埠 (已結業)

位於西灣河碼頭旁的 ，絕對是隱世串燒店。 如果唔係地膽朋友介紹，我應該無緣份食到又抵食、質素高的串燒。室內沒有花巧裝潢，燈光柔和，店子不大，令人感到很舒服。一半是海境， 但一枱難求，必定要訂枱!店員感覺很親切，又會問客人對食物意見，惜得讚賞。 打開餐牌，以食物種類分頁，十分清晰。我們以兩款小食打開味蕾［黑松露枝豆] $48枝豆粒粒飽滿，口感煙煙靱靱富咸香，重點是黑松露的芳香令人情不自禁地將枝豆皮也啜得干干淨淨。 另一味小食是 $78 賣相精緻，雞泡魚干口感煙韌、咸香，用來佐酒一流。 但我地當晚食得健康以茶代酒。 先介紹一下以下幾款串燒，手法主要為鹽烤，令客人可以更真實地吃到食材的原味。大蔥雞腿肉 $24燒過的大蔥好香，配角變成主角；略嫌雞腿肉唔夠大件, 咬落去無咁暢快。 墨魚香腸 $24只看賣相我應該唔會試，不過見店員力推，即管一試。 原來將墨魚打膠後再做成香腸形狀，以墨魚汁封汁，燒到卜卜脆，又咬到彈牙的墨魚肉， 小小鮮味，口感完勝。 豬肉露荀 $37以豬肉薄片包著露荀，豬肉好薄一啲都唔肥，味道不過不失，而且口感削左小小。分別點了兩款瓜類 $24 和 $24兩者比較一定是燒番薯

元宵佳節，同老公拍下拖，浪漫一下💕🌹去咗西灣河碼頭呢間新開嘅餐廳「埠」～ 環境唔錯，餐廳唔算大，但係氣氛感覺好好，日式嘅餐廳，有海景，我哋坐喺窗邊嘅位置，感覺非常好☺️ 餐廳係食日式串燒的，食物選擇好多～ 而串燒係即燒，上枱時會用熱石爐保溫，感覺非常好👍🏻👍🏻👍🏻蟹子沙律 $48好十分精緻，青瓜絲非常幼身，但差不多每條都粗幼一樣😵 口感好好👍🏻 因為幼身，所以沙律醬汁更加均勻，好味👍🏻 牛舌 $45好好味呀😍 牛舌充滿油份，口感非常好，水準之作👍🏻 推介😋美國安格斯肉眼 $81肉質鮮嫩，夠腍又入味，充滿肉汁，好味😋大葱豚面頰 $27蔥同豚肉相間排列，豚肉有油脂而不太肥，大葱唔會好重味，幾夾～ 雞軟骨 $18十分爽口，調味做得好好，而且燒得好香口～ 日本豚五花 $32肉質腍，肉同脂肪比例一半一半，但完全不覺油膩，唔錯～ 雞腿肉 $27燒得好靚😍 皮脆肉嫩，香口又有肉汁，味道好好👍🏻墨魚腸 $32一小段一小段嘅墨魚腸，充滿墨魚汁香味，亦有墨魚肉喺裏面，味道好好👍🏻😋紫蘇梅子雞腿肉 $29仍然都係皮脆肉嫩嘅雞腿肉，但係配上梅子汁又係另一番風味😋 酸酸地嘅梅味，非常開胃，上面鋪上紫蘇，更加特別～

平時跑步會經過西灣河碼頭，見到碼頭對面街有數之不盡嘅餐廳，但女朋友同我講原來碼頭隔離有一間好正嘅日本串燒餐廳，話想試吓，我平時都唔覺有間餐廳喺碼頭旁邊，今日行過去先發現呢件驚天大事件。點解會係驚天？因為無論食物質素、海景等都係一等！真係急不及待介紹俾大家。入面環境寬敞，令人非常舒服，餐廳亦提供一間貴賓房，坐喺窗邊嘅朋友可以望到一望無際嘅傲人海景，感覺上餐廳喺餐具方面也是別出心裁。所以係環境方面，呢間餐廳對於周年紀念，生日晚餐絕對不失禮。餐廳對食物質素亦都非常講究。有別於一般餐廳用碟上串燒，餐廳提供一個石春爐，每當餐廳呈上串燒嘅時候就會放喺石春路上面， 咁樣做嘅話，串燒能夠保持溫度，唔會因為放涼左失去原有既味道。我同女朋友食咗八九款唔同嘅串燒，肉類當然最多。炸雞皮非常脆口，油脂完全溶化，完全唔覺得油膩。牛舌係我平時燒物嘅不二之選，牛舌非常厚切，調味十足，完全唔韌，好味道！帶子雞翼非常特別，係街外未試過，帶子同雞翼嘅口感同味道出乎意料地配合，雞翼外皮非常香脆，但入面雞肉同帶子依然非常好juicy，唔點任何醬汁原汁原味咁食最正。雞軟骨非常香酥，食起嚟非常爽口，脆但唔硬，鹽燒的口感中帶有雞肉的

朋友推薦果然好介紹 三個女人一個墟昨晚初試此串燒餐廳……特色臨海緊貼渡輪及水警碼頭旁，落地玻璃無敵海景，可外出露臺看海， 香港市區難得一見。適合三五好友把酒+串燒暢談，環境氣氛一流 記得訂窗口枱餐廳附一間可容6-8人獨立房。行政總廚匡師傅了得因初次拜訪我們只點了些大路串燒……火喉調味恰到好處，非常香口，完全不用加添調味料。必吃墨魚腸, 雞翼，雞腎 大愛牛舌和粟米。期待下次試其他品種……加上價錢唔算貴，以如此食物及環境質素來說。 推薦

今日介紹大家食既好野係位於碼頭附近既埠～～位置有少少偏，不過保證食過都會覺得行遠少少來食都係值得嫁！！環境有80分，岩哂拍拖喲上菜喇！首先前菜叫左黑松露支豆個支豆好香！同支豆個味出奇地夾，本以為黑松露個味會好搶，但食落個松露香得黎又保得住支豆既小清新，好食！！然後主角好快就出場喇！一串串熱辣辣串燒逐一出場！雞脾肉串 超。好。食！！！好JUICY唔會因為燒左而乾身，同埋個雞真係好脆，啖啖都有聲另外都推介烤豆腐，可能小弟比較少食串燒（？）無遇過燒豆腐。呢個燒豆腐外脆內軟，豆味好香好滑，正！烏冬都係誠意之作喔！原煲上，上面仲有塊傳統腐pi作為·烏冬控表示幸福！食串燒又點少得食牛？呢舊牛粒燒到咁未食落口見到呢個顏色D口水已經出哂黎！牛舌同為必食之選食完一ROUND，為食既我地意猶未盡，想再ENCORE雞肉串，廚師就特別推介我地食埋呢個墨魚腸不過食落我就覺得有點普通，似加左醬汁既墨魚丸咁最後，叫多個嶡餅，呢餐真係大滿足！！後來大廚o係埋單前同我地講，原來食物係有精心按住味道既濃淡而出嫁，佢仲話，有時客人有飲酒味蕾都會唔同左，會因應再調節個鹽份同味道聽完我同朋友都覺得真係好貼心同專業！

食完太安樓，行下海旁發現左呢間餐廳。餐廳開係海旁隔離，入到去餐廳播住輕鬆既音樂，加埋海旁個氣氛，環境無敵，超級浪漫。叫左個火灸鰹魚沙律。鰹魚好靚，入口好甜，而且唔會腥味。沙律醬調得夾，唔會太算，加埋沙律菜一齊食，成個口感好清爽，好開胃。叫左個牛舌。餐廳燒完先擺係石頭上邊恆溫。所以擺係石頭上邊都唔會燒得太老，溫度keep到。牛舌燒得好彈牙，其實餐廳已經加左調味料，唔洗自己再加，個味道已經好甜好好味。之後再黎個A4和牛厚切，成串厚身既和牛，好霸氣。和牛一入口，水份即刻飆左出黎，脂肪分佈真係好均勻。個感覺好似係口腔度爆炸咁，真係好香，好滑但唔油膩。第一次食A4和牛，味道質感真係高質之中既極品，無得輸。整埋串日本豚五花腩。間串燒店真係將所有燒物燒得好好，出邊係脆身，入邊好多水份，再對住個海旁，真係好享受。另外叫埋紫蘇免治雞棒。雞棒好有紫蘇味，好香同埋入邊好有水份。點埋生蛋黃醬，真係好甜。加少少七味粉會辣啲惹味啲，好好食。到我期待既廣島蠔。有兩粒大大粒既蠔燒好擺係眼前。齋睇都已經忍唔住。食落口，蠔果陣味鮮味好濃郁流左出黎。生蠔呢啲海鮮類燒完會提升左陣甜味。呢個蠔真係整得好好味，燒得好有水份，一流

12月及1月份到這新開串燒店與朋友興祝生日。地点在鯉景灣碼頭旁是臨海的建築物，店內有小小的露台，船隻就在旁邊泊岸。阿華師父的水準一流，食物有特色，每枱客人都有一座熱石炉可讓客人保持串燒温度，貼心服務。我最鍾意的食物是 墨魚, 雞翼， 鮑魚……甜品也很好吃！

今晚去開觀塘同朋友行工廈~行完諗緊有咩地方醫肚果陣朋友介紹有個地方岩晒好食, 岩我男友, 同埋抵食三原則~佢就帶左我去搭船去西灣河食平時都好少行到去碼頭果邊一落船就見到~果然好就我地腳由於我地都算早到, 有近海邊既四人位坐, 望夜晚既海境食~先叫一碟松露枝豆食住等其它燒烤就最岩喇~松露味香,食落豆味又會出番黎唔會得是但一隻味, 唔錯~之後就開始正餐燒肉喇~呢度既爐主要係比你KEEP住熱既, 底係熱石, 師傅燒完連爐拎上黎, 唔洗自己燒~調味方便師傅都好講究, 因為我地落單一次過落左雞豬牛乜都有, 侍應上菜果陣同我地解釋話會上一D肉味冇咁濃既雞肉先~如果有人叫酒叫得多既佢地都會相應咁調得濃味少少燒雞翼用香脆嫩滑四字形容非常貼切, 鹽燒燒得好正~中間果串係燒豆腐~ 出面比較少見豆味香, 汁燒得好好食, 唔怪得之同肉差唔多價串雞係雞腿肉串~除左少少汁燒令佢非常香口夠味之餘, 上面果一小塊雞皮簡單係每粒雞既靈魂有油香, 燒得微焦又脆, 而且雞皮既皮下脂肪比佢地處理過絕對冇一般雞皮咁油咁邪惡完全係抵食encore首選呀有串燒, 男人就肯定叫支啤啦揀左手工啤 尾瀨之雪~佢話麥味好香唔苦, 唔平得黎

情人節想浪漫d，有浪漫海境，環境，唔一定係食西餐嘅，食日本串燒一樣得，呢間餐廳食物好之餘，服務又好好，食了一兩樣食物後會問你調味是否合適，會自動好快加茶之餘，如見你杯茶凍咗，會成杯幫你換過杯，定時幫你換過熱嘅石春爐- 接骨木花梳打 $38 - 食串燒配凍飲真係最啱，望住舒服海景飲特別好飲☺️前菜叫咗個牛旁醬油漬 $29 好爽脆，味夠濃串燒上檯時放在熱石春嘅爐，之後每次加串燒都係放喺上面保持溫度👍👍- 京都絹豆腐 $32 ， 2件 - 個樣似炸過嘅豆腐，質地都算滑，個醬汁好味- 豚肉露筍卷 $37 ，4件- 露筍新鮮無渣，豚似不老，個味又幾好- 豬大腸 $27，3件 - 真係燒到個皮脆卜卜，好正呀！😋😋- 牛舌 $45，3件- 有一點點牛羶味- 帶子雞翼 $68， 2件- 帶子釀咗喺雞翼入面，雞皮燒到脆卜卜，正！食落帶子同雞肉肉質唔係太大差別，同咸了一丁點- 溏心鵪鶉蛋，一串4粒， $32，真係好流心，成隻蛋都好入味喎！真係必食😋😋😋- 廣島蠔 $45，2隻大大隻，超多汁，好鮮味，少少調味，味道剛好- 紫蘇梅子雞腿肉 $29，3件，面頭有好多新鮮紫蘇葉絲，個樣已經好靚，雞皮燒到脆卜卜，味道

今日番完教會，想hea下，食餐好少少既lunch。。。於是我地去咗鯉景灣，發現原來碼頭隔離有間日本餐廳，好搞笑。。。間餐廳係個碼頭到，唔留意就真係唔容易發現。我地決定入去try try。。。點知原來係全海景既，好舒服，個景好唔錯。仲有outdoor可以出去吹吹風。跟住，我地叫咗2個set黎試下，嗰waiter話『哩到個墨魚香腸同埋個豆腐係大熱』，同埋原來哩間餐廳係主要食 yakitori，所以我地就叫咗個串燒set！果然冇錯，嗰2串真係好好食，嗰咁普通黎車釐茄都好好味。之後，叫多個蟹肉烏冬拼左口裙邊飯。。。嘩！超正同超低。。。出邊食一件燒左口裙邊壽司都要幾十蚊啦。。。唯一有d唔開心，就係個湯好快就凍咗，所以下次要飲咗先。。。

昨晚好友推介款待，三五知己齊齊去新開的居酒屋，品嚐新頴菜式。據聞剛開業約兩個多月，其主厨於日本學藝，其店舖外貌簡簡單單，只有寫上一個大字，「埠」就是店舖的名字，雖然外貌不揚，但勝在海景景色優美，正位於碼頭邊。店內坐位不多，貴賓房間只得一個，全埸約可容納20多人。若開私人派對，不失為好地方，顧名思義居酒屋，當然不能不吃串燒啦！雖然睇落簡單，但其實要掌握好火候，要燒得食物熟而不乾，又要有啖啖肉質鮮味及鮮嫩多汁的口感，都十分考工夫，少d心機、耐性都燒唔出呢個水準！😌佢都有幾款自家調製飲品、前菜及新穎配搭菜式。例如：自家製紅酒喬頭（開胃爽脆！）自家製串燒墨魚腸（彈牙！🤨）串燒帶子雞亦（去骨雞亦內藏鮮帶子，外滑內鮮，必食之選！）另有串燒流心鵪𪂹蛋（真係好流！😳完全感受到），特別推介個人口味：串燒🐷大腸，驟眼看似一串串燒鰻魚，其外皮脆內軟綿綿的肥膏，比例啱啱好，當然連同秘製醬汁一同燒烤更加惹味！😋最重要係佢有🐷大腸香味，而不是那種臭腥押味，如果嗜食🐷大腸的同道中人，一定會領悟得到箇中味道，送酒一流！👍好友盛情款待，已預訂了鮑魚、皇帝蟹腳及貴妃蚌，因生猛海鮮貨源供應有限，最好預訂為佳，海鮮烹調火候控

今日同朋友途經西灣河去到水警警處海旁，發現到有間小店食串燒。 我地一行四人二話不說就衝左入去，一坐低個侍應就好貼心咁比左杯熱茶同行既女士再問男士們飲唔飲啤酒開始點野食侍應就推介我地食燒鱈場蟹腳，同關東煮，我地緊係唔夠候再叫左羊架同帶子雞翼，仲有A4 和牛同燒牛舌。食到咁上下，朋友仲出左外面望住個靚景"呼吸"，返入黎再戰多個溏心鵪鶉蛋同墨汁腸，最後整多個鍋烏冬完結總結下 野食好正串燒仲會有熱石保持溫度羊架，燒鱈場蟹腳同溏心鵪鶉蛋必食環境氣氛都好好好岩三五知己吹水，如果怕嘈親人仲見佢有間房仔，但得一間可能要打定去book。