塚田農場 (已結業)

係IG 見到食物相好靚好吸引，約埋男友一齊去食先！未到7:30到達已見到門口好多人等，好彩有Book位🤣餐廳裝修好有日本feel餐廳用QR code 落單，盡量減少同人嘅接觸~Nice~ 但都會提供Menu！打開Menu，款款都好吸引，但美人鍋咁出名，當然係食呢個!而且美人鍋套餐相對都抵，仲有我想食嘅美人生春卷好快食物就送到，擺盤好精緻呢三文魚牛油果美人卷：表面似越南蒸粉卷嘅皮，三文魚同牛油果組合冇得輸，入面仲有生菜，米粉，加埋醬，真係好似越南粉卷美人鍋：加左$78 升級做美人鍋，湯底好奶白色，骨膠原😍 飲咗啖，好有忌廉雞湯味，果然係熬製咗好耐配上3款唔同醬汁，有麻醬，芫荽豉油同辣味豉油，任你配搭蔬菜盤有啲不知名嘅瓜類？不過擺盤五顏六色好靚肉份量唔算多，肉丸煮完都仲juicy鰻魚忌廉芝士三文魚子壽司卷：每件壽司上面都有金箔點綴，鰻魚雖然被遮住，但食嘅時候食到軟軟魚肉加上三文魚鮮味，再搭綿綿忌廉芝士增加口感套餐仲包左兩杯嘢飲，仲有波子汽水揀，可惜職員會倒入杯總結：食物精緻適合打卡，質素亦不錯！雖然睇落唔大份，但食到最後好飽。

黎到塚田農場，見到差唔多枱枱都shabushabu，但餐牌其他食物都好吸引，爭扎左陣之後決定試下單點美食～雙拼年糕薄餅包括左2種招牌口味: 炙燒走地雞同海苔明太子味，佢嘅口感好特別，咬落好煙韌， 加埋鋪面嘅海苔，好有東瀛風味三文魚親子鹽昆布炒飯 ($83) 三文魚好香，好足料好好食，侍應上菜時先將蛋液淋上，夠哂新鮮，而自家製嘅碎蔬菜醬油入味得來又唔會太咸!梳乎厘蟹肉玉子燒 ($98) 口感好特別，好似好有空氣感嘅奄列，食落甜甜地，好有蛋香，切開都幾多蟹肉！

今日和朋友到新城市廣場逛街，見到呢間日式餐廳好多人排隊，諗住質素應該唔錯，就決定在這餐廳吃晚飯。餐廳嘅裝修唔錯，燈光柔和，感覺令人舒服。剛坐下，很快侍應就送上菜單，單看圖片就已經很吸引，因為今天下午吃了一個重量級午餐，不太肚餓，所以就隨便下單叫了壽司、炒麵、和兩個小食就可以了。沖繩唐揚魷魚配七味沙律醬 ～$58採用冲繩奄美島的魷魚，用薄薄炸漿包裹， 香脆而不油膩，點加上七味粉的沙律醬，鮮味出曬嚟。海老牛油果美人卷，～$42鮮蝦、生菜、牛油果、玉子用薄薄嘅米紙包裹，外形煞食，味道清新，點酸酸甜甜嘅醬汁食，好開胃。海老天婦羅壽司卷 ～$128炸蝦天婦羅，加上青瓜、雞蛋做餡，造成壽司卷，加埋外層嘅蟹子，又靚又好味。沖繩大島魷魚配豬肉炒麵 ～$88炒麵份量唔細，豬肉都好多，用鐵板上枱，保溫得嚟又令到炒麵更香口。今次來到這間餐廳，見到附近很多食客都在吃美人鍋，我和朋友已經約定下次再來一定要試試這火鍋。

塚田農場一定是沙田友經常光顧的食店。餐廳主打日本直送新鮮食材，是現今香港人追求健康和新鮮食物的要求。美人鍋套餐是這店必點的。鰻魚忌廉芝士美人卷：🌯有些像紙米卷，餡料除了有鰻魚、芝士之外，還有生菜絲、紅菜頭絲和一些芝麻在內，發揮爽脆、清新、可口之效。沾上秘製醬汁更添滋味。鰻魚忌廉芝士三文魚子壽司卷：🍣同樣是鰻魚忌廉芝士為主打的壽司卷，但這款壽司卷更勝美人卷，原因是三文魚子鮮味無比，還加上金箔點綴，賣相極為吸引！蕃茄🍅🍅🍅美人鍋：真的如菜牌介紹一樣，湯鍋含豐富骨膠原宮崎走地雞湯底配濃厚蕃茄湯底製成。店員送湯鍋上枱時，已見到材料極之豐富，賣相吸引，色彩繽紛，令人大快朵頤。材料包括有鮮雞件、肉丸、紅菜頭片、青瓜、鮮蕃茄、菇菌、西蘭花、車厘茄、黃椒等⋯⋯最愛吃多菜少肉的我，極之滿意這道菜。介紹大家一定要追加烏冬，烏冬吸收蕃茄濃湯，非常美味！🥫採用手機📲掃描落單非常方便，價錢清晰。🧾

超級難食的食物。食材用料極差。感覺餐廳老闆好孤寒，從食物用料，大小，可以看得出。餐牌上圖片裏的食物，同實物差好遠。唔使我多講，你要去食一次，你就發現呢個食評系好正確，你會知道呢間餐廳有幾難食。兩個人，食左八佰幾元，好唔抵。我哋叫咗燒雞肉，銀雪魚，刺身，咖喱烏冬，一個卷物，等等。你哋一定要試吓咖喱烏冬，試吓有幾難食！嗰碟刺身，好似超級市場買嗰啲刺身嘅質素。好唔新鮮，細細片，又薄，好孤寒，又冇味。燒雞肉，又硬，又冇味，隻雞質素很差，好唔新鮮。

好耐冇去新城市廣場食飯，行去地下嗰層好多都轉哂新店，行過呢間塚田養場門口，職員笑容已經吸引到顧客，一於入去試試!環境好舒服，間隔距離又夠遠，夠私隱，好適合和朋友飯聚聊天!“三文魚牛油果美人卷”口感好特別，令人有追住食嘅感覺，好好味!“奄美海蘊枝豆玉子春卷”必需要熱辣辣嘅美食，呢個配搭又係好得意，好似越食越想食咁!“蒲燒鰻魚框飯”“蟹肉三文魚籽框飯”，框飯嘅意思即係細細個，但其實好啱一人份量，而且味道絕佳，兩口子都清哂成個框飯!最後上“野菌蠔肉咖哩錫紙燒”，可能餐廳有心安排，最濃味嘅食物最後品嘗就最啱，係嘅話就抵讚!性價比高嘅食店，可以再去!

睇咗menu見到啲食物超靚就入左去，見到廚房都乾淨，食物會保持低温務求新鮮，見到客人落單先會鋪啲肉類上去，要值得一讚🤗原個大分汐姬蕃茄韓式壽喜燒鍋🍅因為係韓式，所以個湯底比較辣，似韓式辣醬~仲有少少酸酸味味咁。呢隻蕃茄大有來頭:天然栽培的鹽蕃茄！多汁鮮甜，肉質緊實！渾圓紅潤~仲有澳洲牛肉、豬肉、各種蔬菜🥬啲肉類都砌得好薄身，肥瘦交錯，比例平均。豬肉有驚喜，非常有豬味！各有4塊，十分珍貴🤪🤪🤪蔬菜最有特色係紅芯蘿蔔！好似花瓣，口咸比較爽口☺️其他蔬菜都好新鮮！估吾到會配意大利麵，開頭覺得怪怪地😂但食落又okay~因為湯本身好濃，雖然啲麵吾會話好入味，但連湯咁飲又係另一食法，個重點放落湯到，成日配烏冬都會厭👻個餐比二人都夠飽🤪而且食物擺得好靚好精緻！🤪打卡真係無得輸！🤩

除非你特別有米，如果唔系就咪食第二次.....間野唔系一般昂貴，但係野食又唔符合d價錢，其中美人卷尚可啦😂但系我真心唔明賣可樂點解可以賣到38蚊😐😐😐比盡你咩15蚊罐，同大陸某某酒店賣罐40蚊可樂你有得揮😑😑

#話說有一日有一位大朋友約我食飯👦🏻但係我用各種藉口推搪佢🤣直至中秋節我終於有假放🥳我就話不如去沙田食飯💭佢帶咗我去塜田農場😍-鰻魚忌廉芝士三文魚籽壽司卷三文魚子晶瑩剔透細細粒好可愛🤩一個壽司卷可以有三種口感🔥魚子Juicy口感💦cream cheese 奶滑唔膩嘅口感飯粒粒分明嘅凹凸感鰻魚忌廉芝士美人卷口味比較清淡 反而更加突出食材鮮味🍏鰻魚係入口即溶❗️肉質鮮嫩 好軟熟👶🏻梳乎厘玉子燒·明太子梳乎..梳乎..好soft☺️軟綿綿嘅texture熟得啱啱好❤️上枱嘅時候熱辣辣🔥蛋香味同埋明太子香味都好濃烈✨明太子係玉子嘅中心位置🎯只要切開食就可以一啖玉子 一啖明太子🤤明太子好新鮮🦀 好鮮甜呀❣️三文魚親子鹽昆布炒飯飯粒粒分明 因為炒飯嘅關係 飯粒表面會比較乾身但內裏軟熟得嚟唔會硬三文魚子多汁鮮甜😋而三文魚嘅肉質都幾嫩滑🙊有少少入口即溶嘅感覺💚宮崎Mango Soda香濃芒果味🥭微碳酸飲品氣泡量適中 飲嘅時候有一種refreshing嘅感覺😘Iced Matcha Latte口感好濃厚順口‼️但係抹茶味可以更濃🙈 (綠茶我鐘意苦啲❤️)-雖然雖然好想試下美人鍋🍲但係真係好飽🤣 唯有下一次去再食過🤪

今晚第一次挑戰塚田，意外地好食。試左個438二人餐，再加78升級美人鍋配雞件及豬肉丸。選擇左鰻魚忌廉芝士美人卷、美人鍋及凡立貝玉子壽司卷。初初見到主力係菜，以為無咩特別同好食， 點知湯底加上蔬菜食材非常之鮮甜，竟然有另類嘅滿足感。最後個燴飯真係一定要叫！如果追求清新感覺又想食火鍋可以考慮呢一間，但坦白講唔係特別平。最後兩個人食左$600！美人鍋湯底係黃金骨膠原雞湯，湯底好濃味同埋鮮甜!有雞味仲有小小膠質，口感濃厚。個湯開頭冇咁覺，食食吓越食越杰。日本嘅美人鍋食飯好興最後會加飯麵烏冬，個湯杰加埋啲飯真係好正。我今次都有叫左個意大利飯，配有芝士同黑椒。個飯好甜好好味，食完勁滿足。我哋係一碗飯倒落個湯煮完兩個分！雞件及豬肉丸升級左個美人魚波友斤雞件及四粒豬肉。佢哋個樣好似平平無奇，但食材應該係非常之新鮮及有質素，個湯加上雞件非常之鮮甜有雞味，好好食。得豬肉丸應該係手打嘅，佢個樣勁似墨魚滑，平時唔係好食豬肉嘅我都覺得幾好食。因為冇個陣臭豬味。雖然肉嘅份量唔多，但我覺得夠飽嘅， 最後食埋個飯。鰻魚忌廉芝士美人卷美人卷陳皮好似越南米紙卷咁，有咬。芝士加鰻魚同菜都幾好食。不過佢啲份量真係好少，四粒細

第一次食塚田農場呢間餐廳，記得係海港城 LCX 食既，當時食午餐 Set，無論氣氛環境，食物質素都有一個唔錯既體驗，所以今日就同朋友試下 Dinner。環境同尖沙咀分店對比遜色咗少少 😂 無試好出名既鍋物「美人鍋」，叫咗三文魚親子鹽昆布炒飯、梳乎厘玉子燒、三文魚蟹肉沙律壽司卷、雙拼年糕薄餅。三文魚親子鹽昆布炒飯 ($83) : 材料有三文魚籽、三文魚、昆布、冬菇、蝦米、雞蛋等等，味道鹹鹹地，飯粒帶點脆口，而且份量都唔少，口感層次豐富。梳乎厘玉子燒 ($78) : 賣相似鬆餅，切開時見到啲鰹魚汁流哂出嚟 🤤 真係流晒口水，口感又嫩滑又多汁。三文魚蟹肉沙律壽司卷 ($78) : 壽司飯包住三文魚，而上層就係鮮甜既蟹肉同蟹籽。雙拼年糕薄餅 ($88) : 雙拼係炙燒走地雞加海苔明太子，薄餅超級脆口，好似食緊薯片咁，雞肉同明太子上均有蔥花同蘿蔔絲，新鮮既蔥花同蘿蔔絲中和了部份惹味的油膩感。😋

2-10-2020 (Fri)中秋節翌日公眾假期晚,同老公由東平洲回程返到沙田,決定食少少嘢,我記得有呢間,就提議食.去到都接近8點,都多人等位,大約等咗10分鐘就有位,我哋要咗:1. $118.00嘅美人卷盛合一共有3款,有海老牛油果, 鰻魚忌廉芝士同三文魚牛油果賣相又係好靚,每款都配唔嘅醬,三文魚牛油果就配wasabi,我覺得佢加有少少蛋黃,好好味.另外兩款都正常冇問題.味道: 4分3. $78.00嘅鰻魚忌廉芝士三文魚籽壽司卷呢個一啖食落去有啲漿住嘅感覺, 食到鰻魚嘅味道,唔錯.味道: 4分2. $78.00嘅牛油果蟹肉沙律盤用窩夫雪糕筒裝住牛油果蟹肉都幾特別,可惜雪糕筒已經受潮腍咗.呢個味道清淡,冇問題.味道: 3分4. $78.00嘅梳乎厘玉子燒呢個熱騰騰,微甜濕潤鬆軟,唔錯.味道: 5分環境:好舒適.

塚田農場出名食材高質，火鍋亦好精緻。但今次就想試試廚師嘅手勢，所以無叫烚下烚下 然後發現煮物都好高質！！.清酒味噌燒銀鱈魚 ($138)可能係我食過最嫩滑最香嘅鱈魚！魚燒得啱啱好，一啲都唔乾。口感似平時食魚啲面豬咁滑٩(๑´3｀๑)۶仲有陣陣sake 味滲出來。佢唔似一般係超市賣嘅鱈魚有浸雪藏味，亦無硬實嘅感覺，大推！.梳乎厘蟹肉玉子燒 ($98)呢度菜都要隆重介紹。係版主最愛嘅動L蛋料理～～ 侍應會嚟到你個位先係個碗倒舊玉子燒出嚟，確保留得住溫度速度溫柔和...唔憤怒.......ok 唔好笑 口感似蒸蛋，但比起茶碗蒸有空氣感(食完就會get我講咩haha) 食落少少甜，同時有蟹肉嘅鹽份，味道好豐富。順帶一提，無預計蟹肉有咁多，仲要係鮮拆蟹肉嚟架.三文魚親子鹽昆布炒飯 ($83)又食三文魚一家啦´∀｀魚籽好爽脆，咬落好香嘅魚味，又唔腥。個飯嘅份量都幾大，三文魚肉好香，飯都索倒魚味，炒得算幾乾身，唔錯呀。唯一可以改善就係蛋嘅份量可以多一倍，而家食落覺得薄咗啲.安納烤甜薯芭菲 ($58)好抵食又飽肚嘅甜品(๑´ڡ`๑) 有蕃薯乾、一個焗甜蕃薯、雲呢拿雪糕、白玉丸子、粟米片同朱古力餅。好中

今日同朋友收工過嚟沙田食飯，見到呢間餐廳又幾吸引咁 即刻入咗去試吓！睇咗個Menu應該呢個set最抵 有埋飯卷邊爐壽司同嘢飲～ 首先黎左個三文魚飯卷 好足料 感覺好fresh 呀！幾適合拎嚟做前菜 之後就到主角 美人鍋 ！！ 淨係講擺盤都好適合拎嚟打卡😝😝 佢個湯係好濃既豬骨湯味 啲菜嘅種類都好多同勁新鮮 以為唔夠食 但點知都幾飽個sushi食左一粒先就記得影😂 呢個鰻魚壽司幾有創意 不過味道就普通啦 個柚子茶超得意 係自己針出黎😍呢度想讚下個侍應 話說呢度就電話落單嘅 係我哋落單嘅時候我本身就嗌可樂啦 點知可能手殘撳咗礦泉水喎 嗰陣時佢上支礦泉水嗰陣仲以為佢比錯 但原來自己按錯 咁都冇所謂啦諗住照要 點知佢堅持比翻個可樂我 個侍應姐姐值得一讚 真係好好人呀！！ 總括呢間既野食唔錯坐得舒服又服務態度好 Happy night !!

住左沙田咁耐，都從未光顧過呢間餐廳，今日媽媽話想食日本野，就打算帶佢黎呢度試下啦。海老牛油果美人卷：用米紙包住生菜、海老、玉子、牛油果同蟹柳嘅美人卷，口感豐富，配上熱帶醋同柑橘嘅特製醬汁，入口酸酸甜甜，感覺相當清新。沖繩糖揚魷魚配七味沙律醬：廚師使用左沖繩和奄美近郊海域捕獲嘅魷魚，外皮香脆， 食落肉嫩多汁，充滿日式風味。三文魚蟹肉沙律壽司卷：壽司細細粒，賣相相當精緻，一啖一粒，好可愛，壽司卷上加入蟹肉及蟹籽，裡面仲夾左青瓜，口感豐富，食落好清新。蒲燒鰻魚框飯：框飯份量唔多，飯係由白米同糯米混合整成，入口煙韌黏口。飯上面仲放有啲蛋絲、蘿蔔絲同埋鰻魚，食起黎帶淡淡嘅醬油味，整體配搭唔錯。安納烤甜薯芭菲：甜薯烤過後加入雪榚、丸子同粟米片，賣相吸引，做法亦都相當新穎，雪榚牛奶嘅味道配上帶餘溫嘅蕃薯，入口甜甜地，配上香脆嘅粟米片，相當有口感，味道唔錯，為我地今晚嘅晚餐劃上完美句號。