夏麵館 (始創中心)

營業中

休息中

我媽媽是上海人，自小她便經常帶我去食上海菜，所以對於上海菜我都有些少要求。由職員帶位坐卡位，感覺有點私穩般，因為每檯之間不會很近，就算後面的卡位也有些間開的感覺，坐得很舒適。連上面的燈都很美呢。夏伯伯涼拌茄子 $34涼拌茄子是一個我好喜歡的上海前菜，幾乎每間餐廳都有自己獨特的做法，這裏清清的茄子配上濃味的醬汁，但我覺得醬汁略濃了些少，再淡一點會更好。酸辣湯麵$52（淮山麵加5元）酸辣湯的酸辣度不錯，是合格的質素，可以的話再酸辣多一點點就更完美了，淮山麵很有嚼口很彈牙，酸辣湯很夾！生煎包 $36新鮮煎好的生煎包不會不好吃，是意料之中的味道，稍欠驚喜。蟹粉小籠包 $70這價錢有四個蟹粉小籠包是非常超值，有蟹粉的比平時普通的多了一份鮮甜味，超正！其實哆唻咪我好想試試的，但今次只有兩人我怕吃不到，唯有下次再試。黑醋話梅骨 $78酸酸甜甜的開胃到不得了，而且排骨肉質彈牙，是非常高質的。濃湯滑津白 $58可能是加了些奶，所以令津白很滑，濃湯頗濃郁的，配津白確實不錯。總括是這裡的食物價錢不貴，但處理得有點心思，而且份量不少，性價比高，特別是蟹粉系列。坐位坐得舒適，無論是只有兩人或是大班親戚朋友都合適

天氣越來越熱，今日下午前往金魚街及花墟一帶閒逛，行到大汗淋漓，雖然購得一大批戰利品，但雙腳有點累，決定和友人在鄰近的始創中心吃晚飯，一樓見到這間夏麵館，上海菜是我至愛，毫不猶疑選擇了這間餐廳確實是正宗滬菜，有齊所有上海食品，而且更設有多款二人，四人，六人套餐，當然小籠包，五小碟，蒜泥白肉，酸辣湯都有齊，小菜方面當然是上海正宗，回鍋肉，獅子頭，炒鱔糊都齊備點選了兩款小菜蔥爆牛肉鑊氣極足的小炒，京蔥爆香，蔥味完全融入牛肉之內，牛肉大片之餘，肉質相當嫰滑，配白飯一流韮黃炒鱔絲醬油味道極濃，鱔絲肉相當厚身，魚肉有點脆身，韮黃用猛炒，沒有青澀味道鮮肉小籠包皮薄饀靚四個字絕對可以形容此食物，一入口上湯即溢滿口中，味道調較得很惹味擂沙湯圓入口相當軟滑，外皮夠薄，麻蓉造得超好，不算太甜，芝麻味又極濃，很有水準埋單共三百元，可享用到正宗上海小菜，小籠包及甜品，超值之選

今晚放工約左男友黎始創中心食上海菜夏味燻蛋🥚流心蛋黃 蛋味超濃郁回鍋肉炸銀絲卷 (一條)炸到超脆 配埋煉奶 無得彈鮮肉小籠包(4隻)皮薄餡靚 又有湯汁夏味鱔糊麵 +$10轉 擔擔麵鱔絲同荀絲炒埋1齊又幾好食啵不過要留番 轉淮山麵同擔擔麵都要另加錢的高力貓山王榴槤 (1個)本身諗住叫哂3件 但又未試過 所以先叫左1件同男友share食作為甜品 侍應都好窩心 問我地洗唔洗後上外層漲卜卜 好得意切開入面 榴槤味湧哂出黎而且熱辣辣既榴槤都幾盞鬼

今日ot 到9:00 ，唔知食咩好，同事帶路黎食夏麵館，位於太子始創中心一樓，地方好就腳，我哋9:30入座，都仲有幾檯食客。間餐廳好大，裝修簡約，好舒服，我們兩個人座了一張卡位，非常大舒適，卡位之間還有一層玻璃間隔，私隱度好高。睇吓有咩食先，餐廳用點心紙的形式，一張是套餐，另一張是散叫，另外枱面還有一個新菜式推介牌，嘩，正呀貓山王高力，一定要試下。自選涼菜五小碟$115一共有八款涼菜俾你選擇，我們點了蒜蓉四季豆，雞絲粉皮，涼拌小木耳，鎮江水晶肉，糖醋小排五款雞絲粉皮超正，麻醬好香，粉皮非常爽滑，麻醬分量多，把粉皮完全撈埋一齊食，啖啖都好香口。鎮江水晶肉，食落好重啫喱口感，肉質鹹香，好清新。糖醋小排骨，值得推薦，糖醋味噌做到剛剛好，不會太甜，也不會偏酸，排骨非常入味，細細舊，但是啖啖肉，略嫌肉質偏乾，但是味道一流👍排骨擔擔麵$65一上枱時，真的覺得份量驚人，好大碗，上海麵底，比較煙韌，擔擔面做得不錯，小小辣，好惹味，豬扒是用麵粉包住炸的，但是表層不會太厚，肉汁都鎖住，外脆內軟。酸辣湯一碗$30非常足料的酸辣湯，好開胃，他的酸辣程度也是我喜歡的。鮮肉小籠包$38小籠包好抵食， $38有四粒

今日同老公兩個出咗旺角行街，見差唔多到晚飯時間，就入咗去始創睇吓有咩食，見到呢一間餐廳係食上海菜，就決定食呢一間，因為都好長時間冇食過上海菜，所以決定就食呢一間，入面環境非常舒適，服務員非常有禮貌，1）老上海炒麵，味道剛剛好，不會太鹹，2）酸辣湯，酸酸辣辣好開胃，3）蟹粉小籠包，咬落去會爆湯汁架，4）炸銀絲卷，一直以來炸銀絲卷加練奶都係冇輸,5）牛肉生煎包，肉味濃郁，外皮香脆，溫馨提示：18:30入座已經有八成滿，差唔多20:00嘅時候已經滿座，所以記得要訂枱

難得約齊人食飯，簡左黎食夏麵館，每樣叫左小小一齊share食😋小籠包2款都叫左蟹粉小籠包（4隻）$70，鮮肉小籠包（4隻）$38外皮不會過厚，所以由外面都看得到包內充滿湯汁。 一定要非常小心，不然美味的湯汁全都跑出來的話便後悔莫及嚕。稍稍涼了一下，就一口把小籠包吃掉！濃濃的湯汁在口中爆發，豬肉的鮮味非常突出，喜肉者一定滿意萬分。 而蟹粉小籠包的蟹粉香跟鮮肉味搭配得天衣無縫，鮮味十足。 松鼠桂魚$198好久沒在香港吃過達標的松鼠魚。 松鼠魚首先必要炸得外表香脆，而肉質必須保持嫩滑；醬汁要夠味夠琱，能夠掛上魚身，甜甜酸酸更可以帶出魚香。 夏面館的松鼠魚實在是內外兼備， 色香味俱全。外表上的脆漿很薄， 吃下去不會覺得油膩。 沾上醬汁更是開胃。 濃湯滑津白$58濃湯香滑， 津白爽脆

今日同fd行開旺角，去始創中心嘅夏麵館食上海野。我地都唔大食，所以淨係要左2個餸。老上海炒麵食材同出面差唔多，份量夠2個人食。麵炒得都幾靚，麵條嘅韌度啱啱好，入面嘅菜同菇都入味。不過有少少鹹。而黃金蝦球（含蛋黃）就比較特別，🦐炸完之後，出面加左非常濃嘅蛋黃。一咬落去就感覺到鹹蛋黃味，似新加坡d蛋黃小食。蝦嘅味反而唔突出，呢樣個人唔太鍾意。餸入面除左蝦，仲有蛋黃南瓜，呢個口感反而幾好，好易入口。呢兩個餸都鹹，所以要不斷飲水，唔建議好似我咁落單啊，哈哈。其他都幾好，環境價錢都ok的！

放假帶媽媽黎到位於始創中心一樓的夏麵館吃午餐，餐廳主打媽媽最喜愛的上海菜，中午兩點黎到已經座無虛席了，好多都係一家大細或者幾位朋友聚會，非常受歡迎啊！除咗多款單點食物，餐廳亦有因應不同人數而定的套餐，價格相宜並不貴夏味燻蛋先點左個我最喜愛的燻蛋，蛋黃呈流心狀態，賣相好吸引！蛋味頗濃郁的，同時帶有煙燻香味自選涼菜五小碟價值$115的自選五款涼菜都幾抵食，首先有蒜香四季豆，翠綠的四季豆配上新鮮蒜蓉，充滿蒜香！涼拌小木耳酸酸的，帶有少少麻辣，好清新開胃！四喜烤夫裡的麵筋好入味！虎皮素鵝，香脆可口！糖醋小排骨，排骨肉質頗硬，相對其他涼菜比較遜色鮮肉小籠包小籠包皮薄餡靚，豬肉餡香軟，湯汁豐富但又唔會油膩，充滿豬肉鮮味，幾出色的菜肉雲吞擔擔麵呢碗麵真係超級大碗，應該有兩人份量！雲吞裏的菜肉餡調味適當，充滿肉香，但略嫌雲吞皮頗厚。擔擔麵湯底要左少辣，湯底濃稠度適中，充滿豬肉碎同花生醬嘅香味，配上Q彈有嚼勁同麵粉香的上海麵條，非常美味！

夏麵館🍜曾經有一排好鍾意食，今日再次造訪，回味一下😎.🔸#小籠包 係必要嘅食親上海嘢都會叫，小籠包皮偏厚，但肉大舊，入面有湯汁，熱辣辣🍲🔸#蔥油餅薄片 如果蔥多啲就更加好，都煎得幾香🔸#蟹粉豆腐 豆腐份量夠多，面上有少少蟹肉，但蟹肉顏色唔算金黃，味道可以😎🔸#紅油抄手 都係偏厚皮，而且都幾辣，適合鍾意食辣嘅朋友🌶️🔸#招牌炒飯 清清地，飯夠乾身， 調味剛剛好旺角上海菜的確唔多，一家人食飯就啱曬。

排骨擔擔麵$65 轉淮山麵+$5排骨擔擔面永遠是吃中菜的首選面食。因為它集合了麻，香， 酥，彈牙幾種口味在裏頭。 花椒油和辣椒帶出一點點的麻辣， 沾著花生碎吃，再喝一口湯，味道香濃的不得了！特別一提，轉了准山面除了更少卡路量，比較健康外， 就是口感會不一樣。比一般面來說， 口感會比較爽口彈牙， 是一種革新的配搭。 排骨外面炸得酥香， 裏頭鎖著肉汁， 好吃！ 最喜歡吃連著骨頭那一塊， 肉味特別濃， 肉質的層次得高。 豆沙鍋餅（全份）$36豆沙鍋餅是上海菜中的甜點名品。這裏的豆沙是真材實料， 滿滿的豆沙塞進夾餅。 而豆沙我比較喜歡少甜， 可以突出豆沙本來的香味；夏面館就充分的滿足了我的需求。

幾間分店都就腳，所以不時都會食，質素有保證。今晚心思思想食上海小碟涼菜，一於夏麵館啦！自選涼菜五小碟 $115可以響八款上海涼菜中任揀五款，變成一個五色拼盤。一次過可以滿足曬幾個願望，都係$115 咋，每次都會叫今次就揀左呢個組合 ；四喜烤夫 * 雞絲粉皮 * 鎮江水晶肉 * 涼伴海蜇 * 糖醋小排覺得擺盤幾靚，師傅好有 heart ! 去其他上海餐廳，如果食呢碟，價錢應該要 double , 呢到好抵食。糖醋小排，都幾多架，成個小碟都放滿為止，沒有手軟。味道係甜甜酸酸，件件都真係有骨，而且多軟骨位置，更有肉味，good ! 雞絲粉皮，粉皮夠滑，麻醬就特別香，帶起左成個菜。而雞絲就爭D，冇乜雞味。呢間的海蜇係深色，估計用左甜醬油調味，咸咸甜甜又爽口。配上青瓜，幾開胃架。水晶肉，夾起唔會散，食落又唔會硬。啫哩同肉的比例啱啱好，點少少醋一齊食，無得彈。四喜烤夫，係傳統的上海菜，東菇同烤夫都有各自的香氣，好夾，味道偏甜。韭黃炒鱔絲 $90初初望到覺得細碟同少鱔，食食下先發現原來個底係勁多大大條又粗身的鱔絲。夠鑊氣，好火候，用來送飯簡直不得了。鱔控必食 干煸四季豆 $58第一次食，份量算多。原

話說之前想食上海菜，去左食王家沙，食完表示十分不滿所以今日心血來潮再戰上海菜，所以選左夏麵館點左花雕醉雞，分量算大，酒味濃得黎易入口，好入味開洋拍青瓜，名其實都幾奇怪，不過都算唔錯，好爽口諗住兩個人費事叫太多野浪費，叫左玩上海陽春麵，嘩，黎到有少少surprise ，估唔到幾大碗，性格比高，味就正常啦叫左個蟹粉小籠包，一籠兩隻，又唔錯喎，起碼真係食到蟹粉味先丫最好叫左個豆沙窩餅，即叫即炸，唔係講笑，上菜時係熱既，不過唔夠脆今餐食完，條氣順番曬不過話時話，以前去element既夏麵館時，感覺係少少高檔，而家黎太子呢間，感覺勁親民喎，係就係嘈d，不過食物質素唔算差左，都仲保持到

夏麵館一向好多客人喜歡，我們今天第一次來這間分店食晚餐。門面好中式，有上海姑娘的畫報的設計，到埗先取票，更有椅子坐讓客人等候位置。環境幾寬闊，喜歡這裡簡約淺藍的設計，好舒適，有不同人數的桌子配合不同客人！服務員都幾多又快手，效率高的待客帶位送餐收碟！食物主要分為單點或套餐，分開2張餐紙讓客人自己寫自己點，再交給服務生便可。我們點了4種菜餚：1. 自選涼菜5小碟蒜香四季豆蒜蓉味濃郁，四季豆軟腍入味，好香又健康！雞絲粉皮喜歡麻醬汁，雞絲好有咬口、青瓜絲爽脆清涼、粉皮好滑！鎮江小肴肉口感一流！透明彈牙膠原、配上有咬口肉感美味，少少長方形的大小剛好！糖醋小排酸酸甜甜又小小粒粒的香酥小肉排，有少少骨，好入味可口美味海蜇青瓜一少碌，爽脆清涼；海蜇好彈牙好爽又入味2. 排骨擔擔麵（淮山麵+$5）排骨同麵分開上，排骨炸得靚靚，薄薄的排骨好軟腍易咬、大塊的；擔擔汁微微辣、好濃郁唔咸、飲完唔口渴；麵加$5轉淮山麵，入量多、彈牙又好滑的麵，推薦喔！3. 鮮肉小籠包熱熱蒸好的小籠包，皮薄又滑口，小心夾起時漏湯汁；鮮肉好香好滑軟腍，正呀！4. 上海春卷香脆可口的外皮，內餡好多蔬菜、木耳，口感好正呀！

上星期有晚同家人黎到呢間連鎖上海餐店用膳環境裝修現代化，晚市時份有不少人客添既有套餐亦可選擇散叫食物當晚我地無要套餐，自行嗌左d點心、涼菜同麵食係涼菜個度我地要左份 上海醬鴨$60鴨肉肉質札實唔嚡口仲好入味之後點心類就要左籠 鮮肉小籠包$38小籠包一客四粒，湯汁爆滿，味道不錯！當晚我地要左兩款麵食，其中一款係我地去上海菜館經常會嗌黎食既 上海粗炒，不過呢度就叫老上海炒麵$66炒得夠鑊氣之餘但唔會油淋淋另一款就係餐單上有推介標記既 鱔糊湯麵$70麵量相當多，而鱔糊係另上既，份量都唔少！鱔絲爽彈，調味亦係一如上海菜中以『濃油赤醬』般見稱既特色最後我地仲追加左一份 銀絲卷$26蒸至鬆軟既包子既可夾搭鱔糊湯面中既鱔絲共吃，又可以沾上練奶當作甜品，正！！！

朋友相約於太子食飯，朋友說希望可以食一餐美味的上海菜。餐廳位於太子的始創中心，地利上十分方便。餐廳裝潢方面， 已清新簡約為主調，看起來十分舒服，加上餐廳位於商場內，故冷氣更為高質素，怕凍的朋友，可能更要添加外衣，以免著涼。食物方面，我們點算了上海擔擔麵 及上海小籠包， 擔擔麵湯底與平常吃的有點分別，平常吃的是比較傑身，但這個卻像湯一樣，但味道十分濃厚，還算不錯。 另外上海小籠包， 只能說皮薄餡靚， 內裏肉汁豐富， 大家請緊記， 小心辣嘴。味道還不錯，這是一個不錯的體驗。