堅韓牛韓燒放題 (已結業)

之前打過一次comment，但唔知點解冇出到。nvm，再講多次。 服務態度差！訂座前打過電話問有冇生蒜供應，個經理諗都唔諗就答有。到去到又話要問廚房，又唔主動提供，問咗幾次先有個一小碟。食材質素方面先係死罪！點咗美國牛肉套餐，啲牛肉勁到一啲牛肉味都冇。轉點豬肉，廚房又切到極薄片，同相中的厚切程度差一大段距離，燒兩燒就變到bacon咁，同正常韓燒的豚肉差好遠。食材種類亦唔多，依個價錢出面仲大把選擇，唔建議大家屈就自己。總括而言，好後悔食咗依一餐！

同班同事去食飯入左間餐廳 專食放題嘅但lunch唔想食得咁heavy所以就叫套餐啦個時係lunch time 12:30左右場內得一枱客仲要得一個人冇咩客嘅野食方面就一般 不過不失牛肉石鍋飯d肉勁少但重點係唔知點解入座嘅時候 個侍應靜雞雞話我地成班人係狗男女比我個同事聽到如果我個同事早啲講我真係唔鬼幫襯佢職員態度咁差真係唔好貼錢買難受永不光顧 野又唔係好食

呢間是我食過最差最唔抵嘅韓燒首先入座那刻已經好唔掂 櫈又濕又污糟 有些食物殘渣留在上面 還要顧客自己清理落單之後即刻上了一大碟肉跟泡菜鍋，差唔多食完的時候發覺我們點單的食物一樣都未到 旁邊張枱比我地遲入座都開始上菜 催單後店員才告知沒有落單 要我們重新點仲有一點就是這間韓式餐廳淨係提供醬油，沒其他任何醬汁了 枱很小 服務和衛生非常差上菜的時候服務生發覺冇位置擺 直接將個碟疊係另外一隻碟上面 誇張的是該碟上還有很多肉唔通他們覺得個碟很乾淨 直接放係肉上面都冇問題嗎？傻眼 而且仲不止一次除左推薦佢嘅一口牛同海鮮煎餅 其他食物質素很一般 韓式卷飯賣相味道超級差！超難食 而且是散開的 同埋就係佢d薯仔係冇去皮Last order 點左好幾樣食物都冇上 主動問先被告知廚房裡沒有了 。。。付錢被催 離座都被催(提前幾分鐘就開始趕我們走)這餐是我吃過最差的韓燒 發誓以後絕不再來

買左coupon去試。韓牛任食，有juicy牛柳粒，同大大塊牛肉，牛仔骨。仲有海鮮，雖然選擇不多，有帶子、蝦、青口，但係都新鮮。野飲就一般韓燒飲品。雪糕有玄米茶味就比較特別。時間1730-1920，燒得野食又試唔切火鍋，建議大家早d去，就有得兩樣都試晒。位比較細，無地方擺袋。但係工作人員友善，服務好。

點左個1++套餐，一坐低就送左一大碟不知名既牛肉同一份石鍋雞肉質飽你，問店員碟送既牛肉係咪1++等級套餐既肉，佢就含糊其辭，諗住應該只係想方便食客點少轉1++牛肉啦，食曬成碟再點時，先發現送果碟既質素同另外叫既1++牛肉既質素差距好明顯，埋單就比1++既價位，實質上食到既就係普通美國牛既價位。另外，連韓國燒肉最基本既切片生蒜同豆瓣獎都冇，我同朋友食完仲即晚一齊肚痾，好失望，呢間要blacklist

差到爆，食過最差既放題，258再加一，差不多三百一位，但食物差到爆，係差到爆，飲品重差，啤酒係獅威 專門做內地客生意，肉類係自取既，但都係結曬冰嘅，要夾都有難道。

朋友仔話呢間有得燒烤又可以打邊爐 所以就決定一齊試吓🙈首先佢有兩個餐揀既 一個係任食韓牛 一個就係任食澳洲牛 事關我同朋友都想平食 所以只係叫咗個任食澳洲牛既餐今餐係會送免費三文魚刺身同幾片韓牛 呢幾片牛真係唔錯 幾有肉味之餘唔會話太硬海鮮叫左蝦,帶子 蝦都幾鮮甜彈牙 帶子亦都幾新鮮 呢個係推介大家去叫既🤔但係服務方面有啲不足 事關一入到去嘅時候無比醬油我 問佢又話等一陣 仲要等左好耐先比另外叫佢換燒既盆就同我地講話因為用晒 要等佢洗😯火鍋方面就叫左個雪濃湯 火鍋配料唔算話好多大部份都係燒都有嘅材料 所以個人覺得冇咩特別野飲推介大家可以試吓아침햇살 其他放題店好少見到有得飲 呢隻飲品其實係類似米漿 甜甜地都幾正👍🏻

一行九人去試下食韓牛，一早訂咗位，訂咗七點半，我地早咗十分鐘去，侍應都俾我地入去坐住先，落定單。我地揀咗燒烤。材料係寫紙入單，有燒烤同火鍋料，我地唔理哎多，點哂所有韓牛部位，有牛腿肉、牛肩肉、牛頸脊等等，另外都有其他牛，美國牛小排、牛仔肉粒等，韓牛質素都唔差，我地覺得牛肩肉最好食；其他基本肉類，腸仔、豬肉、雞翼都有；除咗肉，都有海鮮任食，蝦、魷魚。任食種類都好多。由於燒太多肉，想食下蔬菜，於是問下可唔可以轉火鍋，原來可以轉的，即係揀咗個雪濃湯底打邊爐，可以將燒烤既韓牛打邊邊，一個會錢兩種食法，抵！

極難食，超唔抵食。d牛成塊冰隊比你，無調味無牛味，一d汁都無，雖然好大塊，但似食紙皮。熟食全部用d韓式汁撈，又係極難食。一粒粒既牛又係極度唔新鮮，燒完唔落d燒汁係無味。雞亦都係，番炸又無雞味，可能唔新鮮。覺得間野用d 下欄野比客人食，收$285 一個人（連加一）真係幾過份。明明食到9:15pm，9pm 已經比張單過黎，一比錢就無通知下火息爐，燒都唔比你燒。完全唔明點解有咁多人讚好，唔好被騙。成間野得菠蘿較為正常。整體黎講，性價比極低，不值一試。

今次食宵夜時段，4個人可以平d。肺話唔講!一般既韓式食品可以再加💰叫生牛肉，A++牛肉等食物。不過我冇試!海鮮類新鮮,肉類冇霉可以,湯類就淡dd,佢哋有自家製食品,唔佢個個喜歡。地方清潔👌。但傾計就唔好啦，因為計時吹收枱。

1++韓牛想食韓牛不一定要飛去韓國，到旺角的「堅韓牛」便可品嚐到，選了1++頂級韓牛餐，午市時段價格為$238，除韓牛外，另一個吸引之處就是可以燒烤後再來火鍋，認真超值。先來了一盤韓牛拼盤，拼盤包含了不同部位，滿滿的油花，油脂分佈均勻，高質的牛肉只需一點鹽來調味就能帶出鮮味。另外附送了一個雞肉蘿蔔石鍋，雖然蘿蔔作為配菜，但非常好吃， 而雞肉嫩滑，味道甜甜的，不錯!落單紙的任點項目包括前菜及熟食，各式肉類，海鮮及蔬菜類，火鍋湯底及火鍋配料，韓式湯類及飯類，最後有一些單點項目，需要額外收費的。熟食: 芝士雞冀 – 雞冀釀得飽滿，炸得香脆，熱辣辣香脆可口。熟食: 煎泡菜餃子 – 大大隻，煎得香囗。任點肉類竟然可以任吃1++韓牛，各式部位任君選擇，品質也不錯。海鮮推介海蝦及帶子，海蝦新鮮夠大隻，無論作燒烤及火鍋都很美味，已加單多次。燒烤後再轉火鍋，感覺燒烤吃了很多肉類，所以火鍋特意點了一些蔬菜平衡一番，火鍋配韓國拉麵一流。飲品櫃有各式罐裝飲品，較特別的是冷泡茶系列，無糖清新，而烏龍茶加入話梅，更可解油膩感。最後甜品試了玄米茶雪糕， 味道似綠菜雪糕，茶味香濃。

上個星期五嚟咗試呢間餐廳，貪呢度可以打邊爐又可以韓燒。鋪頭唔算好大，飲品選擇唔算多,有兩個價錢可以揀美牛或者韓牛，我哋揀咗貴啲嗰隻一嚟到，首先每一款肉都會嚟少少俾我哋試，開頭都覺得好好，看那個品質都幾好之後我哋再叫嗰啲同第一轉完全唔同我每一款牛都叫咗都，韓牛美牛，完全同第一次唔同，都算啦，啲嘢嚟得唔齊,叫咗冇黎,有款熟食問咗啲店員幾時有，係咪冇得供應，都話有整緊，最後埋單都係冇黎到。食完韓燒可以轉做邊爐鍋，我哋揀咗泡菜湯底，我望到個湯真係好鬼失望，個鍋好細,湯似泡菜水多啲，冇咩泡菜味得少少料係入邊，嗰啲火鍋料選擇好少，連豉油碟都冇，呢個所謂雙放題真係麻麻地。Btw 唔會再嚟第二次

老友生日叫我揀間好味又要有韓牛食既又多種類既餐廳同佢慶祝。我二話不說帶佢去食燒肉放題滿足佢嘅要求。這間除燒肉放題外可以打埋邊爐！一開爐就每枱送一碟韓牛。1++韓牛拼盤，唔同部位都有得食。海蝦新鮮大隻、魷魚翼爽脆、帶子鮮嫰、魚塊新鮮幼滑。美國安格斯肉眼扒，色澤分明油膩分佈均勻。食咗一輪韓牛到燒下菠蘿、茄子、翠玉瓜等。韓式雞鍋熱辣辣，雞肉嫰滑醬汁惹味。熟食都有叫，黑椒炒美國安格斯一口牛粒， 牛粒夾蒜片一起食有嚼勁。香蔥海鮮煎餅，煎得香脆又煙韌。芝士雞翼、 前菜菠菜 、雪濃湯另外仲有五花肉、雞中翼等款式很多每樣吃一件已經回本呀! 甜品有雪米糍，我哋仲三款口味食齊添。(綠茶、香芋、荔枝)

我與朋友只是遲了5分鐘左右職員就以惡劣的態度 致電我們 通知我們檯子已經讓了給其他客人。我認為職員處理不夠彈性，其實我們當時已經在餐廳樓下等電梯，並且請求職員把位置留給我們，我們將於到達餐廳，但職員以惡劣的態度告知我們，位置已讓給其他人，並且cut了我線。職員態度惡劣，本人以後亦不會考慮於這餐廳用膳

牛！全部都係牛！同班fd去到旺角食野，講起去韓國旅行嘅韓牛，諗返起都想食~見到堅韓牛有1++頂級韓牛放題，咁就試下啦！我地食得比較夜，meet到第三個時段，所以韓牛放題都只係$248一位，ok平wor~首先黎個石鍋雞，以韓式辣醬煮成嘅雞肉嫩滑多汁，加上辣醬好惹味！1++韓牛拼盤裡面包含牛腩肉、牛肩、雪花牛小排、美國大理石，牛肉雪花分明，香口得黎又唔油膩，返叫左幾轉~安格斯肉眼扒都好吸精，塊牛同塊鐵板差唔多一樣大！除左牛肉，都有一d傳統韓食，好似炒粉絲、年糕、炸雞等等，仲有海鮮tim~食得太多燒嘅食物，就可以轉一轉，換個邊爐，整埋個部隊鍋！飲品都幾多選擇，仲有自家製嘅茶類，唔鍾意飲汽水嘅，都可以有其他選擇環境好韓式，不過有少少迫