影片
更多
2018-03-03
169 瀏覽
平時跑步會經過西灣河碼頭，見到碼頭對面街有數之不盡嘅餐廳，但女朋友同我講原來碼頭隔離有一間好正嘅日本串燒餐廳，話想試吓，我平時都唔覺有間餐廳喺碼頭旁邊，今日行過去先發現呢件驚天大事件。點解會係驚天？因為無論食物質素、海景等都係一等！真係急不及待介紹俾大家。入面環境寬敞，令人非常舒服，餐廳亦提供一間貴賓房，坐喺窗邊嘅朋友可以望到一望無際嘅傲人海景，感覺上餐廳喺餐具方面也是別出心裁。所以係環境方面，呢間餐廳對於周年紀念，生日晚餐絕對不失禮。餐廳對食物質素亦都非常講究。有別於一般餐廳用碟上串燒，餐廳提供一個石春爐，每當餐廳呈上串燒嘅時候就會放喺石春路上面， 咁樣做嘅話，串燒能夠保持溫度，唔會因為放涼左失去原有既味道。我同女朋友食咗八九款唔同嘅串燒，肉類當然最多。炸雞皮非常脆口，油脂完全溶化，完全唔覺得油膩。牛舌係我平時燒物嘅不二之選，牛舌非常厚切，調味十足，完全唔韌，好味道！帶子雞翼非常特別，係街外未試過，帶子同雞翼嘅口感同味道出乎意料地配合，雞翼外皮非常香脆，但入面雞肉同帶子依然非常好juicy，唔點任何醬汁原汁原味咁食最正。雞軟骨非常香酥，食起嚟非常爽口，脆但唔硬，鹽燒的口感中帶有雞肉的
入面環境寬敞，令人非常舒服，餐廳亦提供一間貴賓房，坐喺窗邊嘅朋友可以望到一望無際嘅傲人海景，感覺上餐廳喺餐具方面也是別出心裁。所以係環境方面，呢間餐廳對於周年紀念，生日晚餐絕對不失禮。
餐廳對食物質素亦都非常講究。有別於一般餐廳用碟上串燒，餐廳提供一個石春爐，每當餐廳呈上串燒嘅時候就會放喺石春路上面， 咁樣做嘅話，串燒能夠保持溫度，唔會因為放涼左失去原有既味道。
我同女朋友食咗八九款唔同嘅串燒，肉類當然最多。炸雞皮非常脆口，油脂完全溶化，完全唔覺得油膩。牛舌係我平時燒物嘅不二之選，牛舌非常厚切，調味十足，完全唔韌，好味道！
帶子雞翼非常特別，係街外未試過，帶子同雞翼嘅口感同味道出乎意料地配合，雞翼外皮非常香脆，但入面雞肉同帶子依然非常好juicy，唔點任何醬汁原汁原味咁食最正。
雞軟骨非常香酥，食起嚟非常爽口，脆但唔硬，鹽燒的口感中帶有雞肉的香氣。
豚肉蘆筍卷亦不俗，蘆筍依然保持濕潤，䐁肉同蘆筍嘅份量平均，口感平衡。月見紫蘇免冶雞棒係餐廳建議，依然隱約聞到紫蘇葉香氣，蘸左生蛋黃醬一齊食，味道更加突出。京都絹豆腐也不錯，外皮香口，內𥚃豆腐好滑嫩，本身嘅醬汁亦好味。由於女朋友唔食海鮮嘅關係，我哋淨係叫咗一款關於海鮮既串燒，就係墨魚腸。賣相麻麻，但內裏乾坤，味道一絕，而且墨魚腸入面真係有墨魚㗎！
最重磅嘅串燒登場啦！就係A4和牛啦！非常厚切，非常juicy，入口即溶嗰種感覺到依家仍然係我腦海一直徘徊，震撼左我同女朋友既味蕾，係必食之選。
我哋仲叫咗一個烏冬燒鍋，分量足夠兩位食，烏冬口感非常柔軟，不錯
食串燒當然唔少得有啤酒，我叫左手工啤，名叫尾瀬之雪，入口特別順口，口感非常農郁，充滿啤酒花香。我上網睇香港冇零售店舖賣呢款手工啤，好可惜唯有下次光顧嘅時候再品嚐。
最後食埋蕨餅就完成呢餐完美嘅晚餐。蕨餅係我第一次食，煙煙韌韌，唔太甜。
食完呢餐好似去咗一次味蕾旅行，餐廳無論食物質素，服務同環境都係不能挑剔。
張貼
