城中鴨子

營業中

休息中

城中鴨子最出名就緊係片皮鴨啦，因為係星期六所以特別多人，我地兩個人大概要等30張枱，係出面等位果陣可以係玻璃窗出邊見到一位員工係到切緊啲超級肥美嘅鴨，真係睇見到流晒口水。首先，我哋嗌左半隻片皮鴨，上到嚟先發現原來份量都唔少。佢同一般嘅片皮鴨好唔同，因為佢係一塊塊好肥嘅鴨皮下面擺咗啲厚切嘅鴨肉，鴨肉好香，再用佢嗰塊好煙韌嘅皮去包住肥美嘅鴨皮同埋鴨肉，仲可以包埋青瓜、蔥同埋點佢哋嘅醬汁，真係好好味。另外我哋仲嗌咗土雞湯小雲吞，大概有十粒雲吞，個雞湯底超級香，雲吞皮薄餡靚，唔使5分鐘就已經全部食晒。金華火腿扒津白嘅芡汁好稠，鋪喺上面嘅金華火腿好香口，如果怕食片皮鴨太肥膩，就可以嗌碟菜黎中和一下。最後因為佢本身冇主動提供茶水，所以我哋就嗌咗玫瑰普洱茶。佢根據人數黎放茶包，用茶壺沖好之後，就擺喺蠟燭上面一直加熱，所以可以一邊飲到熱辣辣嘅茶，一邊食好嘢。希望下次可以試吓佢其他出名嘅菜式啦。

一直想食片皮鴨所以專登去食，等左15分鐘左右就可以入席。我地一共叫左3個餸，其中一個係必食既切皮鴨，結果有啲失望。我地叫左半份，2個人食分量是足夠的，而且皮做得很簿，不會有食粉團既感覺。美中不足係啲皮凍得好快，食左頭兩塊之後果啲皮已經凍晒，包住啲切皮鴨黎食好似食緊一塊塊凍餅咁。另一道餸係鮮茄蝦仁鍋巴，普普通通。但值得讚既係個汁鮮茄味很重，分量亦很多。不過鍋巴只有5份，食晒啲鍋巴後個鮮茄汁仲剩反一大半。如可多加一至兩塊鍋巴會更好。最後一道餸係甜酸骨，最好食一道餸。另外我們各點了花茶，味道清香而且可以無限refill, 因為以上幾樣餸都係味道偏濃，所以可以refill 真係好好。整體價錢有點貴，性價比不高，幸好服務尚算好，不過都係食一次就夠。

之前同frd食過一次 超級掛住呢到既片皮鴨上次黎仲係叫美中鴨子 今次已經改左名🤣 除左個名 所有野都冇變過 ～ 我同三個frds差唔多9:00先入座 唔洗點等位 可能因為係閒日一坐低就叫左半隻片皮鴨 雞絲粉皮 小籠包 粉烏冬！ 雞絲粉皮必食 有芝麻醬 好有芝麻香🤩 好適合做前菜 開胃！ 食小籠包次次都要好小心 個皮比較易穿 小籠包入面既湯都好濃 讚 半隻片皮鴨夠四人食 每人三件 鴨皮好脆 肉嫩 成個配搭都好match食三件已經好夠 本身比較麻麻炒烏冬 但呢到既又炒得幾好食🤩 食完一次已經好想再食喇！本身以為人均消費要200蚊 最後$136就搞掂

是日行經海港城 本身想去睇下超級大月亮 但霧太大 然後隨意選擇了一間餐廳晚飯 叫了片皮鴨半隻 酸辣湯 羊肉湯麪 麻婆豆腐 及一個粉絲煲 本身不是太好片皮鴨 但都好耐冇食 就食下 男朋友覺得好美味 我就覺得正常 一般既片皮鴨 皮都脆同薄既 肉質都ok 但相比起之前去北京食 冇嗰種驚喜感覺 但都合格之上另外 我要讚下個酸辣湯 真係俾出面街嗰啲上海菜酸辣湯辣 同埋正 I like然後講下個羊肉湯麪 we both love it 湯底有驚喜 兩個人一致認為最好食羊肉都ok 有烤過既味道 湯底有羊味同烤過羊肉嗰種油脂香味 混埋幾正另外嗰啲都ok ge 麻婆豆腐都似四川口味 同成都食過既 差不多粉絲煲都正常 食得很滿足的一餐

お値段も手ごろで何を食べても美味しいですね。お店の売り、メインの北京ダックは提供までに時間はかかりますが皮がパリパリで身もジューシーです。家族4人なら半身で十分に楽しめます。また、特におススメなのが小籠包。熱々でサーブされ、安い！！汁もたっぷりで食べ応えもあります。中国茶を頼んで、時間をかけながらゆっくりと過ごすのにも居心地の良いお店です。窓からはビクトリアハーバーも見え、観光客にもオススメのお店です。いつも賑わっていますよ！

除咗個水煮魚之後其他都唔錯ge,, 不過個價錢係食地段lo,, 味道其實覺得好一般 (((服務都一般la)))個炒飯幾香ge,, 有蝦同鴨肉絲,, 唔錯個燻魚其實都幾好味,, 不過真係好細舊... 偏油,, 不過如果出街食,, 又係係le d地段ge餐廳,, 我會expect特別d ge煮法。errr... 或者擺碟令d lo.....片皮鴨烤得唔錯ge,, 不過都係唔係話好出色 一講到片皮鴨就諗起佢個d lo。師傅刀功麻麻, 切到d肉好似磚仔唔係薄片同埋好細塊 (((個人喜好薄切同大塊,, 水煮魚真係好唔得似係撈出嚟多過煮,, 得個麻味,, 唔係香辣 水油又係分開ge魚就滑ge,, 不過咁煮法真唔好味 唔會再嗌佢係配粉,, 不過真係齋粉 咩都無 好”掛”,, 如果有返d芽菜呀,, 其他配菜都好呀 .... 算la,, le碟真心唔得

早前，為好姊妹慶祝生日，她指定食這間位於尖沙咀海港城港威商場3樓的美心集團人氣鴨子餐廳 <美中•鴨子>！(我們幫襯的時候仍是未改名！只好直接在新名 <城中鴨子> 打食評吧！食評中的餐牌全是 <城中鴨子>，改名後，不少菜式已加價 $10！)由原先的舊店名 <美中•鴨子> 改為新店名 <城中鴨子>，當時12/3 星期一開張，不過！改名後依然不能訂座，只可以 walk in！至於菜式方面，會加入一些新菜式！當晚星期五放工來到，先到先取籌等叫號碼，要人數到過半，才安排入座！ 我們在晚上 7:00 到齊人，卻要在門外等足個半鐘才安排入座！ (我最辛苦！因為當日穿了高踭鞋！) 大家都沒想到等超過一個鐘啊！供應的美食多元化！ 等候期間，我們已經選定心水美食，一入座即落單，好讓節省時間！依上桌次序：無錫灌湯小籠包 6 隻 $88雖然摺位不工整，勝在筷子夾起來小籠包外皮都無穿無爛，皮薄餡豐，肉汁豐盈， 整隻放入口，在口中充滿肉汁，滿口鮮味！田園蟲草花炒翡翠苗 $118翡翠苗翠綠帶脆，蟲草花帶煙韌，是清一清味蕾的一道清新菜式！

城中鴨子－本身叫美中鴨子嘅時候，朋友已經話好好食。依加見佢翻新左，就諗住試下。個日7點去到已經好多人排隊，等左大約半個鐘入座。佢地嘅小籠包正常，最好食係佢地岀名嘅皮片鴨，好香口，鴨味好濃，兩個人食半隻絕對無問題，下次會同多d朋友一齊去，咁就可以叫多d餸試下。

之前10月個時想食美中鴨子 但係7點好多人入唔到 決定2018 年完結之前一定要食到 個日4點幾去到海港城 發現美中鴨子已經改名左城中鴨子 聞聞職員話5點開始晚市 滿人就開始派飛 周圍行下 到5點再到鴨子 決定食個early dinner🤟🏻烤北京填鴨 半隻 $180到呢到梗係要試下佢地嘅鴨 不過可能因為每檯都叫 等左好耐先到 連隔離遲過我地叫嘅人都到左 我地都未到😕😕 首先佢d 肉好有鴨味 燒得好香 無咩肥 👍🏻唯一唔好就係d 肉同鴨皮分開 而且切得有d 大有d 細 大個d 好難先包到 😕而d鴨皮就好脆 但係應該可以再燒耐dd 因為d 肥膏味好重 食得多都好膩🤭佢個鴨餅感覺上就無咩麵粉嘅感覺 好薄 暖暖地包住鴨肉好食🤪土雞湯小雲吞 $68土雞湯好飲 比起小雲吞更吸引我 🤪雲吞就一般啦 不過份量好充足北京韭黃肉絲炒拉麵 $118本身以為係炸左嘅拉麵配肉絲 黎到就係同上海粗炒差不多😟就係淡味一d 我就加左小小豆瓣醬撈埋一齊食 咁就好食好多👍🏻而佢每一檯都會有一碟前菜 小小麻辣咁 好開胃😚

今日同屋企人係海港城行完街食晏！雖然周圍都係人，但係我哋等左10分鐘就有位！都算好！叫左上海雲吞！雲吞皮幾薄幾滑，都有六至八粒！叫個小籠包，都有六隻！不過食完雲吞感覺有啲似！一個蒸一個煮。最後帶咗個響鈴夾！呢個係我至愛！好香好脆！值得推！大概160hkd

在這裏慶祝同事生日，第壹次來這裏吃，午飯時間人很多，所以只能提早來，總體來說菜式都不錯。最喜歡扁皮鴨，一隻鴨子去骨後，10個同事每人都可以分到2-3塊，皮脆肉嫩，加上薄餅皮，多重口感。

一家人想食北京片皮鴨，之前都食過好幾間唔錯既，但係都想試吓新野，就特登黎呢一間冇得book位嘅餐廳試吓。有app可以拎定飛先，星期三既6點幾7點左右，五個人唔算等左好耐就入咗啦。有啲菜式都幾特別嘅，不過今次唔記得影個餐牌所以唔係好記得啲菜式名。😂同埋最後食個片皮鴨嘅時候因為太吸引，完全唔記得影相掛住食。包片皮鴨即皮係我食過以來最薄嘅，不過隨之而來嘅問題就係好快凍。同我地坐咗喺露天位置，但係對住個超級無敵維港夜景。片皮鴨皮肉分離，兩者都接近冇脂肪👍🏻👍🏻👍🏻呢個係用咗紫色嘅椰菜花炒合桃，全部時蔬都好爽脆，快蓮藕片仲要特登雕咗花，感覺精緻同埋用心。呢個入邊卷住啲菜好清新。呢個係煎蠔餅，煎得好脆身。但係味道偏淡係靠佢嗰兩個醬汁吊味（一鹹一辣）。辣嗰個汁俾我哋清晒👍🏻小籠包個皮好薄要小心夾，個湯真係一流，暫時係我食過嘅小籠包入面最鍾意嘅聞上去好香，但係食落去就唔算好惹味，魚肉都滑嘅👍🏻有粉皮墊底。個蟹鉗都幾好食不過蟹肉嘅部份唔算好多。唯一要講一個唔係咁好嘅地方就係有好明顯嘅人手不足問題，睇侍應都好努力去接待每一個客人，不過人手不足都好明顯睇得出佢哋都好急躁。