城中鴨子

營業中

休息中

.鴨係咪真係咁好搵？今次帶大家嚟到尖沙咀叫鴨😳，一入到門口就見到一排鴨掛晒喺度，真係氣勢如虹！.北京填鴨（半隻） •（$180）睇個餐廳名就知，依個一定係招牌菜，所以係必叫！等咗約廿分鐘先上菜，都睇得出係設計過食物擺設。半隻鴨嘅份量唔多，兩個人食啱啱好。嫌佢乾身咗少少，不過味道係OK嘅。.土雞湯小雲吞 •（$68）小雲吞嘅價錢相對親民，而且超有驚喜！雞湯濃郁到一個點，雲吞皮薄餡靚，表皮食落滑溜溜，係No.1推介🤤.餐名：以上價錢：$248 + 10%評分：8.5/10餐廳：城中鴨子 (尖沙咀)地址：尖沙咀廣東道3-27號海港城港威商場3樓3319號舖.

Came here with some uni friends today for dinner as everywhere else was packed (unexpectedly on a Thursday night). We ordered a few signature dishes - duck, veggie and pork knuckle! It was great for sharing and food is good with its price. Service can be better though...overall we had a good dinner but there are better options around the surrounding areas!

要講尖東新派或者岩年輕人食既新派中菜，我會推介城中鴨子主打填鴨當然質素不俗，而且份量選擇多，即使二人去都可以叫半份，不用每次都要一大班人食先有得叫。其他食物都唔錯凍盤醉雞夠味浸得又滑叉子燒餅既餡炒得香噴噴又夠份量最估唔到係小籠包既皮薄得泥又超有彈性，一口一隻，十分滿足。

北京烤鴨一直係我最愛食物之一，每次一想食烤鴨，總會聯想起城中鴨子。貪佢環境ok之餘價錢又合理，所以今次妹妹生日飯都簡左食佢。 位於海港城城中鴨子，每次都好多人排隊，收工七點去拿位都等左半個鐘先入到座，一坐低先order 半隻烤鴨，因為製作時間都需要20分鐘，而且兩個人食，半隻其實已經好足夠。另外因為妹妹話想試下其他嘢食，所以我地額外order埋蒜泥白肉同桂花拉糕，水煮魚，小籠包，食量驚人我地當然無浪費全部食曬了。 水煮魚望落好大辣椒其實完全唔辣，蒜泥白肉好油膩，食多兩舊已經好濟。桂花拉糕唔會太甜幾清新，主菜烤鴨一如既往保持到水準，肥瘦適中烤鴨同配菜：青瓜+ 哈密瓜搭配，令成個口感更加夾好推介啊

聽過好多次，呢間城中鴨子好出名好食，今次終於有機會試吓啦！攞咗飛等位，等左一個鐘左右，終於有位。叫咗呢個黑魚子煙燻初生蛋，糖心蛋好香滑，上面有魚子醬，加埋個蛋有少少煙燻嘅味道，味道好match得黎又好開胃。見倒好多人叫咗無鍚灌湯小籠包，我地都跟住叫埋一份，都幾好食！同鼎泰豐小龍包差唔多。仲有川國演義麻辣水煮魚片，味道唔會太咸或者太辣，剛剛好就到香港人嘅口味。到最後，就係最出名嘅烤北京填鴨！ 叫完之後，要等大約20至30分鐘，個鴨皮太乾太油，而且鴨肉唔多。醬汁同配菜都尚算可以，但總體係有少少失望！成餐飯都有驚喜，除咗最出名嘅烤北京填鴨。

同班片皮鴨buddy又黎食鴨🤪今次我地就揀左係海港城既城中鴨子（前身係美中鴨子）。地點非常就腳，餐廳裝修/餐具又好靚。松草花炒翡翠苗，味道幾好，但略嫌油左少少。墨汁蔥油拌麵，完全無墨汁味，只有蔥油味，好普通。小籠包，熱辣辣都多湯汁，皮亦夠薄。水煮魚幾好食，唔會好辣但又夠麻，魚肉好爽滑無骨，底層有薯粉，萵筍同支竹。呢個好味道🥰主角隆重登場🥳，我地四個人叫左一隻鴨。擺碟都好靚，佢係將鴨肉同皮分開左，但鋪返係鴨肉上面，方便一啲唔鍾意食太肥嘅朋友可以剩係揀肉食。不過個餅皮就有啲太薄，朋友話唔係咁中意，但鴨皮好香，蔥同青瓜比例又唔一樣，蔥比較少。應該無下次，食物唔算特別好食，價錢亦唔算相宜，主要都係食環境。最後每人食左around $240。

黎得尖沙咀食野都預左貴，仲要係海港城裹面，下下都高檔野，但都希望質素會比平時食嘅好今日行過呢間，之前聽人講唔錯就黎試下首先黎左個蟲草花炒菜苗味道可以，算炒得幾好，但部分菜苗有d老得濟，我認為選材方面可以再做得好少少，因為呢碟野都差唔多成舊水之後嗌左個粉絲蟹煲，嗌之前問呀姐佢話保證係新鮮蟹，所以就嗌左食落就還好，唔係死蟹但都唔係勁新鮮，應該唔係即叫即劏，而係一早劏左炸好，但都收左差唔多$400生煎包，爆多汁，但皮太厚太甜，不過不失整體而言，呢個價錢可以有更好選擇

之前美心中菜同匯豐信用卡出咗個優惠 食滿六百蚊 用匯豐卡埋單就可以有三百蚊現金券 嚟食嘅呢日就係優惠嘅最後一日啦😺呢間餐廳明顯係主打食鴨嘅菜式 所以我地叫咗 烤北京填鴨半隻🤤 北京填鴨嘅份量話多唔多 份少又唔少 而鴨皮唔會太乾 烤得啱啱好 呢間嘅北京填鴨係傳統食法 即係配薄餅啦 所以配咗青瓜同烤鴨醬 而味道係好傳統 冇咩特別楊柳青青萵苣絲 萵苣實在太少機會有得食啦 今次就要食吓啦 雖然係白灼 冇咩味道 但係爽口嘅口感都幾好😛墨汁炸醬麵 撈勻咗之後炸醬嘅味就唔係好食到 墨汁又係冇乜味嘅 所以成個麵就變成一個普通到不能再普通嘅麵🤕揚州小蔥蝦仁炒飯 都係淡淡地 冇乜味 又係嗰啲冇乜特色嘅菜式😢小鍋蔥香胡椒包 好少見咁細個嘅胡椒包 外層嘅酥皮令到口感多咗層次😮寧波乾炸小黃魚 小黃魚炸得幾乾身 脆卜卜 算係呢餐幾出色嘅👍🏻成餐都係淡淡地 唯一係北京填鴨夠傳統囉

幾年前食呢間個陣仲係叫美中鴨子，突然改名為城中鴨子，仲以為係第二間餐廳餐廳位於海港城三樓，某日行街行到攰攰地就入左去食望個menu同以前一樣除左片皮鴨之外大部分食物都係江浙菜叫左招牌片皮鴨依然keep到水準，鴨味幾好，鴨皮都係脆既，鴨既肥瘦亦都岩岩好呢間d餅皮好薄，同鹿鳴春既餅皮比，簡直係兩個style呢到既甜醬都好香，配菜唔會話擺得好耐乾曬再叫左個鴨湯餛吞呢個菜比到好多驚喜我首先個湯係用鴨架煲入面有好多鴨肉，菜之餘個餛吞都好好味雖然餛吞個皮偏厚但入面d餡救返個餛吞d菜吸曬鴨湯d味道，好好味，高質呀！城中鴨子店入面環境唔錯，比較偏多旅客，服務普通，值得讚既係上菜速度幾快，價錢性價比幾高，畢竟係海港城望到夜景同埋d食物賣象都精緻同埋食完先知原來可以用GULU攞飛大家可以好好善用呢個app haha咁就可以避免排好耐隊啦

朋友推介前嚟，嗰時9點幾先排隊都要等一陣嘅時間。去到嗌咗片皮鴨，小籠包同兩個麵。值得推介係佢個片皮鴨，我地三個人嗌咗半隻，皮幾薄仲有個鴨肉都幾足。羊肉麵我略嫌有少少咸，所以最後我都係專攻淡喞嘅雞湯麵。整睇嚟講幾好，食到最後都因為太飽食唔晒，可以去食下！

星期日差唔多6:00鐘嚟到都要等位 好彩等一陣就有位 本身個staff話有得坐出露台就唔洗等 不過呢個時間都仲好曬好熱 梗係唔坐出面啦 等左一陣就入得 限時90分鐘 呢度d菜都上得幾快 首先叫左個墨汁撈面 味道唔錯 不過有d dry 同埋都幾大碟 跟著叫左個唔知咩鴨子桂花凍 有薯片係底 仲有少少sour cream 痴住 雖然食完一啖一定會散哂🤣 不過都幾夾wo個味 仲擺得好靚添 等左最耐就係片皮鴨 2個人食半隻都會好飽 我個人鍾意落大量醬😋 每人起碼食左5舊 不停包 塊皮都好夠薄 大力少少包就會穿 不過食食下好快會飽 味道係唔錯 推介可以一試👍🏻 食片皮鴨前仲有staff幫我地換左碟先 抵讚

做做下運動，朋友即興約今晚食晚餐。之前經過城中鴨子，覺得幾吸引，便提議食這間餐廳。由於無得訂位，朋友提早到達現場取票。大約等左成30分鐘多就可以入座。醉雞上撒了少許食用玫瑰，聞落酒味香濃，雞肉嫩滑鴨蛋阿仔煎，在外普遍都是用雞蛋的，但這裡是用鴨蛋來代替。我覺得味道普普通通。小籠包，皮薄多汁，點少少醋，正片皮鴨賣相不錯，表面油亮亮的，而且餅皮與餅皮之間都有紙相隔，以色餅皮黏在一起。用正宗食法：先取出餅皮，放青瓜，京蔥，片皮鴨及醬汁一，之後再包住食。味道可以。不過我鍾意單吃片皮鴨比較多。豆沙窩餅，熱騰騰出爐，豆沙唔太甜，餅皮脆脆的。味道可以。

星期六晚大約6時，總共6人，但2個人先到，即使當時已有枱，但起碼要3個人才能先入座。最後人到齊了，再等多15分鐘左右大約6時25分便入座了，用餐限時1個半小時。6個人要了6道菜，分了兩次點菜，食物都來的非常快。除了北京填鴨在最開始時第一道點的，卻在最後一道才來，但所有食物都是不斷接著送到枱的，不需要等待。而店員斟水很勤快，服務還好。6道菜要了一點心、一蛋、一菜、一魚、一鴨和一飯：無錫灌湯小龍包($88/6件)、芙蓉賽螃蟹($148。蛋很滑也很香)、田園蟲草花炒翡翠苗($118。內有少量銀芽，整體這道菜有點油膩)、川國演義麻辣水煮魚片($258。是吃過最不辣的水煮魚，應該大部分人都能吃到。魚片的量十足而且很滑，底下有少量粉皮)、烤北京填鴨($180/半隻，$340/隻。要了前者，包到10件再多了2塊肉)和最後一個鴨肉炒飯($128。炒飯很香，有小量櫻花蝦，鴨肉的量適中)。在改名為城中鴨子後，已來過兩次吃晚飯，第一次是2個人來的，坐在露天的座位，當時已經覺得這裡很可以與家人再來。今次家人都覺得食物不錯，有2個人比較喜歡芙蓉賽螃蟹，另外兩個人就比較喜歡無錫灌湯小龍，而6道菜對6個成人來說已經

一向都有食開美中鴨子，而家改左名叫城中鴨子，應該一樣吧，仍然都係我同朋友聚腳好地方。照舊係Gulu拎左飛，一半人到左先可以入席。一坐低，餐牌都未望就已經落左半份扁皮鴨先。試過要等30分鐘先有!!! 今次好d, 大約20-25分鐘就有。好味! 要皮既有皮，要肉既有肉，切得唔錯! 叫左紫薯包。第一次食，已經覺得好好食。入面都幾多紫薯，趁熱食仲好有紫薯香! 😋😋😋蕃茄鍋巴。正常味道。因為好大碗蕃茄，如果有多幾塊鍋巴會更好! 生炒骨。味道okay, 不過真係名乎其實的"生炒骨"，骨比肉多....水煮魚。愛辣既朋友就覺得好正! 但對唔食辣既我就麻麻，影下相就算啦 😂😂😂總括而言，不錯的晚餐。慶生的話若買美心或東海堂蛋糕可免切餅費。

星期五嘅尖沙咀人山人海要搵間餐廳食飯真係唔容易呀行左好耐終於搵到間比較小人嘅於是拎飛排隊但係都要由8:30等到9:30 終於入到去坐低 地方闊落有好多枱 而且開放式烤鴨 等緊位嘅時候可以睇侍應切鴨解悶由於太多人嘅關係嗌左好耐先有侍應理我哋事不宜遲馬上睇餐牌叫嘢食先隻碟好靚呀小籠包新鮮出爐又熱又多汁皮薄餡靚真係可以媲美出面專系食小籠包嘅地方二弄紅梅子骨炸花枝片炸花枝片好有墨魚鮮味 應該係即叫即炸 食入口仲係脆卜卜 小朋友好鍾意食紅梅子骨比較似咕嚕肉 而且較甜食多幾舊好快會滯茶樹菇上湯翡翠苗翡翠苗有啲苦同埋硬 但茶樹菇幾好食終於到主角片皮鴨唔好睇佢份量少少其實都夠兩個人食我哋叫左半隻鴨有跟12塊皮油香好夠 皮脆肉嫩 口感一流利申:小籠包同片皮鴨比預期中好食兩個人食咗$667仲有少少要打包添餐具上亦都好有心思 環境舒服不過等位時間長 如果同屋企人食最好都係預早book位