堅韓牛韓燒放題 (已結業)

同友人上網見到介紹有間韓牛放題新開，咁就揾下料見佢D圖都唔錯，就去試試佢啦。呢間野有美牛同韓牛選擇，咁黎得緊係選擇韓牛啦。韓牛餐佢會先送一碟靚既韓牛咁見到果碟牛都真心覺得唔錯，不過就有d根。滿心歡喜再叫佢佢其任食既牛。點知中伏之旅正式開始。再黎既牛一上枱真係O晒咀，因為真係點都諗唔到俾298（連加一後327.8）既放題係可以俾一d放到已經啡色左既牛你，呢一d牛我相信大家去超市都未必會買。而且肉質方面係又多根又冇咩牛味。講得中伏真係唔只食物質素，員工方面都好唔掂，佢場入面有好多職員，但真正收單既職員來來去去都係得1-2個，其他既職員主要工作係企係廚房門口吹水。你要交紙仔一係就等佢d職員上菜時先會幫你，一係就要你自己行出去俾果班吹緊水既職員。只有last order 同最後10幾分鐘時先會好主動咁企係每一枱客人後招呼佢地，等佢地快D離座。總結：如果你想俾300幾蚊以身試伏，我絕對推介呢間野。但如果你係想開開心心食餐燒肉呢，就真係再揾過第間啦！

當日睇到Facebook 介紹，諗住韓牛就去試下🙊去到都真係主打食牛，佢有分韓牛同韓式美國牛。雖然兩種都係一般，但除左牛，其他野認真麻麻。唯有佢跟餐送一次的韓牛肉眼就稍為好食小小😂另外可以加錢單點，但因為我地兩個覺得都係一般般所以都係無再加錢🙊有特別之處可以韓燒完再火鍋（唔係同步）但食材都係嗰句，好一般😂😂不過老老實實，如果真係任食韓牛就唔係呢個價錢啦，如果大家係好有要求我勸大家諗諗先好啦，皆因當晚隔離枱全晚就一路食一路e e 哦哦🤦🏻‍♀️不過呢間個抽煙機廢廢地🙊🙊好似完全唔work 咁。都較為大煙所以🙊

小弟既戀韓燒，也愛火鍋，為了兩者兼得，今晚就來試試旺角堅韓牛的韓燒、火鍋、雙放題。堅韓牛位於旺角彌敦道726號16樓，佈置簡潔，環境舒適，為方便韓燒，每張枱都有個別加裝排煙槽，增加空氣流通。任點任食韓燒火鍋雙放題，不同時段，不同日節，不同價錢。成人價錢由$168至$318不等，小童/長者另有優惠。此外頂級韓牛餐和美國牛肉餐價錢亦有分別。韓燒肉類有韓牛腿肉、展肉、腩肉、肩肉。另有韓式美國安格斯牛肋骨、韓式美國安格斯肉眼扒、韓式美國安格斯一口牛肉、美國短骨牛排、韓牛漢堡、牛肉片和金菇牛肉卷等。還有其他肉類、如五花肉、豬頸肉、雞肉、雞中翼、芝士腸、廚師腸和蟹柳等。水產有海蝦、帶子、多春魚、青口等，田園方面則有紫洋蔥、翠玉瓜、雞睥菇、鮮冬菇、菠蘿、薯仔片、粟米和三色椒等。另有傳統韓國菜，如雪濃湯、大醬湯、泡菜豆腐豬肉湯、各式石鍋飯炒粉絲等。熟食有韓式炸雞、各式煎餅、餃子和炒年糕等。總之生熟食品，共冶一爐，任君選擇。飲品方面，有多款自取韓式汽水，本地汽水、解茶和烏龍茶等。侍應先奉上基本韓式前菜泡菜和蕎頭。跟餐每客送前菜韓牛他他或刺身、韓牛肉眼和傳統韓式湯類一款。韓牛他他牛肉鮮嫩，鮮嫩牛肉切成薄薄

同家人中午用餐, 職員有禮貌, 食物新鮮, 地方乾淨, 韓牛質數中等, 可韓燒再火鍋。最怕油煙味, 抽煙快, 落單準, 唯一失分12:00-15:00 午膳時間確實得110分鐘。

一連兩日嚟旺角搵食，其實昨晚來吃魚麵的時候，就已經留意到大廈入面有間叫「堅韓牛」嘅食肆。瀏覽過餐廳網頁，原來店子是以韓燒、火鍋雙放題為賣點，想起已經很久沒吃過韓燒，而且這間仲要有埋火鍋，可以二合一，所以就即刻訂咗檯，趁翌日 family day，同家人嚟吃頓午餐。餐廳位於彌敦道 726 號 16 樓，一踏出升降機門就係等候區。店內裝潢與一般烤肉店分別不大，佈置簡約，靠牆以梳化座為主，而中間就擺放了多張四人檯，地方雖然不算很大，但坐得尚算舒服。牆上掛有一隻牛的浮雕裝飾，店員可以藉此向客人解釋韓牛各大部位的特色。餐廳門外掛有收費表，價錢一目了然，就以今次我哋食嘅星期六午市放題為例，如果揀「1++頂級韓牛餐」，成人每位收費 $228，而「精選美國牛肉餐」就每位 $188，可以由中午 12:00 食到 15:00，足足有三個鐘，時間非常充裕。入座後，店員會先為客人送上泡菜及調味料等。由於有小鬼在場，所以今次點選食物的任務，就決定交由他發板，而我就一於趁空檔，先外出取飲品。 揀了「1++頂級韓牛餐」，原來點選這款韓牛餐，每位客人皆可獲贈 1++韓牛肉眼或 1++韓牛 LA 骨乙份，韓牛他他或刺身

眾所周知, "韓牛"係韓國最珍貴既食材之一, 無論係韓國, 還是香港, 韓牛價錢一般都很貴! 早幾日係旺角收到張傳單, 得知有間新開放題, 餐廳名為"堅韓牛", 似乎是以高質素韓牛做主打! 於是相約朋友今晚去一試~價錢分為兩種, 當然選擇任食韓牛的會貴一點, 價錢不算相差太多, 所以我地就揀左"1++頂級韓牛餐"任食。餐廳座位算是闊落飲品方面款式不算多, 但有幾款香港很少買到既韓國飲品果汁, 特別係罐裝米水, 味道似淡味既維他奶。雖說韓燒、火鍋雙放題, 但兩者不能同時進行, 如果想食火鍋, 就要預留一點時間, 因為放題有限時的!韓燒任食包括有韓牛、美國牛、豬肉、雞肉、海鮮、蔬菜呢度既肉類色澤鮮嫩, 燒既時候仲有血水滲出而最討我歡心就係呢兩款連骨既韓牛同埋美國牛呢款韓牛既牛脂豐富, 而且分佈平均, 牛味很重~海鮮方面, 我地點了海蝦、藍青口、多春魚、魚塊我地ENCORN了好幾次魚塊同埋海蝦魚塊為厚切, 很嫩滑, 醃得入味至於海蝦, 大大隻, 爽口鮮甜, 肉質札實, 不是死蝦質素把握時間, 我地將韓燒轉了做火鍋, 自選湯底點了比較少有既 雪濃湯底, 非常清甜, 如果唔想打邊爐, 都可以or

睇到Facebook 介紹堅韓牛，作為牛魔王既我一定要去試試，上到去見到試業中，期望不大，但食完之後就會覺得一定會再黎！首先，飲品方面都有幾多韓國飲品揀，連韓國新奇士提子汁都有，但我比較鍾意呢款米水，好夠濃，比市面上那款還要好飲！我地揀左頂級牛餐，本身個餐包韓牛肉眼、燜牛膝牛尾同韓牛他他/刺身，我地2個人各叫1款試下！韓牛肉眼出乎意外既好味!!我地就算燒耐左一d都唔硬，仲入口即溶，似和牛！而韓牛他他亦都係好「牛」，爽口！另外既燜牛膝牛尾，上到台仲滾緊而裡面竟然有紅棗，個湯又充滿蕃茄味，所有料都燜到好軟，足料，但就有d甜！刺身就不過不失，有三文魚同帶子！除左韓牛餐送既以上幾款，佢有超過10款唔同部位既牛可以揀！係呢度特別推薦韓牛腿肉同韓牛展肉，肉質鮮嫩，牛味十足！試哂咁多款都應該會飽哂！另外仲有牛以外既肉揀既，五花肉必點，因為一d都冇豬腥味，食落一d都唔會覺肥！海產類都有唔少種類，其中魷魚翼、蝦同多春魚、藍青口都係必點，燒完之後都仲好鮮味，藍青口又唔係度度有得燒，蝦又大隻又多膏，加埋多春魚大大條，冇得輸！嫌食韓燒食都好乾？可以點個湯底，個爐即刻化身為火鍋我地叫左個雪濃湯底，叫左d蔬菜類，

同行二人食7:30時段，7:20已安排入坐，7:40都仲未有人俾menus睇可以食咩，同時間入場的客人已叫哂食物，我便叫其中一位侍應，佢話要等我地揀左餐先俾menus我地，之後就行開左，問題係我地都唔知有咩餐選擇，裡面有咩唔同又唔知，咁點揀？之後再叫第二位侍應，佢話要請另一位黎介紹，點知果位就 係同隔隔離檯剛坐低客人介紹之後又行開左，叫都叫唔切，第三次要再大聲叫先有人應我地，果時都真係興興地，我同個侍應講我叫左三次先有人應，點知侍應態度仲差，又係話要簡個餐，咁簡咩先得？入場前又無人講有咩餐同個餐有咩分別？其後order食身亦黎得慢，侍應仲要行開時同另一些侍應去數客人，服務態度、臉口極為惡劣，雖然係試業階段，但真的要改善一下。客人黎食野都很想開開心心咁食，而且係限時，請珍惜客人時間。到差唔多食完，又聽到隔離兩檯客人分別因order太慢同book檯時侍應無講時限而起爭執，請這食店認真改善。*牛肉質素相比出面一般黎講係較好，但埋單3百幾一個人，請注意服務態度！

今天到旺角新開燒肉店堅韓牛韓燒火鍋雙放題用餐，一向食開日式燒肉，今天換換口味，吃韓牛。堅韓牛試業階段，想不到人流極多，17:35到店，已滿座6-7成，幸好一早訂座，walk-in無位。前場半滿，安排到最入的位置，尚算坐得舒服，新店乾淨企理，位置不多啊。選了韓牛放題，準備大吃特吃。先上到的是韓牛他他，肉切成細條狀，有韓式洋蔥醃汁，加上生蛋的香醇，牛肉的質感與肉味更特出，全沒有腥味！吃到牛的原始風味。接下來介紹的是三文魚大腩刺身，𠝹成花狀，厚切之餘不會過韌，又有三文魚油的甘香，正啊！帶子鮮甜帶海水風味，想不到連刺身也如此出色呢。頂級韓牛，只有一客，油花均勻，顏色鮮亮，非常新鮮的樣貌。輕輕兩面各燒15秒，6-7成熟，華麗的香氣飄出，吃進口中，肉的質感紋理極佳，頂級呢。傳統韓式牛煲，濃濃的韓式豆瓣醬香，炆得稔而不韌，非常入味。濃濃的韓國風味，石鍋上的配料如蔥花更令整個菜色昇華，帶著地道韓國的風味。韓牛腿肉、牛肩肉、牛腩肉、牛肉片。肉質細嫩，不會散碎無味，韓式醃法，是韓國的味道啊。韓式美國安格斯牛肋骨，長長的一條，絕不因放題而將貨就價。連著骨的牛肋肉特吃嫩滑，那種油香有別於牛肉的其他部位。新鮮田

成班朋友約食飯，梗係要搵個地方可以坐下傾吓計，朋友話呢間係啱啱新開業嘅餐廳，有韓牛美國牛之餘，亦可以選擇烤肉加火鍋，咁新式嘅餐廳我哋梗係要試一試啦。朋友一早訂咗位，限時兩小時，最後埋單$350aro/人，可以食嘅種類非常多，有牛肩肉，牛腩肉，豬頸肉，帶子，蝦，泡菜，而且還細分火鍋類及烤肉。不能詳錄。另有韓國飲品及可樂汽水等任飲，但沒有酒精類飲品，最後食完仲有雪糕。由於是新開張，每台仲送了很多食物例如有呢個生牛肉，我在韓國的時候，便已經10分喜歡食生牛肉，係香港可以再食到，真係太開心。最後，雖然我哋已經好飽好飽，但仍勉強地吃了一個火鍋，火煱湯底10分韓式，叫了一個辛辣麵，正！完成了美味的一餐。侍應服務態度很好，而且換盤的動作也10分快推蔫

前菜附送每位一客三文魚刺身牛肉種類選擇多，而且頗為肥美，值得一試。另外還有海鮮可以燒，例如青口、藍青口、帶子、魚、海蝦等等。亦有另外一些肉類如五花腩、雞翼等。令我覺得出奇的是，他有多款石頭鍋飯可以選擇，但是我們沒有叫，因為感覺好飽肚，也有一些小食如紫菜包飯，炸雞等等。都算豐盛。正價每人238加一，不算貴。

呢日同男人搵左間食韓牛既韓燒，呢度應該係新開，通常食韓燒都係連鎖店，就試下新野啦。我地大約六點幾到，呢個時段無乜人，入到去好大煙，抽風都幾差。坐底左之後，就問我地要刺身定他他牛，我地揀左刺身。份量同質素成正比叫左少少前菜食，味道一般呢個係送既牛肋骨，係幾好食，兩面輕輕燒一燒就食得，簡單用鹽調味都已經好好食。之後就叫左韓牛同美國牛肋條左手邊係韓牛，你見到d肉係黑黑地色，就連第一盆都係咁既質素，真係呢，真心得呢一round叫既韓牛係一塊塊，其後叫既可以話係肉碎，係燒唔到架，加上呢度既肉薄到紙咁，一放上去個爐度就會燶。呢塊係肉眼扒，無乜牛味，左上角就係韓牛既肉碎，係完全燒唔到。都幾無奈，價錢仲要係298加10%，真係好唔抵唔會再黎

旺角新開韓燒，用餐1小時10個字，賣點係1++頂級韓牛，所以我同屋企人就走去試啦。但超失望😞佢嘅韓牛片太薄，韓燒嚟講實在唔適合，而且完全無牛及油香味。我地3 個人食，無論你係點餐紙寫幾多件，出嚟就係圖片數量，而且漏單嚴重😡已經無心機再燒，我地就叫佢轉火鍋啦，諗住要試埋佢嘅火鍋用韓牛片，點知更難食，鞋到不得了，比普通肥牛更差，蔬菜唔新鮮。但韓牛肉丸合格，每人$ 316.8，呢個質素就算 $200 我都唔會再去😡

今晚同朋友一起去試堅韓牛雙放題，一來有八折，二來知道公司老闆係蕭若元先生更加有信心，因為他們用的韓牛係非常冇得頂，因為他們自己有做埋批發，貨源可以平過其他人。仲要食完燒烤再食火鍋，埋單每位$270，連我朋友都話好食過其他韓燒。套餐另外再送牛肋骨和西冷扒，原來西冷扒成隻手掌咁大塊，仲有牛他他，頭一個鐘食燒烤已經飽咗八成，第二個鐘食火鍋叫咗雪龍湯底，清清地食下瓜菜和韓國粉絲，想不到好入味，我竟然食咗好多粉絲😱，結果飽到好似有咗五個月咁，雪糕都冇食，臨走前見到蕭生，他說最好6、7人來一邊火鍋一邊燒烤仲正，下次要call成班friend 去先得，可以食多不同款式的食物。唯一美中不足是場內抽氣不足夠，成場都係煙，坐滿人都幾熱，可能在試業中，服務仍有待改善。

友人生日，在openrice瀏覽下見到旺角有間新開嘅韓燒主打韓牛，加上新開張期間憑宣傳單張可享8拆優惠，以此價格可品嚐韓牛放題實在吸引。不作他選立即至電留坐。 時段及收費看官可參考其他圖片，可能因新張關係，至電留位時竟飛至留言信箱，更甚是留言信箱已經爆滿，最後在其他時段時始能接通留位。可想而知此餐廳確實吸引了不少好肉之仕。至當晚7:30到達餐廳時發生了一段少插曲， 因留位時已詢問店員有關宣傳單張優惠之事。店員回覆在地下將會有員工派發單張。唯當晚到達時未見有員工踨影， 到進入餐廳詢問店員時始知單張已派發完畢。故未能享用折扣優惠，不過亦無損對嚐試新餐廳之雅興。入座後店員先放下前菜，但重點不在此，反而在於調味料。 枱上只有醬油及食鹽提供，比坊間其他同類餐店感覺少了選擇，但另一方面看得出此店對於肉的質素有一定的信心，更加添我對此餐的祈望。此餐廳主要分為美牛放題及韓牛放題兩種，爐上可加上鐵鍋變為火鍋。但原來兩者分別是在於選擇韓牛放題每位可多加一份60g的韓牛及（韓牛他他/刺身 二選一）。如要recall韓牛需要另外加錢。一塲來到當然選擇了韓牛放題。下面是其他食品的個人短評：泡菜湯： 感覺加了辣味