堅韓牛韓燒放題 (已結業)

我是一隻牛😂哈哈～是我喜愛食牛，有牛嘅地方便想去，旺角堅韓牛韓燒火鍋+放題，份量超級強勁，好多不同牛部位類食呢！是雙料放題，啱晒喜愛食牛和火鍋朋友！而且還有好幾個時段進食呢！正👍坐下侍應生便給了一碟韓牛招待了，咁就食左先喇，之後可以慢慢點餐，可先品嚐，好窩心啊！讚👍如果想開開胃坐下食前菜也不錯，熟食好多款啊！👍豆芽，泡菜，白菜仔菠菜，芝士雞翅，煎泡菜餃子，香蔥海鮮煎餅，還有黑椒炒美國安格斯一口牛粒味道也不遜色。👍👍食過開胃前菜和小小韓牛終於到主角韓牛出場喇~😁😁1++頂級韓牛餐~~個名已經夠吸引，有韓牛拼盤，韓牛腿肉，韓牛LA骨，韓牛頸脊，韓牛丸，韓牛肩肉，韓牛肋肉，頂級雪花牛小排，頂級翼板牛排等等....太豐富了。每款牛都想食，差不多每款都叫二片，可嚐唔同牛部位，唔客氣啦！唔同部位有唔同口感肉味香，本人覺得不用點任何配料食用，可嘗到牛嘅鮮味！好欣賞韓牛是薄薄一片，可一口進食，靚韓牛無得頂呀！水產田園類也豐富~海蝦是虎蝦好大隻，蝦肉爽口彈牙燒烤好香味，帶子，魷魚翼，藍青口，青口，多春魚，魚塊，菠蘿粟米，鮮冬菇茄子，翠玉瓜，雞脾菇等等...講真只食韓牛已經很不錯而且好滿足，火鍋我招架不了

2/5平，某些靚，有些正。一兩款牛肉朋友稱讚，我就覺得店家的前菜幾好，為燒物生色不少。海鮮有大蝦，但我覺得普普通通。(Google translate)Reasonable price, food not bad. One or two types of beef praised by my friends, I think the restaurant’s appetizers are good, and they make a lot of fun for the cooking. The seafood has prawns, but I think it's ordinary.#queenbeoly_middine #foodblogger #foodporn #food #foodie #foodphotography #instafood #foodstagram #foodlover #foodgasm #yummy #delicious #QueenBeoly

己經預先1星期訂位 專情想試韓牛 星期日晚上7:30上去都沒咩人 己經心諗不妙 入埋位先知今日無韓牛得美國牛 但呢刻走其他餐廳都無位 所以迫住食肉全部醃過 得個牛仔骨叫吃得下 牛扒薄得黎無牛味 最怪咁大間醬料係得豉油同海鹽 得個咸字 其他野好普通 燒到最尾last order想叫菠蘿都無埋 同啲fd都食到火火地 無下次 連冷氣都不太夠服務中規中矩 有主動走過黎一次換盤 但其他要自己講先得 300元1人落樓 感覺同200元水準漢和 一樣 今次美國牛都咁差 令我對韓牛都無期望一句講晒無下次

放寬到4人，終於可以約朋友食嘢! 😆朋友介紹黎到💛💛堅韓牛試下雙料放題聽個名已經覺得好吸引，韓燒+火鍋😋我地5點去到食頭輪1++韓牛餐 (每位258)好彩book左位，一去到就入得!上到去已經有好多人係門口排隊😖食物種類都幾多，點菜紙都分左前菜/熟食、肉類、牛肉、火鍋等等，花多眼亂，要慢慢填🧐對於鍾意食韓國嘢嘅我來講，淨係見到張前菜嘅紙仔已經感到非常開心😁😁😁除咗可以揀泡菜之外，芝士雞翼、泡菜餃子、就連炸雞都有！推薦大家叫少少泡菜，同啲燒牛肉一齊食，咩調味料都唔使落啦～又可以有好爽嘅口感👍🏼👍🏼依間野都幾好，就連泡菜/配菜，都有幾款俾你揀👍🏼👍🏼為咗唔好走寶⋯我地每款牛都叫少少試下😂淨係牛都有幾多款，賣相都唔錯😋每款油脂分佈都幾好個人最喜歡1++韓牛頸脊，牛味比較重，香濃又唔會太肥👍🏼換走鐵板放上鍋，就開始下一階段，打邊爐!😂其實食牛已經食到好飽😂個胃冇乜位再食火鍋😂 但都要試下🤩 火鍋配料種類都好齊，海鮮，丸，肉類，蔬菜都有~食咗咁多肉，都要食返啲新鮮蔬菜中和下既～佢哋嘅蔬菜都算乾淨☺️今餐真係大滿足😂 絕對滿足到任何人嘅胃口!

太耐冇食過放題同韓燒堅韓牛一次過滿足我兩個願望😙今次食1++頂級韓牛餐😋點餐簿大大本! 食物款式都幾多!除左肉類，蔬菜 e d 韓燒基本有嘅嘢食仲有好幾款前菜，小食同埋傳統韓國菜~俾大家參考下👇👇由於限時，所以一坐底即刻叫嘢食!淨係肉類都有好多款🤩有齊牛，豬，雞，仲有海鮮🤩 要推薦燒多春魚! 香香😋🤤叫左幾款牛肉，肉質都okay冇腥味又冇雪藏味，不過不失醃左ge牛又唔會太鹹，味道剛好👍食到差唔多，就開始食火鍋~🤩 只係食左少少蔬菜，真係飽到反艇😂😂整體黎講都唔錯👍勝在食物種類多，咩都有d👍

其實我好少打食評，疫情下都係要食飯醫肚，晚市既病菌好似同朝頭早無乜分別，所以放膽去食飯。由於本人唔食牛，但呢度都有非牛人士既食物選擇，另外三位朋友都大讚牛有牛味😹😹更重要的是，呢度既私隱度好高，枱同枱之間有簾，怕醜既朋友都俾👍🏽👍🏽今時今日，服務態度好重要，由入座既職員，講解既蘇經理，仲有送餐既後生仔，雖然個個都好忙，舉手搵佢都無怨言*呢度有一樽樽既冷泡茶，好正，好適合我地唔飲汽水既人無侮！支持黃色經濟圈！要再黎罰你地

朋友同我都係牛魔王 好鍾意食牛見呢間燒肉放題有好多牛食 更加見佢做緊一個餐叫1++頂級韓牛餐 午市$248一位 所以便一試牛肉其實有好多種 牛脊肩 牛小排 牛肋肉 牛肩肉 肉眼扒等等 可以用嚟燒亦有啲肉可以用嚟打邊爐 呢度嘅牛肉唔會切得太薄 所以食落都仲叫有咬口 雪花亦叫分明另外亦有其他燒肉燒海鮮包括有大蝦 帶子 雞翼 雞扒 魷魚等等 款式算係繁多 熟食亦有一啲韓式小食包括韓式燒薄餅 麵粉溝上少少蔬菜料 煎得香脆有咬口同時亦有泡菜湯味嘅煮大蝦 大蝦啖啖肉 我就最鍾意食埋去蝦頭啲蝦膏啦Cocoberry可以話係近來放題之中都算越來越普遍 而呢度提供嘅就係原味乳酪 啱曬我呢啲唔鍾意太甜嘅人如果大家想挑戰一下做牛魔王 都可以嚟試下

同朋友行街好鬼肚餓 所以去搵咗間燒肉放題食 呢度除咗有燒肉之外亦有唔同熟食可以叫 朋友同我都係食肉獸 所以呢度可以不停叫唔同肉 簡直啱曬我哋口味 特別係我哋叫咗好多燒牛肉 牛肉唔會有雪藏味 而且雪花都算均勻 其實咁多唔同嘅肉類我都唔知邊種打邊種 但So far質素都平均 除咗牛肉之外 亦有燒蝦燒茄子燒蔬菜等等 燒蝦大大隻好爽甜 燒茄子燒蔬菜燒菠蘿更加可以中和油膩感 同時亦有石鍋飯食 可以有啲澱粉質飽肚充實下 其他熟食亦有芝麻雞翼 韓式薄餅 韓式粉絲 泡菜餃等 每樣都算不過不失啦 至於呢度嘅飲品亦係好多元 我估計都有十幾種唔同嘅罐裝飲品 最後呢度亦有原味乳酪做甜品 酸酸甜甜為我哋成餐增肥嘅燒肉餐作結

初初睇OpenRice見到咁多差評，但係都想自己嚟實證一下。今次都係第一次忍唔住食得好差嘅嘢係到留意見坐喺餐廳裏面見到同佢電視機買嘅廣告完全唔同，我哋食緊288@1位。食物比我去食百幾蚊嘅放題更差。 最普通嘅雞髀菇，牛肉都有腥。唔係普通冰新味，係放左好耐都未煮到個種腥。我哋五人行每人一份係好正常，每樣只黎2份，跟本唔想人食飽！完全係好差，唔明白點解有好評支持黃店，但絕對唔支持咁既食物質素！七個月前已經咁多差評，依加都無改善！

好失望 我同朋友6個人 夾埋比左1200蚊放題 啲料 點完唔出足 食9:30入場 10:30話cut單幾轉啲料都比唔夠比我地 放題搞到原來係食唔飽做搞手都覺得肉酸啦 做廚房數口有冇差成咁1200自己買料食到嘔都得啦 唔係冇場唔需要嚟食係啊服務好好 過嚟煮左幾野 但係唔會再返嚟食好失望 我係女仔唔大食 都係免強夠飽 我其他朋友唔係大食 都講笑話買麥當勞我都唔想當場大家面前同老細講 唔想咁難睇放題原來十舊比得兩三舊 一份等於一舊手卷壽司都要自己計一舊舊 啲料冇想像中到好好 好少野簡 唔係想食黃店都唔嚟 老細 我都唔想見到你執 叫做廚房個個比足啲啦 放題食唔飽會好肉酸

好姊妹呢個禮拜生日，我哋幾個朋友諗住同佢食返餐好嘅，經朋友介紹，決定嚟到呢間堅韓牛韓式火鍋雙放題度同佢做生日。呢間韓燒放題確實好唔錯，首先會有一碟三款的泡菜可以選擇，用嚟送韓燒的肉就最好不過啦。韓燒的種類同埋食物非常多，無論係牛或者猪，仲有朋友最喜歡吃的雞翼雞串等等都係靚料靚肉，除咗白肉紅肉，仲有海鮮譬如蝦，魷魚都有，仲可以點好多熟悉，例如石鍋飯，牛仔粒，韓式嘅豬骨泡菜湯等等，蔬菜方面都有好多款揀，南瓜茄瓜菠蘿應有盡有，嘢飲方面都係任飲㗎，菜式選擇真係非常之充足，食到我們Lamlam 利，下次再想食韓燒的話，就一定要揀返呢間高質素嘅韓燒餐廳。

一坐低之後，staff已經擺低左一大碟燒鰻魚，我哋燒左之後鰻魚好似更加更好食，口感更一流。之後就嗌咗各式各樣嘅嘢食，包括韓式美國安格斯肉眼扒，韓式美國安格斯一口牛粒，金茹肥牛卷等等數之不盡嘅嘢食，韓式美國安格斯肉眼扒其實牛味幾濃郁，肉質都好鮮嫩，入口即溶，不過有啲肥膩😋😋而韓式美國安格斯一口牛粒反而無咁肥膩，好易入口，不過唔想燒一口牛粒嘅，其實可以直接叫黑椒炒美國安格斯一口牛粒，黑椒配合埋牛柳粒凸顯出牛柳粒更加濃郁，更加好食除咗各式各樣嘅牛之外，少不免都會有雞同埋豬嘅出現，我自己就覺得豬頸肉同埋韓式雞肉係幾唔錯嘅，因為佢哋都醃得好入味，口感都好嫩滑。而且仲有各種小食同埋海鮮可以選擇，例如小食有芝士雞翼同好吸引嘅黑椒炒美國安格斯一口牛粒🤩🤩而海鮮就有海蝦或者帶子等等，都係一個唔錯嘅選擇不過時間就真係好似唔係好足夠，會得返好少時間去打邊爐，我哋揀咗韓式泡菜湯底，我你鍾意呢個湯底，唔會太辣，不過由於韓燒食得太飽，所以其實冇食好多邊爐嘅配料。兩者相比之下邊爐就無咁特別，不過如果你燒嘢燒到累嘅時候，可以轉去打邊爐，將啲肉擺係邊爐入面😅之後就等食😂😂呢間啱曬鍾意打邊爐又鍾意食韓燒嘅人，一次可以滿足

堅韓牛·堅石燒🍢第一次來旺角這間韓燒+火鍋雙放題店🍲 不過時間關係再加上我哋已經好飽🙈所以冇打到邊爐～唯有下次再試。各式罐裝飲品任飲～有我最愛嘅涼粉❤️4個女仔入面我算最大食🤣而且我係無肉不歡！至於牛肉就有好多種類🥩無肉不歡既我梗係瘋狂叫啦！上碟速度非常之快～有美國安格斯、牛小排、牛頸脊、牛肋肉......唔識食嘅人應該分唔到邊種打邊種😂 最易認係大大塊叫大理石！唔同部位既牛肉有唔同感覺，我自己就最鍾意牛小排😛細細塊易入口又夠瘦❤️ 整體來講啲牛質素都幾高👍🏻豬肉方面我就鍾意護心肉😊夠瘦💕 雞肉就正正常常！雞翼就冇晒唔知係咪因為太遲去嘅關係🤦🏻‍♀️海鮮都係任叫～鮮蝦唔錯！帶子就一般 細粒難燒易痴底！🍍菠蘿就幾甜👌🏻熟食方面：牛柳粒就唔建議😹有d韌；另外燒雞肉石鍋飯都唔錯！泡菜湯幾入味✔️ 本來想試埋紫菜飯卷同海鮮煎餅但太夜冇得再order😟 唯有下次再試～整體來講熟食都係啲基本野，怕唔夠飽嘅都可以叫！有個fd生日🎂順便慶祝埋～甜品方面有雪糕任食！但我哋有蛋糕所以就冇攞

簡單咁講。韓牛價錢 佳寶質素。肉無肉味 睇落去100%唔係1++既肉 亦無1++肉應有既油香。 一煎落去脂肪流哂出黎 有注脂肉既視感。某d肉睇落黑到嚇死人。海鮮又同肉混碟上 仲要成盤水。個爐又係壞既較唔到火。頂級肉張紙既肉質素差過普通肉張紙。調味料不足 。食物種類咁少既時候我會期望佢質素高d 但完全不合格$318/人未加一 食呢個質素既肉 絕對唔抵漢x都會好食過佢成個飲食體驗好差 無論食物 服務上都感覺唔到餐飲業者既誠意 評分 1.5/10

老闆如何宣傳也白費，大部分員工友善！個別態度惡劣，眼神兇惡，只是問及拿一份餐具給我就表演不耐煩不説話不願客人溝通，只是用餐不需要用仇人目光待客，其員工載眼鏡及短頭髮的，同親友用善心情一定受影響的，人民超市，堅石燒我也常到買韓國凍肉買韓國米，大廚系列，未試過有不好不愉快的員工，大部分員工友善，但堅韓牛這名員工為何有如此態度，其老闆如何宣傳也白費，老闆如何宣傳抵食也抵消不了晚餐愉快，公道講食物質素一份錢一份貨是沒問題的！性價比高