夢工房西日料理 (已結業)

葵芳有間西日料理放題，見到額外加每位$98可以任食蠔蟹，咁平當然要試下喇！$158+1 7PM前一開始立即叫刺身，生蠔，松葉蟹，賣相一流紐西蘭生蠔，鮮甜creamy ，冇腥味餐紙松葉蟹D肉好實, 好鮮甜！即叫即炸，好熱，蝦又大隻, 正設有自助飲料、雪糕、甜品區又係多選擇！最後食到好胞，2佰幾食到高質蠔蟹，抵！

平時去酒店食自助餐, 有蠔跟無蠔的起碼相差百幾二百元，還要長期望實BUFFET枱幾時會捧出新蠔, 跟住衝出去排隊跟人爭。終於搵到間近地鐵，又可以坐得舒舒服服的放題餐廳，任食日式放題、火鍋、松葉蟹及生蠔。平日7:00PM前入座都係$158 (+$98 FOR 蠔 +蟹任食)，最啱我這種早放工人士。食放題第一樣指定動作一定是點刺身，10款選擇，個人最喜歡鮮柱貝及鮑魚片，因為不是間間放題都有這兩款，刺身連第一輪點的生蠔和蟹一起冰鎮上枱，擺得好吸引好靚。生蠔不算細隻，起碼比某些酒店自助餐的大，入口不太鹹，(感覺)似是white pearl，當然我不是吃蠔專家，自己只是純粹靠估，但易入口、蠔清甜、有淡淡海水味是肯定的。松葉蟹是一般酒店自助餐質素，不過都好大隻，好有肉地，蟹肉清甜。有火鍋是另一個比較特別，吃完刺身、生蠔等生冷食物，再來一個火鍋，感覺特別窩心，而且可以加強戰鬥力，暖完胃後繼續食生蠔。推介肥牛、三文魚腩骨、生根、粟米、各種菇類。今次主要是吃生蠔、蟹、刺身及火鍋，其他壽司、一品料理、揚物等則比較少食，但有個炸榴槤球真係超好食，我自己不太好榴槤都覺得好好味，榴槤球外皮炸得金黃香脆，一咬即有

很久沒有食日式放題，今日係葵芳見到有日食、蠔放題。性價比都幾高，而且門口都幾多人等位，所以入去試下。基本消費+蠔、蟹任食都係兩百幾元，淨係食蠔都抵哂😍星期日差不多爆場。一坐下來就立即收到另外的點餐紙，附送茄醬。剪刀。見到已經急不及待想不停叫蠔來吃。今日主食。蠔！蠔！蠔！第一轉上用上最高規格上。大量冰，陣住所有刺身、蟹、蠔。先來個近鏡。蠔未食，見到就知佢係幾咁肥美😍個人喜歡加少許檸檬汁，太多會蓋過蠔自身的味道。第一啖亦是最重要的一啖。先起一起蠔的底部，然後大大力吸隻蠔入口。Wow so creamy so juice👍再加上淡淡海水咸味。真的可食不停。食完第一轉，立即再點過。Ps 。 每人每次限點兩隻，不要浪費食物👏試完檸檬汁，就當然要試茄汁。不同口味，各取所需。食完生再食熟😳芝士燒蠔。燒熟的蠔又是另一種體驗。滿滿的芝士覆蓋着整隻蠔。小食。酒煮蜆。微微酒味，清一清腸胃。超特色甜品！炸榴槤球。外皮炸得超脆，一咬下去，榴槤肉立即湧出來，超重榴槤味，真係好得頂。不過要小心燙口😬另外設有自助飲料、雪糕、甜品區。盡情食😳

今日同朋友慶生,佢係放題同生蠔發燒友,所以就BOOK左呢間放題同佢慶祝一下牛一地點都幾就腳 就係地鐵站A出口一出 左轉就見到右手邊有條樓梯直上就到喇呢度既座位都幾闊落我同朋友兩個人被安排坐卡位 非常好唔駛咁迫呢度係無set死時間 book幾點都得 唔錯呢度既點餐紙全部野食都有圖唔駛睇字又幾爽加$98 仲任食時令生蠔同埋松葉蟹蟹腳試下都好wor 每次每人只可以點2隻咁就一人兩隻試下先 店員話生蠔係即開既 所以每人只限一人兩隻生蠔 唔腥 都幾新鮮 幾肥美呢個價錢真係好抵食長腳蟹就無咩味 一般般啦炸雞軟骨 幾香口 炸得啱啱好唔粉 個料同麵粉size一樣 無麵粉多過料既情況壽司 飯軟硬岩岩好 唔易散蝦 好有蝦味 食落幾鮮炸榴連 好香口 夠哂脆 一切開 好香榴連味最後食個yogurt 消下濟 正 仲係我最喜愛既藍莓口味

今日去葵芳行街,突然醒起有個老友講過有間叫夢工房嘅日本放題又平又好吃,試試先一坐低先點幾樣大路嘢吃下先刺身唔錯,新鮮!!另外再加hkd 98任食生蠔及松葉蟹蟹脚生蠔真係唔錯,蟹脚就一般水準,無驚喜之後點左啲小食除左雞軟骨ok之外,其餘都好一般最後點左個壽司拼盤有驚喜,真係唔錯總括來說,200幾蚊又有生蠔,蟹脚,刺身!算係唔錯

有親友自外國回港，當然要盡地主之誼，請佢食一餐，放題係佢嘅至愛，四圍打聽下葵芳有間平靚正嘅放題「夢工房西日料理」，交通又方便，決定一試。地方好易搵，係葵芳港鐵站A出口，上樓梯就見到。 我哋六前已到，時間尚早，所以無需等候便可入座。餐廳環境不錯，感覺很舒適，西餐廳格局，坐位寬敞。牆身掛著不同的圖畫，顯得很幽雅，侍應很有禮貌招呼客人，我哋入坐四人座位，枱面放著點菜單，嘩……有好多選擇呀，有十幾欵咁多，真係包羅萬有，令人有驚喜！聽聞這裏嘅生蠔和松葉蟹很正，升級加$98就有得食，當然不會放過，一於食豪啲。生蠔不太大，亦不太細，size 適中，一口咬落去啱啱好。勝在夠新鮮，沒有沙粒，蠔身呈白色，雖不算肥美，但意想不到蠔汁豐富，充滿整個口腔，咬落潤滑，口感十足。這碟松葉蟹擺設很精美，買相很吸引，令人食慾大增 ，看得出的心思，松葉蟹吃得出的鮮味，肉質厚實，沒有一點兒霉爛感，一吃便知係新鲜貨，與生蠔相比是另一種的鮮味。刺身拼盤，淨睇已吸引眼球，賞心悅目之作，三文魚、吞拿魚、八爪魚、甜蝦、柱貝都係我嘅favorite，全部刺身都很新鮮，鮮味十足。三文魚不可不提，肉身透出光澤，肥瘦分佈均勻，肉質鮮嫩，入

晚飯的時間，我和朋友路過這間任食任飲的日式放題，看見店內環境清潔衛生又寬敞，富有空間感，令我感到十分舒服，餐牌上的選擇非常多，除了基本的刺身，壽司，還可以加$98任食高質素的生蠔，松葉蟹，價錢又非常合理，便決定入去試一試刺身三文魚，吞拿魚，鮑片，松葉蟹棒，新鮮鮮甜的甜蝦，鮮柱貝比較迷你，大塊一點口感會更好，剌身的賣相很整齊，刺身十分清鮮甜美，將刺身擺在碎冰上面，得以保持低溫飲品的種類很多香稔軟嫩的炭燒雞肉串，嚼勁的鹽燒雞軟骨串，清鮮甜美的鹽燒海蝦花之戀壽司，三文魚蟹籽同沙律醬的配撘十分恰到好處，火焰xo醬和牛壽司，濃郁的xo醬味，和牛廷煙靭，火焰左口魚邊壽司，左口魚清鮮甜美黃金燒蠔充滿濃郁的芝士味，蠔新鮮，蒜香燒蠔，蒜蓉味比較重，個人不太喜歡蒜蓉味時令生蠔，蠔非常清鮮又甜美爽彈鮮美的日式炸蝦餅，流心芝士蝦丸，芝士味很濃郁，蝦爽口微彈，米紙十分脆海鮮卷十分清鮮，魷魚圈非常爽脆，日式炸餃子軟彈煙韌火焰蟹棒壽司，芝士味濃郁，蟹棒爽彈鮮美，火焰三文魚壽司，三文魚新鮮，壽司飯黏口整體來說，食物的質素很高，食物的選擇非常多，價錢非常合理，店員有良好服務態度和有禮貌，所以我認為這間餐廳值得再去惠顧

吃放題的一大好處就是一個價錢, 便可以不停的吃, 吃到非常飽, 亦可吃到不同種類的食物。 雖然我們不斷的點食物, 但這兒的服務也很好, 店員也很樂意為我們服務。這兒連火鍋都有, 讓我們可以一邊吃刺身, 一邊吃火鍋。甜品方面, 這兒的選擇也蠻多的, 除了有蛋糕仔和啫喱, 它還提供了百福豆腐花和雀巢牌乳酪!

平日係公司食tea都係叫外賣車仔麵，見到呢間都幾抵食，果d下午茶，主要唔係拉麵或者飯，好飽肚果D中午都食飽啦！而係係有壽司餐，三十幾蚊一個。我叫左一個set, 有6舊sushi, 同埋一個蟹籽薯蓉沙律。壽司飯整得幾好食，壽司醋味酸，因此跟生刺吃在一起真的很幸福。壽司飯唔算話好細，幾有口感。我比較鍾意嘅就係鰻魚壽司，鰻魚汁甜甜的，好夠味，肉質都幾好好夾，三文魚雖然佢係薄切，但好有肉地，omega3好多，正！！！ 魚肉幾肥美，佳！不過我還是對過個薯蓉我有少少失望啦，因為個個薯蓉超鹹，唔知係唔係過程落得太多鹽,食咗兩啖就冇食啦，over哂。。不過面頭的蝦 蟹籽同埋下面的沙律都做得唔錯，水分充足，蟹籽脹卜卜，青瓜爽口。呢間都係麥茶，幾好味呀

葵芳小食多就係人都知。朋友講開。真係唔講唔知。原來喺鐵路站旁邊商場有間西日料理放題都唔錯架。終於我的起❤️肝。帶媽咪黎試試款式選擇都幾多。第一Round～刺身有八爪魚。鮮柱貝。墨魚片。甜蝦。立魚。呑拿魚。三文魚。甜蝦。鮮柱貝肉質好鮮甜。松葉蟹大大枝。啖啖肉八瓜魚爽口。其他刺身味道一般。食嘢最忌計住計住。媽咪係生蠔控。額外加咗任食蠔蟹每位$98。生蠔肥大肉厚。鮮甜creamy 。好好好味。真心推介。我地order 咗3 round 。無錯。係3 round 。食生蠔回曬本😁order 咗dd炸物。炸物都唔錯。一d臭油益味都無。「食物由上而下。左至右」脆香三文魚腩骨～肥美。肉嫩。榴槤炸彈～媽咪話好好味。KO咗兩粒。一咬臭味四射🙊放過我吧。魷魚圈～魷魚有d Un 紫心香芋丸～好香。香芋味濃。食完一粒又一粒。流心芝士蝦丸～芝士可以拉絲架。一咬芝士流曬出黎蓮藕+蕃薯天婦羅～炸得剛剛好。唔油又乾身。清酒煮蜆～夠入口。蜆都幾大隻雪糕雪條🍰飲品自己拎。選擇種類相當多

難得朋友約食飯到葵涌, 黎呢間夢工房, 因為第一次黎既關係, 用左好多時間。呢間位於1樓,  找了很久才知道位置, 連朋友都找不到。Dream Maker 呢個名改得很好, 易記。這是一間平民價錢放題, 坐位安排都是卡座為主入到去通常是大伙兒光顧。高高興興的吃飯。食物選擇還算多款, 我們都點了很多美食。過了約10分鐘，第一輪的美食也上枱，梅酒和生蠔上桌，生蠔是我的最愛，每次必點每隻形狀很大隻，原汁原味最能享受新鮮感覺。放題點少得新鮮既蠔, 每隻肥美的肉一口吸進嘴裡，不只滋味鮮美，也含有含有豐富的蛋白質和礦物質，對男人們的補品，之後送上黃金燒蠔，燒菠蘿和蒜蓉烤蠔。芝士燒蠔不用多介紹, 必點的芝士份量不多,  但入口我跟朋友們都讚不絕口。技術上沒有太多技術,  本身芝士燒蠔已經是一道十分美味的美食。蒜蓉烤蠔香味跟芝士燒蠔比鄰而居, 相比芝士我更喜歡蒜蓉烤蠔, 因為蒜蓉通過烤制,  味道更加的鮮美, 口感爽滑鲜嫩, 如果可以加多支啤酒, 真係人間享受。刺身拼盤賣相精緻動人, 生蠔新鮮肥美，帶出海水味, 甜蝦入口香甜美味，小蟹柳, 沒有太多蟹腿肉的質感和風味, 但勝在肉質結實韌性，我們不停重點

團購來一試！百幾蚊食放題！預了質素一般！但萬萬想不到！可以甘差！！加埋服務態度惡劣！真想比足負分劣評！吃放題！首先當然叫剌身！選擇少？！算！兩人先來十片三文魚剌身四片吞拿魚罷！結果來五片！而且每片也是比一般size的細片！吞拿魚剌身更加一開二的size！四片同二片沒分別!真是一蚊都大過它！好！細片不打緊！下次order多幾片罷！但次次數目減半！其實如果想推廣“惜食“的話！不要給人任寫數目！就每人限定每次二片！我會服很多！但又要考慮！浪費紙張！好，叫熱食！粥，湯，炸物，不夠熱，ok!忍！！但完全是超微暖！點食？！羊架，上枱以為是豬扒！好！忍！湯烏冬，煮過火，淋到喊！！咖哩拉麵放上枱看到大pa咖哩汁。。。巳飽晒！我覺得用百蚊吃街邊嘢都好過這吃！再說年輕的服務員，每次好像丟碟的放下食物！幾次都一枱食物碎落枱先！甚至濺汁！想點？？？。。。真的吃得差，當教訓自己選擇錯誤！但這樣的服務態度太差勁了！如同貼錢買難受！也是一世人第一次吃放題，沒任何東西想“安哥“！真心劣評！免費也不會來吃！

跟男朋友到葵涌廣場瘋狂購物之後又要為晚餐煩惱了@@"想起之前有幾次經過夢工房西日料理也想說找天試試,那就今天去吃吧!!因為我們吃飯的時間有點早,所以還不算多人,大概7點多就坐滿了店內蠻多梳化位,一班朋友來吃飯聊天應該蠻舒服的每人加HKD78就可以任吃生蠔跟松葉蟹超喜歡吃生蠔的我們當然不會放過啦其他食物選擇也蠻多的飲料都是自助式的也有很多選擇生蠔比我想像中鮮甜耶而且還蠻大隻的松葉蟹也蠻多肉，但略嫌解凍不夠刺身就不過不失啦另外還有黃金燒蠔跟蒜香燒蠔黃金燒蠔上面是芝士口感比較膩蒜香就很惹味羊架不錯,完全沒有騷味壽司偏細小,適合女生可以多吃幾款咖哩印度薄餅薄餅很鬆化,咖哩也不會很辣加起來剛剛好甜品的部份也是自助的,有榴槤味雪條,喜歡的朋友不要錯過喔!總括來說這一餐食物上沒有太大驚喜,不過不失,尚有進步的空間,希望下次來可以變更好吃喔!

每次睇openrice都見將最好嘅食評放係頭幾位，呢間餐廳都一樣，從外面看裝修都ok, 梳化椅加抱枕，我同家人看了都覺ok先入去，畢竟是吃刺身嘅地方，衞生很重要。進入去後先發現內裡嘅裝修打咗五折，茶餐廳枱椅，卡座前後位竟然仲係一塊木板，要同後面位大哥玩搖搖背，後面嘅動作大D都感覺到。呢個都算，D椅面爛到裡面發黑嘅海綿都睇到，問個女待應有冇張好d嘅卡位，換嚟一句全部都係咁㗎啦……一塲嚟到，算，試試食物質素……種類：百幾蚊唔好期望好多……味道：一般，燒蠔帶點腥，感覺唔太新鮮。           有火鍋，冇試，種類有限，連麻辣湯底都冇。食完例牌去洗手間洗手，先見到洗手間隔離就係剌身吧…………  -_-#  洗手間嘅衞生仲係一般般，出嚟見d刺身師傅單身有手套，連口罩都冇，仲細聲講大聲笑，都係算一次見到咁唔嚴謹嘅壽司師傅。見openrice後面有好多食評都係可一不可再，我都係咁話。

開心，慶祝，節日，吾開心，特別，煩惱，生日~圍繞~~~食食食食食食食！食得是福，來紀錄一下！食和愛！^(oo)^壽司：新鮮，飯軟熟，溫度適中。刺身：款色小，不大新鮮，貝柱，不是帶子。炸物：好！熱辣辣，即炸的。尤其炸芝士通粉（三角形狀）！炸紫薯波甜甜口感特別！天婦羅，串燒：正常質量。沙律，細細碗，方便食用。沙律醬比較少，讚點~問職員取多點也很樂意。甜品：一般，自由選擇，有啫喱，雪糕幾款，豆花，芝士蛋糕等。飲品：食食下，先記得口喝，哈。不錯，自由攞飲品，冰凍的，兩大個雪櫃！燒烤：外賣吸引，一來時，令人“嘩“一聲，的確味道好，就細隻了點！火煱：當烚下蔬菜好了，例蟹棒，蝦，和熟食重覆的。哈，配角類，但多個選擇，不錯呀！