堅韓牛韓燒放題 (已結業)

和牛、安格斯、本地牛，我都經常吃，已經開始有點習以為常，不過最近在網上，見到有韓牛出現，便想一試，剛剛友人話旺角新開一間堅韓牛，便約齊好友來到這裡。這裡的抽煙做得不錯，所以就算好多人一齊燒烤，都沒有太大油煙。飲品有汽水、韓式飲品、韓式啤酒，任飲自取。每人一開始可以選擇一份刺身或一份他他牛。刺身有八爪魚和三文魚，三文魚夠肥美，八爪魚有嚼勁。他他牛：牛肉嫩滑，有雪梨在內，爽口又甜美。1++頂級韓牛肉眼，雪花紋理清楚，脂肪分佈均勻，牛肉味十足。1++頂級韓牛腿肉，醃1++頂級韓牛腩肉，1++頂級韓牛展肉，醃1++頂級韓牛肩肉，醃了的肉稍為帶甜，沒有醃的牛肉點些鹽已經很好味，我覺得牛腩夠肥美，牛腿肉偏腍，這兩特別好👍。炆牛肋骨肉，牛肋骨炆煮得很腍，內𥚃的蘿蔔吸收了肉汁，變得非常好味。吃完韓牛，再點些安格斯肉眼扒和其他部位，相比韓牛，安格斯就稍為遜色了少許，不過都不會失望的。而其中以大理石的味道最為突出。燒完牛肉轉火鍋，湯底要了泡菜鍋，這個鍋底辣度不會太高。點了韓牛丸和蔬菜，韓牛丸比潮州牛丸嫩滑，彈性則不及潮州牛丸，不過對愛吃牛丸的，都一定要試。每人獲贈一杯雪糕作為今晚完美的結局。

星期六無咩做，又係食既時間～我地出左旺角食韓燒～佢地送前菜，我要左刺身、老公點左他他👯‍♂️刺身包括三文魚同八爪魚，都好新鮮。八爪魚好爽又彈；三文魚好肥美。他他用左雞蛋同蔥撈，好香又帶出佢既鮮牛肉味😘我地再點左韓式前菜，包括芽菜、泡菜、蘿蔔粒、洋蔥。都幾多選擇😁佢地再送前肉眼，雪花紋好靚燒好短時間就食得，好juicy,好香，油脂都比較多😘再送燘牛腩牛骨牛腩好軟，仲有牛筋，好多骨膠原呀！加上松子同紅棗，好保呀👍🏻見有得食炸雞，所以點左～佢係雙拼炸雞，有辣、有唔辣，岩晒我同我老公～燒烤材料有好多，不能盡錄，不如講重點啦～金錢展即平日食既牛展，包括牛肉同少少筋，所以口感豐富d牛胸爽佢係一層脂肪層肉再一層脂肪。鐘意食爽同牛油香既就要揀食個勒，而且脂肪層燒得好香脆。女仔要補充骨膠原都可以食～菠蘿超甜、超juicy🍍金菇牛肉卷外脆內爽，金菇吸左牛肉浸出既牛油更入味。醃韓牛腩肉肉超林，而且調味好味😋醃牛肩肉甜甜地，好香牛味。韓式雞肉肉好軟好滑。蝦超多蝦膏，正呀！安格斯肉眼扒，大個隻手掌🖐️肉好軟，脂肪比例適中，好香牛味😊最後好想飲個湯，所以點左個 - 雪濃湯即係牛骨湯，奶白色，好似雪咁。一上枱，已經聞到

韓牛聽聞已久，但以往甚少去韓國，就算去都是食人參雞湯，所以從未試過。朋友見我那麼大鄉里，決定約我去旺角的堅韓牛韓燒火鍋雙放題，讓我先韓燒，後火鍋地，一試韓牛。韓牛肉眼，色澤鮮明，油脂分佈平均，目測是上好貨色，韓燒後，肉味很濃，肉質嫩滑。韓牛腿、韓牛展 - 肉汁豐富，肉質油潤。韓牛腩位，韓牛肩位 - 用作韓燒和火鍋一樣美味。燜牛骨石頭鍋 - 牛骨好腍滑入味。韓式泡菜 - 有大豆芽、菠菜、辣大白菜。個人口味，喜愛大豆芽和菠菜，少少咸味加上麻油，很滋味。韓牛丸、冬菇、金菇 - 韓牛丸多汁爽滑彈牙，菇類和生菜都鮮甜。多春魚、蝦、魚塊，帶子，用料新鮮。

星期日同朋友去左堅韓牛食韓燒，咁可以揀韓牛餐或者係美牛餐，韓牛餐可點選美牛，但美牛餐唔可以揀韓牛。點餐之後送左他他汁生牛肉、刺身、1++韓牛肉眼同埋一個熟食(豬肉)~生牛肉甜甜地幾好味~刺身好厚, 夠新鮮呀!1++韓牛脂肪分布好靚，入口融化，可以話係今餐最好味既食物！之後我地點左安格斯肉眼扒同一口牛，點完再點，因為太好味，點少少鹽或醬油，停不了口。另外1++牛肩肉都拍得住肉眼。其他配菜如五花肉、冬菇、金菇肥牛、青口、帶子、菠蘿等等都好唔錯，係海蝦燒出黎好香。熟食點了泡菜豆腐豬肉湯，喜愛食辣既人一定超級鍾意，因為真係好辣。飲品方面有韓國飲品，提子芒果橙同波子汽水等。進食途中服務員會問要唔要生菜，當然要啦，仲要好靚好新鮮。換鐵板方面可以換得再頻密返d，因為都去到幾燶先問我地換唔換。去到中途多d會問我地轉唔轉火鍋，不過因為今次志在燒烤，所以冇轉到，我見隔離枱都淥得幾滋味，有d後悔冇轉到......總結呢餐係幾好味，特別係d 1++韓牛，而家都仲好回味，十分推薦！

美國牛肉放題食得多韓牛就未食過，今次揀這間可以任食韓燒牛肉之外仲可以有埋火鍋不過本人鍾意食燒肉多啲下次可以再試埋火鍋啦！有前菜同炸物，飯卷同韓式煎雞翼酸酸辣辣幾開胃。牛既品種都有好多種，肉眼、一口牛、牛仔骨等等我揀左 1＋＋頂級韓牛餐

前排好想食韓燒，所以同事推介呢間新開嘅韓燒餐廳，仲係專食韓牛，聽落已經覺得相當吸引，然而就緊係趁happy friday試一試💃🏻因為去果日係星期五，所以食呢個1++頂級韓牛餐（$288）係會貴過平日少少，而foodpigss🐷🐷揀嘅時段就係最早👉🏻17:30-19:20，到六點幾就開始滿座前菜有刺身或者韓牛他他二選一，之後想追加就要額外收費，而🐷🐷就揀左他他一開始見到生牛肉其實都幾驚好腥，但估唔到係甜的，而食前係會將雞蛋撈勻先任食嘅食物包括泡菜&洋蔥片，酸酸地食完會更開胃，戰鬥力大升而主角呢個韓牛牛肉眼都係每人只限一份，額外亦要收費，不過佢本身份量都好夠過個癮一睇啲雪花就知係靚野，所以唔可以燒得太熟，店員推薦每邊燒各十秒，之後再燒下邊邊就食得食落有啲入口即溶嘅感覺，而因為係靚牛嘅關係，所以唔洗蘸任何醬汁或者點啲鹽已經勁惹味之後就當然開始無限食牛，雖然質素一定唔夠果幾塊高級韓牛好，但都覺不俗，當中包括韓式美國安格斯肉眼扒、韓式美國安格斯一口牛粒&韓式美國短骨牛排等海鮮類就係帶子最出色，十分鮮甜，所以忍唔住再encore韓燒過後仲可以打邊爐，肥牛就係不二之選野飲方面就揀左青提味，個味似q

靚韓牛有幾堅？它是當地頂級食材之一。由於雪花多而分佈平均，且肉味濃，尤其適合用來燒烤。 以往韓牛只在內銷，價格亦企硬，當地多數會在節日或送禮時才會挑選頂級韓牛。約三年前，韓牛首次出口到香港，本地食友們福音也。 韓牛的等級，最高級是 1++ (能與我們熟悉的 A5 等級並肩)，之下有 1+、2、3 等共5級。今次的韓燒、火鍋雙放題，能吃到優質 1++ 牛肉，店方甚為落本。 埋位，侍應先奉上一客「石頭鍋炆牛肋骨」 冒哂煙，熱辣辣。甚多韓國料理味道都會帶甜，如想加入泡菜辣一辣，可另外 order。一鍋不夠喉，當然也可以無限添加。 另外每人奉送一客的「韓牛他他」 把牛剁碎，上放雪梨粒、蒽花，蛋黃等，搗勻吃，幾得。牛肉他他重點是牛要新鮮，無血水、無筋，方叫做得好，否則食壞肚皮就無謂啦。 若不吃生牛肉，可改做刺身。三文魚和帆立貝： 來到燒烤部份，重點絕對是這碟插上南韓旗的 1++ 韓牛： 雪花點點鋪在紅肉上，已感到它的優秀。燒至半熟吃上口，柔軟，帶肉香餘韻，不會太過份油膩，這正是 1++ 韓牛矜貴之處。 1++ 韓牛有四款，包括牛肩、牛腩、牛𦟌和牛腿肉： 雖說食物重質不重量

日本和牛燒肉放題吃得多，在網路上知道這裡有間新開韓牛燒烤放題，便約了齊朋友，5:30來到這裡。我們要1++頂級韓牛餐，每位$288，另加一服務費費。飲品有十幾款，汽水、啤酒、韓國飲料都可以任飲。每人可以選一份前菜，刺身或他他牛肉。刺身是三文魚和八爪魚，三文魚夠肥美，解凍得很好。他他牛肉內有雪梨，所以很爽口，加上生雞蛋就更嫩滑。1++頂級韓牛肉眼，脂肪比和牛少，肉質軟腍，不過牛味比和牛高。對牛魔王來説又是另類體驗。1++頂級韓牛腿肉，1++頂級韓牛展肉，醃1++頂級韓牛腩肉，醃1++頂級韓牛肩肉，每個部分都有不同的口感，牛展、牛肩比較有嚼勁，牛腿、牛腩肉質偏腍。炆牛肋骨肉，肉質軟腍而入味，我非常喜歡這個。還有安格斯肉眼扒和其他部位都是任食，其中我覺得大理石最好牛肉味。吃完牛肉可以轉火鍋，湯底要了辛辣鍋，這個鍋底辣度指數偏高。點了些菜和韓牛丸，想不到牛丸質感不錯，我吃了不少。最後每人一杯雪糕作結尾。

如果自問堅大食和牛魔王的話，堅韓牛韓燒火鍋雙放題絕對是有質素的回本放題之選，假日午市只需228元就可吃齊1++頂級韓牛餐燒肉及火鍋，今天我和姨姨也來挑戰一番。1++頂級韓牛餐包括1++頂級韓牛肉眼或1++頂級韓牛LA骨，韓牛他他或刺身，燜牛膝牛尾或燜牛肋骨煲或紫蘇人蔘雞湯，我們選了1++頂級韓牛肉眼，刺身及燜牛助骨煲。第一道刺身已經令人讚賞不絕，三文魚油脂豐富，入口一咬甜味立即爆發，八爪魚爽脆彈牙，可見其新鮮度。另外當然來些開胃的前菜，如泡菜和蘿蔔粒，蘿蔔粒鹹脆，泡菜酸得胃口大開。韓式雙色炸雞有辣有不辣，賣相還是不錯，辣炸雞沾滿香辣醬汁，挺惹味的。原味炸雞外層炸得香脆，內裡雞肉不會乾巴巴，毫不油膩。燜牛肋骨煲超讚，所用食材均非常滋補，石鍋裡有不少合桃，紅棗和栗子，使牛肋骨燜煮得濃郁香甜，肉質軟腍，令我們一件接一件吃過不停。黑椒炒美國安格斯一口牛粒用高溫鎖住安格斯一口牛粒的精華肉汁，富牛肉的甘甜味，加上黑椒熱炒，一口大小厚實的安格斯一口牛粒咬起來口感蠻棒的。1++頂級韓牛肉眼堪稱極品，1++頂級韓牛肉眼油花分佈細緻，真是美呆了。這韓牛肉眼只需微微炙燒，已有濃厚的油脂香，入口嫩得不行，幾乎

平時放工約食飯，旺角總係朋友們的不二之選。今次地點係位於彌敦道既堅韓牛，點左個1++頂級韓牛餐($268)，呢個餐除左個1++韓牛之外，刺身或牛肉他他外，基本上都係任食既。韓牛既size同埋數量都唔算少的，我地三個人都俾左十塊左右。韓牛油脂分佈多而平均，放上鐵板用火輕輕燒兩邊約十秒左右，再用鹽簡單調味已經足夠。未去到入口即溶，但十分有肉味同滿口油脂，食落十分有幸福感。刺身水準亦十分不錯，三文魚油脂夠，而且好運位置係魚腩附近，食落有咬口和夠魚味。除左韓牛之外，不同肉類海鮮都有提供到，個人最鍾意燒帶子，因為佢既size夠大而且易熟，食到咁上下重可以燒幾塊菠蘿食下解熱解渴。野飲方面，除左平時放題常見既野飲，重有圖中野飲櫃右上角既果汁同埋乳酸飲品。甜品就係可可貝妮既雪糕杯，食落比平時超市買的好，重點係雪糕有D咬口。

身邊去過韓國既朋友都會推薦食燒肉，不過自己係香港都好少食，今日竟然同朋友去左旺角［堅韓牛］食燒肉+火鍋放題去到餐廳門口就見到個雪櫃，放滿了不同飲品，除左汽水果汁外，仲有啤酒添室內環境寬敞，我地咁岩去到係九點半，第二round開始套餐有1++頂級韓牛$298 / 精選美國牛肉$238， 我地見兩者相差不多，便點了韓牛餐 聽說韓牛係牛界都數一數二咖～點菜紙分門別類比我地揀，仲有韓牛同火鍋配料。店員會先送上一鍋牛肋骨，燘得軟腍入味每位包一客前菜：刺身 / 牛肉他他 我未影相，朋友已經立即清左碟生牛肉😅每位客人都包一份1++韓牛脂肪分佈均勻，顏色鮮紅，燒到半熟就剛剛好，入口即溶，油脂豐富其他燒烤韓牛肉類包括牛肩肉、牛腩肉、牛𦟌肉、牛腿肉，如果食夠牛，仲有豬扒、雞肉等等，款式都有好多。食量大既朋友更可以點埋韓式炒年糕、石鍋飯、炒粉絲我地都試左個芝士雞翼烤肉當中，我地最中意係肉眼扒份量大方，不會有漏單/cut單情況出現，因為本身塊扒薄切，我地前後點了差不多十五塊有多肉質軟腍易咬，味道濃郁之後我地再點了少量海鮮，海蝦肉質彈牙、魚肉就一般，帶子細細粒但冇雪味食左一個鐘左右就請店員換爐，準備火鍋喇因爲係

一開始通常都係韓燒先既, 如果燒到咁上下可以隨時轉火鍋.呢到好似放題咁, 都係畫紙,  一開始會有d熟食可以叫住先, 呢到牛好高質下, 就算熟食既一口牛都係好好味. 作為前菜肚餓食住先都一流的!前菜仲有個他他牛可以食, 味道黎講好甜下, 幾好食, 不過有D人如果唔敢食生肉, 可以選食刺身都得.韓燒黎講, 牛助骨好正下, 味道佢調過既, 自己基本上唔太洗再落野,但如果仲想落, 可以加小小鹽去試試, 味道都唔錯, 牛助骨d肉本身有小小厚, 可能要燒耐d, 如果唔係中間太生, 會好難咬, 影響個口感,全日最靚既韓牛, 要加錢叫, 雪花比較靚, 煮落去會多油小小, 同埋好軟的口感,肉汁都重, 煮時應該要燒好個爐先煮, 方便易鎖肉準, 反3次到就要食.食太多肉會好油, 同埋難消化, 刺身方面鮮甜度都好高, 順便食D無咁油既野.加返小小其他野平衡返個油感啦, 基本上呢到咩都有好滿足, 海鮮係算新鮮既 ,可以放心叫,食得太多韓燒野既話, 係之後既一小時可以轉火鍋 ,食下其他野!成間野基本上無咩問題, 唯獨燈光有D難睇 因為要放到好落,如果唔放又好大煙, 所以成日都有個影係到!價錢同服務都好好嫁啦,

餐廳雖然唔大，但明亮嘅燈光營造到寬敞感覺。前菜叫咗TarTar， 碎牛肉加上生雞蛋，再撈上生蔥，肉嫩微甜。餐廳主打頂級韓牛同埋美國安格斯牛肉， 肉質幼嫩，好重牛味，最啱用嚟韓燒。而且仲有好多其他牛嘅部位任叫，好似牛肋骨，肉眼扒，一口牛粒，牛排等等， 真係啱哂D牛魔王。除咗韓燒仲有其他熟食，好似炸雞翼， 紫菜捲等。其中燜牛膝牛尾我就最愛。 牛尾同牛膝肉不但好淋同好入味，而且仲特別嫩滑。唔想食韓燒又可以變打邊爐。 我哋叫咗個雪濃湯底， 因為係用牛腿骨整成嘅湯， 所以特別乳白同清甜。 打邊爐配料， 蔬菜，肥牛，海蝦，豆腐都應有盡有， 任君選擇。呢度都仲有各式嘅飲品任飲，唔怕你口渴。最後，送上港製雪糕，味道又唔差。

朋友帶我來旺角食好東西，堅韓牛除了有韓燒外，還可以打邊爐，一次過滿足哂兩個邪惡的願望我們選了韓牛餐，除了可以任食韓牛外，還可以吃美國牛、海鮮、蔬菜、熟食和前菜等等，非常豐富！每人可選一款牛肉他他或刺身作為前菜。牛肉他他刺身可以任點的前菜有很多款，豆芽、泡菜、蘿蔔、洋蔥片、白菜仔和菠菜。豆芽和蘿蔔是一流的開胃菜1++韓牛肉眼雪花好靚，入口即溶，肉質柔軟，果然名不虛傳牛膝牛尾湯牛肉燜得好腍，骨頭旁邊有大量的骨膠原，加上栗子和棗，非常滋補，很推薦海鮮有帶子、海蝦、青口、魚塊和多春魚等等。我最喜歡帶子，帶子快熟，肉質爽口。韓式雙式炸雞肉質嫩滑，調味剛好，外皮酥脆。第一次吃泡菜餃子，味道不會太辣，泡菜和餃子很合適。芝士雞翼也沒有教人失望，芝士不會過多，啖啖肉，感覺不會膩滯，值得encore。有各式各樣的韓式飲品可以自取，這些韓式飲品都係比較少見。除了美味韓牛外，我也很喜歡堅韓牛的熟食，每樣熟食都很高質店員的服務態度也很好，上菜速度又快！我們還未吃火鍋已經飽了，只好下次再來吃火鍋

約左一大班朋友食火鍋兼燒肉，重點係要大擦牛！牛！牛！ 預左佢地會好瘋狂，估唔到真係好顛。大家一早到齊，準備入場。雙放題，價錢算係平，每人都係二百幾。座位唔算迫，坐得幾鬆動，不過有啲座位就冇椅背。八張任點order紙，再加一張單點自費項目。飲品自己去雪櫃攞，一般大路飲品。中間嗰罐紅石榴汁，好似咳藥水味，慎攞！好，先嚟一個合照，其實只係部份食物，好喪。先介紹啲即食嘅野：韓牛他他加入左調味料、蔥花、芝麻，好香口，感覺唔似食緊生牛肉，味道有啲啲似魚肉。加入生雞蛋攪拌，增加香滑感。炆牛尾用石鍋上枱，熱辣辣特別好食，食到最後仲好熱。再嚟燒肉部份：1++韓牛牛肉眼，一睇啲雪花紋就知係靚野，冇得呃架啦，仲插住支旗仔添。啖啖油香，牛味好出，烤幾秒就已經食得，正！海蝦夠大隻又夠爽口，蝦頭仲有好多蝦膏﹔多春魚好難燒，但奈何我鍾意食﹔菠蘿係我必燒項目，食完可以去去油膩感。燒到咁上吓，就可以轉做火鍋，冇咁油膩嘛。湯底揀左雪濃湯，奶白色湯底，味道唔錯又唔會太咸太假。加左啲蝦落去，成煲湯變左橙紅色，好鮮甜。出面見唔到雪糕櫃，以為有甜品添，原來每人有一杯雪糕。各牛摩王瘋狂一夜，足矣！