影片
更多
2018-09-02
291 瀏覽
一連兩日嚟旺角搵食，其實昨晚來吃魚麵的時候，就已經留意到大廈入面有間叫「堅韓牛」嘅食肆。瀏覽過餐廳網頁，原來店子是以韓燒、火鍋雙放題為賣點，想起已經很久沒吃過韓燒，而且這間仲要有埋火鍋，可以二合一，所以就即刻訂咗檯，趁翌日 family day，同家人嚟吃頓午餐。餐廳位於彌敦道 726 號 16 樓，一踏出升降機門就係等候區。店內裝潢與一般烤肉店分別不大，佈置簡約，靠牆以梳化座為主，而中間就擺放了多張四人檯，地方雖然不算很大，但坐得尚算舒服。牆上掛有一隻牛的浮雕裝飾，店員可以藉此向客人解釋韓牛各大部位的特色。餐廳門外掛有收費表，價錢一目了然，就以今次我哋食嘅星期六午市放題為例，如果揀「1++頂級韓牛餐」，成人每位收費 $228，而「精選美國牛肉餐」就每位 $188，可以由中午 12:00 食到 15:00，足足有三個鐘，時間非常充裕。入座後，店員會先為客人送上泡菜及調味料等。由於有小鬼在場，所以今次點選食物的任務，就決定交由他發板，而我就一於趁空檔，先外出取飲品。 揀了「1++頂級韓牛餐」，原來點選這款韓牛餐，每位客人皆可獲贈 1++韓牛肉眼或 1++韓牛 LA 骨乙份，韓牛他他或刺身
一連兩日嚟旺角搵食，其實昨晚來吃魚麵的時候，就已經留意到大廈入面有間叫「堅韓牛」嘅食肆。瀏覽過餐廳網頁，原來店子是以韓燒、火鍋雙放題為賣點，想起已經很久沒吃過韓燒，而且這間仲要有埋火鍋，可以二合一，所以就即刻訂咗檯，趁翌日 family day，同家人嚟吃頓午餐。
餐廳位於彌敦道 726 號 16 樓，一踏出升降機門就係等候區。店內裝潢與一般烤肉店分別不大，佈置簡約，靠牆以梳化座為主，而中間就擺放了多張四人檯，地方雖然不算很大，但坐得尚算舒服。牆上掛有一隻牛的浮雕裝飾，店員可以藉此向客人解釋韓牛各大部位的特色。
餐廳門外掛有收費表，價錢一目了然，就以今次我哋食嘅星期六午市放題為例，如果揀「1++頂級韓牛餐」，成人每位收費 $228，而「精選美國牛肉餐」就每位 $188，可以由中午 12:00 食到 15:00，足足有三個鐘，時間非常充裕。
入座後，店員會先為客人送上泡菜及調味料等。由於有小鬼在場，所以今次點選食物的任務，就決定交由他發板，而我就一於趁空檔，先外出取飲品。
揀了「1++頂級韓牛餐」，原來點選這款韓牛餐，每位客人皆可獲贈 1++韓牛肉眼或 1++韓牛 LA 骨乙份，韓牛他他或刺身乙份，炆牛肋骨煲或炆牛膝牛尾或紫蘇人蔘烏雞湯乙份，嘩！未食就咁聽落都已經覺得好吸引，超豐富。據知韓牛係按霜花分佈、顏色和熟成程度分為 5 個等級，而最頂級就係 1++。
先上刺身，有三文魚同帶子 2 款，三文魚非常肥美、色澤亮麗，油脂分佈平均，肉質油潤，挺鮮味。帶子肉厚肥大，相當鮮甜，肉質柔軟帶黏性。
韓牛他他，牛肉他他色澤鮮紅，口感非常嫩滑，將牛肉和蛋黃拌勻，吃來完全無腥味，反而帶食材的原始鮮味。
1++韓牛 LA 骨，LA骨選取了牛肋骨中間較嫩滑的部位，面層可以見到一間間密密麻麻的油花，輕烤兩面至 5 成熟即可吃，食落滑嫩香口，而且非常多汁，味道絕對不輸和牛！另外 1++韓牛肉眼質素亦極高，不但油脂豐富，而且擁有美麗的大理石花紋，加上肉質鬆軟，入口即化，肉味又夠濃郁，吃罷毫不油膩，滿嘴牛扒甘香。
至於這客炆牛肋骨煲，牛肋骨炆至熟透，非常軟爛，食落有膠質，加上湯汁鮮甜又夠味，牛肋骨的精華全濃縮在一起，用來撈飯食超正。
除咗韓牛餐送贈嘅牛肉眼同 LA 骨等之外，其實客人亦可以任食點餐紙上嘅其他食物，包括有前菜/熟食、韓牛類、肉類、水產/田園蔬菜等。1++韓牛腿肉脂質肥美、入口有嚼勁；而 1++韓牛肩肉肉質亦非常嫩滑，嗒落肉味濃郁外，還富淡淡牛脂香，各有千秋，兩款都值得推介。
至於其他肉食同水產，就包括有美國安格斯牛肋骨、肉眼扒、一口牛粒、短骨牛排、金菇牛肉卷、五花肉、韓式雞肉、海蝦等，整體味道亦不俗，而且一次過可以品嘗到咁多款肉食，滿足曬食肉獸嘅要求。
進入第二 Part 打邊爐環節，先拿點餐紙揀湯底，湯底共有四款，客人可自選一款，湯底中包括有韓式泡菜湯、辛辣湯、大醬湯同我地揀嘅雪濃湯。牛骨湯奶白甘鮮，入口順喉溫潤，可以用來當湯飲，非常滋味。至於火鍋配料方面，除了有脂香嫩滑嘅 1++韓牛外，另外亦有雪花肥牛、韓牛丸、鮮冬菇、豆腐等，連埋粉麵，有成超過 30 款可供選擇，不過剛才吃了太多肉，所以大家還是決定只點少許肉食吊下味，主攻蔬菜同菇類。
另外餐廳亦備有幾款傳統韓國菜，例如韓式湯類、牛肉炒粉絲、石頭鍋飯等可供選擇。略帶甜的韓式粉絲，入口爽滑彈牙，配合芝麻及牛肉，更添美味。石鍋飯可選牛、豬、雞肉、蔬菜，混入辣醬同吃，熱辣惹味。
整體來說，餐廳嘅食物質素唔錯，而且以雙放題做賣點，構思新頴，應該吸引到不少年輕人捧場，況且訂價合理，尤其是午市，假日每位只需 $228，便可於三個鐘內任食韓牛，加上過百款火鍋韓燒配料，前菜、小食、鍋物同飲品等，呢個價完全值回票價，堅抵！
張貼
