城中鴨子

營業中

休息中

Dinner @ 城中鴨子 ~烤北京填鴨：填鴨烤得皮脆肉香，肉質嫩滑，須則未算有驚喜，但都叫合格有餘 ~醉雞：雞肉嫩滑入味，酒香滿溢，略嫌刀功不夠，斬彷拖泥帶水，吃到有不少的碎骨 ~翠紅煨鮑魚：本身鮑魚就夠入味，同個 sauce 好夾，但個蔬菜就好似坐冷板凳的二打六，似是無關係的 ~淮山百合炒蝦球：炒功不俗，蝦球爽口彈牙，同其他食材配料都好夾，味道清而不寡，全晚最欣賞這道菜 ~松子黃魚：魚肉香口鮮美又滑嫩，個 sauce 煮得的甜酸度很平均，味道不會搶走魚的本味，魚肉跟個汁互相輝映，很不錯吃 ~本篇完 ~

用餐90分鐘，但75分鐘已經開始趕人走。簡直不可理喻！叫了片皮鴨，餅皮係凍嘅，口感好硬。所有野都唔熱，唔好食，叫左麵，林得滯。一碗麵100多元，這樣的質素好差。

服務勁差  唔使再嚟  我哋有小朋友所有餐具都冇要濕紙巾係逐張嚟 嗌咗10次咁滯 餐具又唔夠 連食甜品。係居然冇餐具 叫個機械人帶位 機械人停咗喺度。等咗好耐後尾都係要服務員帶位

有朋自遠方來，試吓呢間環境寬敞又算寧靜嘅中餐，咁啱 YUU 有六折，好有驚喜，4人餐都係1千頭，連埋甜品有8樣嘢，抵食又美味前菜係麻辣，我唔食辣，但朋友食到冇停口兩款頭盤有水準，醉雞好入味，青瓜爽甜主角北京田鴨半隻，唔油膩，皮好煙靭個湯好正，好想飲多碗蝦，鮑魚，菇都好大隻第一次咁樣食糖醋魚，好特別嘅食法，鍋巴好脆，啲魚夠熱，食入口熱辣辣但係又要咬碎啲鍋巴有啲論盡，可能鍋巴再索多少少汁先食會好啲甜品桂花拉糕煙靭，不過已經好飽，食唔晒 😝YUU 做緊6折

本身訂了10人近窗枱，點知餐廳記錯，book 遲左半個鐘，仲要俾張近門口六人長枱，部長話就算之後有10人枱都冇得轉返俾我地。其實侍應態度唔錯，但做到索氣，因為餐廳overbook，影響食客體驗。

這間餐廳之前一直要排長龍，而最近6:30pm去吃晚餐，就很快有位。我每次去都必吃北京填鴨和上海小籠包。北京填鴨的水準保持得不錯，皮脆而鴨肉又不太肥膩，但通常吃到最後包鴨的皮和填鴨皮都涼了，那就感覺比較油。如果可以在裝餸的碟下加上保温（如蠟燭）就更好了。

被安排在露台的桌子，上菜時間非常久，先上的兩道菜在室外很快就涼了，烤鴨隔了差不多一個小時才上。服務員態度很差，幾次叫服務員都不來，最後沒辦法走到她身邊去問什麼時候上菜，態度也很差，即使風景很好，服務員態度讓人心情很不好。在室外坐了很久，朋友覺得很冷，菜也冰涼，胃也涼，但不得不繼續坐著等烤鴨。炒飯味道很一般，味道有點太淡，有點乾。茶樹菇翡翠苗這道菜，豌豆苗味道有點奇怪，不好吃。菜的價格也都不低，風景也很好，本來很期待，但是服務員的態度和上菜速度勸退，不會再來。

幫襯過 10 幾次，介紹鼓勵唔少人嚟，包括社會事件期間特登支持！價錢真係唔平，一人份羊肉麵過百，但係如果食得開心係唔會計較，今次講一樣嘢：兩個人坐低，size 係一張棋哥燒鵝嘅兩人對食位，擺低碟烤鴨已經冇位擺其他嘢，同服務員反映，佢哋態度一般，我叫佢取消其他 order，食完呢個即刻走，個女侍應話唔緊要，雖然後來總經理來打圓場，但係呢樣嘢已經足夠令客人唔再返轉頭。 其實隔籬枱兩位女士反應同我哋一樣（左右隔離只係相距大約呎半），兩個人睇見張枱 size 嘅時候同樣嘩一聲！ 大快活嘅兩人枱 size 同佢差唔多，但係人哋成個晚飯套餐只係六十幾。香港飲食業好唔爭氣，以為城中鴨子應該高級啲啦，幫襯多年以來一路目擊服務員都係用同一對手執骨又攞碗筷俾我！🤮（佢戴住手套，直程連洗手嘅意欲都冇埋，佢自己對手就保持乾淨囉。😏）

城中鴨子 是我比較喜歡的一家北京烤鴨店。味道都很有水準👍👍地方空間大，服務態度非常好。剛好有匯豐卡就可以點這個4人餐！超級划算！這麼多菜有8樣菜，四喜拼盤，蜜糖豆炒蝦球，米莧蟹肉鮮魚羹，烤北京填鴨（半隻），翡翠蔥燒海參，油浸荀殼魚，灌湯小籠包，芒果布甸蛋糕。非常吸引北京烤鴨就不用說了，一點也不肥，皮很脆，肉也不柴。最另外驚艷的是油浸荀殼魚，很新鮮，可以做到皮脆外嫩多汁，真的不簡單！這麼多到菜，真的很划算！

又係衝住片皮鴨而嚟嚟呢間食片皮鴨比起同一集團另外一間xx鴨子化算果間野收埋茶芥x2 + 花生埋單要貴$100但2間味道又差唔多.呢間食可以叫佢唔使上茶免收茶界$190/半隻天氣好果陣坐戶外，仲可以有維多利亞夜景/海景睇🌃🌅有其性價！！.講返隻片皮鴨外表賣相吸引金黃色的酥脆鴨皮誘人至極每一口下去,皮脆肉嫩,油香四溢絕佳的口感.不過食到最後都係難逃鴨皮的油分讓人有些許膩既命運所以食半隻都最少要兩個人😂

朋友推介我食呢間片皮鴨，上網Search過原來呢一間系美心旗下的中菜~ 我系平日晚上過嚟，大約7點半左右，門外都好多人等位~ 但都唔算等好耐，十約15-20分鐘就入得~第一樣就當然系Order朋友推介既片皮鴨~ 另外叫左一籠小籠包同埋2個甜品~ 本身比較小食中菜，我都唔知呢一間既片皮鴨算唔算系好食，但以我直觀感受系唔錯既~ 而小籠包入面好多汁，好香~入面既湯汁熱辣辣，皮唔算太厚~ 最另我欣賞既，系佢既甜品-炸雪糕~ 一嚟到賣相好靚就已經贏左我個心，食落去又幾特別，瞬間跑贏左朋友推介既片皮鴨，哈哈~ 而楊枝甘露雪糕就普普通通正正常常~Barbecued peking duck (whole bird)烤北京填鴨 (每隻)HK$388Xiao long bao (6pcs)無錫灌湯小籠包 (6隻)HK$98Deep-fried ice-cream炸雪糕HK$92Chilled sago cream, mango puree, pomelo, ice-cream楊枝甘露雪糕HK$50總括來說，可以嚟食炸雪糕順便食片皮鴨，哈哈~

唔好去食片皮鴨，除非你好鍾意食鴨油。唔好去食片皮鴨，除非你好鍾意食鴨油。唔好去食片皮鴨，除非你好鍾意食鴨油。唔抱期望去食片皮鴨，但食完比想像中更失望。唔係店員叫到，陪下同行友人食鴨，根本唔想去呢間幫襯。以片皮鴨作招牌，但質素咁差，都唔明點解有時可以大排長龍。油淋淋，厚厚鴨油黐實塊皮，想撇都撇唔走。其他餐廳既都可以按自己喜好“減肥”，呢個唔得，咬落去成口油，鴨肉就乾柴，個摩摩皮上枱立即凍晒。呢個價好多同區餐廳都做到，唔洗呢度貼錢買難食。

进店坐下上的小菜，也不说收费，直接上了记账，等我们发现已经退不了，感觉我们是游客就这么坑人，点的400每人套餐，结果上菜速度慢，最后结完账要不是多看一眼，发现还有菜没上，也不给退，服务员非要说我们吃的太快，说是后厨根据差不多的速度给上的，1000多的餐费根本不配

去開Harbour 買嘢，行完已經8:30pm，隨便搵一間餐廳醫肚，見呢間都坐滿人，覺得應該唔太差掛，入去一試。叫咗鴨片頭盤，兩個湯，包括一個「上海大碗雲吞鴨湯」同埋「酸辣湯」，兩個都好飲，尤其是個「酸辣湯」，辣同酸味都好balance，但係收差唔多$80一碗，我就覺得個份量比較少。好耐未食過炸銀絲卷，幾好，個皮夠脆，不過都係份量較細。「嫩雞煨麵」幾好味，反而呢個份量就比較足啦。最另眼相看嘅就係個甜品「炸雪糕」，賣相又靚， 伴碟嘅脆脆同花生都好香口 ， 朱古力味夠濃郁，反而係呢個甜品會令到我想再去。另外個「凍頂烏龍茶」都值得一讚，有回甘味👍🏻

同朋友6點一二到，入面全場爆滿、出面好多好多人排隊！攞左飛行街轉頭返嚟！嘩入到個場又逼又焗又嘈！3人枱根本叫多啲餸都擺唔落，枱好細！乜都叫啲嚟試吓！好老實，真係美心中菜一貫作風！乜都平平無奇。片皮鴨半隻：塊皮好厚又癡住啲紙一撕出嚟爛半塊、鴨皮好油、鴨肉唔香冇鴨味。青瓜擺到乾哂。煎牛肉餅、生煎包普通到唔普通。雞絲粉皮醬撈出水青瓜搞到稀、青瓜🥒唔新鮮，粉皮幼切（睇相… 唔明點解撈開佢咁稀，醬都溝淡埋🤔🤔）飲品同蟹鉗最出色（蟹鉗好巨，彈牙，有蟹肉）但我地明明嚟食片皮鴨，但最唔出色係主角….唔值得排隊食。有限時90分鐘，結果太焗太逼，隔離左右全部遊客！日本韓國客加一大班國內遊客，唔知係咪上左啲咩榜比人推薦嚟香港一定要試？？成場都好嘈。好少香港本地人⋯⋯ 所以呢… 行過海港城見到唔洗排隊呀又想食中菜先嚟啦大家！ 唔好嘥時間等位（朋友影相打卡打得靚，味道方面overall 7分啦）太油太膩又熱、生煎包食淨、蟹鉗、鴨都食淨、全部打包（啲呀姐無視你埋單定攞盒外賣🥡、得啲哥哥仔會理下你）埋單$700+ ，我個人覺得平，但真心！中菜唔洗嚟依度食）