夏麵館 (始創中心)

營業中

休息中

老婆係好鐘意食上海野既人，粗炒菜飯，小籠包，生煎包，擔擔麵全部佢最愛。我返工果頭都有一間，食過lunch，掂喎！緊係帶老婆去食啦！我地泥左太子呢面分店，老婆收工夠哂近，9點鐘都仲好多人食。坐位寬敞舒適，餐廳光猛乾淨鮮肉鍋貼，一份三隻，皮煎到脆哂，入面肉汁勁多，一咬流哂出來，熱辣辣，真係要小心辣到個咀！蟹粉豆腐煲係我點既，嘩！超香，上枱滋滋聲，豆腐滑到不行了，味道好正，蟹粉濃，有好多蟹肉碎，伴飯一流。老婆要左排骨擔擔麵，花生味好香，少少微辣，麵既硬度適中，伴麵配料多，排骨香脆可口，夠鬆軟，炸粉都夠薄，份量多，兩人食都得。相當抵食！兩條友食唔到太多，最後點埋個豆沙餅結尾，超正，係勁勁勁熱，豆沙蓉甜到適中。一份8件！款式多樣化，價錢合理，食物質素良好，如果多人可以試多幾樣就好嗱。老婆都話好食！

早前在荃灣食過夏麵館 覺得唔錯今晚在旺角行街 又遇上落雨走入始創商場行吓咁今晚一於夏麵館搞掂啦我哋三人叫咗個二人餐 再加一個小籠包同鍋貼小龍包皮唔算薄 不過勝在多汁同滿滿嘅肉相反鍋貼就冇得輸 皮脆肉嫩真心好味二人餐真係唔嘢小 先係酸辣湯 夠酸夠辣夠惹味小食叫咗烤夫 質感似齋 廚師用冬菇毛豆整小菜叫左蔥爆牛肉 用上大量大蔥大蒜炒 好惹味擔擔麵就勁囉 用一個小鍋上 分量十足我地三個人食 每人都有二三碗 最後甜品揀咗高力豆沙 飽到癲左

餐廳：夏麵館 (太子)地址：太子彌敦道750號始創中心1樓115C號舖開業20年嘅夏麵館係香港同上海都有多間分店，佢哋以自家製嘅麵條聞名，亦係中國第一間唔用味精嘅麵館，務求達到少油少味精，非常之切合依家嘅健康飲食潮流唔少名人紅星都去過夏麵館品嚐美食，例如名食家李純恩，明星黎明、曾志偉、張曼玉等都係座上客，難得有機會黎到夏麵館食嘢，緊係要試吓佢哋嘅招牌麵同其他小菜啦酥炸雞排麵 $55果然，麵店起家嘅麵底的確名不虛傳，麵條爽滑彈牙唔痴牙，每一條麵條都均勻幼細，加上清湯濃郁而無味精。雞排亦都香脆可口，雖然外皮厚左少少，但係雞肉都係飽滿嫩滑嘅蟹粉小籠包 $38/2隻平時食就食得多普通嘅豬肉小籠包，豬肉加上蟹肉同蟹黃而成嘅蟹粉小籠包就比較少食，鍾意食蟹嘅人，又驚食得多蟹會太寒，咁蟹粉小籠包都係一個唔錯嘅選擇，唔單止能夠好好咁品嚐蟹味鮮濃嘅蟹肉同蟹黃，亦都可以食到上海馳名嘅小籠包，一舉兩得紅油抄手 $38/6粒紅油抄手其實係四川馳名嘅雲吞配上自家製嘅辣椒油，雲吞就成日食得多，但係加上香麻嘅辣椒油真係令人勢不可擋，食完一舊又一舊，不過個人覺得麻辣味可以再重一啲，可能我自己比較鍾意食辣啲夏味燻蛋 $2

同屋企人經常會去食中菜，貪佢夠經濟又可以share🥳尼間環境都唔錯，夜少少既話都要等位啊拎住個袋 店員好好比個籃仔我放😍😍加分！蟹粉小籠包 4隻($70)外皮有點太厚，肉餡同汁既份量ok，而且蟹粉味唔係好食得出～同普通小籠包差不多XO醬炒年糕($68)年糕好軟熟，配上XO醬非常惹味！個汁味道剛剛好，不會太淡或太咸～最驚喜係有唔少既蝦係入面，很爽口！黑醋話梅骨($78)送飯食真係一流！話梅用左楊梅，連埋醬汁酸酸甜甜！真係一人可以食一碗白飯🤤豆沙鍋餅($36)樣貌ok，份量ok，但食落麻麻：（皮太厚，雖然入口熱辣辣，但唔脆😭

這晚於太子號始創中心的夏麵館吃晚飯，嶄新的裝修，相信開業不久，裝修以粉藍色為主調，用色柔和，令人感覺舒服，自然食得開懷。記得以前去過荃灣的夏麵館有晚市套餐提供，而這間分店沒有，不過就算單點也不貴。鮮肉小籠包 $38 – 小籠包是吃上海菜必點的，一客有四隻， 皮簿多汁，肉餡飽滿，注滿了鮮甜的湯汁， 要小心地細味。生煎包 $36 – 包身軟熟，底部煎得金黃香脆，肉餡多汁。糖醋魚塊$70 - 魚塊均勻上滿糖醋汁，甜甜酸酸的，十分開胃。排骨擔擔麵 $65 – 苜先覺得碗麵份量很大，配上了上海麵，煮得軟硬適中，湯底濃郁，有陣陣花生香氣，帶點微辣。 豬扒一大塊炸得香脆， 外脆內軟。川味口水雞清湯麵 $60轉淮山麵 +$5 – 淮山麵麵條幼身，比較爽口，而且營養價值高，不錯。至於川味口水雞我覺得是整晚最好吃的一道菜，麻辣醬汁調得非常惹味，辣度適中又，麻味過癮，不得了呀。上湯雲耳勝瓜 $52 – 吃得太多濃味的菜，這碟上湯雲耳勝瓜剛好起了中和的作用，帶來清新感。三人四百元埋單，相當超值。餐具也很酷。

屋企附近都有呢間食肆，定期都會同屋企人食晚餐，今日經開太子就當然揀返佢呢間好多人，裝潢都幾光亮幾靚每次黎必點涼拌小木耳HKD40酸酸甜甜辣辣好開胃味道係我食過最滿意蟹粉小籠包HKD38/2隻一口咬落湯汁好鮮甜，味道不錯，皮薄但唔會一咬就散，入口甘香酸辣湯HKD30/位我至愛不會太辣，酸中帶辣，配料豐富，入口口感令人滿足，味道很不錯不會太濃稠又不會太稀，好好味黃魚煨麵HKD68湯鮮甜，充滿魚香黃魚好滑好腍身最後擂沙湯圓HKD32/4粒開頭諗住係花生餡，原來係芝麻，煙煙韌韌好有口感好吃~

🔎太子彌敦道750號始創中心1樓115C號舖 「正宗上海菜抵食之選」.蔥油拌麵 $42食上海菜唔食蔥油麵點試到餐廳真功夫呀，麵條分明加埋濃油醬，滿滿既蔥香醬香味，回味無窮。濃湯滑津白$98香濃奶白色既湯汁全被津白吸收，加上鹹香味濃的金華，但火腿片非常薄，我比較喜歡有點厚度既金華火腿。蟹粉豆腐煲$98金黃色澤既蟹粉豆腐煲，用熱騰騰既砂鍋保持溫度，食得出豆腐既滑嫩同蟹肉帶出既鮮味，真係好想叫一碗飯。鮮肉小籠包（4隻）$38皮薄、汁多、 餡大係小籠包既標準，果然無失望，一咬開就爆出鮮甜的湯汁，令人忍唔住吃完一個再接一個。豆沙鍋餅 $36當作飯後甜點，係我最鍾意既中式甜點之一！餅皮金黃，夾住豆沙餡，香脆有嚼，甜而不膩，雙重口感！🍽7/10

有屋企人生日，緊係要出街食飯慶祝一下，我地就揀咗間位於太子嘅上海菜-夏麵館。小籠包一籠有四隻，岩岩好一人一隻，小籠包有肉質鮮美，一咬落去仲有大量肉汁流出，要小心辣到個咀呀。雞排淮山擔擔麵好香好有花生味，又唔會太辣，正。最鐘意係有得加$5轉淮山麵，一定要轉！比較彈牙，又唔會太淋，值得一試，又健康！Xo 醬炒年糕味道都唔差，用左xo 醬好香瑤柱味！ 年糕又煙煙un un,口感不俗，仲要份量都好多下，絕不吝嗇！蘿蔔絲酥蘿蔔絲酥上到碟熱辣辣，好香脆，差啲被佢辣親，做到真係內脆内軟，水準一流。

突然好想食上籠包，係openrice搵左一輪，決定試下呢間夏麵館大門外的裝修好有懷舊感覺在門口有自助電子取票，好快就安排入座Menu係用紙劃的形式，除左單點項目外亦有套餐單點項目有好多，有前菜冷盤，麵食，炒飯炒年糕，小菜，煎炸項目，甜點價錢亦好大眾化環顧四周、見到好多人都有點一大窩的湯碗，原來係麵食1）鮮肉小籠包（4隻，$38）實在係好抵食，咬落去亦有肉湯標出2）四季豆 $58估唔到係餐館都一樣到有鑊氣喎！3）紅油炒手 $38辣油都幾辣，十分開胃4）黃魚煨麵 $68魚湯好香濃，黃魚亦好滑，完全無骨5）菜肉餛飩麵 $50 我地加了$10轉做擔擔麵底呢一味都係正宗上海菜式有香濃花生醬味好滿足的一餐、連茶位同加一都係$300而且湯都真係好大碗好足料，又有氣勢

突然想食上海菜，夏麵館 都係一個唔錯既選擇！二人餐 $308🔸蒜泥白肉厚切白肉，汁另上👍🏻🔸夏伯伯涼拌茄子🍆個涼拌汁好似日式燒汁🔸蔥爆牛肉爆多京蔥，少許薑絲可能想辟下牛肉味🔸津白肉絲炒年糕即叫即炒熱辣辣，年糕好鬆軟味道啱啱好！👍🏻🔸酸辣湯x2少許辣，好足料，筍絲好爽口😋🔸高力豆沙x2都係新鮮啱啱整起熱辣辣🤤份量都好大，不過3個人食又擔心唔夠叫多左個 濃湯滑津白，最後個個都食到好飽🤣

忽然間有點吃想吃上海菜👅於是想起了朋友介紹的夏麵館。我們叫了#蟹粉小籠包、排骨麵、鮮肉鍋貼、小棠菜和榴槤高力。🤤🤤小籠包有好多汁，正。值得推薦的是甜品榴槤高力；一般的上海菜館只有紅豆沙高力👅呢間竟然有榴槤，比較特別。切開一半，發現裏面竟然有大量的榴槤果肉🤣🤣都幾驚喜。榴槤控可以一試🤭而小棠菜亦浸得好淋，有少量豆製品一齊上碟，健康之餘也好新鮮。排骨麵即叫即炸，不錯。.🏠夏麵館 (太子)太子彌敦道750號始創中心1樓115C號舖

其實中菜先係我嘅口味食咗多日既日本野同西餐今日終於食飯上海菜啦最近啱啱有朋友去完上海返嚟佢哋講笑話上上海的上海菜都唔及香港的好吃香港嘅小籠包果然係皮薄餡靚我哋一行三人，放工嘅時候小聚一下帶咗一個二人餐再加左一個濃湯津白唔講唔知原來二人餐已經夠三個人食😂😂而且份量一啲都唔小二人餐包左兩碗酸辣湯酸酸辣辣好開胃，入面好足料夏伯伯涼拌茄子食落個汁好似好日式，唔多似上海菜嘅味道蔥爆牛肉有很多人都抗拒大葱的味道🤥但我就相反我鍾意佢有少少辛辣及獨有嘅味道材料幾新鮮，牛肉咬落去仲有肉汁津白肉絲炒年糕從小我就喜歡吃上海炒年糕。年糕煙煙韌韌，嚼勁十足，配搭上海菜獨有之濃油赤醬，美味到停不了口！濃湯將津白煮得非常入味，仲有少量金華火腿用嚟吊味🤤熱辣辣、脹卜卜嘅高力豆沙又點會唔好食呢

自從夏麵館開到太子始創，我地呢班喺附近嘅上班族又多左個好地方，今晚收工就來近近地食個飯。平日呢佢地都好full，星期一就好D，如果星期五來，好多時都要等位架。今日坐到入面嘅2人枱，都唔會好逼，而且唔會話好嘈，想同朋友傾傾計都仲ok呢度有3款套餐，其實幾抵食嘅，以2人餐為例，人均百五蚊，就可以食到湯/羹、涼菜兩款、小菜一款、飯/麵、甜品，選擇夠多，非常豐富。不過如果唔想食套餐或者想食其他野，都一樣好多款，涼菜、小食、主菜、粉麵、點心都有，價錢合理我地就決定散叫，首先點左一份鮮肉鍋貼、水煮牛肉、炒飯同椒鹽肉排。平時多數食生煎包同小籠包，今日就點鍋貼，一份三件，大大隻，煎到個底少少脆口，唔會好厚皮，肉香有肉汁，好食啊椒鹽豬排骨都好香脆，即製，所以非常熱辣，帶少少鹹香，所以好好送飯。我咁鐘意食辣野當然唔少得水煮牛肉，除左牛肉，佢地都有香港人好鐘意食嘅酸菜魚添。牛肉一鍋，都幾大架，鋪滿辣椒乾、芫茜等。裡面嘅牛肉好腍好腍，呢度嘅水煮都唔惹少，好入味，而且辣度頗高，我地就食得好過癮入面仲有芽菜同寬粉，吸哂湯底辣汁，正！最後呢個老上海炒飯我都好滿意，講真好耐冇食過咁啱口味嘅炒飯喇！飯粒乾身，唔會油淋淋

去襯呢個商場，多數都係去食壽司，今晚一於轉下口味食上海菜食物種類由小食/涼菜/湯麵/年糕/小菜/飽點/飲品及甜品都有，但我地嘅眼球被呢個二人餐 ($308)所吸引住只需從湯類+涼菜(A)+涼菜(B)+小菜(A)+飯/麵/年糕+甜品各自選一項就OK，簡單易明涼菜(A)選擇醉香豬手，斬得細細件，能夠入味之餘進食時亦比較方便最怕冷盤唔夠凍只係室溫，但呢客入口夠凍度，豬皮咬落爽口，食到濃香花雕酒味，確唔錯!而涼菜(B)選擇係美味海蜇，單叫呢客都要$60，估唔到套餐都咁大客以爽脆多汁青瓜墊底，一客有兩種食材，海蜇份量都唔少，淋上微酸汁一齊食，酸酸地又夠爽脆，食後唔知點解有種清新感覺!食上海嘢，個人歡喜飲酸辣湯，每人一客，夠熱辣，味道酸辣味比例為六四，湯料唔算話好多種類，但荀，豆腐及蛋花都有! 飲完成身有D熱辣辣!太耐無食過上海粗炒，今晚一於黎個老上海炒麵，簡單材料以香濃醬汁快炒，每條上海麵條都沾上醬汁，咪睇佢咁深色以為會好濃味喎，入口味道又岩岩好，仲有碟必備豆辦醬，加少少一齊食，好味道!自選小菜係呢客蔥爆牛肉，大量京蔥配埋荀件及冬菇一齊炒，牛肉軟腍，食唔到梳打粉味，配以香濃醬汁，更加惹味!套餐仲

夏麵館已經開左好耐，而且分店都幾多。😂成日見到，但係都冇入去食過，今日經過又見人山人海咁，所以就入去試下。🧐都真係好多人下，攞左飛之後就，等左10-15分鐘左右就有位了。😗😍食上海菜梗係要點我最鐘意嘅小籠包同鍋貼！⭐️蟹粉小籠包😋蟹粉係上面，入面肉汁鮮甜，小心爆汁出黎啊！⭐️鮮肉鍋貼大大隻！⭐️夏味燻蛋❤️最鐘意就係食蛋了，呢d功夫野，真有別於日常常見嘅糖心蛋同流心蛋，好味道！⭐️濃湯滑津白呢個就視乎個人鐘唔鐘意creamy 了，呢個有忌廉湯，creamy 嘅感覺，如果對忌廉麻麻，就建議食清湯定上湯個款了。⭐️回鍋肉粗炒❤️食上海野必點，辣辣的啊。⭐️麻婆豆腐叫左一碗白飯黎食。⭐️西洋菜蜜🙈呢個就普通了，味道比較淡，可以唔洗點。