堅韓牛韓燒放題 (已結業)

今日學校旅行完就同班frd嚟尼到食，之前早就買好優惠券（原價188，然後優惠券是148）gum我地去到ge時候，我地就話已經預約左，而且有優惠券，之後個服務員就話OK，然後拎個餐牌問我地邊個餐，我地當然就話系188個個啦！好啦食完埋單ge時候，我就同另一個服務員講話我有優惠券，然後佢地居然話要一入嚟就俾佢掃優惠券ge條碼，我地咪話一入嚟已經講左有優惠券，但個服務員無掃，然後佢就講一大堆野話唔得呀，要一開始就掃點點點，然後我地又同佢傾左陣，佢就好唔耐煩gum走左，過左一陣翻嚟又講翻一開始ge話。都唔知喺唔喺見我地系學生好蝦，明明系佢地問題，但就逼我地俾多d錢，然後一直好唔耐煩gum叫我地走，真系火都嚟！以後就算尼間野幾平都唔會再嚟！真系超差！都唔知佢地邊嚟ge面要收20蚊ge加一服務費！d野食都只系中規中矩，而且又成日上錯野食！仲有，間舖系如果無客人話要開冷氣，系唔會開架！連窗都唔開！真系揾唔到有咩特別ge優點，得特別多ge缺點！以後唔會再去！

到達的時候，員工告訴我reject了我的Booking。但是我有confirm booking的reference number並且沒有收到任何cancel的通知。爭拗了一輪，員工才勉強地給我們坐下。當日店舖非常繁忙，我相信因為這樣他們才突然取消的booking。如此服務態度實在不可接受，而且食物質素非常一般，非常大油煙味。

黃色經濟圈，緊係食蕭生啦嗌韓牛餐 9:00入座第一次食韓牛，幾好食雖然冇和牛咁正，但一分錢一分貨韓牛唔會好似和牛咁膩，可以食得多啲飲品有枝茶係配話梅，有解膩的作用，幾特別而且店員服務都ok，有個知我地唔識點燒，仲教食邊隻肉要細細粒咁食至正至於火鍋，我地冇食到，就不評論了

見到有燒肉放題，肚餓嘅我見到價錢相宜就沖左入去試下，我地六點唔夠入座所以餐廳內人流唔多飲品除左酒類其他任飲，我地揀左冷泡茶，但茶味好淡，不過都有汽水任飲嘅～我地揀左精選美國牛肉放題，既然係放題，當然要下單每樣都試下啦～ 食左噤多樣，我覺得牛仔骨最好食，有甜甜嘅醬汁，而且肉質幾冧五花腩切得太薄，所以口感差左啲😕其他牛肉嘅質素都一般般，果然係一分錢一分貨，貪平就係咁～ 不過不失啦⋯⋯

已於前一日Book檯，亦確認留檯15分鐘。準時去到時話冇檯，全場已Full畀咗原本張檯人，在場有兩位食客亦遇到同樣問題！態度非常惡劣 前言不對口語 亦無任何補償方案，叫我們（包括那兩位食客）等半個鐘 等到就等。最後只能尋找第二間餐廳排隊用餐！如果各位對此餐廳有興趣 千萬不要Book檯因為張檯唔會留畀你 只會見人多留畀第二個鍾意被不禮貌對待 用餐時被藐嘴藐舌就去啦！

呢間「堅韓牛」真係唔好去！邊個見到燒山就同佢講食材好用都冇用，枱又細、限時5:30-7:20pm，中間完全冇提及注意時間，直到最後經理走嚟講「仲有2分鐘」我哋仲燒緊牛扒，咁好啦，快啲燒啦，脾氣最好嘅阿仙就攞雪糕，攞咗杯沖繩海鹽俾我，食一啖條經理就話「夠鍾喇！」我哋話「知道，燒埋呢2塊就ok（明明就熟）」經理「咁講咗7點20分就7點29分要走！」我：「好快姐食埋呢塊就走，唔好嘥嘢！」經理：「你食到8點咁點呀？」仙即時噴火：「你咁講嘢嘅？唔該你注意一下你嘅態度，我哋冇人話要食到8點！咁走就走！」聰即刻夾起塊牛扒俾我，但係我見阿仙企左起身，咁我就起身啦。經理仲好串咁講：「規矩就係咁嘅唔好意思呀！」我問阿聰：「杯雪糕可唔可以攞走㗎 ？」阿仙：「唔要啦！仲要？食咗背脊骨落呀！」咁我哋4個就走囉...經過個經理身邊佢又話「唔好意思呀！」我答：「你呢句野都冇誠意就唔好再講啦，我哋以後都唔嚟啦！」然後...未飽嘅我哋去咗飲朱古力😋反正，真係唔建議大家去！堅嬲！

母親大人話好耐無食韓燒，就搵佐依間黃店：堅韓牛試下，順便懲罰下佢💛 .燒肉類：牛總共有六款，每種牛紋路睇落都清晰，同普通韓燒店差唔多，而且咬落唔un之餘略帶牛味，唔會淨係得醃料味🤷🏻‍♀️，每件都厚度份量都適中，最正係大大塊，韓燒就係再剪開先有風味😍，另外有丸類豬雞肉類菜類，而且仲有海鮮🤭 海蝦大大隻任食唔嬲，仲有帶子青口😚.除佐燒肉，仲有得打邊爐😳 湯底有四款：泡菜，雪濃，辛辣同大醬⋯鐘意燒又得打邊爐都得🤭 食個烏冬食條菜都好呀係咪先？你以為完？仲有韓食😍食落都ok既～不過炸雞可以唔嗌😂 最後最後仲有雪糕拎：玄米茶好味😍.聽完你係咪以為好貴？錯啦😍 勁抵就食到唔錯既韓燒，性價比超高，快d懲罰💛 有興趣下次試1++頂級韓牛餐 應該好正😍

第一次黎堅韓牛食晚餐，一行4人諗住食好啲，所以專登唔揀放題而係散叫韓燒牛黎到見個樣唔錯，自問鐘意食牛又成日食牛嘅我已經燒到佢5成熟，點知食落口勁難咬，嗌左幾碟唔同款嘅都係咁，又無牛味，超失望之後再嗌左啲海鮮，除左蝦係有啲驚喜之後外，其他真係唔惦，特別係帶子，唔新鮮，燒完縮晒水，仲要燒嘅時候痴晒落個鐵板度，好差食物唔好，點知職員態度都有問題，我地差唔多食完就埋定單先，點知一埋完單，唔夠幾分鐘其中有兩個人分別都當我地放題客咁係咁催促我地離開，又問左幾次食完未要執枱，不停暗示有客人等緊，到最後我地執緊野準備離開時，其中一個仲黑住面喺度執枱，發誓以後都唔會再黎哩間唔好食態度又差嘅餐廳

今次係第二次嚟食，但今次（3/12/2019）發生左事就係銀包吾見左，自己又大頭蝦到坐紅色小巴返到屋企先知，係差吾多到落車，就小巴到搵，搵極都搵吾到銀包，搵左好耐，都搵吾到，幸好我有散子包有啲錢，吾夠就問人借，好彩有人借俾我，自己就回想銀包在邊到遺失，我自己肯定埋完單就將銀包放在入背囊裡面，在離開餐廳時去等廁所，但是等廁所等左好耐又凍，於是我在背囊拎番件褸黎著，係等待去廁所的時候，我背囊有朋友幫我看守及我背囊沒有被偷竊的痕跡，我就估計拎褸著的時候掉左嗰銀包，但我又聽不到掉野的聲音，於是我打去餐廳問有冇人執到銀包，職員幫我搵過我使用過的地方，答我話冇，然後我就打電話給同我一齊食野的朋友，問佢地我銀包有冇放佢地到，佢地都答冇，話我吾係已經收左落背囊嗎？叫我搵清楚，我話我搵過晒嗰背囊都冇丫。自己覺得吾會真係被人偷，嗰又冇吾見左野的情緒，有種覺得會搵得返，問完朋友再去餐廳問多次，職員就安慰我話如執到的話會通知我，甘我只好等電話啦。在翌日（4/12）返工前，我就返回棟大廈到問保安，保安話冇，幫我問問夜更同事，因為同事岩岩走，然後打電話幫我問，答覆都係冇，甘早上時間餐廳還未開，我只好等收工後再上餐

前日同朋友係量角行完街諗唔到食咩咁我地就開openrice睇下附近有咩食我又咁岩想食有芝士既野 見到呢間米走雞既食評唔錯所以就上左黎食咁我地就叫左個細既芝士雞煲 價錢都幾實惠d芝士真係好多 d雞又好滑 食緊果陣仲可以無限加芝士湯真係邪惡死!另外我地仲叫左d魚滑 好爽口 又彈牙 又新鮮 妻係唔錯唔錯最後因為我地好大食同覺得唔好晒左d芝士汁所以叫多左兩個公仔面一人一個d芝士撈落個公仔面真係好正好juicy 呀!!總括黎講 呢間芝士雞煲真係唔錯唔錯有機會都會再食!!!!

除啲湯一般其他都好好，前菜菠菜，泡菜同豆芽好好味，至於牛方面，大理石同肉眼一定不能錯過，牛排，一口牛都淹得唔錯，食兩轉已值回票價，水產方面，海蝦就差少少啦，但帶子/魷魚又爭返啲分喎，總括然而，值得幫襯！

一家人最愛食肉，特別係牛肉。朋友推介「堅韓牛」韓燒任飲任食，話試過好好食。今日去食，係平日夜晚食，所以唔多人，好多空位，所以都唔會覺得好噪好油煙，食得好舒服。職員好好～有禮貌，服務又好～我們無出聲都主動幫我們換咗個燒盤，d staff幾nice。 食物選擇好多，肉類質素不錯，幾多款。牛肉油花分布，好味。飲品好多款，岩晒一家大細ＧＥ我地～冷泡茶，韓國汽水，啤酒，咩都有。呢間店舖最好係～燒烤後可以再來，呢個價錢來說，認真超值抵食。食到好飽，好滿足。都適合一家大細或者朋友聚會，食得會好開心。

樓下另一間韓燒walk in都無位就上左去試吓呢一間。一開始都覺得幾吸引又有韓牛又平，仲有得打邊爐添。一坐低店員就俾左一盆韓牛有4個部位，睇落去油花分布非常均勻心諗一定好油好香，點知燒完後肉質有d韌，最重要係牛味非常淡！一不小心燒過頭太熟就已經咬唔開。隻隻肉都試下之後好快已經放棄... 然後打邊爐既質素更加一般已經無期望無可否認啲肉未燒時睇落真係好高質就算食完明知唔好食都仲係覺得好吸引😂但以後就不了👋👋

晚上9:30左右入席加一之後人均超過$300元這家店主打的是韓燒火鍋兩放題。其實她們一行幾人也只食得到韓燒。菠蘿沒有錯是很甜很好食。韓燒付了高級牛但沒有太高級。感覺我燒不出牛肉的味道，燒完感覺就似把牛肉蒸煮一樣，暫只試到牛肉只有一種牛的表面有椒鹽，其他沒有重肉味只能靠鹽巴（白色餐桌鹽）和像醬油的調味汁。如果非要食韓燒不可，付多少少食一點更好的。如果沒有所謂，歡迎去看看其他她她推薦好食的。堅韓牛 韓燒火鍋雙放題 (旺角)旺角彌敦道726號16樓

嚟同個捷克roommate食farewell，佢第一次食韓燒，食到佢好飽依家好少地方仲有韓燒任飲任食，以佢依個價錢黎做認真抵食。食物款式好多，肉類質素都不錯，幾多款，個人覺得叫基本餐都ok。特別一讚d野飲好多元化，由冷泡茶，到好多種韓國汽水，到啤酒都有，連啤酒都有兩款，講真叫埋炸雞就perfect。我地其實平日夜晚食，唔多人，好多台都吉，所以坐得都好舒服。d staff幾nice，適合一家大細或者朋友聚會