塚田農場 (已結業)

經過依間見到食物質素幾高又幾有特色，就吸引左入去試吓。座位闊落，坐得幾舒服！入得去大部份人都打邊爐，當然唔執輸叫返個火鍋先！揀左美人鍋 2人前（$360）一嚟到真係忍唔住哇左聲，個湯底係煮左勁耐令到佢變到黏稠，充滿骨膠原，終於明白點解佢叫美人鍋。一試已經食到好濃郁嘅雞味 ，配埋新鮮嘅蔬菜吸晒啲湯係好甜好好味。另外特別推介追加意大利米飯（$30），有埋芝士同黑椒，打完邊爐之後落埋佢，好飽肚下，咁樣煮法係完全吸盡個湯嘅精華，又鮮又甜。最後叫咗個美人甜卷（$48），特別在用咗米紙包住抹茶雪糕、白玉同芒果，另外在喺上面加咗黃豆粉同黑糖。依個組合其實幾夾，只係之前未試過用米紙包住嚟食，再多咗少少煙韌嘅口感，幾好。整體黎講雖然依間價錢唔係平，但係質素真係幾高嘅！值得

知道這間店是日本過來，已經很久不可以出門了，唯有食住這個美人鍋當住去旅行吧。這裏最出名是雞，牠的產地是日本過來的，所以當吃這個美人鍋的時候，走地雞肉的彈性和味道都是很高水準的。不得不提這個雞肉丸，是自家手打的，入口軟滑帶彈性。雞湯本身是大有純雞濃味，下不同的配料就會有不同的味道組合出來，例如當你放蔬菜的時間，會有蔬菜的甜味出來。餐廳對這個美人鍋絕不吝嗇，當你不夠湯的時間可以叫服務員無限添加，當然後加的湯不會有一開始嗰塊雞啫喱咁濃。最後一定是要加一個飯去煮一鑊粥。我想講這個絕對是全晚最高潮的位置，因為你要對飯和湯的比例有很高的掌握，才可以做出滿意的粥。我們先下飯，大概煮了10分鐘後，再加上蛋和紫菜，香味濃郁，因為你是用吸收了所有精華的雞湯去煮。喜歡吃粥的朋友，千萬不要錯過。

是屈肥仔請食飯日記我好想食呢間好耐，而且咁多人應該唔會差因為我唔想煩，所以叫左個套餐生春卷+刺身+鍋+鍋物點綴+甜品 $598鰻魚忌廉芝士美人卷開頭怕佢會好青同無味，點知好香忌廉芝士同鰻魚味，汁都好食，正👍👍👍美人鍋 好多既菜類，難怪佢叫美人鍋湯底都比較清，而且肉唔多 得幾件雞同4粒丸，岩曬我呢啲少食肉既我雞正常，丸我覺得好好食三色刺身 三文魚，吞拿魚，帶子都幾鮮，而且大件烏冬，鍋物必叫石鍋雪糕-抹茶佢係雪糕加芝士蛋糕，唔會苦，好好食

在日本已經吃過一次琢田農場，對那一團雞湯啫喱很懷念，香港店的形式就以這個做主打，在日本只是很隨便用雞湯啫喱再放上幾隻餃子吃，而且餐廳是居酒屋形式，美人鍋只是其中一個選擇。就是因為已美人鍋做主打，所以我們今天才回來。一坐下便即刻點美人鍋套餐，$438+升級$78骨膠原雞湯+兩個卷物+2杯嘢飲。三文魚牛油果春卷是前菜，每啖都是三文魚和牛油果的滋味，而另一個是帆立貝玉子壽司卷，賣相十分吸引，但是不用擔心份量大，因為兩個卷都比較細小精巧。前菜是有水準的，但是美人鍋才是我們今晚的目標，鍋一上枱已發覺今天是來對了。鍋本身已經和日本的是一模一樣，那團雞湯啫喱在我面前郁吓郁吓，甚是誘人。值得一讚是這裏的蔬菜用一個極靚的玻璃圓碗載着。這個絕對要讚，因為真的很漂亮。要試主角喇，湯是十分濃厚的雞味，和日本的一模一樣，加入蔬菜會令到湯頭再甜一點，之後就落雞肉和雞肉丸。由於湯實在太好喝，一連喝了幾碗，好好這裏有得添加。最後我們叫了一個飯，就是要做一鍋粥來給這個晩上一個完美的結局。

已經想試呢間嘅美人銅好耐，今日放工見到竟然唔洗點排隊，決定同同事試試！種類好多的日式餐廳，主打係邊爐，其次仲有啲飯、刺身同埋特色小色！美人鍋套餐相當抵食，美人生春卷、鍋物、卷物包埋兩杯飲品，只係$438。我地落哂單先睇到，唯有下次再叫過！美人鍋（二人用 $360)店員送上一舊完整的湯底黃金骨膠原雞湯，湯頭相當濃郁但完全無味精，食完完全唔會覺得口渴。蔬菜種類非常多，配上三種醬汁，各有特色，我地幾乎都點哂啲醬三文魚牛油果美人卷（$42)口感相當煙韌，春卷皮好qq，正！蒲燒鰻魚框飯（$45)本來以為細細碗，點知原來入面係煙韌嘅糯米飯，好正！追加 烏冬同意大利米飯 ($15 同 $30)好戲黎啦！Secret menu!! 就係食哂所有鍋物配菜後，將個意大利米飯倒入湯底，煮多五分鐘。就變成超級正嘅泡飯，一啖湯底都無浪費美人甜卷（$48)呢個甜品有雪糕黑糖同白玉，然後將黃豆粉沈喺面。清新的甜品總結：好正的日式邊爐之夜，推薦👍🏻👍🏻

曾經喺日本東京食過塚田農場之後一直念念不忘，見到香港開咗幾間分店，終於同男朋友嚟試吓睇吓係咪日本嘅水準啦。佢嘅裝修係日係風格，簡單舒適，私隱度好高嘅，而且比較光猛，座位我哋被安排坐卡位有沙發，感覺環境舒服😌美人鍋二人餐，升級牛肉，小食係芝士鰻魚反卷，個樣超靚顏色豐富，食落味道都唔錯㗎而且配有金箔，當堂高級晒，好新鮮，正，另一個小食係三文魚牛油果米紙卷，感覺有點越南風格，同樣係好好食嘅😍，米子夠薄，牛油果🥑好熟，軟林林，三文魚新鮮😆跟住重點推介美人鍋，好日式嘅火鍋，我哋慢慢睇住啲湯蓉落去個熱鍋度，成個餐好豐富㗎，有各種各類嘅蔬菜🥬有粟米仔，蘿蔔絲，青瓜，沙律菜，蕃茄，洋蔥🧅，蘑菇，好健康呀食咁多蔬菜😆超薄牛肉，碌兩碌呢就要拎起啦，非常嫩口嘅牛肉啊，高質。如果可以再多幾塊，會更加開心😃，因為好好食嘅關係，眨吓眼就食晒。跟餐有兩杯餐飲，我哋揀咗一杯梳打同埋一杯烏龍茶。

今日獨自去沙田新城市廣場塚田農場吃晚餐。此店的美人鍋很馳名。既然有一人鍋，便叫了一個。美人鍋送上枱未食已令人興奮。窩底用一個銀色的盆送上，雞湯jelly蕩蕩下很美。在電磁爐的熱力下，雞湯jelly溶化成奶白色的雞湯。飲啖雞湯，又濃又甜又美味。雞湯是用長時間熬幼雞與走地雞的雞骨而成，每啖都充滿骨膠原，用來補充精力最好。一人鍋有一隻分成兩塊的雞脾，兩粒免治雞肉丸和數片雞肉。另外，還有一盆五顏六色，又好看又新鮮美味的蔬菜。有生菜，南瓜，菇，翠肉瓜，蘿蔔，黃椒，蕃茄，菜心等。一人窩份量足，吃完覺得很滿足。因為雞湯太美味，又有營，忍不住追加了一份烏冬，吸滿雞湯的烏冬又滑又好味!甜品不可不吃。我於是叫了一份安纳烤甜薯芭菲，配搭特別，有水準。烤甜薯上插了蕃薯乾，雪糕和白玉湯丸。週圍還有粟米片和餅乾。好吃!臨走還叫了一個炙燒走地雞年糕薄餅孝敬媽媽。佢話似雞肉餅乾，讚!今餐吃得很高興。下次帶老媽來再吃美人鍋。

朋友係要見的👭🏻! 之前好姊妹話食過塚田農場覺得幾好食, 於是今晚就帶左小妹試嚟下!🌟柚子蜜🌟日本波子汽水🌟三文魚牛油果美人卷外皮口感煙韌, 三文魚同牛油果味道唔算好濃, 加少少醬油或沙律醬味道更好🌟鰻魚忌廉芝士三文魚壽司卷🍣上面撒有食用金箔令卷物賣相更豐富吸引, 鰻魚同忌廉芝士好夾, 兩者平衡得幾好, 芝士唔會搶左鰻魚嘅味道, 入面仲有少量三文魚籽所以食起上嚟會無咁膩!🌟美人鍋美人鍋套餐包左一個蔬菜拼盤🥬🌽, 雞肉丸子同雞件! 美人鍋其實係黃金骨膠原雞湯嚟的, 一嚟到果陣係一個奶白色啫喱狀嘅物體, 加熱之後慢慢會變成濃郁嘅湯底, 雞湯濃稠, 鮮味濃厚, 小妹覺得南瓜同翠玉瓜最有驚喜, 清甜多汁而且非常吸湯!

上次食過美人鍋之後一直念念不忘，今晚收工就去食多次，簡左2人餐美人鍋，加左HKD168升級做澳洲牛肉，但原來無加HKD78升級做黃金骨膠原雞湯，個湯底係會唔同架!我一開始以為無加既意思係無雞肉，哈哈!但係牛肉湯底都唔錯既，2人份量既菜又真係幾多，今次有好多蔥同香菜，味道唔會好似中式個種咁大陣味，日式風味都幾特別，澳洲牛肉配生雞蛋食真係一流，牛肉睇顏色就知道新鮮同埋肥瘦適中，下次應該會試埋和牛，估計都會幾正! 另外，三文魚牛油果美人卷既米線都好薄，咬落幾有口感，三文魚夾牛油果無得輸!鰻魚忌廉芝士三文魚子壽司卷既賣相好令，份量就唔算好多，但係真係好精緻。見未夠飽就叫追加多份烏冬HKD15煮埋剩返既牛肉配菜食，好有係日本食火鍋既感覺，個餐仲包左2杯飲品，都幾抵食，好滿足既晚餐!

想吃塚田農場一段時間，今天剛好在沙田而友人也想吃，兩個人等了一會兒位終於可以吃了！美人鍋套餐 $438首先看到的是美人鍋套餐，包括了生春卷、美人鍋、美人壽司和飲品，感覺划算！。生春卷我們選擇了三文魚牛油果美人卷，味道像越式米紙卷及日式壽司的fusion，清新！蘸沙律醬則味道更濃郁。美人壽司要了鰻魚忌廉芝士三文魚子壽司卷，三文魚子及忌廉芝士最突出呢！美人鍋是黃金骨膠原雞湯，配菜非常健康，各種蔬菜類都質素高。我們升級了澳洲牛肉（$168），肉質鮮嫩，喜歡吃肉的絕對要升級。飲品要了凍可爾必思少冰及凍烏龍茶走冰。甑島醃蒜橄欖油燴銀帶鯡魚 $68上菜時油還在滾，而銀帶鯡魚雖小，魚肉味重而不腥，真不錯！意大利米飯 $30吃罷美人鍋一定要追加鍋後點綴，義大利米飯有白飯、芝士及黑椒，我特意把湯剩下一定的份量，加入白飯讓它吸收了雞湯的精華，再加入芝士及黑椒，太好吃了，推介！整體出品質素高，不錯！

以前係日本既「塚田農場」食過佢地既美人鍋後一直念念不忘 所以隨住疫情開始好轉 我決定去為於沙田新城市廣場既「塚田農場」大快朵頤喇點左一入份既「美人鍋」同埋甜品「石鍋雪糕新地-芒果口味」呢個謎之震騰騰乳白色啫喱狀物體係佢地既招牌湯底「黃金骨膠原雞湯」湯底係以產自日本農場的走地雞 經過八小時熬製 再經過冷卻再由日本空運到港 湯底誠意十分 口味濃郁得黎又唔會太膩 配上嫩滑既日本走地雞雞肉同雞肉滑（分別以黑白芝麻／七味粉點綴）仲有色彩繽紛既蔬菜盤 有南瓜、車厘茄、翠玉瓜、黃椒同菇等 應有盡有 而且蔬菜好新鮮鮮甜仲配有三款醬汁 誠意十足停唔到口係咁飲個湯底 每一啖都有滿滿既骨膠原 飲完立即覺得自己靚左望落後生左食完主食一定要食返甜品先夠滿足！ 試左芒果口味既石鍋新地雪糕 雪糕以石鍋盛載保持溫度冇咁易溶 可以慢慢品嘗 香滑既雲呢拿雪糕配上芒果醬同濃郁嘅芝士蛋糕 口感同味道都好有層次感 冇得輸！好滿足既一餐呀！

之前都成日經過塚田農場, 感覺上佢哋嘅食物好fresh, 但係一直都未有機會試前幾日爸爸生日我哋就揀咗過嚟食嘢, 見到美人鍋套餐好抵🥰一次過可以試到三種唔同類型嘅食物首先食咗鰻魚忌廉芝士美人捲💕首先個擺設係超靚有少少越式嘅感覺, 食落去好清新💗配搭埋個醬汁好滋味跟住到美人壽司, 我哋揀咗三文魚蟹肉沙律壽司卷✨我最鍾意啲蟹肉一絲絲, 仲要係好豐富, 加埋蟹子, 食落口真係好脆卜卜又新鮮之後到重點美人鍋💕淨係見到個名都覺得唔可以唔食啦．我覺得比平時火鍋係更加清新, 好健康仲有一樣嘢值得一睇就係我哋加咗個炸魷魚超級香脆, 我鍾意佢細細粒好易食, 唔會好似平時咁要咬到牙軟先食到, 呢個真係必嗌之選雖然係火鍋但係我今次同小朋友嚟, 都覺得全部嘢都啱同小朋友一齊食, 所以好推薦一家人一齊過嚟食

好耐冇返鄉下喇 🥲🥲 日本呀幾時先有得去 😫 唯有三餐唔埋兩餐都食日本菜頂住癮先啦⋯⋯行過見到塚田農場，試吓先 🍱雙拼年糕薄餅 ($88)：半邊係炙燒走地雞，另外一半係海苔明太子。年糕薄餅非常煙韌脆口，燒到焦焦哋好有口感牛肉時雨煮框飯 ($45) +照燒雞框飯 ($45)：細細碗，牛肉冧唔韌，燒雞唔柴，飯帶有燒肉汁，配上姜片蛋絲等等叫咗一鹹一甜嘅美人卷，的的骰骰，賣相精緻海老牛油果美人卷 ($42)：米紙超薄超薄，包住生菜、海老、玉子、牛油果、蟹柳，配少少酸嘅醬汁，清爽又fresh美人甜卷 ($48)：綠茶雪糕+黑糖+白玉+黃豆粉，好好食！全部都好夾餐廳用QR Code落單，好方便～ 見隔離枱食緊美人鍋，下次試吓先📍塚田農場 沙田沙田正街18號新城市廣場1樓105號舖

推薦指數：🤩🤩🤩美人卷，好精緻嘅前菜，三文魚牛油果配cream cheese, 夾住沙律超好食又refreshing !份量比較細，但又真係水準唔錯。呢個魷魚🦑炸到岩岩好，香脆又唔油膩，絕對係餐前同佐酒小食嘅絕配蟹肉三文魚卷，蟹籽配上絲絲蟹肉，壽司味道唔錯，比較係清新淡口味嘅卷物。再嗌多個炸蝦卷，好好食熱辣辣，新鮮整起絕對抵讚😊再嗌左兩款主食，咖哩焗蠔配埋一堆雜菇好惹味😙用鐵盤錫紙盛碟，保持食物嘅溫度，好用心😋另外豚肉魷魚炒麵都幾出色，日本麵條夠煙韌，炒到少少焦脆又唔油，實在唔錯

今天來到沙田新城市廣場，想食日本菜，見到呢間塜田農場裝修好靚，門口菜牌價錢不算貴，食物吸引，故入去一試。我地兩個人，簡單叫左個二人火鍋餐。頭盤係三文魚魚子壽司，賣相精緻，入口鮮味，十分好！👍👍之後又一個炸尤魚，炸粉開得不錯，野味。主菜火鍋十分特別，雖然菜多肉少，但有傳統日本風味，湯底一流。最特別的是飲品可以有波子汽水，仲可以補少少錢追加雪糕甜品。😋（甜品仲好味）。