塚田農場 (已結業)

同埋老公個仔同姐姐食過早嘅晚餐，6:00唔駛等但係要7:00還枱，都冇所謂，嘢食OK但係啲嘢偏細，要我哋一個鐘頭之內還枱但係個Pizza 30分鐘都未到，追左幾次最後佢出嚟話都係冇，Cancel咗個Pizza俾返個折我哋未食飽就走咗.....佢不斷不斷講唔好意思，可能個廚房真係搞唔掂，老實講下次未必會再嚟，再有誠意但係發錯咗半個鐘都有啲麻煩..............................

喺沙田新城市廣場食咗這個鰻魚飯 下午茶， 飯嘅份量剛剛好 ，鰻魚好新鮮 燒得很香脆 ，蛋捲煎得好惹味。另外,三文魚配上牛油果的那個飯也很不錯,份量不多,女生聚會,剛剛好,有湯當天,本想進去吃綠茶雪糕的甜點,但是沒有.

之前在TST海港城逛街的時候看到”塚田農場”總是人山人海，排很長的隊，於是特地到另一間位於沙田的分店。塚田農場是日本的過江龍，來到香港也幾乎完全保留其和式裝修風格！二人行，前菜是三文魚蟹肉沙律壽司卷，清酒(結)味僧燒鹿兒島天然豚里肌肉(因為不夠熱的關係，我們便詢問店員可否更換?沒多久，經理便過來解釋和了解問題，而且馬上著廚房重新上菜，態度非常好和有了解問題所在，非常抵讚!)，然後點了一人份量的美人鍋（骨膠原雞湯），湯底非常清甜，極之出色! 配色彩鮮艷的日式蔬菜拼盤，健康得來又美味!!另追加一份烏冬和澳洲牛肉便夠飽肚!好滿足!會再回來!

沙田的塚田每每經過都覺得食物的擺盆好靚，非常賞心悅目。而且開放式廚房真係睇得出的品質保證，蔬菜真係睇得出的新鮮。期待期待。近日同男友食了呢度最出名的「美人鍋」。塚田的餐牌真係好高質，設計獨特。我地點了美人鍋套餐。當中包括：「鰻魚忌廉芝士美人卷」、「帆立貝玉子壽司卷」、美人牛肉鍋以及2杯飲品。最先上菜的是「鰻魚忌廉芝士美人卷」，賣相超吸引。而最欣賞美人卷的部分是煙韌軟糯的外皮，當中包裹住爽脆的蔬菜與鰻魚配搭的很好，清新而不膩。---之後便是「帆立貝玉子壽司卷」壽司卷既然用玉子包著壽司飯，上層的帆立具非常新鮮。細細一件，非常的骰可愛。湯底最先送上，當中好似布丁的是滿滿雞湯既骨膠原精華。聞落一d都唔腥，開爐後慢慢溶化感覺好好玩。而且盛器也是很特別的材料，既不會𠝹花亦不會燙手。 我們升級了澳洲牛肉 分量不多，但勝在大大件，可以用誇張來形容。而且油脂不算多，牛味香濃好味。品質的確很有保證。塚田的蔬菜擺盤超美如藝術品。而且蔬菜種類和分量亦非常豐富而且新鮮。超值得試。最後上埋杯飲品。正！

呢間既美人鍋可以話係出晒名作為一個愛錫女朋友既男人，又點可以唔帶女友黎食呢呢個美人鍋SET都幾抵，一個ＳＥＴ入面已經有個春卷，鍋物，美人壽司同飲品兩杯睇佢圖片同介紹已經覺得好吸引鰻魚忌廉芝士美人卷呢個美人卷既外皮係有煙煙韌韌果種黎，口感都幾特別雖然忌廉同芝士都係略為重味既野但同時鰻魚亦都係，亦因為鰻魚夠靚，令佢地味道唔會互相遮蓋而新鮮既蔬菜就令到即刻咁重味既野都會變得清新而不膩帆立貝玉子壽司卷呢個壽司卷都幾特別，外層唔係用紫菜而係用玉子岩晒我呢Ｄ最鍾意食玉子既朋友帆立貝亦都好新鮮美人牛肉鍋（澳洲牛肉）冇錯，呢個就係傳說中既美人鍋，真係上台已經得意到令人好有興趣其實呢個白色啫喱狀物體係雞湯既骨膠原精華開爐之後就會慢慢溶化入湯底配料方面，我地升級左澳洲牛肉唔好見佢得幾塊咁，其實每一塊都好大塊而且因為佢油脂豐富我地兩個人食都夠飽另外仲有隻溫泉蛋，可以用黎點牛肉食其他配菜都好有誠意有各種唔同滿滿既蔬菜仲要每一種都好新鮮波子汽水飲品仲可以唔洗加錢就叫呢個兒時最愛，正埋單650，一男一女食都夠食，都幾值

好耐都冇去過沙田啦估唔到新城市多咗咁多食肆今次就去咗塚田農場聽講佢哋嘅食材 好多都係日本運送過嚟唔止食菜啊 連個裝修都好有日本feel🥰我哋先叫咗一個沖繩唐揚魷魚($58)香脆嘅外皮 結合多汁肉嫩的魷魚酥脆外皮一咬 充滿日式風味😋😋之後叫咗個三文魚親子鹽昆布炒飯($83)我覺得呢一個飯絕對係令我刮目相看因為睇落去材料好簡單 但係味道係一流👍🏻👍🏻絕對推薦大家叫呢一個炒飯食😚最後主角出場啦 我哋叫咗個美人涮鍋要咗澳洲牛肉&豬腩肉 湯底就係壽喜燒 ($460)全部肉圍住個鍋 睇落去真係好靚😍😍當然佢嘅材料都好好味啦 無論牛定豬都好新鮮😝總括嚟講 呢一餐我哋都好滿意😛-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂

When it comes to Japanese cuisine, we are pretty spoiled for choices.Tsukada Nojo - The word “Nojo” means farm, the restaurant boasts a farm-to-table concept featuring fresh and healthy ingredients.Although the highlight of the menu is the hot pot, they also offers a wide range of Japanese dishes.Salmon Crab meat Salad Sushi Roll (HK$78)👍👍👍👍A pretty tasty combination of salmon, crab meat salad topped with crab roe. Every mouthful of this sushi was crunchy, juicy and fresh-tasting. Serve with w

今日選擇到塚田農場來慶祝紀念日，優雅的日本餐廳，食物價錢中上，招牌鍋物有幾款可選，店員指蕃茄鍋肉類份量較少，所以最後我們決定吃美人鍋。店員把材料放好後，看着湯底由凝固的狀態煮熱成湯底，試一口鮮甜無比，而且有點黏口，證明真係充滿骨膠原，之後才把食材逐一放入加熱。蔬菜籃的食材豐富，包括生菜、青瓜、蘑菇、紅蘿蔔、黃蘿蔔、紅心蘿蔔、車厘茄等等，另外有幾件雞件和免治雞肉。整體食材新鮮，連湯底一起吃， 十分美味。另外也點了一個雙拼年糕薄餅（炙燒走地雞配海苔明太子），年糕薄餅餅底薄而且口感煙韌，餡料不是太多，除雞肉和明太子，面頭仲有紫菜和支豆等配料，口味特別。

第一次嚟呢間塚田農場，一入門口就比嗰啲七彩鮮艷嘅蔬菜籃吸引咗，入到去發現地方寬敞，乾淨整潔，而且今晚人又不多，環境安靜舒適。呢度都有幾款招牌鍋，亦有套餐可選，不過店員有介紹剛剛今日更新了餐牌，有些新菜式，也想試試看，所以最後散叫了一個美人鍋（二人用 $360 ）、牛肉時雨煮框飯（ $45 ）和鰻魚忌廉芝士美人卷（ $42 ）。美人鍋有一大盤蔬菜加幾件雞和肉丸，重點是日本空運到港的黃金骨膠原雞湯，真是非常濃郁的雞味，亦好飲！記得落材料之前飲番碗先！另外蔬菜籃款式多，而且非常新鮮，雞件本身已經煮過，所以在煲內略煮翻熱就可以進食，鮮味滑嫩，正！至於牛肉時雨煮框飯，份量唔多，配合埋美人鍋就感覺剛剛好，飯係白米和糯米混合煮成，口感煙韌，相當特別。仲有啲蛋絲、蘿蔔絲和牛肉配合，味道不錯。鰻魚忌廉美人卷都好食，米紙包住鰻魚、蔬菜和芝士，有特色之餘又好味！

今晚見客前要獨自解決晚餐；所以來到沙田的塚田農場，一間一直都好想試的餐廳；不過因為一個人的關係，所以就放棄了美人鍋，改為單點其他食物。*海老牛油果美人卷（$42）先來一個開胃小食；用米紙包住生菜、海老、玉子、牛油果和蟹柳，口感豐富，味親有清新；冰涼的前菜，為炎熱的天氣降降溫。*三文魚親子鹽昆布炒飯（$83）主食當然要有，因最近要戒戒口，想了很久到底吃什麼！曼後選了三文魚炒飯；蛋邊是在上菜的時候才下，自行控制生熟程度；炒飯粒粒分明的，油份偏重；三文魚的份量比想像中多，伴上昆布，很好吃！*甑島醃蒜橄欖油燴銀帶鯡魚（$68）因為貪吃的關係，多點了一個不會太飽肚的小食；是原條的銀帶鯡魚，雖然用上大量的橄欖油煮，但一點都不覺得膩。*楓（$78）是雜莓味的MOCKTAIL，不會太甜，很解渴。

哩間本身係日本宮崎食過既一間餐飯今日係沙田新城市中心再食😊坐位寬躺，坐得舒服美人鍋套餐抵食。438除左美人鍋外，仲可以係美人生春卷同美人壽司入面揀一款湯底原本係咁既樣，加熱後佢就好似平日打邊爐咁既樣。即使無加錢轉黃金骨膠原雞湯，個湯底壽喜燒但一樣充滿骨膠原，因為食食下飲埋個湯覺得黏黏地「美人牛肉鍋」。佢係壽喜燒湯底，食落都唔會太咸。食完又唔會太口渴，証明無咩味精。蔬菜們都好新鮮，其中比較特別既係紅芯蘿蔔。食落比平日既白蘿蔔爽脆，鮮甜。仲有澳洲牛肉，牛肉味比較重,牛肉既脂肪唔會太多，食落唔會有太油膩既感覺。「海老牛油果美人卷」食落有d小清新既感覺。因為佢有個熱帶醋同柑橘既特制醬汁。食落酸酸甜甜咁。入口首先有芝麻既香味，「鰻魚芝士三文魚卷」入面有大蔥。有d刺激既口感，加埋d芝士，減低左個膩胃，同三文魚子，鰻魚一齊食一啖好豐富咁，好多種味道夾埋左一齊。最頂既金箔令賣相更吸引「撫子」有甘甜既黃桃+檸檬+波子汽水好清新又唔會太甜「菖蒲」加入左茘枝同桂花既一杯美人雞尾酒賣相對女士好有吸引力，酒精味道又唔會太重

叫咗個雜錦角切魚生飯，一黎完全認唔到（自己睇圖）。感覺好似將切剩的魚碎掉上飯，而魚碎亦唔係鋪滿飯面，再拼幾塊生菜。問個經理，佢好輕描淡寫咁話，都係無角切到啫！未見過咁貨不對辦嘅食物，至少我會對呢間餐廳有少少期待。最後轉咗魚生飯，以後唔會再黎！

今日約咗好姊妹下午茶，沙田新城市嘅選擇實在太多，我地揀咗呢間，因為大家都未幫襯過。喺出面望入去裡面感覺會坐得幾舒服咁。今日午餐嘅人流唔算太多，所以我地等咗一陣就可以入去了。下午茶餐牌有幾款丼飯，我地不約而同都揀咗呢款炙燒三文魚牛油果丼配熱茶，價錢不貴。我地一路食一路傾都傾咗一粒鐘，座位也坐得很舒服。炙燒三文魚很嫰滑但有少許生，所以如果要食全熟的話，就不要揀這款了，可以揀另一款鰻魚玉子丼。牛油果的份量頗多，軟綿綿的，和炙燒三文魚非常夾，所以真係好好食！有機會再嚟試下佢地嘅美人鍋啦！

成日係沙田食野食到都唔知食咩好！係到揀餐廳既時候，見到塚田農場，成日見到以為佢係打邊爐所以冇食過！今次認真睇吓原來佢係食日本菜，而美人鍋係佢地主打菜，所以成日見到佢個鍋！呢間餐廳嘅環境好好坐得好舒服，又大又闊落！餐廳服務都好好，服務員見到有客人即刻帶位！****鍾意食牛油果嘅人一定要你試吓！因為佢好多餸菜都有牛油果揀！嘢食都唔駛等好耐，落咗單之後過一陣就到啦！話晒係日本餐廳梗係要試吓佢嘅壽司啦！食左三文魚牛油果卷！估唔到牛油果同三文魚真係好似丫！同埋佢唔係用紫菜做出面包住嗰層，佢用左好似越南春卷外面嗰層紙！又好特別同好好食！叫咗個雞肉烏冬，佢一齊上嘅湯底好出色！佢個味都唔係好濃比較清淡！但係清得來好清甜！加埋落個烏冬到好好食！其實佢嘅美人鍋都好吸引！我下次一定要試！

咁岩路過。見到啲招牌鍋有50%off即刻就衝左入去！其實想試好耐！因為本身都少少貴。平左一半即刻要試。入到去啲睇到人地食既鍋真係好吸引。因為未知有幾多，所以2個人叫住一個先。我地叫左一個全牛！清湯！超期待！黎到第一時間當然要打卡！牛既顏色一望就知好新鮮！因為清湯既關係，所以食到牛既原汁原味！好香好滑！而且，下面仲有啲菜有啲金針菇！仲有2個調味料。一個係芝麻醬。另一個好似豉油既，但吾太咸。因為吾知個個係乜，所以只加左芝麻醬。到最後加左個烏冬。本身既清湯，變成一個牛肉湯底！完全吾洗加調味料都好好食。烏冬都好抵食！又夠滑！濃濃既牛香。另外想重點一提既係。全間舖都好夠衛生，好乾淨！staff都好熱情！本身應該要600至700因為半價既關係。而家350有找！抵到爆炸！！！除左火鍋，仲有好多其他熱食，好吸引，下次要再試試🤩