堅韓牛韓燒放題 (已結業)

發現OpenRice登記了Mastercard後可以減$10 ，剛好這間餐廳推出優惠，便一併使用優惠訂枱。星期六中午12時前已經到達，可以先選擇枱及坐下填寫點餐紙。點餐後只是每枱送了標準送的份量，過了半小時也沒有出餐樓面解釋廚房只有一人上班，所以做不來建議大家要留意不要太早開始食最主要都是食牛肉，其中一款牛肉大理石肉味比較濃郁一口牛油脂較多，但食起來也不會太油膩，自己燒的一口牛比餐點叫的料理更熱還有雪糕，其中一隻口味是沖繩鹽味雪糕，淺藍色的外表十分奇怪，味道也是怪怪的。朱古力味及雲呢拿味雪糕可以一試。服務方面，雖然樓面只有兩個人，一人出菜一人Service，但服務態度不錯，會主動幫客人換鐵板

一早有朋友生日訂咗枱，好彩有留枱比我哋，但係見到張枱我哋四個大男人好似坐喺張四個小朋友玩積木嘅枱仔咁，逼到夾野都手撞手，我哋係俾貴嗰個韓牛plan,誰不知我哋大家覺得最好食嗰個韓牛，只係免費送幾件，再叫要加錢，其他任叫嗰啲同普通冇乜分別，我不建議你哋俾貴嗰個plan,咁佢呢間係燒烤打邊爐放題我哋燒到咁上下就轉打邊爐，佢個煲嚇親我，同我屋企煮公仔麵個煲一樣大細，四個大男人咁細個煲見到都覺得樣衰，佢成間鋪個環境係好迫，完全坐得唔舒服，坐得唔舒服都唔緊要連嘢食都冇乜特別，非常中伏的一次，一定唔會再有下次。冇乜特別到連相都唔記得影

店家說這是全港首間韓牛1++的自助燒烤店，牛肉上來的時候雪花分布均勻，還有好幾個部份可以選擇，味道不錯。很有牛的味道，也很嫩。此外還有飲品無限飲，韓式的小食也有很多款可以選擇，是喜歡食韓式燒烤的好去處。

其實食之前睇咗好多負評，個心已經打退堂鼓，但出於對蕭生嘅支持，加上先前食過一次堅石燒感覺幾好，於是抱住「一於試下」嘅態度黎咗食。點知真係中伏。既然主打韓牛，咁我就講下啲牛。坐低無耐上咗頭盤，我唔記得具體係邊一個部分嘅牛肉，燒完之後其中三個朋友話有陣酸醙味（必須要講清楚嘅係，並唔係所有肉都有酸醙味，譬如我自己嗰舊就有，但我聞咗佢哋嘅又的確有，不過食落口就唔覺有咩怪味）。再講下啲牛嘅味道同口感。我諗好多人同我一樣，聽到「韓牛」呢兩個字自不然會有較高嘅期望，但呢間店嘅牛，好明顯係達唔到要求。牛味唔夠濃郁，口感亦十分普通，尤其是牛肩肉，好多筋好韌。標榜韓牛，收咁上下高嘅價錢，而達唔到韓牛應有嘅質素，好難唔令人大失所望。我諗呢點亦都係好多人俾負評嘅原因。其次，啲熟食亦都令人不敢恭維。除咗牛柳粒係稱得上滿意之外，其他諸如炒粉絲（太重麻油味同偏鹹）、雞翼（有陣類似椰子油嘅奇怪味）、泡菜餃（啲餃子皮硬到......）大醬湯同牛肉石鍋飯等都好唔掂，個石鍋飯更加hea到係就咁將一碗白飯倒入石鍋加埋其他材料就叫石鍋飯🤦‍♂️.總體嚟講，真係好失望，係絕對唔會同朋友推薦嗰隻。

一早訂左枱, 但上到去話揾唔到我地個BOOKING, 要同其他人搭枱, 一張枱啱啱好8個人, 中間無間膠版亦無1.5米, 講真疫情下真係唔想食, 不過朋友好想試呢間, 死死氣氣坐好。我地叫左韓牛嘅PLAN, 諗住可以食好D, 點知D牛上到嚟全部唔同牛係放晒上同一隻碟到, 完全分唔到邊樣打邊樣, 問D WAITER佢地只會黑口黑面當聽唔到, 都算啦, 照食, 但真心覺得佢唔係韓牛, 根本都無牛味嘅, 而且好鞋口, 真心覺得好差, 佳X買嗰D千年牛扒可能重好食過佢。海鮮無論你寫幾多, 佢都只會嚟2隻, 問WAITER點解又係無反應, 我差D以為個WAITER係啞嘅…. 另外叫左豬肉, 肥到完全食唔到, 成塊都係白色嘅, 好恐怖。唯一入得口嘅我覺得只有雞肉。另外叫左飯卷同海鮮煎餅, 應該係䣓夜嘅, 飯卷D飯硬到嚇死人, 塊煎餅係變味嘅….講真, 收得差唔多300蚊一個人, 好心就做好D啦, 咁嘅質素真係請我都唔會再嚟

價錢優惠,環境衛生和舒適!食物質素於這價錢相當不錯!點餐的食物和飲品有很多樣種類! 牛味很重和有咬口,不覺得會很韌, 很多部位可供選擇, 本人如果有機會會再嘗試的呢!

前排上網見到呢間蕭生開既，諗住同朋友試下啦。Book左7位2130，準時去到係竟然比walkin入先，訂左枱竟然冇得入，仲話比4人枱我地坐，成班人仲要生日廢事轉餐廳就唔理啦，一路等到2230左右先入得，最尾比左張6人枱，逼到傻。個時經理係講到明話比我地食到收鋪同free一位比我地，我地先入。好啦食左一陣去到2240，佢地就話2245要截單last order，當堂o曬嘴，岩岩先坐低，個經理仲要過黎連問幾次有冇野加，岩岩先坐低炸喎。問佢收幾點，原來係收2330，咁點解2230仲放人入呢？出面寫110分鐘，咁佢2245last order，仲話廚房收。我姐係食到幾耐？仲要有唔少野食落左幾次紙都冇黎，冇時間食仲要冇野食食。btw, 仲要唔算好食。1 訂左枱要等成一粒鐘先有得入，full booking唔識講2 鋪頭收2330，2245截單，但係2230放客入，玩邊個？3 係食到收鋪呀，但淨係比3個字你落單，爐都未燒熱啦大佬以後同都唔會再黎了。上面個單發生日期係2020/1/22 睇番嬲到我死，特登再打上黎

一次很失望的韓燒，連連鎖店經營的燒烤也不如。其實睇到好多負評我都覺得可能係啲人要求高/打手但自己食完之後，發現咁多負評唔係冇原因⋯平時我都好少打食評，今次真係忍唔住要出嚟講幾句，比定啲心理準備準備食嘅人～限聚令稍為放寬，諗住出嚟食餐好嘅～上到嚟發現勁多人等位，門口又貼住韓牛認證嗰啲，心諗點都唔會難食啦！點左個韓牛餐～一嚟就擺咗一盤唔知邊度嚟嘅牛肉（開頭以為係韓牛預設拼盤不過識落發現唔係韓牛嘅味道，只係一般嘅牛肉，不過唔難食嘅～所以對未黎既韓牛好有期望）叫完韓牛就發現賴嘢啦！個樣好靚嘅！食落由第一夠去到最尾嗰舊，冇一舊係可以吞嘅！！！係有韓牛嘅味道，不過全部都係韌到不得了你話一舊半舊個位置唔靚唔緊要，係成盤都唔食得啊😟😟😟！！簡單啲來講，係有韓牛味道嘅擦子膠⋯食完之後真係咩心機都冇晒⋯⋯見到單點韓牛6X，套餐嘅話都係每個人貴呢個價錢，到底係散叫會更加好食呀?定係全部都咁垃圾？⋯然之後叫水產唔吹都唔攞上嚟（差唔多食咗一半時間有多）係咪啲貴嘅嘢就唔攞出嚟呢？問店員邊個d肉位置打邊個位置，佢哋都唔知牛小排係一塊大冰⋯⋯塊肥膏多過肉__________有冇嘢讚？⋯都有既⋯個海鹽雪糕都幾好食嘅但重

今日，同女朋友晚飯時間5：40pm入去。當時入面已經有兩台客。佢地服務態度都算ok, 剔完野食佢地就上咗個拼盤，一半一半好食，有啲款真係冇乜牛味多春魚勁苦勁血腥雪濃湯同大醬湯似粟米湯同羅宋湯同平時喺韓式店飲嘅差好遠！佢地上得最快就係啲蔬菜類同其他平野！韓牛類上咗一啲，加完第二次單又係蔬菜類上齊曬都未齊韓牛。到第3次加單再落韓牛，起碼等咗20分鐘都唔黎，嚴重懷疑佢突登唔上搵咗個店員幫我地跟一跟先黎，之後啲野食仍然好耐先黎。明明佢地又唔算好爆，放題啲燒烤肉全部都係生肉，唔明有咩其他理由會咁耐都唔上韓牛類我地埋完單，佢同我地講仲有20分鐘。我地食雪糕同埋枱面啲野啦！點知佢執緊旁邊張枱，執執下就叫人執埋我地張枱囉我地未夠鐘，佢咁樣即係趕客啦！埋單2個人$621，同平時啲韓燒放題差不多價錢，但如果咁樣突登唔上最重要嘅食物，就真係唔抵。

自從朋友試左一次堅石燒就上左癮咁…每次Lunch聚都話“如果唔介意的話…可以去堅石燒”。 大大話話都去左3次…今次我地話你咁鍾意…不如試下另一間同group餐廳…朋友話無所謂…終於可以轉下環境😅堅韓牛其實係一間韓燒放題餐廳…得兩個選擇就係食美國牛定韓牛(貴5草)…難得黎到點都試下韓牛啦…呢度點野食都係畫紙仔形式…大至分開左小食…蔬菜…肉類…海鮮同主食…野飲就自己行出去雪櫃攞…除左基本罐裝野飲外…仲有自家沖既無糖茶👍👍。飲咁多甜野真係命都唔長…既然點左韓牛餐…梗係勁點韓牛啦…乜都Tick黎試下…再加少少雞肉…少少魚同帶子…同少少蔬菜…(最後都點左3轉牛肉🦁🦁)因為包場咁滯…野食雀一聲就到…唔同既韓牛放埋一碟…老老實實…真係唔知邊忽打邊忽…食飽先講…我對食物描述真係有限…只可以話牛肉質素以呢個價錢無詐型…有牛肉味…牛肉質感幾好…好味的…至於魚同帶子都幾好喎…魚柳好滑…最搞笑係店員應該好L得閒…自己過黎幫手燒埋一份…話魚同帶子要燒10分鐘先可以幫佢轉身…咁我地咪由佢燒…點知手痕搞左下佢俾店員發現左😛店員(講笑):都叫你地唔好反住…而家全部黐哂我就駁咀: 我反左一件…其他無郁過唔好瀨我喎😏😏不

中伏~中伏~中伏~疫情中，好小出街吃飯，今天休息應承啊女 帶佢出街食飯， 尋晚揀咗成晚 最後決定食韓燒。 晏晝12點嚟到，然後經店員介紹188有美國牛，238韓國牛。 諗下好耐冇出街食嘢了，揀咗238啦。點知真滴牛，全程點了6只蝦來4只，2條腸仔，2片菠蘿，1片牛肉，然後啊女點了2只《雞翼，2只煎餃實在沒野吃就點》點知到最後沒來到，疫情下生意是難做，但係都唔應該係咁樣來到鋪度食嘢點啲嘢係冇嚟到，238除咗牛肉就係牛肉都係牛肉沒野吃，垃圾。，買單436就食了 兩條腸仔四隻蝦兩片菠蘿十片牛肉

Book咗位仲要等到好似walk in咁食頂級牛肉set全部牛肉冇味道食雞肉又係冇味道唯一令到全部野有未到嘅係個調味醬搞到我好似食緊麥樂雞咁每舊肉都要點醬俾咗$300買難受😅

「愛之深 · 責之切」「愛之深」本人乃蕭粉，一直非常敬重蕭生學識，與其幫助香港人的心🙏🏻🙏🏻🙏🏻「責之切」但人生從來無食過燒肉係難食到呢個程度，點左最貴的韓牛但係un到完！全！咬！唔！開！中學食果d $100任食韓燒都未至於食唔到，要lur返出黎😰😰😰😰😰點左3碟，食左1/3就要逃走食第樣 （利申果1/3都係un到食唔落，然後lur埋）臨走唯有入錢落個蕭生黃色盒， 略盡綿力...但真係唔會再黎食，「愛之深責之切」

第一次試韓燒+打邊爐，見到有唔少負評，個心係好怯。但見朋友食過幾次都無問題，就膽粗粗叫佢陪我食一次。見openrice有優惠餐飲卷，第一次用發覺呢間可以平$30，都算幾抵。可能我算好彩，第一次去我覺得幾正常，店員好積極幫我地換鐵板同教點煎，純粹覺得食物種類少左啲。魚塊好難控制火候，但煎得好係好正，肉質嫩滑。安格斯肉眼扒同短骨牛扒都唔錯，肉質腍軟，唔易燒燶。一字骨雞翼有辣有唔辣，兩款我都覺得好食。韓式小食中，海鮮煎餅屬於正常發揮，蔥味比較突出。芝士雞翼隱約聞到芝士香，但食唔出餡料加咗芝士。雙式炸雞同炒年糕就真係不了，食食下都忍唔住放棄咗，調味好怪。火鍋揀咗大醬湯底，無咩特別。配料揀咗辛辣麵，調味粉可以另外問店員奉上。細鍋配辛辣麵真係幾有韓國風味。

🥢旺角CP 值高韓牛燒肉火鍋雙放題🥢旺角有間專食烤韓牛放題，上網睇過啲牛質素好似唔錯，食完燒烤仲可以打邊爐，仲有不同的韓式熟食，石鍋飯，可以一次過滿足曬幾個願望，重點是黃店，是蕭若元開的其中一間餐廳🥢$248 起 1++頂級韓牛餐 ,110 分鐘🥢呢個韓牛餐有8款不同部位的韓牛提供，另有兩款火鍋韓牛🥢燒烤的韓牛最好食係頂級雪花牛小排，牛肩肉牛肋肉，牛肉味濃，食落夠軟身，不同部位有不同感覺，整體來講都非常好，所以我自己就每款都點了一客，食到很滿足🥢熟食有韓式炒粉絲，韓式炸雞，石鍋飯，韓式煎餅，大醬湯，但由於今日年初一，冇咗炸雞同石鍋飯提供，有點可惜🥢火鍋有四款提供，今次揀了辛辣湯底，味道啲似辛辣麵個湯底，火鍋肉叫咗韓式牛肩肉，食落充滿油脂甘香，其他配料有腸仔獅子狗，蟹柳，烏冬同埋韓國粉絲辛辣麵🥢整體來講都算好抵食二百零蚊有紅牛咁嘅質素食都幾唔錯，仲有一個重點抽風設備好好，一d 油煙味都無，所以好值得來再食堅韓牛 韓燒火鍋雙放題 地址: 旺角彌敦道726號16樓