強。值得一讚是罐裝飲品多選擇。

經濟。平價首選次次去親啲放題或者自助餐都好，甜品一定係最後先食，但係今次真係忍唔住，見到呢度嘅甜品款式真係幾多下，特別係個雪糕！雪糕櫃入邊有成十幾款甜品。係呀！！你冇睇錯啊！呢個係食自助餐提供嘅甜品吧，雪糕，雪條係可以任食架！再噚氣啲講一句。。無錯！呢到並唔係便利店，的的確確係放題入邊嘅甜品吧！仲唔開始！？除咗雪糕同埋雪條之外，呢度仲會有泡芙，啫喱，蛋糕等等。我比較推薦就係呢一款芝士蛋糕，佢上面就用咗紐約芝士蛋糕嘅餡料，而下邊就係用咗軟身嘅蛋糕，口味係芒果口味，甜度適中，夠晒軟熟。講到熟食，呢度嘅串燒都唔錯，首先個雞肉串燒，雞肉夠軟，上面仲加左日式嘅照燒汁。而另外嘅雞軟骨串食落去脆卜卜，都係熱辣辣嘅。清酒煮蜆--肥嘟嘟，啲肉好肥，食落去好新鮮嘅感覺，加上清酒煮，食落去種感覺唔會太烈，甜甜地。呢度嘅刺身款式都幾多，有成六七款刺身首推就係松葉蟹腳刺身，雖然係要另外再加78蚊，但可以一次過試埋松業蟹腳同埋生蠔，＄78加得超值。因為呢一個蟹腳肉已經又厚又多肉，食落去有鮮味，肉質煙un，多汁。另外在必必必食嘅推介，就係生蠔啦！呢度嘅生蠔係用時令做推介，今次嘅時令生蠔係美國生蠔。你睇吓一隻成隻手掌

星期日六點半前連加一每人185，第一次星期日用這個價食放題，菜色不多，但味道不錯燒蠔一定要食，第一次放題有這種級數的蠔食，飲品種類也很多，一間不錯的放題，直得一去

放工後跟友人到<夢工房西日料理>吃平民放題，我們剛好在7時前入席，享有$158元2小時任飲任食。餐廳格局以卡座為主，食客大多是大伙兒光顧，七點半過後餐廳也高朋滿座。我們都把握時光，把愛吃的東西都通通叫齊。看到滿滿的餐紙，我們都每樣款式點選一些，務求吃到最多款式的美食，但又不會浪費食物。不得不提是一位加$78，松葉蟹跟時令生蠔可以任食，作為為食鬼的我們也義不容辭的升級了。過了約10 分鐘，第一輪的美食也上枱了。黃金燒蠔是我的最愛，燒蠔的表面燒至焦脆金黃，芝士味香郁，蠔仔的內裡仍保持濕潤；清酒煮蜆也是必食推介，淡淡的清酒配上鮮味的蜆肉，彈牙又清香；燒汁炒牛肉的甜香燒汁，爆香腍軟的肥牛，頗為滋味；紅酒燴牛舌十分有嚼勁，配上甜而不膩的醬汁，最適合牛魔王；牛油炒粟米清爽可口，但牛油味略嫌不夠香濃。壽司拼盤令我們大快朵頤，我最愛的是火焰黑松露帶子壽司，黑松露的獨有香氣配上鮮甜、滑溜的帶子，叫人十分回味；火焰蟹棒壽司的蟹棒微脆，碰上半溶的芝士，芝味無窮；花之戀壽司的蟹籽和三文魚，可口肥美。其後我們也有再叫多一round壽司，火焰芝士三文魚壽司也甘香如飴；鰻魚壽司燒汁濃烈、香甜，壽司整

今日提早放工慶祝男友生日，之前行經葵芳看到夢工房這間放題餐廳，如果在七點前入座價錢也十分抵食。。而且又有生日優惠。。所以我們早一天便敢電來訂座餐廳內主要以卡座為主，每張枱的空間也十分大。。坐得很舒適。。可以製造一個良好環境聚會。。我最欣賞的是枱與枱之間的距離很足夠，不會很近。。所以也不會聽到隔離枱的對話內容差不多六時半的時候人客也開始越來越多了餐廳內提供很多的美食紙，可以依個人喜好來點選自己喜愛的食品我們還升級了可以任食生蠔和長腳蟹裝飾的很美麗鮮甜的生蠔和長腳蟹，我們也點了很多轉由於我們也怕浪費食品，所以我們會每次點小小的數量。。吃完後會再encore這樣有可以確保不會浪費食物，而且每次份量不多看起來和吃起來份外珍貴另外放題的熟食也做得相當出色不但款式多而且味道也十分好我們各人也點了一客拉麵和烏冬，份量不算太多。。所以吃起來也不會很飽的。。但本人覺得烏冬較為好吃，因為烏冬較彈牙，但拉麵卻是林林的還有牛肉，清酒煮蜆，雞軟骨串，雞肉串也不錯的。。這四樣食品來說，我較喜歡雞軟骨串因為雞軟骨外皮香脆，而且鹽味也充足，鹹鹹的吃起來。。而且雞軟骨十分脆雞翼也不錯的，但是我覺得雞肉不夠juicy。。

話說貪近試新野啦，上open rice既comments又好似幾好。點知..20:30入座唔到半個鐘已經無想再落單既衝動！款式少。味道難食！網上既相完全兩回事，感覺被騙！話就話食兩小時，未到九半d員工就攪清潔趕客甘款，連我檯上既 豉油碟都收埋！八半入座$158加一以甘既質素完全唔值，好很貴，仲慘過食茶記，可一不可再

第一次聽百多元的放題也有生蠔任食，訂坐電話打了多次也沒人接，最後要在其面書留言才能成功訂坐。餐廳在葵芳地鐵站A出口旁，沿左手面的扶手電梯直上便會見到，我們準時七點到達，由於平常去慣了尖沙咀地區的放題，見門口無人排隊竟有點錯愕！餐廳坐位倒算寬敞，我們二人被安排坐四人的卡位，現場入坐率不到半滿，晚市黃金時段（19:00~20:30）為$178/位，另加$78/位即可升級任食生蠔和松葉蟹腳。生蠔質素比我想像中高，本以為會只有半隻拇指般大小，但事實大部份都有2-3吋長，而且不算太瘦，雖然蠔味比較啖，我甚至感覺唔到有海水味，但勝在爽身，入口有少少甜味，相信會適合大部份人口味。另外餐廳有提供剪刀來食用蟹腳，蟹腳肉質雖不太柔軟，但富有彈性，入口彈牙多汁，味道鮮甜有蟹味。坦白說，除了生蠔和蟹腳外，其他食物實在強差人意，尤其剌身相當冰凍，而且無味道，選擇也少，當晚只有三文魚、吞拿魚、八爪魚、墨魚、甜蝦這些中下價剌身。兩小時任食之旅連加一索價 $281.6/位，這個價錢在九龍區有相當多選擇呢！

訂位時冇問我有冇優惠卷，去到原來唔用得。失望！6：30到達唔洗等即入座。服務員都好好。但可惜冇bb椅，同小朋友去食有啲麻煩。食物都多選擇,而且有涮涮煱。上菜好快唯獨落單數量會越落越少。飲品都多選擇，雪榚好多款式。

呢個係我第一個食評, 因為真係太差. 話說媽咪好鐘意食放題,所以係openrice 搵到呢間近屋企既放題去慶祝生日. 去到員工既態度已經唔叫好, 位置坐位都OK 接受到既~~ ~一坐底就睇下有咩食...點知真係好失望,,,選擇好少, 特別係刺身類. 平時去食放題都係為左食刺身,,種類少都算, 份量都係少, 全部都係薄切,,帶子仲要好細好細粒....仲有, 上菜真係好慢..叫左十幾樣野等左半個鐘上左一半都無. 真係愈食愈嬲~唸住叫D熟食, 可以快D有得食~~~ 係真係可以快少少, 但D野完全無味既.  係連基本既鹽都無落!!!! 完全唔明點解會有咁129個笑既Icon, 呢間野係我食過咁多間放題之中最最最差既一間!!!!!!!!係差到我完全連相都無影過~!!!!  如果唔係生日有八八折, 我覺得真係好唔低!每人176蚊食左D垃圾~!

呢間食物ok 環境一般 價錢都平 但服務態度真係差到無人有 仲衰過去大排檔 如果係去你要預左受氣 侍應唔單止對優惠唔了解 答錯客人仲要大聲夾惡 連訂枱態度都差過人 真係香港少瞌山的差

每晚回家經過都見到裏面坐無虛席，今晚決定跟媽媽去撐枱腳。選擇的類別有很多，除了有火鍋外，還可以加錢任食松葉蟹和生蠔，好抵。魚生方面，三文魚肥美，甜蝦鮮甜，帶子有口感。松葉蟹的肉是一梳梳的，有鮮甜味。炸物方面，紫心香芋丸很好味，酥脆的糯米外層很煙韌，中間的香芋蓉又不會很甜，推介。 大蝦天婦羅很彈牙，炸皮不會很厚。燒汁炒牛肉的味道好，肥瘦適中，而且牛肉不會煮得很老，很入味。 朱古力燒餅必食，燒餅不會很油，咬下去是酥皮的口感，外層脆，配上朱古力醬，甜甜的，與燒餅很夾。火灸壽司方面，其中火灸黑松露帶子壽司，帶子經火燒後依然很滑，配上黑松露，為味道單調的帶子，增添一份餘香。另外火灸xo醬和牛壽司，牛仔不會燒得很老，加上xo醬，令牛肉更野味。火鍋方面，肥牛肥瘦適中，最估不到的是有燒賣，不是那種麵粉燒賣，是有口感的魚蓉燒賣！全晚最喜出望外的是甜品，種類很多，有芝士蛋糕、泡夫、和菓子、百褔豆腐花、雀巢雪糕、乳酪、啫喱和布丁，還有出名的韓國雪條和懷舊孖條。必食的是椰子香芋雪條。後記：唯一有待進步的是叉燒拉麵，拉麵煮得有點硬。

一去到就叫三文魚 三文魚吾算伏 5分都有4分 😋😋最正係甜蝦滿分 甜蝦都幾大 等左二十幾分鐘先送來 之後已經諗吾到食乜 冇乜野好選擇😵本身都食到好地地 點知食到最尾果半個鐘佢就收左我地張餐牌又話咩last order然後果中年店員叫我地埋單 佢態度勁差lor我諗住比夠數吾洗找曬啲大餅比我 點知佢話唉你慢慢數(吾係好聲好氣果隻) 黑口黑面

今日朋友生日，帶我去了葵芳的，夢工房西日料理食放題，原價178元，另外加78元任食生蠔和松葉蟹。三文魚，墨魚片，吞拿魚，甜蝦，立魚，柱貝刺身，都正常新鮮，生蠔好肥美，脹鼓鼓厚肉， 加上茄汁檸檬非常惹味，加78元任食好超值，松葉蟹並不如長腳蟹味道，比較淡而無味，應該點松葉蟹棒天婦羅，不用拆壳，又食得方便。除左生蠔仲有燒蠔，燒蠔有2款選擇，一款黃金燒蠔，一款蒜香燒蠔，前者芝士和沙律醬，帶甜味，後者蒜蓉和煙肉，比較配燒蠔，味道較濃，朋友和我都追加蒜香燒蠔2隻。燒菠蘿香甜，解膩，如果大件些更好。小食，叫左枝豆，中華沙律，八爪魚，七味温泉蛋-好滑好流心蛋黃，日本梅酒- 有香甜梅味，係放題之中唔常見，配上精緻小酒杯，突然覺得有些韓feel.創作壽司，味道正常，手握細細件幾好，唔會易飽。清酒煮蜆，蜆新鮮個清酒湯都好味，有少少沙。燒羊架好香脆，唔羶追加左2件，炸魚柳有一層蛋醬係面，都好食啖啖肉。食得出自己制作，蝦膠加左些香料香味，以麵包糠炸成，味道一流。飲品自助取，有樂天的，道地，啤酒，仲有汽水機。清酒，梅酒，紅酒都係任飲。甜品掛住食，忘記影，有百福豆腐花，鮮果蛋糕，芝士蛋糕，雪糕，朋友生日有8折，結